• Download our app

Visakhapatnam

News March 8, 2025

కైలాసగిరి రోప్ వే సిబ్బందిపై చర్యలకు ఆదేశాలు

image

కైలాసగిరి రోప్ వే సమీపంలో అగ్నిప్రమాదానికి బాధ్యులైన రోప్ వే సిబ్బందిపై చర్యలు తీసుకోవాలని యాజమాన్యాన్ని వీఎంఆర్డిఏ ఎంసీ విశ్వనాథన్ ఆదేశించారు. ప్రమాద స్థలాన్ని సందర్శించిన ఆయన సంఘటనా స్థలంలో రోప్‌వే వ్యర్థాలను వెంటనే తొలగించాలన్నారు. కైలాసగిరి దుకాణదారులందరూ అగ్ని ప్రమాదాల నియంత్రణ సామాగ్రిని అందుబాటులో ఉంచుకోవాలన్నారు. తరచుగా ఫైర్ ఆడిట్ జరిపించాలని ఆదేశించారు.

News March 8, 2025

గాంధేయవాది దిగుమర్తి సరస్వతి దేవి

image

విశాఖకు చెందిన దిగుమర్తి సరస్వతి దేవి ప్రముఖ గాంధేయవాది. విశాఖ జిల్లా కోర్టులో ఏడు దశాబ్దాల పాటు క్రిమినల్ లాయర్‌గా పనిచేసి విశేషమైన పేరు గడించారు. జాతీయోద్యమ సమయంలో ఆమె గాంధీని రెండుసార్లు కలుసుకున్నారు. ఒక బహిరంగ సభలో ఆమె తన రెండు గాజులు తీసి గాంధీకి ఇచ్చారు. ప్రతిఫలంగా ఏదైనా ఇవ్వాలని కోరినప్పుడు గాంధీ తాను వడికిన నూలు, కుదురు ఇచ్చారు. 2018లో 92 ఏళ్ల వయసులో మరణించారు.

News March 8, 2025

కీటక జనిత వ్యాధుల నియంత్రణపై విశాఖలో శిక్షణ

image

విశాఖలో వైద్య ఆరోగ్య శాఖ సిబ్బందికి శుక్రవారం కీటక జనిత వ్యాధుల నియంత్రణపై శిక్షణ కార్యక్రమం నిర్వహించారు. రాష్ట్ర వైద్య శాఖ అదనపు సంచాలకులు సుభ్రమన్యేశ్వరి పాల్గొన్నారు. ప్రతీ ఒక్కరూ ప్రతీ శుక్రవారం డ్రైడే -ఫ్రై డే పాటించాలన్నారు. యాంటీ లార్వా పద్ధతులు ద్వారా దోమల నిర్మూలన చేయాలన్నారు. నీరు నిల్వ లేకుండా, పరిసరాల పరిశుభ్రత వంటి కార్యక్రమాలపై శిక్షణ ఇచ్చారు. DMHO జగదీశ్వరావు ఉన్నారు.

News March 8, 2025

విశాఖ జూలో రేపు మహిళా జీవవైవిధ్య నడక

image

విశాఖ జంతు ప్రదర్శనశాలలో శనివారం మహిళా దినోత్సవం పురస్కరించుకొని మహిళా జీవవైవిధ్య నడక ఏర్పాటు చేశారు. ఈ మేరకు ఈ కార్యక్రమం ఉదయం 9 గంటల నుంచి 11 గంటల నిర్వహించనున్నట్లు జూ అధికారులు తెలిపారు. దీనికి సంబంధించి ముందస్తు రిజిస్ట్రేషన్ చేసుకోవాలని అన్నారు. మరిన్ని వివరాలకు అధికారులను సంప్రదించాలని కోరారు.

News March 8, 2025

విశాఖ జిల్లాలో రేపు పాఠశాలలకు సెలవు: డీఈవో 

image

విశాఖ జిల్లాలో పాఠశాలలకు రేపు (రెండో శనివారం) సెలవు యథావిధిగా కొనసాగుతుందని డీఈవో ప్రేమ్ కుమార్ తెలిపారు. విద్యా సంవత్సరంలో నిర్దిష్టంగా 220 రోజులు పాఠశాలలు తెరవాల్సి ఉండడంతో తొలుత సెలవు రద్దు చేశామని పేర్కొన్నారు. అయితే మహిళా దినోత్సవం సందర్భంగా మహిళా ఉద్యోగులను దృష్టిలో పెట్టుకొని సెలవు ఇవ్వాలని నిర్ణయించినట్టు వెల్లడించారు.

News March 7, 2025

జన ఔషది కేంద్రాన్ని సందర్శించిన విశాఖ ఎంపీ

image

జిల్లా వైద్య ఆరోగ్య శాఖ ఆధ్వర్యంలో మధురవాడలో జన ఔషది దివస్ కేంద్రం వద్ద జనరిక్ మందుల వాడకంపై అవగాహనా కల్పించారు. ఈ కార్యక్రమంలో విశాఖ ఎంపీ శ్రీ భరత్ పాల్గొని జనరిక్ మందుల గూర్చి అన్ని విషయాలను ప్రజలకు అవగాహన కలుగజేసే గోడపత్రికను ఆవిష్కరించారు. జన ఔషది కేంద్రాలను కేంద్ర ప్రభుత్వం అన్ని జిల్లాలో ప్రారంభించడం జరుగుతుందని ప్రజలు ఈ అవకాశం వినియోగించుకోవాలన్నారు. DMHO జగదీశ్వరరావు ఉన్నారు.

News March 7, 2025

విశాఖ మహిళలను సత్కరించనున్న మంత్రి

image

అంతర్జాతీయ మహిళా దినోత్సవ వేడుకల్ని సిరిపురంలోని చిల్డ్రన్స్ ఏరీనాలో శనివారం ఉదయం 10 గంటలకు జిల్లా యంత్రాంగం ఏర్పాటు చేసింది. ఈ కార్యక్రమానికి జిల్లా ఇన్ ఛార్జ్ మంత్రి డోల బాల వీరాంజనేయ స్వామి హాజరుకానున్నారు.‌ ఈ కార్యక్రమంలో జిల్లాలో వివిధ రంగాలలో ప్రతిభ చూపిన మహిళలను సత్కరిస్తామని కలెక్టర్ హరేంధిర ప్రసాద్ తెలిపారు. సాంస్కృతిక కార్యక్రమాలు, మహిళలకు పోటీలు నిర్వహిస్తామన్నారు.

News March 7, 2025

విశాఖలో 12 మందితో సైబర్ టీం 

image

సైబర్ నేరాలను అరికట్టేందుకు విశాఖ పోలీసులు చర్యలు ముమ్మరం చేశారు. నగరంలోని సైబర్ నేరాలు నివారించేందుకు విశాఖ సీపీ శంఖబ్రత భాగ్చీ కొత్తగా టీం ఏర్పాటు చేశారు. కంప్యూటర్ నైపుణ్యం ఉన్న 12 మందిని ఎంపిక చేసి బి-కేటగిరిలో హోంగార్డు నియామక పత్రాలను శుక్రవారం అందజేశారు. వీరందరి సహకారంతో సైబర్ నేరాలపై అవగాహన, నియంత్రణ చేయనున్నట్లు సమాచారం. ఈ కార్యక్రమంలో డీసీపీ ఇతర అధికారులు పాల్గొన్నారు.

News March 7, 2025

విశాఖ ప్రజలు సహకరించాలి: కలెక్టర్

image

విశాఖలో రేపటి నుంచి సచివాలయ సిబ్బంది ద్వారా P-4 సర్వే నిర్వహిస్తున్నట్లు కలెక్టర్ హరేంద్ర ప్రసాద్ శుక్రవారం తెలిపారు. పేదరికం లేని సమాజ నిర్మాణం లక్ష్యంగా ఈ సర్వే రూపకల్పన చేశామన్నారు. గ్రామ, వార్డు సచివాలయాల సిబ్బంది 27 అంశాలతో సర్వే చేయనున్నారు. పేదరిక నిర్మూలనలో భాగంగా దిగువ స్థాయి కుటుంబాలను గుర్తించేందుకు ఇంటింటికీ వచ్చే సర్వే సిబ్బందికి ప్రజలు సహకరించాలని కలెక్టర్ తెలిపారు.

News March 7, 2025

చందనోత్సవాన్ని విజయవంతం చేద్దాం: ఎమ్మెల్యే గంటా

image

ప్రభుత్వానికి పేరు తెచ్చేలా సింహాద్రి అప్పన్న చందనోత్సవం జరగాలని భీమిలి ఎమ్మెల్యే గంటా శ్రీనివాసరావు అన్నారు. సింహాచలం దేవస్థానం ఎగ్జిక్యూటివ్ ఆఫీసర్‌గా పూర్తి అదనపు బాధ్యతలు తీసుకున్న దేవాదాయ శాఖ రీజనల్ జాయింట్ కమిషనర్ కె.సుబ్బారావు శుక్రవారం ఆయన్ని కలిశారు. ఈ సందర్భంగా ఎమ్మెల్యే మాట్లాడుతూ.. ఏప్రిల్ 30న జరగనున్న చందనోత్సవాన్ని సవాలుగా తీసుకుని జిల్లా యంత్రాంగం సహకారంతో విజయవంతం చేద్దామన్నారు.

Featured News

Sorry, no posts matched your criteria.

↑