India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News March 3, 2025
విశాఖ: నేటి నుంచి ఇంటర్ సెకండ్ ఇయర్ పరీక్షలు
నేటి నుంచి ఇంటర్ సెకండ్ ఇయర్ పరీక్షలు మొదలు కానున్నాయి. అయితే ఈరోజు నుంచి మార్చి 15వ తేదీ వరకు సెకండ్ ఇయర్ పరీక్షలు జరగనున్నట్లు బోర్డు అధికారులు తెలిపారు. విశాఖ జిల్లాలో మొత్తం 87 పరీక్ష కేంద్రాలలో 40,744 మంది విద్యార్థులు పరీక్షలు రాయనున్నట్లు తెలిపారు. వీరిలో బాలురు 21,464 ఉండగా బాలికలు 19,280 మంది ఉన్నారు. 15 నిమిషాలు ముందుగా పరీక్ష కేంద్రాలకు విద్యార్థులు చేరుకోవాలన్నారు.
News March 3, 2025
విశాఖలో విదేశీయుల నాటక ప్రదర్శన
సాగర్ నగర్‌లోని ఇస్కాన్ మందిరంలో ఆదివారం రాత్రి నిర్వహించిన వామన దేవుని అవతారం అంతర్జాతీయ నాటకంలో కళాకారుల ప్రదర్శన అబ్బురపరిచింది. విదేశాలకు చెందిన కళాకారులు భారతీయ సాంప్రదాయాన్ని, ఇతిహాసాలను అద్భుతంగా ప్రదర్శించిన ఈ నాటకం ప్రేక్షకులను ఆద్యంతం అలరించింది. దక్షిణాఫ్రికా, కెనడా, అమెరికా నుంచి వచ్చిన కళాకారుల బృందం కెనడాకు చెందిన స్వామి మహారాజ్ మార్గదర్శకత్వంలో ప్రదర్శించి ప్రశంసలు అందుకున్నారు.
News March 3, 2025
నేడే ఓట్ల లెక్కింపు.. ఏయూలో ఆంక్షలు..!
టీచర్స్ MLC ఎన్నికల ఓట్ల లెక్కింపు AUలో ఈరోజు ఉ.8 గంటలకు ప్రారంభం కానుందని కలెక్టర్ హరేంద్ర ప్రసాద్ తెలిపారు. లెక్కింపు సందర్భంగా ఏయూ పరిసర ప్రాంతాలలో ఉ.6 నుంచి కఠిన ఆంక్షలు అమలులో ఉంటాయన్నారు. నలుగురు కన్నా ఎక్కువ మంది గుంపుగా తిరుగుట నిషేధమన్నారు. మొత్తం 20,783 మంది ఓటర్లు ఓటు హక్కును వినియోగించుకున్నారు. ఈరోజు మద్యం షాపులు బంద్ కాగా.. గెలిచిన అభ్యర్థులకు విజయోత్సవ ర్యాలీలు అనుమతి లేదన్నారు.
News March 3, 2025
విశాఖలో రౌడీ షీటర్లకు పోలీసుల కౌన్సెలింగ్
విశాఖ నగర పోలీస్ కమిషనర్ శంఖబ్రత బాగ్చి ఆదేశాల మేరకు నగర పరిధిలోని పలు పోలీస్ స్టేషన్లలో రౌడీ షీటర్లకు పోలీసులు ఆదివారం కౌన్సెలింగ్ నిర్వహించారు. రౌడీ షీటర్లు సత్ప్రవర్తనతో మెలగాలని ఆదేశించారు. లా అండ్ ఆర్డర్‌కు భంగం కలిగించే విధంగా వ్యవహరిస్తే కఠిన చర్యలు తీసుకొని, పీడీ యాక్ట్ అమలు చేస్తామన్నారు. రౌడీ షీటర్ల మీద నిత్యం పోలీసుల నిఘా ఉంటుందన్నారు.
News March 3, 2025
VSKP.. మధురానగర్‌లో బంగారం చోరీ
విశాఖలోని మధురానగర్ రాధవ్ మాధవ్ టవర్స్‌లో దొంగలు పడ్డారు. ఇంటి యజమానికి కృష్ణ కాకినాడలో బంధువులు ఇంటికి వెళ్లారు. అయితే ఇంటి తాళాలు విరగ్గొట్టి ఉన్నాయని ఎదురిటివారు కృష్ణకు ఆదివారం ఫోన్ చేశారు. దీంతో వెంటనే బంధువులతో కలిసి వచ్చి చూడగా ఇంట్లో 23 తులాల బంగారు ఆభరణాలు, రూ.లక్ష నగదు చోరీకి గురైనట్లు గుర్తించిన బాధితుడు పోలీసులకు ఫిర్యాదు చేశాడు.
News March 2, 2025
విశాఖ జిల్లాలో టుడే టాప్ న్యూస్
➤ ఏయూతో కలిసి పనిచేయడానికి ఐడీసీ సిద్ధం
➤ విశాఖ రేంజ్‌లో ఎస్ఐలుగా బావ, బామ్మర్ది
➤ ఏయూ శతాబ్ది ఉత్సవాలలో ప్రతీ ఒక్కరూ కీలక భూమిక పోషించాలి: వీసీ
➤ బడి రుణం తీర్చుకుంటున్న గాజువాక పూర్వ విద్యార్థులు
➤ రేపటి నుంచి ప్రారంభం కానున్న ఇంటర్ ద్వితీయ సంవత్సర పరీక్షలు
➤ రేపు ఉదయం 8 గంటలకు ప్రారంభం కానున్న ఎమ్మెల్సీ ఎలక్షన్ కౌంటింగ్
News March 2, 2025
విశాఖ మీదుగా వెళ్లే పలు రైళ్ల నంబర్లు మార్పు
విశాఖ మీదుగా వెళ్లే పలు రైళ్లకు నంబర్లు మార్చడం జరిగిందని వాల్తేర్ డివిజన్ డీసీఎం సందీప్ తెలిపారు. మార్చ్ 7 నుంచి భువనేశ్వర్ – రామేశ్వరం ఎక్స్ ప్రెస్‌కు(20849/50), మార్చ్ 4 నుంచి భువనేశ్వర్-పుదుచ్చేరి ఎక్స్ ప్రెస్‌కు(20851/52), మార్చ్ 6 నుంచి భువనేశ్వర్ – చెన్నై సెంట్రల్ ఎక్స్ ప్రెస్‌కు(20853/54) గా సవరించారన్నారు. ప్రయాణికులు ఈ విషయాన్ని గమనించాలన్నారు.
News March 2, 2025
విశాఖ రేంజ్‌లో ఎస్ఐలుగా బావ బామ్మర్ది..!
విశాఖ రేంజ్‌లో బావ బామ్మర్దులు ఎస్‌లుగా రిపోర్ట్ చేశారు. అనకాపల్లి జిల్లా రావికమతం మండలం పి.పొన్నవోలుకి చెందిన పులఖండం నాని, కొరసాల దుర్గాప్రసాద్ ఎస్ఐలుగా ఎంపికయ్యారు. రైతు కుటుంబానికి చెందిన వీరు వరుసకు బావమరుదులు అవుతారు. అనంతపురంలో 52 వారాల శిక్షణ పూర్తి చేసుకున్న వీరిద్దరూ ఆదివారం విశాఖ రేంజ్‌లో రిపోర్ట్ చేశారు. ఇద్దరూ ఒకేసారి ఎంపికవ్వడంతో గ్రామస్థులు హర్షం వ్యక్తం చేస్తున్నారు.
News March 2, 2025
ఏయూతో కలిసి పని చేయడానికి ఐడీఎస్ సిద్ధం: గాలబ్
ఇనిస్టిట్యూట్ ఫర్ డెవలప్మెంట్ స్టడీస్ ఆంధ్ర ప్రదేశ్ ప్రతినిధుల బృందం ఏయూ వైస్ ఛాన్సలర్ ఆచార్య జి.పి రాజశేఖర్‌తో ఆదివారం మర్యాదపూర్వకంగా భేటీ అయ్యారు. సంస్థ డైరెక్టర్ ప్రొఫెసర్ ఎస్.గాలబ్ ఆచార్య రొక్కం రాధాకృష్ణ ప్రసంగాలు, పరిశోధనకు సంబంధించిన పుస్తకాన్ని బహుకరించారు. ఆంధ్ర విశ్వవిద్యాలయంతో కలసి పనిచేయడానికి తాము సిద్ధంగా ఉన్నామని ఆయన తెలిపారు. పరిశోధన, బోధనా రంగాల్లో తాము సేవలందిస్తామన్నారు.
News March 2, 2025
బైక్ రేసర్ల ఆటకట్టించిన విశాఖ పోలీసులు
విశాఖలో బైక్ రేసర్ల ఆగడాలకు పోలీసులు చెక్ పెట్టారు. ప్రశాంతంగా ఉండే సాగరతీరంలో రాత్రి పగలు తేడా లేకుండా బైక్ రేసర్లు రెచ్చిపోతున్నారు. దీంతో నగరవాసులతోపాటు పర్యాటకులు తీవ్ర ఇబ్బందులు పడుతున్నారు. స్థానికుల నుంచి ఫిర్యాదులు కూడా వెళ్లాయి. దీంతో ఎంవీపీ త్రీ టౌన్ పరిధిలో అప్పుఘర్, ఆర్కే, నావెల్ ఏరియా, సాగర్ నగర్ బీచ్ ప్రాంతాల్లో పోలీసులు నిఘాపెట్టి 50 బైకులు స్వాధీనం చేసుకున్నారు.
Featured News
Sorry, no posts matched your criteria.