India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News July 20, 2024
మార్పు మొదలైంది: మంత్రి లోకేశ్
ఏయూలో గతంలో ఏర్పాటు చేసిన ఇనుప బారికేట్లను, గేట్లను తొలగించడంపై మంత్రి నారా లోకేశ్ స్పందించారు. ఏయూ పరిపాలన భవనంలోకి విద్యార్థులు రాకుండా గతంలో ఏర్పాటు చేసిన ఇనుప అడ్డంకులను తొలగించినందుకు ఇన్‌ఛార్జ్ వీసీ ఆచార్య శశిభూషణ్ రావును ‘ఎక్స్’ వేదికగా అభినందించారు. బారికేడ్లు, దిగ్బంధం రోజులు పోయాయని మార్పు ప్రారంభమైందంటూ ఆయన వ్యాఖ్యానించారు.
News July 20, 2024
నేడు విశాఖ జిల్లాలో పాఠశాలలకు సెలవు
జిల్లాలో కురుస్తున్న భారీ వర్షాలు, సింహాచలం గిరి ప్రదక్షిణ కార్యక్రమం నేపథ్యంలో శనివారం జిల్లాలోని అన్ని పాఠశాలలకు సెలవు ప్రకటించినట్లు జిల్లా కలెక్టర్ ఎం.ఎన్.హరేంద్రప్రసాద్ ఒక ప్రకటనలో తెలిపారు. ఈ మేరకు జిల్లా విద్యాశాఖ అధికారులు అన్ని పాఠశాల యాజమాన్యాలకు కలెక్టర్ ఉత్తర్వులు పంపారు. పాఠశాలకు కచ్చితంగా సెలవు ఇవ్వాలని సూచించారు. వర్షాల దృష్ట్యా అల్లూరి జిల్లాలోని స్కూల్లకు కూడా సెలవు ప్రకటించారు.
News July 20, 2024
భీమిలి: ఎర్రమట్టి దిబ్బల తవ్వకాలపై సీఎంఓ ఆదేశం
ఎర్ర మట్టి దిబ్బల తవ్వకాలను వెంటనే ఆపివేయాలని సీఎంఓ విశాఖ జిల్లా యంత్రాంగాన్ని ఆదేశించింది. జాయింట్ కలెక్టర్ మయూర్ అశోక్ ఆ ప్రాంతాన్ని సందర్శించి ఎంత మేర తవ్వకాలు జరిగాయనే విషయంపై విచారణ నిర్వహించి నివేదిక ఇవ్వాలని ఆదేశించింది. భీమిలి హౌసింగ్ బిల్డింగ్ సొసైటీ ఎటువంటి అనుమతులు తీసుకోకుండా భూములను చదును చేయడం ఉల్లంఘన కిందకే వస్తుందని జిల్లా యంత్రాంగం భావిస్తోంది.
News July 20, 2024
సింహాచలం గిరి ప్రదక్షణకు 2,600 మందితో బందోబస్తు
సింహాచలం సింహాద్రి అప్పన్న గిరి ప్రదక్షిణకు 2600 మంది పోలీసులతో పటిష్టమైన బందోబస్తు ఏర్పాట్లు చేసినట్లు నగర పోలీస్ కమిషనర్ శంఖబ్రత భాగ్చీ తెలిపారు. నగరంలో శాంతి భద్రతలు, క్రైమ్, మరియు ట్రాఫిక్ సిబ్బంది అధికారులు పూర్తి సమన్వయంతో పనిచేస్తూ భక్తులకు ప్రజలకు ఎటువంటి అసౌకర్యం కలగకుండా చూడాలన్నారు. పుణ్య స్థానాలు ఆచరించే భక్తులను ఎప్పటికప్పుడు అప్రమత్తం చేయాలన్నారు.
News July 20, 2024
సింహాచలం గిరిప్రదక్షిణకు ఏర్పాట్లు పూర్తి
గిరి ప్రదక్షిణకు ఏర్పాట్లు పూర్తి చేసినట్లు ఆలయ అధికారులు తెలిపారు. గిరి ప్రదక్షిణ జరిగే 32 కిలోమీటర్ల పరిధిలో 29 చోట్ల 290 తాత్కాలిక మరుగుదొడ్లను ఏర్పాటు చేసినట్లు తెలిపారు. 11 మెడికల్ క్యాంపులను నిర్వహిస్తున్నామన్నారు. 390 ఎల్ఈడి లైట్లు అమర్చినట్లు తెలిపారు. 9 జనరేటర్స్ సిద్ధం చేశామన్నారు. కొండ దిగువన పోలీస్ కంట్రోల్ రూమ్ ఏర్పాటు చేశామన్నారు.
News July 19, 2024
గిరి ప్రదక్షిణకు వెళ్తున్నారా.. ఈ నంబర్లు సేవ్ చేసుకోండి..!
సింహాచలం గిరి ప్రదక్షిణకు అధికారులు ముమ్మర ఏర్పాట్లు చేస్తున్నారు. 32 కిలో మీటర్ల మేర సాగే నడక మార్గంలో అత్యవసర పరిస్థితులు ఎదురైతే ఈ క్రింది నంబర్లను సంప్రదించాలని అధికారులు సూచించారు.
➣ సింహాచలం దేవస్థానం: 0891-2954944/9390501082
➣ జీవీఎంసీ కమాండ్ కంట్రోల్ సెంటర్:1800-42500009
➣ వాటర్ సప్లై&పబ్లిక్ హెల్త్ డిపార్ట్మెంట్: 0891-2869111
➣ విశాఖ పోలీస్: 9390105353/9330105355
>>> Share it
News July 19, 2024
గిరి ప్రదక్షిణపై కలెక్టర్ టెలికాన్ఫరెన్స్
గిరి ప్రదక్షిణపై విశాఖ జిల్లా కలెక్టర్ హరీంద్ర ప్రసాద్ శుక్రవారం సాయంత్రం కలెక్టరేట్ నుంచి వివిధ శాఖల అధికారులతో టెలికాన్ఫరెన్స్ నిర్వహించారు. 20వ తేదీ ఉదయం గిరిప్రదక్షిణ ప్రారంభం అవుతున్న నేపథ్యంలో శుక్రవారం రాత్రికి ఏర్పాట్లు అన్ని పూర్తి చేయాలని ఆదేశించారు. భక్తులకు ఏమాత్రం అసౌకర్యం కలగకుండా అధికారులు జాగ్రత్తలు తీసుకోవాలన్నారు. ఇప్పటివరకు జరిగిన ఏర్పాట్లను అడిగి తెలుసుకున్నారు.
News July 19, 2024
విశాఖ మెడ్ టెక్ జోన్‌ను సందర్శించిన రాష్ట్ర మంత్రి
విశాఖ ఉక్కు నగరం పరిధిలో ఉన్న ఏపీ మెడ్ టెక్ జోన్‌ను రాష్ట్ర ఎం.ఎస్.ఎం.ఈ, సెర్ప్ శాఖ మంత్రి కొండపల్లి శ్రీనివాస్ శుక్రవారం సాయంత్రం సందర్శించారు. అక్కడ వివిధ కంపెనీల ఆపరేషన్స్ ప్రక్రియలను పరిశీలించారు. వైద్య పరికరాల తయారీకి సంబంధించిన వివిధ కంపెనీలను సందర్శించి కంపెనీల సీఈవోలతో ఆత్మీయంగా భేటీ అయ్యారు. అక్కడున్న వసతులు, కంపెనీలు, ఉద్యోగులు ఇతర వివరాలను అడిగి తెలుసుకున్నారు.
News July 19, 2024
హోంమంత్రి నెలరోజుల పనితీరుకు మీరిచ్చే మార్కులెన్ని?
హోం మంత్రిగా పాయకరావుపేట ఎమ్మెల్యే వంగలపూడి అనిత బాధ్యతలు చేపట్టి నేటితో నెల రోజులైంది. ఉమ్మడి విశాఖ నుంచి హోం మంత్రిగా బాధ్యతలు చేపట్టిన మొదటి మహిళ ఈమె.100 రోజుల ప్రణాళికతో గంజాయిపై ఉక్కుపాదం మోపుతున్నారు. అయితే కూటమి ప్రభుత్వం వచ్చాక రాష్ట్రంలో శాంతిభద్రతలకు విఘాతం ఏర్పడిందని.. అత్యాచారాలు, హత్యలు పెరిగాయని వైసీపీ ఆరోపిస్తోంది. మరి మంత్రి నెలరోజుల పనితీరుకు 10కి మీరిచ్చే మార్కులెన్ని?
News July 19, 2024
20, 21 తేదీల్లో సిఫార్సు లేఖలు అనుమతించబడవు: ఈవో
సింహాచలం ఆలయంలో ఈనెల 20, 21 తేదీల్లో సిఫార్సు లేఖలు అనుమతించబడవని ఆలయ ఈవో శ్రీనివాసమూర్తి తెలిపారు. 20న గిరి ప్రదక్షిణ 21న ఆషాడ పౌర్ణమి మరియు చందన సమర్పణ సందర్భంగా లక్షలాది సంఖ్యలో భక్తులు స్వామివారి దర్శనానికి వస్తారని అన్నారు. ఈ కారణంగా సిఫార్సులకు అనుమతించమని స్పష్టం చేశారు. అలాగే కొండపైకి ఏ విధమైన వాహనాలకు అనుమతి లేదన్నారు.
Featured News
Sorry, no posts matched your criteria.