India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News October 23, 2024
విశాఖ స్టీల్ ప్లాంట్ కార్మికుల సమ్మె రద్దు
ఈ నెల 28వ తేదీన స్టీల్ ప్లాంట్ కార్మిక సంఘాలు తలపెట్టిన సమ్మె రద్దయింది. ఈ మేరకు మంగళవారం స్టీల్ ప్లాంట్ లో జరిగిన అఖిల పక్ష కార్మిక సంఘాల సమావేశంలో ఈ మేరకు తీర్మానం చేశారు. ప్లాంట్ పరిస్థితి దృష్ట్యా యజమాన్యం అభ్యర్థన మేరకు సమ్మె చేయకూడదని కార్మిక సంఘాలు నిర్ణయించాయి. ఆ రోజు సమ్మెకు బదులుగా అడ్మిన్ బిల్డింగ్ వద్ద ధర్నా నిర్వహించాలని తీర్మానంలో పేర్కొన్నారు.
News October 23, 2024
నాలుగు గంటలు ఆలస్యంగా బొకారో
పలురైళ్లు బయలుదేరే సమయాలను మార్పు చేసినట్లు వాల్తేరు సీనియర్ డీసీఎం కె. సందీప్ తెలిపారు. అల్పూజా-ధన్బాద్(13352) బొకారో ఎక్స్ ప్రెస్ ఈరోజు ఉదయం 6 గంటలకు బదులు 4.10గంటలు ఆలస్యంగా ఉదయం 10.10 గంటలకు బయలుదేరేలా మార్పు చేశారు. ప్రయాణీకులు ఈ మార్పును గమనించి తదనగుణంగా తమ ప్రయాణాన్ని మార్పు చేసుకోవాలని సూచించారు.
News October 23, 2024
విశాఖ: డిసెంబర్ 14న జాతీయ లోక్ అదాలత్
విశాఖ జిల్లా న్యాయ సేవాధికార సంస్థ ఆధ్వర్యంలో డిసెంబర్ 14న జాతీయ లోక్ అదాలత్ అన్ని న్యాయస్థానాల్లో నిర్వహించనున్నారు. కోర్టుల్లో పెండింగ్ కేసులు, సివిల్, చెక్ బౌన్స్, బ్యాంకింగ్, మోటార్ ప్రమాదాల నష్ట వ్యవహారాల కేసులు, బ్యాంక్ మనీ రికవరీ కేసులు, కార్మిక, కుటుంబ తగాదాలు, పారిశ్రామిక వివాదాల కేసులు పరిష్కరించుకోవచ్చునని జిల్లా న్యాయ సేవాధికార సంస్థ తెలిపింది.
News October 23, 2024
అనకాపల్లి: ‘ప్రయాణికులకు మెరుగైన సౌకర్యాలు కల్పించాలి’
రైల్వే ప్రయాణికులకు మెరుగైన సౌకర్యాలు కల్పించాలని రైల్వే స్టాండింగ్ కమిటీ ఛైర్మన్ అనకాపల్లి ఎంపీ సీఎం రమేశ్ సూచించారు. మంగళవారం ఢిల్లీ పార్లమెంట్ భవనంలో రైల్వే స్టాండింగ్ కమిటీ సమావేశానికి ఆయన అధ్యక్షత వహించారు. 2024-25 సంవత్సరానికి సంబంధించి బడ్జెట్ ఇతర అంశాలపై ఆయన సమీక్షించారు. రైల్వే వ్యవస్థ కార్యకలాపాల్లో భాగంగా భద్రతను పెంపొందించాలన్నారు.
News October 22, 2024
జల వనరుల నిర్వహణలో ఉత్తమ జిల్లాగా విశాఖ
జల వనరుల నిర్వహణలో ఉత్తమ జిల్లాగా విశాఖ ఎంపికైంది. ఈ నేపథ్యంలో మంగళవారం ఢిల్లీలో భారత రాష్ట్రపతి చేతుల మీదుగా జాతీయ నీటి అవార్డును విశాఖ కలెక్ట‌ర్ ఎం.ఎన్.హ‌రేంధిర ప్ర‌సాద్ అందుకున్నారు. ఈ మేరకు భారత రాష్ట్రపతి ద్రౌపది ముర్ము చేతుల మీదుగా ఆయన ప్రశంసా పత్రాన్ని స్వీకరించారు. ఈ సందర్భంగా పలువురు కలెక్టర్‌కు అభినందనలు తెలిపారు.
News October 22, 2024
విశాఖ: ఈనెల 23,24,25 తేదీలలో రైల్లు రద్దు
దానా తుఫాన్ నేపథ్యంలో ఈనెల 23 ,24, 25 తేదీల్లో పలు ట్రైన్లను రద్దు చేస్తున్నట్లు సీనియర్ డివిజనల్ కమర్షియల్ మేనేజర్ కే.సందీప్ మంగళవారం వెల్లడించారు. తుఫాను నేపథ్యంలో ముందస్తుగా 23న సికింద్రాబాద్- భువనేశ్వర్- విశాఖ, హౌరా మెయిల్‌తో సహా 16, 24న హౌరా-MGR చెన్నై, విశాఖ భువనేశ్వర్ వందేభారత్, పూరి- తిరుమల సహా 35, 25న 11 ట్రైన్లు రద్దు చేస్తున్నట్లు తెలిపారు. ప్రయాణికులు దీనిని గమనించాలని ఆయన కోరారు.
News October 22, 2024
విశాఖ: ఈనెల 23,24,25 తేదీలలో రైల్లు రద్దు
దానా తుఫాన్ నేపథ్యంలో ఈనెల 23 ,24, 25 తేదీల్లో పలు ట్రైన్లను రద్దు చేస్తున్నట్లు సీనియర్ డివిజనల్ కమర్షియల్ మేనేజర్ కే.సందీప్ మంగళవారం వెల్లడించారు. తుఫాను నేపథ్యంలో ముందస్తుగా 23న సికింద్రాబాద్- భువనేశ్వర్- విశాఖ, హౌరా మెయిల్‌తో సహా 16, 24న హౌరా-MGR చెన్నై, విశాఖ భువనేశ్వర్ వందేభారత్, పూరి- తిరుమల సహా 35, 25న 11 ట్రైన్లు రద్దు చేస్తున్నట్లు తెలిపారు. ప్రయాణికులు దీనిని గమనించాలని ఆయన కోరారు.
News October 22, 2024
విశాఖ జిల్లాలోని మూడు కాలేజీల్లో నైట్ క్లాసెస్
10, ITI వరకే చదివి ఉద్యోగాలు చేస్తున్న వారు <<14419916>>పాలిటెక్నిక్ కోర్సు <<>>పూర్తి చేయవచ్చు. వీరికి సాయంత్రం 6 గంటల నుంచి 9 గంటల వరకు క్లాస్‌లు నిర్వహిస్తారు. ఆదివారం పూర్తిగా తరగతులు ఉంటాయి. విశాఖ గవర్నమెంట్ కెమికల్ ఇన్‌స్టిట్యూట్‌లో కెమికల్ ఇంజినీరింగ్ కోర్సు, అచ్యుతాపురం ప్రశాంతి కాలేజ్‌లో సీఈ, ఎంఈ కోర్సులు, విశాఖలో బెహర శుభాకర్ కాలేజ్‌లో ECE,EEE,ME కోర్సులు అందుబాటులో ఉన్నాయి. >Share it
News October 22, 2024
విశాఖ: మిగుల సీట్ల భర్తీకి దరఖాస్తులు ఆహ్వానం
ఐటిఐల్లో మిగులు సీట్ల భర్తీకి దరఖాస్తులను ఆహ్వానిస్తున్నట్లు ప్రిన్సిపల్ శ్రీకాంత్ ఒక ప్రకటన తెలిపారు. ఆసక్తిగల అభ్యర్థులు ఈ నెల 26 లోగా దరఖాస్తు చేసుకోవాలన్నారు. ఇప్పటివరకు నాలుగు విడతల్లో కౌన్సిలింగ్ నిర్వహించినట్లు పేర్కొన్నారు. ఈ నెల 28న ప్రభుత్వ ఐటీఐలకు, 30న ప్రైవేటు ఐటీఐలకు కౌన్సిలింగ్ నిర్వహిస్తామన్నారు. అభ్యర్థులు దరఖాస్తు చేసుకున్న కళాశాలలో కౌన్సిలింగ్‌కు హాజరు కావాలన్నారు.
News October 22, 2024
విశాఖ: కన్నపేగుకు కడుపుకోత మిగల్చొద్దు..!
క్షణికావేశంలో నువ్వు తీసుకున్న నిర్ణయం..నీపై ఆశలుపెట్టుకున్న వారిని జీవితాంతం వేధిస్తుందని గుర్తు పెట్టుకో. నచ్చిన ఫోన్ కొనివ్వలేదనో.. పార్టీకి డబ్బులివ్వలేదనో.. నీ ప్రేమను అంగీకరించలేదనో ప్రాణం తీసుకుని కన్నపేగుకు కడుపుకోత మిగల్చొద్దు. వంటమాస్టార్‌గా పని చేస్తూ కుటుంబాన్ని పోషిస్తున్న తన తండ్రి బర్తడే పార్టీకి డబ్బులివ్వలేదని నిన్న విశాఖలో ఓ ఇంటర్ విద్యార్థి సూసైడ్ చేసుకున్న సంగతి తెలిసిందే.
Featured News
Sorry, no posts matched your criteria.