India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News December 20, 2024
మావోయిస్టులు వస్తారు.. జాగ్రత్త: డీఐజీ
ఛత్తీస్‌గఢ్, తెలంగాణ సరిహద్దుల్లో ఇటీవల ఎదురు కాల్పులు, గాలింపు చర్యలు జరుగుతున్న నేపథ్యంలో ఆ ప్రాంతాల నుంచి మావోయిస్టులు ఏపీలో ప్రవేశించే అవకాశాలు ఉన్నాయని విశాఖ రేంజ్ డీఐజీ గోపీనాథ్ జెట్టి హెచ్చరించారు. అల్లూరి జిల్లా పోలీస్ ఉన్నతాధికారులు అప్రమత్తంగా ఉండాలన్నారు. ఎటువంటి ఘటనలు జరగకుండా ముందు జాగ్రత్త చర్యలు తీసుకోవాలని సూచించారు. మావోయిస్టులతో కలిగే ప్రమాదాలపై ప్రజలకు అవగాహన కల్పించాలన్నారు.
News December 20, 2024
విశాఖ: సమస్యలపై మంత్రి ఆరా
ఉత్తరాంధ్ర జిల్లాల పర్యటనలో భాగంగా రవాణ శాఖా మంత్రి మండిపల్లి రాంప్రసాద్ రెడ్డి విశాఖ ఆర్టీసీ కాంప్లెక్స్‌ను శుక్రవారం సందర్శించారు. ప్రయాణీకులకు అందిస్తున్న సేవలను అడిగి తెలుసుకున్నారు. ప్రయాణీకులకు నాణ్యమైన ఉత్పత్తులు అందించాలని పలు దుకాణాలు, హోటల్ నిర్వాహకులకు సూచించారు. అనంతరం మంత్రి ఓ హోటల్లో అల్పాహారం తిని, టీ తాగారు. బస్సులో ప్రయాణికులతో ముచ్చటించారు.
News December 20, 2024
పెదబూరుగులో డిప్యూటీ సీఎం పర్యటనకు ఏర్పాట్లు
అల్లూరి జిల్లాలో డిప్యూటీ సీఎం కొణిదెల పవన్ కళ్యాణ్ పర్యటనకు సంబంధించి అధికారులు ఏర్పాట్లు చేస్తున్నారు. అనంతగిరి మండలం పినకోట పంచాయతీ పెదబూరులో పవన్ కళ్యాణ్ శనివారం పర్యటించి రూ.16.67 కోట్ల వ్యయంతో నిర్మించనున్న రహదారి నిర్మాణం పనులకు భూమి పూజ చేస్తారు. కాగా ఉప ముఖ్యమంత్రి అనకాపల్లి జిల్లా దేవరాపల్లి మీదుగా అల్లూరి జిల్లా పెదబూరుగు చేరుకోనున్నట్లు తెలుస్తోంది.
News December 20, 2024
వైసీపీకి రాజీనామా చేసిన విశాఖ డెయిరీ ఛైర్మన్ ఆడారి
విశాఖ డెయిరీ ఛైర్మన్ ఆడారి ఆనంద్ వైసీపీ ప్రాథమిక సభ్యత్వానికి రాజీనామా చేశారు. ఈ సందర్భంగా ఆయన మాట్లాడుతూ.. విశాఖ డెయిరీకి సంబంధించిన 12 మంది డైరెక్టర్లు సహా తాను రాజీనామా చేసినట్లు ప్రకటించారు. వ్యక్తిగత కారణాలతో రాజీనామా చేస్తున్నట్లు తెలిపారు. ఈ మేరకు వైసీపీ అధినేత జగన్‌కు లేఖ రాశారు. కాగా.. గత ఎన్నికల్లో ఆడారి ఆనంద్ విశాఖ పశ్చిమ నియోజకవర్గం నుంచి వైసీపీ తరఫున పోటీ చేసి ఓడిపోయారు.
News December 20, 2024
విశాఖపట్నం సాగర తీరంలో అలల ఉద్ధృతి
బంగాళాఖాతంలో ఏర్పడిన అల్పపీడన ప్రభావంతో విశాఖపట్నం జిల్లాలో పలుచోట్ల మోస్తరు నుంచి భారీ వర్షాలు కురుస్తున్నాయి. అల్పపీడన ప్రభావంతో సముద్రం అల్లకల్లోలంగా మారింది. విశాఖ సముద్రతీరంలో అలలు ఉవ్వెత్తున ఎగిసి పడుతున్నాయి. అలల ఉద్ధృతి కారణంగా నోవాటెల్ హోటల్ ఎదుట ఉన్న సముద్రతీరం కోతకు గురైంది. దీంతో తీరానికి ఆనుకొని ఉన్న పలు నిర్మాణాలు నేలమట్టం అయ్యాయి.
News December 20, 2024
నేడు, రేపు ఏజెన్సీలో డిప్యూటీ సీఎం పర్యటన
ఉత్తరాంధ్ర ఏజెన్సీ జిల్లాల్లో రెండు రోజులు పర్యటన కోసం ప్రత్యేక విమానంలో గురువారం రాత్రి డిప్యూటీ సీఎం పవన్ కళ్యాణ్ విశాఖ చేరుకున్నారు. ఈ సందర్భంగా పలువురు అధికారులు ఆయనకు ఘన స్వాగతం తెలిపారు. రాడిసన్ బ్లూ హోటల్లో పవన్ బస చేశారు. శుక్రవారం పార్వతీపురం జిల్లాలో పర్యటించానున్నారు. ఎన్నికల ముందు ఏజెన్సీలో పర్యటించిన గిరిజనుల సమస్యలు తెలుసుకున్న ఆయన డిప్యూటీ సీఎం హోదాలో పర్యటించనున్నారు.
News December 20, 2024
కాఫీ తోటల నిర్వహణకు డిప్లొమా కోర్సు
కాఫీ బోర్డ్ 2025-26 సంవత్సరానికి డిప్లొమా ఇన్ కాఫీ ఫార్మ్ మేనేజ్మెంట్, సర్టిఫికేట్ కోర్స్ ఆన్ కాఫీ ఫార్మ్ సూపర్వైజర్ కోర్సులకు ఈనెల 31 వరకు దరఖాస్తులు స్వీకరిస్తున్నట్లు మినుములూరు కాఫీ బోర్డు SLO రమేశ్ తెలిపారు. డిప్లొమా కోర్స్‌కు ఇంటర్, సర్టిఫికేట్ కోర్సుకు 8వ తరగతి అర్హత ఉండాలన్నారు. SC, ST వారికి ఫీజులో 50% రాయితీ ఉంటుందని, వివరాలకు https://coffeeboard.gov.in/ని సందర్శించాలన్నారు. >Share it
News December 19, 2024
విశాఖలో ఎంటెక్ విద్యార్థిని ఆత్మహత్య
విశాఖలోని ఎంవీపీ కాలనీలో ఎంటెక్ చదువుతున్న వివాహిత గురువారం ఆత్మహత్య చేసుకుంది. ఎంవీపీ పోలీసులు తెలిపిన వివరాల ప్రకారం.. అక్కాబావ దగ్గర ఉంటున్న శిరీష కొద్ది రోజులుగా మనస్తాపంతో ఉంది. తండ్రి చనిపోవడం ఆపై చదువుతుండగానే తనకు పెళ్లి చేశారన్న పలు కారణాలతో ఆమె సూసైడ్ చేసుకున్నట్లు పోలీసులు తెలిపారు. శిరీష భర్త శ్రీకాకుళం జిల్లా జలుమూరు మండలంలో వ్యవసాయం చేస్తున్నట్లు పేర్కొన్నారు.
News December 19, 2024
అనకాపల్లి: ఒకే కుటుంబంలో నలుగురికి గిన్నీస్ రికార్డ్‌లో చోటు
అనకాపల్లికి చెందిన ఓ కుటుంబంలో నలుగురు గిన్నీస్ బుక్ రికార్డును సాధించారు. చైనాలో స్థిరపడ్డ కొణతాల విజయ్, ఆయన సతీమణి జ్యోతి గతంలో యోగాలో గిన్నిస్ రికార్డు సాధించారు. తాజాగా వారి పిల్లలిద్దరూ గిన్నీస్ రికార్డ్ నెలకొల్పారు. వారి కుమార్తె జస్మిత(14) ఒంటి కాలితో ఒక నిమిషంలో 168 సార్లు స్కిప్పింగ్ చేసి గిన్నిస్ రికార్డు సాధించింది. వారి కుమారుడు శంకర్(5) 129 సార్లు స్కిపింగ్ చేసి రికార్డు సాధించాడు.
News December 19, 2024
ముచ్చటైన ముగ్గులకు ఆహ్వానం!
ధనుర్మాసం ప్రారంభమైంది. విష్ణుమూర్తికి ఎంతో ప్రీతికరమైన ఈ మాసంలో మహిళలు ఉదయాన్నే ఇంటి వాకిటను శుభ్రం చేసి ముగ్గులు వేస్తారు. న్యూ ఇయర్, సంక్రాంతి వరకు రంగురంగుల రంగవళ్లులను తీర్చిదిద్దుతుంటారు. మరి మీ అందమైన ముగ్గులను మాకు పంపండి. మీ పేరుతో Way2Newsలో మేము పబ్లిష్ చేస్తాం.
● ఇలా పంపండి: ముగ్గు ఫొటో, మీ పేరు, ఊరి పేరు, పాస్‌పోర్టు సైజు ఫొటోను 97036 22022కు వాట్సాప్ చేయండి.
Featured News
Sorry, no posts matched your criteria.