India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News July 9, 2024
సీఎం హోదాలో తొలిసారి విశాఖకు చంద్రబాబు
ఎన్నికల తర్వాత CM హోదాలో చంద్రబాబు తొలిసారి విశాఖ రానున్నారు. ఈనెల 11న విశాఖలో ఆయన పర్యటించనున్నట్లు TDP శ్రేణులు తెలిపాయి. మెడ్‌టెక్, ఫార్మా, ఎస్ఈజెడ్‌ను సందర్శించనున్నట్లు సమాచారం. కాగా.. 2019 ఆగస్టు 9న, అనంతరం అక్టోబర్ 12న సంభవించిన హుద్‌హు‌ద్ తుపాన్ సమయంలో చంద్రబాబు ఉమ్మడి విశాఖ జిల్లాలో పర్యటించారు. ఆ తర్వాత ఒకటి రెండుసార్లు పర్యటించారు. 2019 నుంచి 2024 వరకూ ప్రతిపక్ష హోదాలో ఉన్నారు.
News July 9, 2024
విశాఖ: హత్య కేసుల్లో నిందితుడు ఆత్మహత్య
కన్నతల్లి, పెదనాన్న హత్య కేసుల్లో జైలు శిక్ష అనుభవిస్తున్న ఓ వ్యక్తి విశాఖ మెంటల్ ఆస్పత్రిలో ఆత్మహత్య చేసుకున్నాడు. ప్రకాశం జిల్లాకు చెందిన ఏ.అశోక్ (26) తల్లిని హత్య చేయడంతో ఒంగోలు జైలుకు తరలించారు. బెయిల్‌కు సహకరించిన పెదనాన్నను హత్య కూడా చేశాడు. అతని మానసిక పరిస్థితి సరిగా లేకపోవడంతో విశాఖ మెంటల్ హాస్పిటల్‌లో చికిత్స అందిస్తున్నారు. బెయిల్ రాదని ఆందోళనతో కిటికీ ఊచలకు ఉరి వేసుకుని మృతి చెందాడు.
News July 9, 2024
విశాఖ: ‘మలేరియా, డెంగ్యూ వ్యాధుల పట్ల అప్రమత్తం’
వర్షాలు పడుతున్న నేపథ్యంలో సీజనల్ వ్యాధులపై కేజీహెచ్ వైద్యులు సిబ్బందిని అప్రమత్తం చేసామని సూపరింటెండెంట్ డాక్టర్ శివానంద తెలిపారు. వార్డులకు చికిత్స కోసం ప్రతిరోజు ఎంతమంది వస్తున్నారో ఎప్పటికప్పుడు తెలియజేయాలని ఆదేశించారు. సీజనల్ వ్యాధులకు సంబంధించి ప్రత్యేక వార్డులను ఏర్పాటు చేశారన్నారు. రోగులకు ఎటువంటి ఇబ్బంది కలకుండా వైద్య సేవలు అందిస్తున్నామన్నారు.
News July 9, 2024
విశాఖ: అతిథి అధ్యాపకుల పోస్టులకు నోటిఫికేషన్
విశాఖ, అనకాపల్లి జిల్లాల్లో డాక్టర్ అంబేడ్క‌ర్ గురుకులాల్లో ఖాళీగా ఉన్న అతిథి అధ్యాపకుల పోస్టుల భర్తీకి దరఖాస్తులు ఆహ్వానిస్తున్నట్లు ఉమ్మడి జిల్లాల సమన్వయకర్త రూపవతి తెలిపారు. ఫిజిక్స్, జువాలజీ, కెమిస్ట్రీ, సోషల్, ఇంగ్లిష్, హిందీ సబ్జెక్టుల్లో బోధించాలన్నారు. ఆసక్తి గల అర్హులైన వారు ఈ నెల 11న ఉదయం 10 గంటలకు మేహద్రి గెడ్డ అంబేడ్క‌ర్ గురుకులంలో జరిగే డెమోకు హాజరు కావాలన్నారు.
News July 9, 2024
విశాఖ: మాటు వేసి హత్య..!
దువ్వాడ పోలీస్ స్టేషన్ పరిధిలో సోమవారం <<13592420>>అర్ధరాత్రి హత్య<<>>కు గురైన సూర్యకిరణ్ శ్రీనగర్‌కు చెందిన మేఘనను రెండేళ్ల క్రితం లవ్ మ్యారేజ్ చేసుకున్నాడు. ఆమె ఈనెల 1న అగనంపూడి ఆసుపత్రిలో ఆడబిడ్డకు జన్మనిచ్చింది. అత్త సుజాత ఆసుపత్రికి రాగా సూర్య కిరణ్ అడ్డుకోవడంతో గొడవ జరిగింది. ఈ విషయాన్ని ఆమెతో సన్నిహితంగా ఉన్న కొర్లయ్యకు చెప్పింది. దీంతో సిగ్నల్ దగ్గర మాటు వేసి సూర్యకిరణ్‌ను కొర్లయ్య హత్యచేశాడు.
News July 9, 2024
సైబర్ మోసాల పట్ల అప్రమత్తంగా ఉండాలి: విశాఖ పోలీసులు
నకిలీ ఫోన్లతో సైబర్ మోసగాళ్లు మోసాలకు పాల్పడుతున్నారని, ప్రజలంతా అప్రమత్తంగా ఉండాలని పోలీసులు హెచ్చరించారు. ఫెడెక్స్ కొరియర్ పేరిట అనేక మందిని మోసం చేశారని, ఈ కొరియర్ పేరిట ఎవరు ఫోన్ చేసినా నమ్మవద్దని సూచించారు. ఫోన్ చేసి మీ ఆధార్‌పై ఫోన్ నెంబరు రిజిస్టర్ అయిందని, ఈ ఫోన్ ను ముంబయిలో ఒక వ్యక్తి దేశద్రోహానికి పాల్పడే వాటికి ఉపయోగిస్తున్నారని బెదిరింపులకు దిగి మోసాలకు పాల్పడుతున్నట్లు తెలిపారు.
News July 9, 2024
ఇసుక అక్రమ నిల్వలపై విచారణకు స్పీకర్ ఆదేశం
నర్సీపట్నం గబ్బడ ఇసుక డిపోలో అక్రమ నిల్వలపై స్పీకర్ అయ్యన్న పాత్రుడు సమగ్ర విచారణకు ఆదేశించారు. అక్రమంగా నిల్వ ఉంచిన 65 వేల టన్నుల ఇసుకపై విచారణ చేపట్టాలన్నారు. అక్రమాలకు పాల్పడిన వారిపై కేసు నమోదు చేయాలని తెలిపారు. రూ.వందల కోట్లు దోచుకున్న ఇసుక మాఫియాను బయటపెట్టాలన్నారు. దొంగను పట్టుకోకుండా ఇసుక పంచితే సాక్ష్యం తొలగించినట్లవుతుందన్నారు. దీంతో అధికారులు విచారణ చేపట్టబోతున్నారు.
News July 9, 2024
విశాఖలో ఆర్టిఫిషియల్ ఇంటెలిజెన్స్ హబ్ ప్రారంభం
విశాఖ తూర్పు నావికాదళంలో ఆర్టిఫిషియల్ ఇంటెలిజెన్స్ హబ్ ప్రారంభమైంది. సోమవారం ఈస్ట్రన్ నేవల్ కమాండ్ ఫ్లాగ్ ఆఫీసర్, కమాండింగ్-ఇన్-చీఫ్ వైస్ అడ్మిరల్ రాజేష్ పెంథార్కర్ ముఖ్యఅతిథిగా పాల్గొని హబ్‌ను ప్రారంభించి రిజిస్టర్‌లో సంతకం చేశారు. ఈ సందర్భంగా ఆయన మాట్లాడుతూ.. సముద్ర యానం, మారిటైం భద్రత వంటి అంశాలకు సంబంధించిన సాంకేతిక పరి జ్ఞానాన్ని సకాలంలో అందుబాటులోకి తెచ్చేందుకు ఎ.ఐ. హబ్ ఉపయోగపడుతుందన్నారు.
News July 9, 2024
విశాఖలో దారుణ హత్య
అగనంపూడిలో దారుణ ఘటన చోటుచేసుకుంది. సోమవారం రాత్రి సిగ్నల్ జంక్షన్ వద్ద ఓ యువకుడిని దారుణంగా హత మార్చారు. మల్కాపురానికి చెందిన క్యాబ్ డ్రైవర్ సూర్య (25)ను కత్తితో పొడిచి దుండగుడు హత మార్చాడు. మృతిని భార్య అగనంపూడి ప్రభుత్వ ఆసుపత్రిలో నిన్న ఒక బిడ్డకు జన్మనిచ్చినట్లు సమాచారం. ఇంతలో భర్త హత్యకు గురి కావడం ఆ కుటుంబంలో విషాదం చోటు చేసుకుంది. ఈ ఘటనపై దువ్వాడ పోలీసులు దర్యాప్తు చేస్తున్నారు.
News July 9, 2024
విశాఖ: ఘనవిజయం సాధించిన ఉత్తరాంధ్ర లయన్స్
విశాఖ వైయస్సార్ స్టేడియంలో సోమవారం ఏపీఎల్ సీజన్-3లో వైజాగ్ వారియర్స్, ఉత్తరాంధ్ర లయన్స్ జట్లు తలబడ్డాయి. ఉత్తరాంధ్ర లయన్స్ జట్టు 14 పరుగుల తేడాతో ఘనవిజయం సాధించింది. టాస్ గెలిచిన వైజాగ్ వారియర్స్ బౌలింగ్ ఎంచుకుంది. బ్యాటింగ్‌కు దిగిన ఉత్తరాంధ్ర లయన్స్ నిర్ణీత 20 ఓవర్లలో ఆరు వికెట్ల నష్టానికి 197 పరుగులు చేసింది. అనంతరం వైజాగ్ వారియర్స్ ఆరు వికెట్ల నష్టానికి 183 పరుగులు చేసి ఓటమి చెందింది.
Featured News
Sorry, no posts matched your criteria.