India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News October 12, 2024
సింహాద్రి అప్పన్న జమ్మి వేట ఉత్సవానికి ఏర్పాట్లు
విజయదశమి సందర్భంగా ఈనెల 13న సింహాచలం సింహాద్రి అప్పన్న ఆలయంలో జమ్మి వేట ఉత్సవం నిర్వహించడానికి ఆలయ అధికారులు ఏర్పాట్లు చేస్తున్నారు. కొండ దిగువన పూల తోటలో ఈ ఉత్సవాన్ని నిర్వహిస్తారు. సింహాద్రి అప్పన్నను శ్రీరాముడిగా అలంకరించి సాయంత్రం పల్లకిలో కొండదిగువకి తీసుకువస్తారు. శమీ వృక్షానికి పూజ చేసి జమ్మి వేట ఉత్సవాన్ని నిర్వహిస్తారు. సాయంత్రం 6 గంటల వరకే స్వామి దర్శనాలు లభిస్తాయని అధికారులు తెలిపారు.
News October 12, 2024
విశాఖ పోర్టును సందర్శించిన ఆస్ట్రేలియా బృందం
విశాఖ పోర్టును ఆస్ట్రేలియా బృందం శుక్రవారం సందర్శించింది. పోర్టు డిప్యూటీ చైర్మన్ దుర్గేశ్ కుమార్ దుబే వారికి స్వాగతం పలికారు. పోర్టులో ఉన్న సౌకర్యాలు, అభివృద్ధికి చేపట్టిన కార్యక్రమాలను పవర్ పాయింట్ ప్రజెంటేషన్ ద్వారా బృందానికి వివరించారు. ఈ బృందంలో ఆస్ట్రేలియా డిప్యూటీ కాన్సులేట్ జనరల్ డేవిడ్ ఎగుల్స్ టన్, హై కమిషన్ ఫస్ట్ సెక్రటరీ గ్రేస్ విలియమ్స్ ఉన్నారు.
News October 12, 2024
విశాఖ: వివాహితకు బ్లాక్‌మెయిల్.. యువకుడు అరెస్టు
విశాఖకు చెందిన వివాహిత వ్యక్తిగత ఫొటోలు ఆమె కుటుంబ సభ్యులకు పంపించి వేధిస్తున్న ఆర్. రాజేశ్ అనే యువకుడిని సైబర్ క్రైమ్ పోలీసులు శుక్రవారం అరెస్టు చేశారు. ఇన్ స్టాలో పరిచయమైన యువకుడు.. వీడియో కాల్ మాట్లాడుతూ దుస్తులు తీయాలని చెప్పాడు. ఆ సమయంలో స్క్రీన్ షాట్ తీసి డబ్బులివ్వాలని బెదిరించాడు. డబ్బులు ఇవ్వకపోవడంతో ఫేక్ వాట్సప్ అకౌంట్ ద్వారా కుటుంబ సభ్యులకు ఫొటోలు పంపించడంతో ఫిర్యాదు చేసింది.
News October 11, 2024
మంత్రి లోకేశ్‌ను కలిసిన ఎమ్మెల్యే గంటా
విశాఖపట్నంలో అతిపెద్ద ఐటీ కంపెనీ టీసీఎస్ రావడానికి మంత్రి లోకేశ్ కృషి చేశారని ఎమ్మెల్యే గంటా శ్రీనివాసరావు అన్నారు. శుక్రవారం ఆయన్ను కలిసి పలు విషయాలపై చర్చించారు. ఈ కంపెనీ ద్వారా పదివేల మందికి ఉపాధి అవకాశం దొరుకుతుందని, విద్యా, ఫార్మా, టూరిజం వంటి అభివృద్ధి చెందుతాయన్నారు. నగరంలో మెట్రో ఏర్పడే సమయాని ఫ్లైఓవర్లు, కారిడార్లు వంటి వాటిపై దృష్టి సారించాలని మంత్రిని గంటా కోరారు.
News October 11, 2024
అప్పుడే విశాఖ ఉక్కుకు మంచి రోజులు: గుడివాడ
స్టీల్ ప్లాంట్ ప్రైవేటీకరణకు వ్యతిరేకంగా రాష్ట్ర ప్రభుత్వం చర్యలు చేపట్టాలని మాజీ మంత్రి గుడివాడ అమర్నాథ్ డిమాండ్ చేశారు. శుక్రవారం ఆయన విశాఖలో మీడియాతో మాట్లాడారు. టీడీపీ మద్దతుతో కేంద్ర ప్రభుత్వం మనుగడ సాగిస్తోందని గుర్తు చేశారు. ఈ నేపథ్యంలో స్టీల్ ప్లాంట్‌ను ప్రైవేటీకరించవద్దని అల్టిమేటం ఇవ్వాలని కోరారు. అప్పుడే విశాఖ ఉక్కుకు మంచి రోజులు వస్తాయని అన్నారు.
News October 11, 2024
భీమిలిలో మానసిక రోగిపై అత్యాచారం..!
భీమిలికి చెందిన ఓ మానసిక రోగిపై ఈనెల 3న అత్యాచారం చేసిన ఘటన ఆలస్యంగా వెలుగులోకి వచ్చింది. తల్లిదండ్రులు లేని సమయంలో మతిస్థిమితం లేని అమ్మాయిని ఓ యువకుడు స్కూటీపై గొట్లాం తీసుకువెళ్లి అత్యాచారం చేసి వదిలేశాడు. స్కూటీని ఆమెను స్థానికులు గమనించి విజయనగరం పోలీసులకు ఫిర్యాదు చేయగా.. వారు భీమిలి పోలీసులకు అప్పగించారు. విచారణ అనంతరం కేసును మహిళా పోలీస్ స్టేషన్‌కు బదిలీ చేశారు.
News October 11, 2024
విశాఖ: ‘విన్యాసాలతో బంధం బలోపేతం’
ఇండో పసిఫిక్ ప్రాంతంలో వాణిజ్యం, భద్రత అంశాలకు ప్రాధాన్యత ఇస్తున్నట్లు విశాఖ నౌకాదళ అధికారులు పేర్కొన్నారు. విశాఖ తీరంలో నిర్వహిస్తున్న మలబార్-2024 విన్యాసాల్లో వివిధ అంశాలపై చర్చించినట్లు పేర్కొన్నారు. ఈ విన్యాసాల్లో భారత్, అమెరికా, జపాన్, ఆస్ట్రేలియా దేశాలు పాల్గొంటున్న విషయం తెలిసిందే. ఈ విన్యాసాలతో ఆయా దేశాల మధ్య బంధం బలోపేతం అవుతుందని వైస్ అడ్మిరల్ రాజేశ్ పెంధార్కర్ తెలిపారు.
News October 11, 2024
విద్యుత్ కాంతుల వెలుగులో శంఖు, చక్ర నామాలు
వరహా లక్ష్మీ నరసింహ స్వామి కొలువైన ప్రముఖ ఆధ్యాత్మిక క్షేత్రం సింహగిరిపై (సింహాచలం) స్వామి వారి శంఖు, చక్ర, నామాలు విద్యుత్ దీప కాంతులతో వెలుగొందుతున్నాయి. దాతల సహాకారంతో నిర్మించిన చేపట్టగా శంఖు, చక్ర, నామాలు ఎట్టకేలకు గురువారం ప్రారంభించారు. విద్యుత్ దీప కాంతులతో అద్భుతంగా దర్శనమిస్తున్న తిలకిస్తున్న భక్తులు ఆనందంతో పులకించి పోతున్నారు.
News October 11, 2024
విశాఖ నుంచి విజయవాడకు కొత్త విమాన సర్వీసులు
ఈనెల 27 నుంచి విశాఖ-విజయవాడ-విశాఖకు రెండు కొత్త విమాన సర్వీసులను ఎయిర్ ఇండియా ఎక్స్‌ప్రెస్ విమాన సంస్థ ప్రారంభించనుంది. 29న విజయవాడ నుంచి విశాఖకు ఇదే సంస్థ మరో సర్వీస్ ప్రారంభించనుంది. ఇందులో ఓ సర్వీసు వారం రోజులు అందుబాటులో ఉంటుంది. ఇది విజయవాడ నుంచి విశాఖకు ఉదయం 10:35 గంటలకు వచ్చి తిరిగి మధ్యాహ్నం బయలుదేరుతుంది.
News October 11, 2024
కనకమహాలక్ష్మి అమ్మవారిని దర్శించుకున్న ఎంపీ శ్రీ భరత్
విశాఖపట్నం ఉత్తర నియోజకవర్గంలో 51వ వార్డులో ఉన్న కనకమహాలక్ష్మి ఆలయాన్ని విశాఖ ఎంపీ శ్రీ భరత్ సందర్శించి అమ్మవారిని దర్శించుకున్నారు. అనంతరం ఆయన అమ్మవారికి ప్రత్యేక పూజలు చేశారు. ఆలయ ధర్మకర్త సనపల కీర్తి ఆయనకు అమ్మవారి చిత్రపటం, ప్రసాదం అందజేశారు.
Featured News
Sorry, no posts matched your criteria.