India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News July 3, 2024
కొత్తూరులో ఆర్టీసీ బస్సు ఢీకొని వ్యక్తి మృతి
ఆర్టీసీ బస్సు ఢీ కొనడంతో వ్యక్తి మృతి చెందిన ఘటన ముంచంగిపుట్టు మండలంలో బుధవారం చోటుచేసుకుంది. స్థానికులు తెలిపిన వివరాల ప్రకారం.. మండలంలోని కొత్తూరు రోడ్డుపై గుర్తుతెలియని వ్యక్తి రోడ్డు దాటుతుండగా పాడేరు నుంచి ముంచంగిపుట్టు వైపు వెళ్తున్న ఆర్టీసీ బస్సు ఢీకొట్టింది. ఈ ప్రమాదంలో వ్యక్తి అక్కడికక్కడే మృతి చెందాడని స్థానికులు తెలిపారు. ఘటనపై పూర్తి వివరాలు తెలియాల్సి ఉంది
News July 3, 2024
ఏయూ పరిధిలో గురువారం జరగాల్సిన పరీక్షలు వాయిదా: టీ. చిట్టిబాబు
ఆంధ్ర విశ్వవిద్యాలయం పరిధిలో ఈ నెల 4వ తేదీన జరగాల్సిన రెండో, నాల్గో సెమిస్టర్ రెగ్యులర్, సప్లిమెంటరీ డిగ్రీ పరీక్షలను వాయిదా వేస్తున్నట్లు కంట్రోలర్ ఆఫ్ ఎగ్జామినేషన్ టీ. చిట్టిబాబు ఒక ప్రకటనలో తెలిపారు. వివిధ విద్యార్థి సంఘాలు 4వ తేదీన బంద్‌కు పిలుపునిచ్చిన నేపథ్యంలో పరీక్షలను వాయిదా వేసినట్లు తెలిపారు. గురువారం జరగాల్సిన పరీక్షలు మరలా ఎప్పుడు నిర్వహించేది త్వరలో వెల్లడిస్తామని చెప్పారు.
News July 3, 2024
గ్రీన్ టాక్స్ తగ్గించేందుకు కృషి: పల్లా శ్రీనివాస్
భారీ వాహనాలకు భారంగా మారిన గ్రీన్ టాక్స్ తగ్గించేందుకు కృషి చేస్తానని టీడీపీ రాష్ట్ర అధ్యక్షుడు, గాజువాక ఎమ్మెల్యే పల్లా శ్రీనివాసరావు అన్నారు. గాజువాక మండలం కూర్మన్నపాలెంలో ట్రక్ ఓనర్స్ అసోసియేషన్ ఆధ్వర్యంలో ఎమ్మెల్యేని సత్కరించారు. ఈ సందర్భంగా ఎమ్మెల్యే మాట్లాడుతూ.. ఇచ్చిన మాట ప్రకారం గెలిచిన నెల రోజుల్లోనే అగనంపూడి టోల్ ప్లాజా ఎత్తివేయించానన్నారు.
News July 3, 2024
విశాఖ: స్వామీజీలపై దుష్ప్రచారం మానుకోవాలి- వీహెచ్పీ
స్వార్థపరమైన రాజకీయ దురుద్దేశంతో హిందూమత స్వామిపై దుష్ప్రచారం తగదని వీహెచ్పీ నేత విజయ శంకర్ ఫణి హితవు పలికారు. డాబాగార్డెన్స్ వీజేఎఫ్ ప్రెస్ క్లబ్‌లో బుధవారం పెందుర్తి బ్రాహ్మణ సంక్షేమ సంఘం ఆధ్వర్యంలో మీడియా సమావేశం నిర్వహించారు. విజయ శంకర్ మాట్లాడుతూ ఇటీవల కొంత మంది స్వలాభం, వైఖరి వల్ల బ్రాహ్మణ వ్యవస్థకు ఇబ్బందులు ఏర్పడుతున్నాయని ఆవేదన వ్యక్తం చేశారు. స్వాముల మీద దుష్ప్రచారం తగదన్నారు.
News July 3, 2024
ఏయూ: 15 నుంచి బీఈడీ ప్రాక్టికల్ పరీక్షలు ప్రారంభం
ఆంధ్ర విశ్వవిద్యాలయం పరిధిలోని బీఈడీ 4వ సెమిస్టర్ ప్రాక్టికల్ పరీక్షలను ఈనెల 15 నుంచి 25వ తేదీ వరకు నిర్వహిస్తున్నట్లు పరీక్షలు భాగం డిప్యూటీ రిజిస్టార్ జె.రత్నం ఒక ప్రకటనలో తెలిపారు. ప్రాక్టికల్స్ నిర్వహణకు సంబంధించిన సమాచారాన్ని ఛైర్మన్ బోర్డ్ ఆఫ్ స్టడీస్‌కు తెలియజేయాలని పేర్కొన్నారు. సబ్జెక్ట్ ఎగ్జామినర్, ప్రిన్సిపల్స్ పర్యవేక్షణలో ప్రాక్టికల్స్ నిర్వహణ చేయాలని ఉత్తర్వుల్లో తెలిపారు.
News July 3, 2024
ఆస్తుల విక్రయానికి వ్యతిరేకంగా పోరాటం: సీపీఐ
విశాఖ స్టీల్ ప్లాంట్ ఆస్తుల విక్రయానికి వ్యతిరేకంగా పోరాటం చేస్తామని సీపీఐ రాష్ట్ర కార్యదర్శి కే.రామకృష్ణ స్పష్టం చేశారు. బుధవారం విశాఖలో సీపీఐ నేతలతో సమావేశం అయ్యారు. రాష్ట్ర అభివృద్ధికి కేంద్రంపై చంద్రబాబు ఒత్తిడి తీసుకురావాలని సూచించారు. గత ప్రభుత్వం అక్రమాలపై విచారణ జరిపి శ్వేతపత్రం విడుదల చేయాలన్నారు. ఆయనతో పాటు సీపీఐ రాష్ట్ర సహాయ కార్యదర్శి జెవి సత్యనారాయణమూర్తి పాల్గొన్నారు.
News July 3, 2024
విశాఖలో యాక్సిడెంట్.. వ్యక్తి మృతి
విశాఖలోని కంచరపాలెం వద్ద హైవేపై ఘోర రోడ్డు ప్రమాదం జరిగింది. డివైడర్‌ను ఢీకొట్టిన ఘటనలో ఒక వ్యక్తి మృతి చెందాడు. స్థానికుల వివరాల ప్రకారం.. బైక్‌పై వెళ్తున్న తండ్రీకొడుకు అదుపు తప్పి డివైడర్‌ను ఢీకొట్టారు. ఘటనా స్థలంలోనే తండ్రి మరణించగా.. కొడుకు గాయాలతో బయటపడ్డాడు. పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు. కాగా మృతుని వివరాలు తెలియాల్సి ఉంది.
News July 3, 2024
ఏయూ వీసీగా ఎవరు?
ఆంధ్ర విశ్వవిద్యాలయం వీసీ పదవికి పి.వి.జి.డి. ప్రసాద్ రెడ్డి రాజీనామాతో ఖాళీ ఏర్పడింది. కూటమి ప్రభుత్వంలో వీసీగా ఎవరు నియామకం అవుతారనే ఉత్కంఠ కొనసాగుతోంది. ఈ పదవికోసం విశ్రాంత ఆచార్యులు తీవ్రంగా ప్రయత్నాలు చేస్తున్నారు. మరోవైపు సర్వీసులో ఉన్న ఆచార్యులు సైతం తమ ప్రయత్నాలను ముమ్మరం చేశారు. 100 ఏళ్లకు దగ్గరవుతున్న ఏయూకు మహిళను వీసీగా నియమిస్తారని జోరుగా ప్రచారం సాగుతోంది.
News July 3, 2024
జీతాల కోసం ఏయూ ఉద్యోగుల ఎదురుచూపులు..!
జీతాల కోసం ఆంధ్ర విశ్వవిద్యాలయ ఉద్యోగులు ఎదురుచూస్తున్నారు. మూడో తేదీ వచ్చినా ఉద్యోగులకు ఖాతాల్లో ఇంకా జీతాలు పడలేదు. ప్రతినెలా ఉద్యోగుల జీతాలకు దాదాపు రూ.36 కోట్లు వరకు ఖర్చవుతుంది. దీనికి సంబంధించిన ఫైల్‌పై స్వయంగా వీసీ సంతకం పెట్టాల్సి ఉంది. ప్రస్తుతం ఏయూ వీసీ తన పదవికి రాజీనామా చేయగా, కొత్తవారిని రాష్ట్ర ప్రభుత్వం ఇంకా నియమించలేదు. ఇన్‌ఛార్జ్ రిజిస్ట్రార్‌‌తో పాలన సాగుతోంది.
News July 3, 2024
విశాఖలో ఉల్లి కోసం క్యూ
రైతు బజార్‌లో ఉల్లిపాయలు కొనుగోలు చేయడానికి వినియోగదారులు క్యూ కడుతున్నారు. కొద్ది రోజుల క్రితం వరకు టమాటాకు భారీగా డిమాండ్ ఏర్పడడం వల్ల 80 రూపాయల వరకు ధర పలికింది, దీంతో వినియోగదారులు క్యూ కట్టారు. తాజాగా ఉల్లిపాయల ధర కేజీ రూ.36కు చేరుకుంది. రైతు బజార్‌లో తగినంత సరుకు కూడా లేకపోవడంతో భారీ డిమాండ్ ఏర్పడింది. దీంతో వినియోగదారులు క్యూలో నిల్చొని ఉల్లిపాయలు కొనుగోలు చేస్తున్నారు.
Featured News
Sorry, no posts matched your criteria.