India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News September 28, 2024
ఈనెల 30న భారీ పాదయాత్రకు విశాఖ స్టీల్ కార్మికుల పిలుపు
ఉక్కు కార్మికులు ఈనెల 30న భారీ నిరసన చేపట్టేందుకు సిద్ధమవుతున్నారు. నాలుగు వేల మంది కాంట్రాక్టు కార్మికుల గేట్ పాస్‌లను వెనక్కి తీసుకోవాలంటూ HODలకు శుక్రవారం ఆదేశాలు జారీ చేసిన విషయం తెలిసిందే. ఈ నేపథ్యంలో ఉక్కులో కాంట్రాక్ట్ కార్మికులలో తీవ్ర ఆందోళన నెలకొంది. ఒకపక్క ప్రైవేటీకరణ చేయబోమంటూ కేంద్రం సెయిల్‌లో విలీనానికి అనుకూలంగా ఉన్నట్టు ప్రకటనలు వస్తున్నాయి. మరోపక్క కార్మికులను తొలగిస్తోంది.
News September 28, 2024
కొయ్యూరు: జిల్లా స్థాయి పోటీలకు ఎంపికైన గురుకుల పాఠశాల విద్యార్థి
కొయ్యూరు గిరిజన సంక్షేమ బాలుర గురుకుల పాఠశాలలో 9వ తరగతి చదువుతున్న జే.మహిత్ జిల్లా స్థాయి షటిల్ బ్యాడ్మింటన్ పోటీలకు ఎంపికయ్యారని పాఠశాల ప్రిన్సిపాల్ మోహన్ శనివారం తెలిపారు. ఇటీవల పాడేరులో జరిగిన నియోజకవర్గ స్థాయి క్రీడా పోటీల్లో తమ పాఠశాల నుంచి ఐదుగురు విద్యార్థులు వివిధ క్రీడల్లో పాల్గొన్నారన్నారు. అయితే షటిల్ బ్యాడ్మింటన్ జిల్లా స్థాయి పోటీలకు మహిత్ ఎంపికయ్యారని అభినందించారు.
News September 28, 2024
విశాఖ స్టీల్ ప్లాంట్లో 4వేల మందిని తొలగిస్తారా.?: అయోధ్యరాం
విశాఖ స్టీల్ ప్లాంట్లో ఒకేసారి 4,000 మంది కాంట్రాక్ట్ కార్మికులను యాజమాన్యం తొలగించిందని స్టీల్ ప్లాంట్ సీఐటీయూ గౌరవ అధ్యక్షుడు అయోధ్యరాం ఆగ్రహం వ్యక్తం చేశారు. దీనిపై వివిధ కార్మిక సంఘాల నాయకులు తీవ్ర నిరసన తెలియజేయడంతో యాజమాన్యం దిగివచ్చిందన్నారు. తొలగించిన కార్మికులను తిరిగి విధుల్లోకి తీసుకున్నట్లు తెలిపారు. దీనిపై స్టీల్ ప్లాంట్ అడ్మిన్ కార్యాలయం వద్ద శనివారం ధర్నా చేపట్టామన్నారు.
News September 28, 2024
గాజువాక: హెల్మెట్ ఉన్నా.. భార్య, కూతురికి తప్పని శోకం
గాజువాక పోలీస్ స్టేషన్ పరిధిలో షీలా నగర్ రహదారిపై శుక్రవారం డాక్ యార్డ్ ఉద్యోగి దిలీప్ కుమార్(33) మృతిచెందిన విషయం తెలిసిందే. అల్లూరి జిల్లా హుకుంపేటకు చెందిన ఇతను పెందుర్తి మం. సరిపల్లిలో ఉంటున్నారు. విధులు ముగించుకొని బైకుపై వెళ్తుండగా టోల్ గేట్ సమీపంలో లారీ ఢీకొనగా, దిలీప్ అక్కడికక్కడే మృతి చెందారు. మృతుడికి భార్య, కుమార్తె ఉన్నారు. హెల్మెట్ ఉన్నా ప్రాణాలు దక్కలేదని కుటుంబ సభ్యులు రోదించారు.
News September 28, 2024
పాడేరు: విలువల జోడింపుతో మెరుగైన ఆర్థిక లబ్ది
ముడి వస్తువులకు విలువలు జోడింపు ద్వారా నాణ్యత పెరగడమే కాకుండా మెరుగైన ఆర్ధిక లబ్ది చేకూరుతుందని అల్లూరి కలెక్టర్ దినేశ్ కుమార్ పేర్కొన్నారు. శుక్రవారం న్యూడిల్లీలో స్పైసెస్ బోర్డు, ఐక్యరాజ్యసమితి ఆహార, వ్యవసాయ సంస్థ నిర్వహించిన వర్క్ షాప్‌కు కలెక్టర్ హాజరయ్యారు. మంచి పరిశుభ్రత పద్ధతులలో సుగంద ద్రవ్యాలైన మిరియాలను సరైన పక్వ స్థితిలో సేకరించాలని, సేకరించిన మిరియాలకు అదనపు విలువలు జోడించాలన్నారు.
News September 27, 2024
ఉమ్మడి విశాఖ జిల్లాలో ఆర్డీవోల బదిలీలు
ఉమ్మడి విశాఖ జిల్లాలో ఆర్డీవోలు, డిప్యూటీ కలెక్టర్ల బదిలీలు జరిగాయి. అనకాపల్లి ఆర్డీవోగా షేక్ ఆయేషాను నియమించారు. విశాఖ ఆర్డీవో హుస్సేన్ సాహిబ్‌ను బదిలీ చేసి ఆయన స్థానంలో పోలూరి శ్రీలేఖను నియమించారు. భీమిలి ఆర్డీవో భాస్కర్ రెడ్డి స్థానంలో కె.సంగీత్ మాధుర్ బదిలీపై వచ్చారు. VMRDA సెక్రటరీని బదిలీ చేయగా ఆమెను విజయనగరం ఆర్డీవోగా నియమించారు.
News September 27, 2024
విశాఖలో హై లెవెల్ కమిటీ సమావేశం
పరిశ్రమల్లో ప్రమాదాల నివారణకు తీసుకోవాల్సిన చర్యలపై విశాఖలోని నోవాటెల్‌లో అధికారులు ప్రత్యేకంగా సమావేశం నిర్వహించారు. శుక్రవారం ఆ కమిటీ ఛైర్‌పర్సన్ మిశ్రా ఆధ్వర్యంలో నిర్వహించిన ఈ కార్యక్రమంలో పరిశ్రమల శాఖ కార్యదర్శి యువరాజ్, కార్మిక శాఖ కార్యదర్శి ఏం.ఏం.నాయక్, ఇతర అధికారులు పాల్గొన్నారు. ఇటీవల జిల్లాలోని పరిశ్రమల్లో చోటు చేసుకున్న ప్రమాదాలపై వీరు సమీక్ష నిర్వహించి తగు సూచనలు చేశారు.
News September 27, 2024
పార్లమెంట్ కామర్స్ స్టాండింగ్ కమిటీ సభ్యుడిగా శ్రీభరత్
విశాఖ ఎంపీ శ్రీభరత్ పార్లమెంటరీ కామర్స్ స్టాండింగ్ కమిటీ సభ్యుడిగా నియమితులయ్యారు. ఈ నియామకాన్ని గురువారం కేంద్ర ప్రభుత్వం అధికారికంగా ప్రకటించింది. విశాఖలో ఎంపీ శ్రీభరత్ కార్యాలయం ఈ విషయాన్ని వెల్లడించింది. నియామకం అనంతరం, జిల్లాలోని కూటమి నాయకులు, సమాఖ్య ప్రతినిధులు ఎంపీ శ్రీభరత్‌కి అభినందనలు తెలియజేశారు.
News September 27, 2024
ఉమ్మడి విశాఖ జిల్లాలో 363 మద్యం షాపులు?
ఉమ్మడి విశాఖ జిల్లాలో 363 మద్యం షాపులు ఏర్పాటయ్యే అవకాశం ఉంది. విశాఖ జిల్లాలో మొత్తం 161 షాపులకు గానూ అన్ రిజర్వ్ షాపులు 141, కల్లుగీత కార్మికులకు 19, సొండిలకు 1 కేటాయించినట్లు తెలుస్తోంది. అల్లూరి జిల్లాలో మొత్తం 37 షాపులన్నీ అన్ రిజర్వ్ చేయగా.. అనకాపల్లి జిల్లాలోని మొత్తం 165 షాపులకు అన్ రిజర్వ్ షాపులు 151, కల్లుగీత కార్మికులకు 14 షాపులు కేటాయించినట్లు సమాచారం.
News September 27, 2024
విశాఖ: నేటి నుంచి రెండురోజుల పాటు జాబ్ మేళా
కంచరపాలెం ప్రభుత్వ పాలిటెక్నిక్ కళాశాలలో రాష్ట్ర నైపుణ్యాభివృద్ధి సంస్థ ఆధ్వర్యంలో శుక్రవారం నుంచి రెండు రోజులు పాటు జాబ్ మేళా నిర్వహిస్తున్నట్లు సాంకేతిక విద్యాశాఖ డిప్యూటీ డైరెక్టర్ రామకృష్ణ తెలిపారు. శుక్రవారం నిర్వహించే జాబ్ మేళాలో డిప్లమో ఇంజనీర్ ట్రైనీ, గ్రాడ్యుయేట్ ఇంజనీర్ ట్రైనీ పోస్టులను భర్తీ చేయనున్నారు.డిప్లమో, బిటెక్ మెకానిక్ అండ్ మెకట్రానిక్ కోర్సులు చేసినవారు అర్హులుగా పేర్కొన్నారు.
Featured News
Sorry, no posts matched your criteria.