India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News June 24, 2024
విశాఖ: MA పరీక్ష ఫలితాలు విడుదల చేసిన ఏయూ
ఏయూ పరిధిలోని MA అంత్రపోలజీ, ఎకనామిక్స్, అప్లైడ్ ఎకనామిక్స్, కూచిపూడి క్లాసికల్ డాన్స్, హిస్టరీ, జర్నలిజం, లైబ్రరీ సైన్స్, కర్ణాటక సంగీతం, పొలిటికల్ సైన్స్, సోషల్ వర్క్, సోషియాలజీ, పబ్లిక్ అడ్మినిస్ట్రేషన్, ఫిలాసఫీ, ఏన్షియెంట్ హిస్టరీ అండ్ ఆర్కియాలజీ కోర్సుల నాలుగో సెమిస్టర్ రెగ్యులర్, సప్లిమెంటరీ ఫలితాలను విడుదల చేసి ఆంధ్ర విశ్వవిద్యాలయం వెబ్సైట్లో అందుబాటులో ఉంచారు.
News June 24, 2024
బీపీఈడీ, డీపీఈడీ పరీక్ష ఫలితాలు విడుదల
ఆంధ్ర విశ్వవిద్యాలయం పరిధిలోని బీపీఈడీ, డీపీఈడీ నాలుగో సెమిస్టర్ పరీక్ష ఫలితాలను విడుదల చేసి ఏయూ వెబ్సైట్లో పొందుపరిచారు. ఏప్రిల్ నెలలో జరిగిన పార్ట్-ఎ, పార్ట్-బీ రెగ్యులర్, సప్లిమెంటరీ పరీక్షలు ఫలితాలను విడుదల చేసి విద్యార్థుల కోసం అందుబాటులో ఉంచినట్లు పరీక్షల విభాగం అధికారులు ఒక ప్రకటనలో తెలిపారు. ఫలితాలను www.Andhrauniversity.edu.in నుంచి పొందవచ్చును.
News June 24, 2024
అల్లూరి జిల్లాలో వైద్య బృందం పర్యటన
పెదబయలు మండలం చుట్టుమెట్టలో పలు విభాగాల సైకాలజిస్ట్ వైద్య బృందాన్ని పంపిస్తున్నట్లు జిల్లా వైద్యాధికారి జమాల్ బాషా ఓ ప్రకటనలో తెలిపారు. ఈనెల 19న భూత వైద్యం చేస్తూ ఇద్దరు మృతి చెందిన ఘటనపై గ్రామంలో భయాందోళనలు నెలకొన్నాయి. ఈ నేపథ్యంలో వైద్య బృందం పర్యటిస్తున్నట్లు ఆయన తెలిపారు. అందరూ ధైర్యంగా ఉండాలని ఆరోగ్య, నీటి పరీక్షలు నిర్వహిస్తామని చెప్పారు.
News June 24, 2024
లాడ్జిలో దంపతుల ఆత్మహత్యాయత్నం.. భర్త మృతి
విశాఖకు చెందిన దంపతులు హైదరాబాద్‌లో ఆత్మహత్యాయత్నానికి పాల్పడినట్లు అక్కడి పోలీసులు తెలిపారు. రవీంద్ర కుమార్ (56), రాఖి (49) ఉద్యోగ నిమిత్తం హైదరాబాద్‌కు వచ్చారు. భర్త కొద్ది రోజులు ఓ ప్రైవేట్ కంపెనీలో ఉద్యోగం చేశాడు. ప్రస్తుతం అతను ఖాలీగా ఉండటంతో ఆర్థిక ఇబ్బందులు చుట్టుముట్టాయి. దీంతో ఈనెల 21న హైదరాబాద్‌లోని లాడ్జిలో నిద్రమాత్రలు మింగారు. వారిని గాంధీ ఆసుపత్రికి తరలించగా రవీంద్ర మృతి చెందారు.
News June 24, 2024
విశాఖ; ఆంధ్ర క్రికెట్ అసోసియేషన్ కోచ్‌ల నియామకం
ఆంధ్ర క్రికెట్ అసోసియేషన్ అడ్వైజరీ కమిటీ 2024-2025 సంవత్సరానికి సంబంధించి కోచ్‌లను నియమించింది. కేరళకు చెందిన అంతర్జాతీయ క్రికెటర్ యోహానన్‌ను సీనియర్ పురుషుల విభాగానికి ప్రధాన కోచ్‌గా నియమించింది. అండర్-23 పురుషులకు జై కృష్ణారావు, సీనియర్ మహిళలకు ఎస్.రమాదేవి, అండర్-19 మహిళలకు ఎస్.శ్రీనివాసరెడ్డి, అండర్-15 మహిళా విభాగానికి ఎం.సవిత ప్రధాన కోచ్‌లుగా నిరమితులయ్యారు.
News June 24, 2024
విశాఖ: రైళ్ల రద్దుపై ప్రయాణికులు తీవ్ర విమర్శలు
విశాఖ నుంచి బయలుదేరే ఇంటర్ సిటీ రైళ్లనే రద్దు చేయడంపై ప్రయాణికుల నుంచి విమర్శలు వస్తున్నాయి. దూర ప్రాంతాలకు వెళ్లే రైళ్లను యథావిధిగా నడుపుతూ వీటినే ఎందుకు రద్దు చేస్తున్నారని ప్రశ్నిస్తున్నారు. పూర్తిగా రద్దు చేయకుండా కనీసం రాజమహేంద్రవరం వరకు నడపాలని రైల్వే అధికారులకు విజ్ఞప్తి చేస్తున్నారు. జన్మభూమి, రత్నాచల్ తదితర రైళ్ల ఛార్జీలకు 4 రెట్లు బస్ ఛార్జీలు ఉంటున్నాయని మధ్యతరగతి ప్రజలు వాపోతున్నారు.
News June 24, 2024
విశాఖ: రూ.1.19 కోట్ల పన్ను వసూలు చేసిన రవాణా శాఖ
బీహెచ్ సీరీస్ వాహనాల కొనుగోలు ద్వారా పన్ను ఎగ్గొట్టే వారిపై రవాణా శాఖ అధికారులు ఉక్కు పాదం మోపారు. 56 వాహనాలపై కేసులు నమోదు చేసి రూ.1.19 కోట్ల పన్నులు వసూలు చేసినట్లు జిల్లా ఉపరవాణా కమిషనర్ రాజా రత్నం తెలిపారు. వారి నుంచి అపరాధ రుసుం రూ.10 లక్షలు వసూలు చేసినట్లు పేర్కొన్నారు. ఈ వాహనాలపై ప్రత్యేకంగా దర్యాప్తు చేపట్టి వాహనదారులపై కేసులు కూడా నమోదు చేసినట్లు చెప్పారు.
News June 24, 2024
నేటి నుంచి ప్రజా ఫిర్యాదుల పరిష్కార వ్యవస్థ ప్రారంభం
విశాఖ రెవెన్యూ డివిజన్ పరిధిలో సోమవారం నుంచి ప్రజా ఫిర్యాదుల పరిష్కార వ్యవస్థ ప్రారంభం కానుందని, విశాఖపట్నం ఆర్డీవో హుస్సేన్ సాహెబ్ ఆదివారం తెలిపారు. ఉదయం 10 గంటలకు విశాఖపట్నం రెవెన్యూ డివిజన్ పరిధిలోని అన్ని తహశీల్దార్ కార్యాలయాల్లో వినతుల స్వీకరణ కార్యక్రమం మొదలవుతుందని, అధికారులు ప్రజల నుంచి వినతులు స్వీకరిస్తారని పేర్కొన్నారు. డివిజన్ పరిధిలోని ప్రజలు సద్వినియోగం చేసుకోవాలన్నారు.
News June 23, 2024
విశాఖపట్నం: మూడు జిల్లాల రెవెన్యూ కమిటీ తీర్మానం ఏర్పాటు
విశాఖపట్నం, అల్లూరి, అనకాపల్లి జిల్లాల రెవెన్యూ కమిటీ తీర్మానం రాష్ట్ర అధ్యక్షుడు కోన.ఆంజనేయ కుమార్ ఆధ్వర్యంలో విశాఖలో జరిగింది. ఆంధ్రప్రదేశ్ గ్రామ రెవెన్యూ అధికారుల రాష్ట్రసంఘం & APJAC కలిసి పనిచేయుటకు తీర్మానించినట్లు రాష్ట్ర అధ్యక్షుడు తెలిపారు. వీఆర్వోల సమస్యలను కలిసి కట్టుగా పరిష్కరించేందుకు సిద్ధమవ్వాలని సూచించారు. మూడు జిల్లాల VROల సంఘం నాయకులు, సభ్యులు పాల్గొన్నారు.
News June 23, 2024
ఒక్క కంప్లైంట్‌తో అల్లకల్లోలం: బొలిశెట్టి
జీవీఎంసీ కార్పొరేటర్ పీతల మూర్తి యాదవ్ ఇచ్చిన ఒక్క కంప్లైంట్‌తో వైసీపీ రాజ్యం అల్లకల్లోలం అయిందని జనసేన పార్టీ రాష్ట్ర ప్రధాన కార్యదర్శి బొలిశెట్టి సత్యనారాయణ అన్నారు. జనసేన 20 మంది ఎమ్మెల్యేలు, డీప్యూటీ సీఎం పవన్ కళ్యాణ్ వీరిపై దృష్టి పెడితే వీరి పరిస్థితి ఏ విధంగా ఉంటుందో ఆలోచించడానికి చాలా కష్టంగా ఉందని ట్విటర్ వేదికగా పేర్కొన్నారు. ఇప్పటికి వెలుగు చూసినవి కొన్ని మాత్రమేనని అన్నారు.
Featured News
Sorry, no posts matched your criteria.