India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News June 19, 2024
పాడేరు: నేడు సికిల్ సెల్ ఎనీమియాపై అవగాహన సదస్సు
సికిల్ సెల్ ఎనీమియా నివారణపై ఈనెల 19న అవగాహన సదస్సు నిర్వహిస్తున్నామని ఐటీడీఏ పీఓ వి.అభిషేక్ తెలిపారు. పాడేరు తలారిసింగి ఇండోర్ స్టేడియంలో సదస్సు ఏర్పాట్లను మంగళవారం పరిశీలించారు. 19న ప్రపంచ సికిల్ సెల్ ఎనీమియా దినోత్సవం సందర్భంగా అంబేడ్కర్ కూడలి నుంచి ఇండోర్ స్టేడియం వరకు ర్యాలీ నిర్వహించాలని ఆదేశించారు. అనంతరం డిల్లీ నుంచి పర్చువల్ విధానంలో సికిల్ సెల్ ఎనీమియాపై సదస్సు నిర్వహిస్తారన్నారు.
News June 18, 2024
మహిళల రక్షణకు అత్యధిక ప్రాధాన్యత: హోంమంత్రి అనిత
మహిళల రక్షణకు అత్యధిక ప్రాధాన్యత ఇవ్వడం జరుగుతుందని హోం మంత్రి వంగలపూడి అనిత అన్నారు. మంగళగిరి టీడీపీ కేంద్ర కార్యాలయంలో రాష్ట్ర మహిళా కమిటీ సభ్యులు, టీడీపీ మహిళా కమిటీ సభ్యులతో ఆమె ప్రత్యేక సమావేశం నిర్వహించారు. ఈ సమావేశంలో ఆమె మాట్లాడుతూ.. మహిళలు స్వేచ్ఛగా తిరిగే వాతావరణాన్ని కల్పిస్తానన్నారు. శాంతిభద్రతలపై ప్రత్యేక దృష్టి పెడతానన్నారు.
News June 18, 2024
గంజాయి రవాణా నిరోధానికి వందరోజుల యాక్షన్ ప్లాన్: డీసీపీ సత్తిబాబు
హోంమంత్రి వంగలపూడి అనిత ఆదేశాల మేరకు గంజాయి రవాణా నిరోధానికి 100 రోజుల యాక్షన్ ప్లాన్‌ను రూపొందించామని డీసీపీ సత్తిబాబు తెలిపారు. విశాఖ వెస్ట్ సబ్ డివిజన్ ఏసీపీ కార్యాలయంలో ఆయన మాట్లాడుతూ.. గంజాయి రవాణాపై ఉక్కు పాదం మోపేందుకు యాక్షన్ టీమ్ పని చేస్తుందన్నారు. ఇప్పటికే గంజాయి వినియోగిస్తున్న కొన్ని ప్రాంతాలను గుర్తించామని, ఆయా ప్రాంతాల్లో నిత్యం పోలీస్ సిబ్బందితో స్పెషల్ డ్రైవ్ నిర్వహిస్తామన్నారు.
News June 18, 2024
అల్లూరికి 2వ స్థానం.. అనకాపల్లికి 10వ స్థానం.. 22వ స్థానంలో విశాఖ
➤ ఇంటర్ సెకండియర్ సప్లిమెంటరీ పరీక్షలకు విశాఖ జిల్లాలో 7,500 మంది విద్యార్థులు హాజరవ్వగా 3,777 మంది ఉత్తీర్ణత సాధించారు. 50 శాతం ఉత్తీర్ణతతో జిల్లా 22వ స్థానంలో నిలిచింది.
➤ అనకాపల్లి జిల్లాలో 4,400 మందికి 2,713 మంది ఉత్తీర్ణత సాధించారు. 61 శాతం ఉత్తీర్ణతతో జిల్లా 10వ స్థానంలో నిలిచింది.
➤ అల్లూరి జిల్లాలో 1,691 మందికి 1,370 మంది ఉత్తీర్ణత సాధించారు. 81 శాతంతో జిల్లా రెండో స్థానంలో నిలిచింది.
News June 18, 2024
వందే భారత్‌లో విజయవాడ బయలుదేరిన హోం మంత్రి
విశాఖ నుంచి వందే భారత్ రైలులో హోంశాఖ మంత్రి వంగలపూడి అనిత మంగళవారం ఉదయం విజయవాడ బయలుదేరి వెళ్లారు. రైలులో ప్రయాణికులతో ముచ్చటిస్తూ వారి సమస్యలను అడిగి తెలుసుకున్నారు. ట్రైన్లో కలిగి తిరుగుతూ అందరినీ పలకరించారు. హోం మంత్రినైనా ప్రజలతో కలిసిమెలిసి ఉండడమే తనకు ఇష్టమని ఆమె పేర్కొన్నారు. ఎవరు ఏ సమస్య తన దృష్టికి తీసుకువచ్చినా పరిష్కారానికి చర్యలు తీసుకుంటానని అన్నారు.
News June 18, 2024
అసెంబ్లీ స్పీకర్‌గా అయ్యన్నపాత్రుడు..!
నర్సీపట్నం నుంచి ఏడుసార్లు ఎమ్మెల్యేగా గెలిచిన చింతకాయల అయ్యన్నపాత్రుడుకి స్పీకర్ పదవి ఖరారు చేసినట్లు తెలుస్తోంది. ఈ నేపథ్యంలో అయ్యన్న తన అనుచరులతో ఏర్పాటు చేసిన సమావేశంలో స్పీకర్ పదవి తనకి కేటాయించారని చెప్పినట్లు సమాచారం. ఈనెల 24 నుంచి అసెంబ్లీ సమావేశాలు ప్రారంభం అవుతున్న తరుణంలో ఆయన నియామకంపై అధికారిక ప్రకటన వచ్చే అవకాశం ఉంది. దీంతో టీడీపీ శ్రేణులు హర్షం వ్యక్తం చేస్తున్నాయి.
News June 18, 2024
విశాఖ: ఇంజన్‌లో మంటలు చెలరేగడంతో అగ్నిప్రమాదం
అచ్యుతాపురం మండలం పూడిమడక సముద్రతీరంలో చాపల వేటకు వెళ్లిన బోటు ఇంజన్‌లో మంటలు చెల్లరేగడం వల్ల అగ్ని ప్రమాదం జరిగినట్లు ఏపీ మేకనైజ్డ్ బోటు అసోసియేషన్ అధ్యక్షుడు వాసుపల్లి జానకిరామ్ తెలిపారు. బోటులో ఉన్న మత్స్యకారులు వాసుపల్లి రాజు, వి.అప్పన్న, వి.దాసిలు, వి. అప్పారావు గనగళ్ల ఎర్రికొండ, మైలపల్లి ఎర్రయ్య, జి.పోలిరాజును మరో బోటు రక్షించి విశాఖ ఫిషింగ్ హార్బర్‌కు తీసుకొచ్చినట్లు తెలిపారు.
News June 18, 2024
విశాఖ: కరెంట్ షాక్‌తో నేపాల్ విద్యార్థి మృతి
కె.కోటపాడు మండలం బొట్టవానిపాలెం గ్రామ సమీపంలో ఓ కళాశాలలో చదువుతున్న నేపాల్‌కు చెందిన విద్యార్థి జీవన్ మగర్(23) విద్యుత్ షాక్‌తో మృతి చెందాడు. సోమవారం విద్యుత్ మోటారు ఆన్ చేయడానికి వెళ్లి విద్యుత్ షాక్‌కు గురై అక్కడికక్కడే మృతి చెందాడు. కళాశాల యాజమాన్యం ఇచ్చిన ఫిర్యాదు మేరకు కె.కోటపాడు పోలీసులు సంఘటన స్థలానికి చేరుకొని కేసు నమోదు చేసి దర్యాప్తు చేపట్టారు.
News June 18, 2024
విశాఖ పోర్టుకు ప్రపంచ ర్యాంకింగ్‌లో 20వ స్థానం
విశాఖ పోర్టు అథారిటీ ప్రపంచ ర్యాంకింగ్ లో ఉత్తమ స్థానానికి చేరుకుందని పోర్టు చైర్మన్ అంగముత్తు ఒక ప్రకటనలో తెలిపారు. 2023 సంవత్సరానికి 62.29 ఇండెక్స్ పాయింట్లతో ప్రపంచ ర్యాంకింగ్ లో 20వ స్థానం, కంటైనర్ పోర్ట్ పనితీరు సూచికలో 19వ స్థానంలో నిలిచిందన్నారు. పని సామర్థ్యం, పెట్టుబడులు, నూతన సాంకేతిక అంశాలు అమలులో పోర్టు అద్భుత పనితీరు చూపిస్తున్నట్లు పేర్కొన్నారు.
News June 18, 2024
విశాఖ కేజీహెచ్‌లో పేలిన వెంటిలేటర్ బ్యాటరీ
KGHలో సోమవారం అర్ధరాత్రి సీఎస్ఆర్ బ్లాక్ ICU వార్డులో వెంటిలేటర్ బ్యాటరీ పేలిపోయింది. వార్డు మొత్తం పొగ వ్యాపించడంతో రోగులు, సహాయకులు భయాందోళన చెందారు. వెంటనే స్పందించిన వైద్యులు 7గురు రోగులను సర్జికల్ ICUకి తరలించారు. రోగులంతా సురక్షితంగా ఉన్నారని కేజీహెచ్ పర్యవేక్షక అధికారి డా.శివానంద వెల్లడించారు. రాత్రి 12 గంటలకు ప్రమాదం చోటు చేసుకోగా.. ఒంటి గంటకు పూర్తిగా అదుపులోకి వచ్చింది
Featured News
Sorry, no posts matched your criteria.