India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News December 29, 2024
మూడు రోజుల పాటు ‘అరకు చలి’ ఉత్సవాలు
రాష్ట్ర ప్రభుత్వం జనవరి 31 నుంచి మూడు రోజులపాటు నిర్వహించే ‘అరకు చలి’ ఉత్సవాలకు ఏర్పాట్లు చేస్తున్నారు. దీనిలో భాగంగా జిల్లా కలెక్టర్ దినేష్ కుమార్ ఆదేశాలతో శనివారం పాడేరు ఐటిడిఏ పీఓ అభిషేక్, జేసీ అభిషేక్ గౌడ్ అరకులోయ వచ్చి స్థల పరిశీలన చేసి, ఉత్సవాల విజయవంతానికి ప్రణాళికను రూపొందించారు. దేశంలో ఉన్న గిరిజన సాంప్రదాయాలు, ఆచారాలను ఉత్సవాల ప్రాంగణంలో ప్రదర్శించేలా ఏర్పాటు చేస్తున్నట్లు పీఓ తెలిపారు.
News December 29, 2024
పాడేరు: గిరిజన విద్యార్థులతో ముచ్చటించిన కలెక్టర్
కలెక్టర్ దినేశ్ కుమార్ శనివారం ఆయన క్యాంపు కార్యాలయంలో గిరిజన విద్యార్థులతో ముచ్చటించారు. శ్రీకృష్ణాపురం ప్రభుత్వ గిరిజన సంక్షేమ ఆశ్రమ పాఠశాల బాలికలు, దిగు మొదాపుట్టు ప్రభుత్వ గిరిజన సంక్షేమ బాలుర ఆశ్రమ పాఠశాల విద్యార్థులతో భేటీ అయ్యారు. విద్యార్థుల కుటుంబ నేపథ్యాలు, పరిస్థితులు, తల్లిదండ్రులు వృత్తి వివరాలను అడిగి తెలుసుకున్నారు. భవిష్యత్తులో విద్యార్థులు ఉన్నత స్థానాలకు ఎదగాలని ఆకాంక్షించారు.
News December 28, 2024
విశాఖ: బీచ్‌లో ప్రారంభమైన నేవీ రిహార్సల్స్
విశాఖ నగరంలో వచ్చే నెల నాలుగవ తేదీన నేవీ డే సందర్భాన్ని పురస్కరించుకుని బీచ్‌లో శనివారం సాయంత్రం నేవీ రిహార్సల్స్ ప్రారంభం అయ్యాయి. నేవీ అధికారులు, సిబ్బంది అద్భుత విన్యాసాలు ప్రదర్శించారు. ఒకేసారి మూడు హెలికాప్టర్ల విన్యాసాలు ఆకట్టుకున్నాయి. నగరంలో ప్రజలు విన్యాసాలను తిలకించారు. వచ్చే నెల 3వ తేదీ వరకు రిహార్సల్స్ కొనసాగుతాయని అధికారులు తెలిపారు.
News December 28, 2024
విశాఖ: ‘మరింత సమర్థవంతంగా పనిచేయాలి’
పోలీస్ అధికారులు మరింత సమర్థవంతంగా పనిచేస్తూ ముందుకు వెళ్లాలని విశాఖ నగర పోలీస్ కమిషనర్ శంఖబ్రత బాగ్చీ సూచించారు. వుడా చిల్డ్రన్ ఎరీనాలో శనివారం జిల్లా ప్రధాన న్యాయమూర్తి గిరిధర్, నేవీ అధికారులతో కలిసి నేర సమీక్ష సమావేశాన్ని నిర్వహించారు. వచ్చే ఏడాది చేపట్టాల్సిన కార్యక్రమాలను వివరించారు. గిరిధర్ మాట్లాడుతూ విధి నిర్వహణలో పోలీస్ శాఖకు పూర్తి సహాయ సహకారాలు అందిస్తామన్నారు.
News December 28, 2024
విశాఖ: ఈనెల 31న ఎన్టీఆర్ భరోసా పింఛన్లు పంపిణీ
ఎన్టీఆర్ భరోసా పథకం కింద సామాజిక పింఛన్లను ఈ నెల 31వ తేదీన పంపిణీ చేయడానికి ఏర్పాట్లు చేస్తున్నట్లు జిల్లా అధికారులు తెలిపారు. జనవరి 1 కొత్త సంవత్సరం సందర్భాన్ని పురస్కరించుకుని ఒకరోజు ముందే అందజేయాలని ప్రభుత్వం ఆదేశాలు జారీ చేసినట్లు తెలిపారు. విశాఖ జిల్లాలో 1,59,277 మంది లబ్ధిదారులకు రూ.69.21 కోట్లను ప్రభుత్వం విడుదల చేసినట్లు తెలిపారు.
News December 28, 2024
చింతపల్లి: చలి తీవ్రతకు మద్యం తాగి వ్యక్తి మృతి
చింతపల్లి మండలంలోని అన్నవరం సంతపాకలు వద్ద మద్యం అధికంగా తాగి ఓ వ్యక్తి మృతి చెందాడు. చోడిరాయి గ్రామానికి చెందిన మువ్వల నాగేశ్వరరావు (50)అనే వ్యక్తి గురువారం రాత్రి మద్యం అధికంగా తాగాడు. మద్యం మత్తులో రాత్రి అక్కడే పడుకున్నాడు. అయితే చలి తీవ్రతకు శుక్రవారం ఉదయానికి మృతి చెందాడు. ఈ ఘటనపై కుటుంబ సభ్యులు ఫిర్యాదు చేశారని అన్నవరం ఎస్ఐ జీ.వీరబాబు తెలిపారు.
News December 28, 2024
చోడవరం: మేనల్లుడిని హత్య చేసిన మేనమామ
చోడవరం పాత బస్టాండ్ వద్ద శుక్రవారం రాత్రి మేనల్లుడిని మేనమామ హత్య చేశాడు. స్థానికంగా రెల్లివీధిలో నివాసం ఉన్న మేనల్లుడు ఎస్ ప్రేమ కుమార్ మేనమామ బంగారు దుర్గ చిత్తు కాగితాలు ఏరుకొని వాటిని విక్రయిస్తూ రోజు మద్యం తాగుతూ ఉంటారు. ఈ నేపథ్యంలో నిన్న రాత్రి ఇద్దరి మధ్య డబ్బులు విషయంలో గొడవ జరిగింది. ప్రేమ కుమార్‌ను మద్యం మత్తులో ఉన్న దుర్గ కర్రతో దాడి చేసి హత్య చేశాడు. పోలీసులు కేసు నమోదు చేశారు.
News December 28, 2024
సికింద్రాబాద్-విశాఖ-సికింద్రాబాద్‌కు ప్రత్యేక రైలు
సంక్రాంతి సీజన్ సందర్భంగా ప్రయాణికుల రద్దీని దృష్టిలో పెట్టుకుని సికింద్రాబాద్-విశాఖ-సికింద్రాబాద్‌కు ప్రత్యేక రైలు నడుపుతున్నట్లు వాల్తేరు రైల్వే డివిజన్ డీసీఎం కే సందీప్ తెలిపారు. 5,12 తేదీల్లో సికింద్రాబాద్‌లో సాయంత్రం 4.35 గంటలకు బయలుదేరి మరుసటి రోజు ఉదయం 6:30 గంటలకు విశాఖ చేరుకుంటుందన్నారు. తిరుగు ప్రయాణంలో జనవరి 6, 13 తేదీల్లో విశాఖలో రాత్రి 7:30 గంటలకు బయలుదేరుతుందన్నారు.
News December 28, 2024
బాల్య వివాహాల నిర్మూలనను బాధ్యతగా స్వీకరించాలి: కలెక్టర్
బాల్య వివాహాల నిర్మూలనను అందరం బాధ్యతగా స్వీకరించాలని కలెక్టర్ దినేశ్ కుమార్ సూచించారు. శుక్రవారం జిల్లా స్థాయి బాల్య వివాహాల కమిటీ హైబ్రిడ్ సమావేశం నిర్వహించారు. పీవీటీజీ తెగలు, బడి మానేసిన పిల్లలలో బాల్య వివాహాలు జరుగుతున్నందున వారిపై ప్రత్యేక దృష్టి సారించాలని ఆదేశించారు. గత రెండేళ్లలో 25 బాల్య వివాహాలు నిరోధించినప్పటికీ గత రెండేళ్లలో 357 మంది టీనేజ్ గర్భవతులు ఉండడం పట్ల అసహనం వ్యక్తం చేశారు.
News December 27, 2024
విశాఖ: మెముకు బదులుగా సాధారణ రైళ్లు
మెముకు బదులుగా సాధారణ రైళ్లును ఈనెల 28 నుంచి మార్చి ఒకటి వరకు నడపనున్నట్లు వాల్తేరు డిసీఎం కే సందీప్ తెలిపారు. విశాఖ-పలాస-విశాఖ నెంబర్లతో ఈనెల 28 నుంచి మార్చి ఒకటి వరకు శుక్ర, ఆదివారాలు మినహా ఈ రైలు నడుస్తుందన్నారు. విశాఖ-విజయనగరం మధ్య మెము పాసింజర్ ఈనెల 27 నుంచి ఫిబ్రవరి 28 వరకు గురువారాలు మినహా సాధారణ రైలుగా నడుస్తుందని అన్నారు. ఈనెల 28 నుంచి మార్చి ఒకటి వరకు నడుస్తుందన్నారు.
Featured News
Sorry, no posts matched your criteria.