India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News May 23, 2024
విశాఖ మరికొన్ని రైళ్లకు LHB కోచ్‌లు
ప్రయాణికులకు మరింత సౌకర్యవంతమైన ప్రయాణాన్ని కల్పించేందుకు వాల్తేరు డివిజన్ పరిధిలో పలు రైళ్లకు అత్యాధునిక LHB కోచ్‌లను జత చేస్తున్నట్లు సీనియర్ డివిజనల్ కమర్షియల్ మేనేజర్ కె సందీప్ తెలిపారు. ఈనెల 24 నుంచి విశాఖ ఎంజీఆర్ చెన్నై సెంట్రల్ వీక్లీ ఎక్స్‌ప్రెస్, 25 నుంచి ఎంజీఆర్ చెన్నై సెంట్రల్ విశాఖ వీక్లీ ఎక్స్‌ప్రెస్, 26 నుంచి విశాఖ పారాదీప్ వీక్లీ ఎక్స్‌ప్రెస్‌కి ఈ సౌకర్యం కల్పిస్తున్నామన్నారు.
News May 23, 2024
సింహాచలం: నేడు అంతరాలయ దర్శనం రద్దు
వైశాఖ పౌర్ణమి సందర్భంగా గురువారం సింహాచలం ఆలయంలో అప్పన్న బాబుకు రెండవ విడత చందనం సమర్పించనున్నట్లు ఆలయ ఈవో శ్రీనివాసమూర్తి తెలిపారు. ఈ సందర్భంగా అంతరాలయ దర్శనం రద్దు చేసినట్లు ఆయన పేర్కొన్నారు. రూ.300 టికెట్ తీసుకుని భక్తులకు నీలాద్రి గుమ్ము వద్ద నుంచి లఘు దర్శనం ఉంటుందని ఆయన తెలిపారు. భక్తులందరూ ఈ విషయాన్ని గమనించాలన్నారు. బైక్‌లను గణపతి సత్రం వద్ద ఏర్పాటు చేసిన పార్కింగ్ ప్రాంతంలో నిలపాలన్నారు.
News May 23, 2024
ఎలమంచిలిలో రెండు బైకులు ఢీ ఒకరు మృతి
లక్కవరం జాతీయ రహదారిపై బుధవారం జరిగిన రోడ్డు ప్రమాదంలో ఒకరు మృతి చెందినట్లు రూరల్ ఎస్సై సింహాచలం తెలిపారు. నక్కపల్లి మండలం దోసలపాడుకి చెందిన లక్ష్మణరావు మరో ముగ్గురుతో కలిసి బైక్‌లపై గాజువాక బయలుదేరారు. లక్కవరం సమీపంలో వెనుక వస్తున్న బైక్ లారీని తప్పించబోయి ముందున్న బైక్‌ని ఢీకొంది. ప్రమాదంలో లక్ష్మణరావుకు తీవ్ర గాయాలు కాగా చికిత్స నిమిత్తం విశాఖ తరలించారు. అక్కడ చికిత్స పొందుతూ మరణించాడు.
News May 23, 2024
విశాఖ: ఓట్ల లెక్కింపు వేళ ప్రత్యేకంగా మీడియా సెంటర్ ఏర్పాటు
ఓట్ల లెక్కింపు జరిగే సమయంలో మీడియాకు ఎప్పటికప్పుడు సమాచారం అందించటానికి ప్రత్యేకంగా మీడియా సెంటర్ ఏర్పాటు చేస్తున్నారు. బుధవారం కలెక్టర్ ఈ సెంటర్ ఏర్పాటు చేసే భవనాన్ని పరిశీలించారు. కౌంటింగ్ కేంద్రాల నుంచి ఎప్పటికప్పుడు సమాచారాన్ని అందించే విధంగా చర్యలు తీసుకోవాలని, సంబంధిత ఏర్పాటు చేయాలని జిల్లా సమాచార పౌర సంబంధాల అధికారికి సూచించారు. కలెక్టర్ వెంట జేసీ మయూర్ అశోక్, తదితరులు ఉన్నారు.
News May 22, 2024
స్టీల్ ప్లాంట్: 23న మిగిలిన వేతనాల చెల్లింపు
వేతనాల విషయమై స్టీల్ ప్లాంట్ సీఎండీ అతుల్ భట్ అఖిలపక్ష కార్మిక నేతలతో బుధవారం చర్చించారు. ఈ నెల 21న 50% జీతాలు చెల్లించడంతో మిగిలిన వేతనాలు చెల్లించాలని డిమాండ్ చేస్తూ అడ్మిన్ భవనాన్ని ముట్టడించడానికి ప్రయత్నించారు. ఈ నేపథ్యంలో సీఎండీ వారిని చర్చలకు ఆహ్వానించారు. ఈ నెల 23న మిగిలిన 50% వేతనాలు చెల్లిస్తామని సీఎండీ హామీ ఇవ్వడంతో కార్మికులు శాంతించారు.
News May 22, 2024
ఓట్ల లెక్కింపు పకడ్బందీగా ఏర్పాట్లు చేయాలి: కలెక్టర్ మల్లికార్జున
ఓట్ల లెక్కింపుకు పకడ్బందీగా ఏర్పాట్లు చేయాలని విశాఖ జిల్లా రిటర్నింగ్ అధికారి, కలెక్టర్ మల్లికార్జున ఆదేశించారు. కౌంటింగ్ ఏర్పాట్లపై కలెక్టరేట్లో సమీక్షించారు. విశాఖ జిల్లాలో ఏడు అసెంబ్లీ నియోజకవర్గాలతో పాటు ఒక ఎంపీ నియోజకవర్గం ఓట్లను ఆంధ్ర విశ్వవిద్యాలయం ఇంజనీరింగ్ కళాశాలలో లెక్కించడానికి అవసరమైన టేబుల్స్ ఏర్పాటు చేయాలన్నారు. ఎన్నికల కమిషన్ నిబంధనల మేరకు ఓట్ల లెక్కింపు జరుగుతుందన్నారు.
News May 22, 2024
విశాఖ యువతను రప్పించేందుకు కంబోడియా ప్రభుత్వంతో చర్చలు
మానవ అక్రమ రవాణాపై కంబోడియా ప్రభుత్వంతో అక్కడున్న భారత దౌత్య కార్యాలయం చర్చలు జరుపుతున్నట్లు తెలిపింది. విశాఖకు చెందిన 150 మందిని సైబర్ క్రైమ్స్ కోసం సైబర్ నేరగాళ్లు ఏజెంట్ల ద్వారా అక్కడికి తీసుకువెళ్లారు. హింసలు పెడుతూ తినడానికి భోజనం కూడా పెట్టడం లేదు. ఈ విషయాన్ని నగర పోలీస్ అధికారులు భారత దౌత్య కార్యాలయం దృష్టికి తీసుకువెళ్లారు. దీంతో వారిని ఇండియా రప్పించేందుకు చర్చలు జరుపుతున్నామన్నారు.
News May 22, 2024
సందర్శకులతో కిటకిటలాడుతున్న విశాఖ జూ
వేసవి సందర్భంగా విశాఖలోని ఇందిరాగాంధీ జూ పార్క్‌లో సందడి నెలకొంది. కొద్ది రోజులుగా జూ పార్కు సందర్శకులతో కిటకిటలాడుతోంది. వేసవి సెలవులు కావడంతో పిల్లలు, పెద్దలు వందలాది మంది జూని సందర్శిస్తున్నారు. ఉమ్మడి విశాఖ జిల్లాలోని పలు ప్రాంతాల నుంచి అధిక సంఖ్యలో జూ పార్కుకు వస్తున్నారు. సందర్శకులు వన్యప్రాణులను తిలకిస్తూ ఆనందిస్తున్నారు.
News May 22, 2024
సింహాచలం: నేడు, రేపు ఆర్జిత సేవలు రద్దు
సింహాచలం ఆలయంలో బుధవారం, గురువారం ఆర్జిత సేవలన్నీ రద్దు చేసినట్లు సింహాచలం దేవస్థానం ఏఈఓ ఆనంద్ కుమార్ మంగళవారం తెలిపారు. ఈనెల 22న శ్రీ నృసింహ జయంతి, స్వాతి నక్షత్ర హోమం నిర్వహిస్తున్న కారణంగా ఆర్జిత సేవలు అన్నింటిని రద్దు చేసినట్లు తెలిపారు. అలాగే 23న వైశాఖ పౌర్ణమి కావడంతో గురువారం కూడా ఆర్జిత సేవలను రద్దు చేసినట్లు పేర్కొన్నారు. భక్తులు ఈ విషయాన్ని గమనించాలని కోరారు.
News May 22, 2024
భీమిలి: రిటైర్డ్ కానిస్టేబుల్ మృతి
భీమిలి నియోజకవర్గం తగరపువలస-ఆనందపురం సర్వీసు రోడ్డులో వలందపేట దగ్గర మంగళవారం రోడ్డు ప్రమాదం జరిగింది. తాళ్లవలస రాజేశ్ అపార్ట్‌మెంట్‌లో ఉంటున్న రిటైర్డ్ కానిస్టేబుల్ దండు వెంకటపతిరాజు(64) పూజ సామగ్రి కోసం సంగివలసకు బైకుపై వచ్చారు. తిరిగి వెళ్తుండగా కారు ఢీకొట్టింది. తీవ్రగాయాలతో ఆయన మృతిచెందారు. రాజు కుమారుడు లండన్‌లో చదువుతుండగా సంగివలసలో కుమార్తె సాయిలక్ష్మి దగ్గర ఆయన ఉంటున్నారు.
Featured News
Sorry, no posts matched your criteria.