India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News March 31, 2024
అనకాపల్లి ఎంపీకి కీలక బాధ్యతలు
అనకాపల్లి పార్లమెంటరీ నియోజకవర్గ వైసీపీ అబ్జర్వర్గా స్థానిక ఎంపీ బి.వి సత్యవతి నియమితులయ్యారు. సీఎం జగన్మోహన్ రెడ్డి ఆదేశాల మేరకు పార్టీ కేంద్ర కార్యాలయం ఓ ప్రకటన విడుదల చేసింది. రాబోయే ఎన్నికల్లో పార్టీ క్యాడర్ను సమన్వయం చేసుకుంటూ ముందుకు వెళ్లాలని పార్టీ సూచించింది. కాగా.. ఈసారి అనకాపల్లి ఎంపీ అభ్యర్థిగా బూడి ముత్యాలనాయుడికి అధిష్ఠానం అవకాశం ఇచ్చింది.
News March 31, 2024
విశాఖ: ‘బాలుడు కరోనాతో చనిపోలేదు’
కేజీహెచ్లో కరోనాతో బాలుడు చనిపోయాడన్న వార్తల్లో నిజం లేదని డీఎంహెచ్ఓ డాక్టర్ జగదీశ్వరరావు తెలిపారు. రెండు వారాలుగా మలేరియా పచ్చకామెర్లతో బాలుడు బాధపడుతున్నట్లు పేర్కొన్నారు. తూ.గో జిల్లాకు చెందిన 14 ఏళ్ల బాలుడిని ఈనెల 28న కేజీహెచ్లో చేర్పించినట్లు తెలిపారు. అప్పటికే బాలుడు కీళ్ల వ్యాధికి స్టెరాయిడ్ థెరపి తీసుకుంటున్నట్లు చెప్పారు. పైవ్యాధులతో బాలుడు చికిత్స పొందుతూ 29న మృతి చెందాడన్నారు.
News March 31, 2024
విశాఖలో కొరియర్ పేరుతో రూ.20 లక్షలు కొట్టేశారు
ఫెడెక్స్ కొరియర్ పేరుతో నగరానికి చెందిన వ్యక్తికి రూ.20 లక్షలకు టోకరా వేసిన ఐదుగురు సైబర్ నేరగాళ్లను పోలీసులు శనివారం అరెస్టు చేశారు. ముంబై నుంచి తైవాన్కు చేసిన కొరియర్లో డ్రగ్స్ ఉన్నాయని ఒక వ్యక్తికి నేరగాళ్లు ఫోన్ చేశారు. తాను కొరియర్ చేయలేదంటూ చెప్పగా.. సదరు వ్యక్తి అడ్రస్, ఇతర వివరాలు కరెక్ట్గా చెప్పడంతో భయపడ్డాడు. బ్యాంక్ ఖాతా తనిఖీ చేయాలని చెప్పి రూ.20 లక్షలు కాజేశారు.
News March 31, 2024
విశాఖ: ప్రవేశాల గడువు పొడిగింపు
ఉమ్మడి విశాఖ జిల్లాలోని ప్రభుత్వ గురుకుల సొసైటీకి చెందిన గురుకుల పాఠశాలల్లో అయిదో తరగతిలో ప్రవేశాల కోసం ఏప్రిల్ 5 వరకు దరఖాస్తులు చేసుకోవడానికి గడువును పొడిగించారు. రానున్న విద్యాసంవత్సరంలో భీమిలి, అచ్యుతాపురం బాలికలు, నర్సీపట్నం బాలుర గురుకుల పాఠశాలల్లో ప్రవేశాల కోసం ఏప్రిల్ 25న జిల్లా కేంద్రాల్లో ప్రవేశ పరీక్షలు జరుగుతాయని పరీక్షల ఉమ్మడి విశాఖ జిల్లా కో-ఆర్డినేటర్ రాంబాబు పేర్కొన్నారు.
News March 31, 2024
నేడే చెన్నై సూపర్కింగ్స్, ఢిల్లీ క్యాపిటల్స్ మధ్య మ్యాచ్
చెన్నై సూపర్కింగ్స్, ఢిల్లీ క్యాపిటల్స్ మధ్య ఆదివారం జరిగే ఐపీఎల్ మ్యాచ్కు పోతినమల్లయ్యపాలెంలోని ఏసీఏ-వీడీసీఏ స్టేడియం సర్వాంగ సుందరంగా ముస్తాబైంది. ఈ సీజన్లో తొలి రెండు మ్యాచ్లలో విజయం సాధించి మంచి ఊపుమీదున్న చెన్నై సూపర్కింగ్స్ ఉత్సాహంగా బరిలోకి దిగుతోంది. ప్రవేశ ద్వారాల వద్ద వైఫైతో కూడా స్కానర్ బోర్డులను ఏర్పాటుచేశారు. మ్యాచ్ నేపథ్యంలో భారీ బందోబస్తును ఏర్పాటుచేశారు.
News March 31, 2024
విశాఖలో విద్యార్థిని ఆత్మహత్య.. విచారణకు కమిటీ
విశాఖలో చైతన్య పాలిటెక్నిక్ కాలేజ్ విద్యార్థిని బలవన్మరణంపై సాంకేతిక విద్యాశాఖ విచారణకు ఆదేశించింది. సంఘటనపై విచారణ జరిపి 24 గంటలలోగా నివేదిక అందించాలని ముగ్గురు సభ్యులతో కూడిన కమిటీని నియమించింది. పెందుర్తి ప్రభుత్వ పాలిటెక్నిక్ కాలేజ్ ప్రిన్సిపల్ చంద్రశేఖర్ నేతృత్వంలో విశాఖ ప్రభుత్వ పాలిటెక్నిక్ మెటలర్జీ విభాగాధిపతి రత్నకుమార్, సివిల్ ఇంజినీరింగ్ లెక్చరర్ రాజ్యలక్ష్మి విచారణ చేయనున్నారు.
News March 31, 2024
విశాఖ: ‘ఎన్నికల నిర్వహణలో ప్రణాళికాయుతంగా వ్యవహరించాలి’
ఎన్నికల నిర్వహణ ప్రక్రియలో ప్రణాళికాయుతంగా వ్యవహరించాలని జిల్లా రెవెన్యూ అధికారి కె. మోహన్ సూచించారు. జిల్లాలోని వివిధ నోడల్ అధికారులతో శనివారం కలెక్టరేట్ మీటింగ్ హాలులో సమావేశమయ్యారు. ఆయా నోడల్ అధికారుల సమక్షంలో ఇప్పటి వరకు జరిగిన ఏర్పాట్లు, తీసుకున్న చర్యల గురించి అడిగి తెలుసుకున్నారు. ఆయా నోడల్ అధికారుల సమక్షంలో చేయాల్సిన ఏర్పాట్లను పూర్తి చేయాలని డీఆర్ఓ సూచించారు.
News March 31, 2024
అనకాపల్లి: ‘వృద్ధులు, దివ్యాంగులకు సౌకర్యాలు కల్పిస్తాం’
సార్వత్రిక ఎన్నికల్లో ఓటు వేసేందుకు అవసరమైన సౌకర్యాలను వృద్ధులు దివ్యాంగులకు కల్పిస్తామని అనకాపల్లి జిల్లా కలెక్టర్ రవి సుభాష్ పేర్కొన్నారు. అనకాపల్లి కలెక్టరేట్లో నిర్వహించిన సమీక్ష సమావేశంలో ఆయన మాట్లాడుతూ.. ఎన్నికల కమిషన్ కల్పించే సౌకర్యాలను వారు వినియోగించుకోవాలని కోరారు. 85 ఏళ్లు నిండిన వృద్ధులకు పోలింగ్ బూత్కి రాలేని దివ్యాంగులకు ఇంటి వద్దనే ఓటు వేసే సౌకర్యం కల్పిస్తామన్నారు.
News March 30, 2024
భీమిలిలో రోడ్డు ప్రమాదం వివాహిత మృతి
మండలంలోని సంగివలస మూడు అమ్మవార్ల గుడి వద్ద జరిగిన రోడ్డు ప్రమాదంలో వివాహిత మృతి చెందింది. అనకాపల్లికి చెందిన చంద్రతేజాదేవి (24)కి భీమిలి మండలానికి చెందిన గంగడ పైడిరాజుకి గత నెలలో వివాహం అయింది. వీరు మద్దిలపాలెంలో నివాసముంటున్నారు. ఈరోజు సింగనబంద అమ్మవారిని దర్శించుకుని బైక్పై తిరిగి వస్తుండగా వెనుక నుంచి లారీ ఢీకొనడంతో అమె అక్కడికక్కడే మృతి చెందినట్లు భీమిలి సీఐ డీ.రమేశ్ తెలిపారు.
News March 30, 2024
సీఎం రమేశ్ వ్యాఖ్యలు హాస్యాస్పదం: సీపీఎం
విశాఖ స్టీల్ప్లాంట్ ప్రైవేటీకరణ కానివ్వమని, పరిశ్రమకు అవసరమైన సొంత గనులు, నిధులు రప్పించి ఆధునీకరించి ఉపాధి కల్పిస్తామని బీజేపీ ఎంపీ అభ్యర్థి సీఎం రమేశ్ ప్రకటించడం హాస్యాస్పదంగా ఉందని సీపీఎం జిల్లా కార్యదర్శి కే లోకనాథం అన్నారు. శనివారం ఆయన మీడియాతో మాట్లాడుతూ.. గత పదేళ్ళుగా ఎంపీగా ఉండి విశాఖ స్టీల్ ప్లాంట్ ప్రైవేటీకరణ అంశంలో మీరు చేసిందేమిటి? అని లోకనాధం ప్రశ్నించారు.
Featured News
Sorry, no posts matched your criteria.