• Download our app

Visakhapatnam

News May 17, 2024

ఊపిరి పీల్చుకున్న విశాఖ స్టీల్ ప్లాంట్

image

విశాఖ స్టీల్ ప్లాంట్ కొంతమేరకు ఊపిరి పీల్చుకుంది. గంగవరం పోర్ట్ లో కార్మికుల ఉద్యోగ బాట పట్టడంతో దిగుమతి చేసుకున్న బొగ్గు స్టీల్ ప్లాంట్ కు తరలించడం సమస్యగా మారింది. ఈ నేపథ్యంలో గురువారం పోర్ట్ అధికారులకు, కార్మికులకు మధ్య వన్ టైం సెటిల్మెంట్ జరిగింది. శుక్రవారం నుంచి ఉత్పత్తి దిశగా విశాఖ ఉక్కు సాగనుంది. మరోపక్క గంగవరం పోర్ట్ కార్మికులు గురువారం విధుల్లోకి చేరారు. ఉద్యమ బాట వీడారు.

News May 17, 2024

గుడివాడ కలలు కంటున్నారు: బీజేపీ

image

ఎన్నికల్లో ఓడిపోయి అధికారాన్ని కోల్పోతామని తెలుసుకున్న వైసీపీ నేత అమర్నాథ్ అసహనంతో ఉన్నట్లు బీజేపీ విశాఖ జిల్లా అధ్యక్షుడు మేడపాటి రవీందర్ అన్నారు. విశాఖ బీజేపీ కార్యాలయంలో ఆయన మాట్లాడుతూ.. కేంద్రంలో మ్యాజిక్ ఫిగర్ దాటలేమని, మా అవసరం వస్తుందని మంత్రి కలలు కంటున్నట్లు పేర్కొన్నారు. ఇప్పటివరకు దేశవ్యాప్తంగా జరిగిన నాలుగు విడతల్లో బీజేపీ మ్యాజిక్ ఫిగర్ దాటిన విషయాన్ని మంత్రి తెలుసుకోవాలన్నారు.

News May 17, 2024

విశాఖ: రోజుకు మూడుసార్లు పరిశీలన

image

ఎన్నికల అనంతరం ఈవీఎంలను భద్రపరిచిన స్ట్రాంగ్ రూమును రోజుకు మూడుసార్లు పరిశీలించే విధంగా అధికారులు అనుమతిస్తున్నారు. పోటీ చేసిన అభ్యర్థులకు వారి ఏజెంట్లు గానీ ఉదయం 8 గంటలకు, మధ్యాహ్నం 2 గంటలకు, రాత్రి 10 గంటల సమయంలో పోలీస్ సిబ్బంది, అధికారుల సమక్షంలో పరిశీలించే అవకాశం కల్పిస్తున్నారు. కానీ వీరు రూముకు వేసిన సీలును తాకడం, సంతకం చేసిన వాటిని తాకడం వంటివి చేయకూడదు.

News May 17, 2024

విశాఖ: ఇగ్నోలో ప్రవేశాలకు దరఖాస్తులు ఆహ్వానం

image

ఇందిరాగాంధీ జాతీయ సార్వత్రిక విశ్వవిద్యాలయం-2024 విద్యా సంవత్సరంలో ప్రవేశాలకు దరఖాస్తులను ఆహ్వానిస్తున్నట్లు ప్రాంతీయ కేంద్రం సంచాలకులు జి.ధర్మారావు తెలిపారు. ఆన్‌లైన్ విధానంలో డిగ్రీ, పీజీ, డిప్లొమా, సర్టిఫికెట్ కోర్సుల్లో ప్రవేశాలు కల్పించనున్నట్లు చెప్పారు. కేంద్రం పరిధిలోని 11 జిల్లాల విద్యార్థులు జూన్ 30వ తేదీలోగా దరఖాస్తు చేసుకోవాలన్నారు. వివరాలకు ఇగ్నో కార్యాలయాన్ని సంప్రదించాలన్నారు.

News May 17, 2024

రవాణాలో విశాఖ పోర్ట్ సరికొత్త రికార్డు

image

సరుకు రవాణాలో విశాఖ పోర్ట్ సరికొత్త రికార్డును నెలకొల్పింది. 45 రోజుల్లో 10 మిలియన్ మెట్రిక్ టన్నుల సరుకు రవాణా చేయడం ద్వారా గత ఏడాది రికార్డును అధికమించిందని పోర్టు కార్యదర్శి వేణుగోపాల్ తెలిపారు. గత ఏడాది 2023-24లో 47 రోజుల్లో 10 మిలియన్ల మెట్రిక్ టన్నుల సరుకు రవాణా చేసినట్లు తెలిపారు. అదే ఇంతవరకు రికార్డుగా ఉండేదని, ఆ రికార్డును తిరిగి రాసిందని అన్నారు.

News May 17, 2024

పోలీసుల కృషితో ప్రశాంతంగా ముగిసిన ఎన్నికలు: విశాఖ రేంజ్ డీఐజీ

image

పోలీసు అధికారులు, సిబ్బంది కృషితో సార్వత్రిక ఎన్నికలు ప్రశాంతంగా ముగిసినట్లు విశాఖ రేంజ్ డీఐజీ విశాల్ గున్ని అన్నారు. విజయనగరం జిల్లా పోలీస్ కార్యాలయం నుంచి విశాఖ, శ్రీకాకుళం, విజయనగరం, అనకాపల్లి జిల్లాల ఎస్పీలతో ఆయన జూమ్ ద్వారా సమీక్ష నిర్వహించారు. ఈ సందర్భంగా ఆయన మాట్లాడుతూ.. కౌంటింగ్ పూర్తయ్యే వరకు పోలీస్ సిబ్బంది అప్రమత్తంగా ఉండాలన్నారు. శాంతిభద్రతలకు భంగం కలగకుండా జాగ్రత్తలు తీసుకోవాలన్నారు.

News May 17, 2024

విశాఖ: ‘కౌంటింగ్ ప్రక్రియ నిర్వహణకు పటిష్ట ఏర్పాట్లు చేయాలి’

image

జూన్ 4వ తేదీన జరగబోయే కౌంటింగ్ ప్రక్రియ నిర్వహణకు పటిష్ట ఏర్పాట్లు చేయాలని ఆయా నియోజకవర్గాల ఆర్వోలకు, ఇతర అధికారులకు జిల్లా కలెక్టర్ డా.ఎ.మల్లికార్జున సూచించారు. గురువారం కలెక్టరేట్ మీటింగ్ హాలులో సమావేశం నిర్వహించారు. పోలింగ్ అనంతరం ఆయా స్ట్రాంగ్ రూమ్‌లకు ఈవీఎంల తరలింపు, ఇతర సాంకేతిక ప్రక్రియల పూర్తి, ఇతర అంశాల గురించి అడిగి తెలుసుకున్నారు. కౌంటింగ్ ప్రక్రియ సమర్థవంతంగా జరిగేలా కృషి చేయాలన్నారు.

News May 16, 2024

స్ట్రాంగ్ రూమ్స్ సీసీ ఫుటేజీలను పరిశీలించవచ్చు: విశాఖ కలెక్టర్

image

ఎన్నికల్లో పోటీ చేసిన అభ్యర్థులు లేదా వారి ఏజెంట్లు ఈవీఎంల భద్రత కోసం స్ట్రాంగ్ రూమ్స్ బయట ఏర్పాటు చేసిన సీసీ ఫుటేజీలను, స్ట్రాంగ్ రూమ్‌ సీల్‌ను రోజుకు మూడుసార్లు పరిశీలించుకోవడానికి అవకాశం కల్పించినట్లు విశాఖ జిల్లా కలెక్టర్ మల్లికార్జున తెలిపారు. అయితే సీల్‌ను తాకడానికి అవకాశం లేదన్నారు. స్ట్రాంగ్ రూమ్స్ ఆవరణలో కంట్రోల్ రూమ్‌లను ఏర్పాటు చేసినట్లు తెలిపారు.

News May 16, 2024

విశాఖ స్టీల్ ప్లాంట్‌‌కు నోటీసులు

image

విశాఖ స్టీల్ ప్లాంట్ పెండింగ్ విద్యుత్ బిల్లులు చెల్లించాలంటూ APEPDCL నోటీసులు జారీ చేసింది. మార్చి నెలలో విద్యుత్ బకాయిలు రూ.68 కోట్లు చెల్లించాలని ఆ నోటీసులో పేర్కొంది. మార్చి నెల విద్యుత్ బకాయిలు తక్షణమే చెల్లించకపోతే విద్యుత్ సరఫరా నిలిపివేస్తామని ఆ నోటీసులో పేర్కొన్నారు. దీనిపై కార్మిక యూనియన్ ప్రతినిధులు ఆగ్రహం వ్యక్తం చేస్తున్నారు.

News May 16, 2024

విశాఖ: కర్రలతో దాడి ముగ్గిరికి తీవ్రగాయాలు

image

విశాఖలోని కంచరపాలెం పోలీస్ స్టేషన్ పరిధిలో రెండు కుటుంబాల మధ్య గొడవ జరగ్గా.. ముగ్గురికి తీవ్ర గాయాలయ్యాయి. కాగా.. తమకు ఓటు వేయలేదని ఓ పార్టీ నాయకులు దాడి చేశారని సోషల్ మీడియాలో వైరల్‌గా మారింది. దీనిపై స్పందించిన కంచరపాలెం పోలీసులు వివరణ ఇచ్చారు. ‘ఈ గొడవకు పార్టీలతో సంబంధం లేదని, కేవలం పక్క పక్క ఇళ్లవారి మధ్య జరిగిన గొడవ మాత్రమే’ అని చెప్పారు.

Featured News

Sorry, no posts matched your criteria.

↑