India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News May 14, 2024
ఇందిరా గాంధీ జూలో మే 21 నుంచి సమ్మర్ క్యాంప్
ఇందిరా గాంధీ జంతు ప్రదర్శనశాలలో మే 21 నుంచి సమ్మర్ క్యాంప్-2024 నిర్వహిస్తున్నట్లు క్యూరేటర్ డా.నందని సలారియా తెలిపారు. 5 సంవత్సరాల వయస్సు నుంచి 18 సంవత్సరాల వయస్సు వరకు ఎవరైనా ఈ సమ్మర్ క్యాంప్‌లో పాల్గొనవచ్చు అన్నారు. 5 నుంచి 11 సంవత్సరాల వారికి మే 21 నుంచి 25 వరకు, 12-18 సంవత్సరాల వారికి మే 28 నుంచి జూన్ 1వ తేదీ వరకు రెండు బ్యాచ్‌లుగా సమ్మర్ క్యాంప్ నిర్వహిస్తున్నట్లు తెలిపారు.
News May 14, 2024
విశాఖ: రోడ్డు ప్రమాదంలో మహిళ మృతి
నావెల్ డాక్ యార్డ్ ప్రాంతంలో సోమవారం రాత్రి జరిగిన రోడ్డు ప్రమాదంలో తీవ్రంగా గాయపడిన మహిళ మంగళవారం మృతి చెందింది. గాయపడిన మహిళను పోలీసులు చికిత్స నిమిత్తం కేజీహెచ్‌కు తరలించారు. చికిత్స పొందుతూ ఆమె మృతి చెందినట్లు మల్కాపురం పోలీసులు తెలిపారు. మృతురాలిని ఎవరైనా గుర్తిస్తే మల్కాపురం పోలీస్ స్టేషన్‌‌ను సంప్రదించాలని కోరారు.
News May 14, 2024
తనకు తాను ఓటేసుకోని టీడీపీ ఎమ్మెల్యే అభ్యర్థి
మాడుగుల నియోజకవర్గ టీడీపీ అభ్యర్థి బండారు సత్యనారాయణమూర్తి తను పోటీ చేసిన మాడుగుల నియోజకవర్గంలో ఓటు వేయడానికి అవకాశం లేకపోయింది. పెందుర్తి నియోజకవర్గం పరిధిలో తన స్వగ్రామమైన వెన్నెలపాలెంలో తన సతీమణితో కలిసి ఓటు వేశారు. ఆఖరి నిమిషంలో మాడుగుల నియోజకవర్గం టీడీపీ టికెట్ ఖరారవ్వడంతో ఆయన ఓటును మార్చుకునే అవకాశం లేకపోయింది. కాగా.. కూటమి తరఫున పెందుర్తిలో జనసేన అభ్యర్థి పంచకర్ల రమేశ్‌ పోటీలో ఉన్నారు.
News May 14, 2024
గాజువాకలో ఈవీఎంల ఫొటోలు బహిర్గతం..?
గాజువాక నియోజకవర్గంలో ఓటు బహిర్గతం అయ్యినట్లు తెలుస్తోంది. ఓ పార్టీకి ఓటు వేసినట్లు ఈవీఎంల ఫొటోలు కలకలం రేపాయి. గుర్తు తెలియని వ్యక్తి ఓటు వేస్తూ ఈవీఎంల ఫొటో తీశాడు. తీసిన ఫొటోలు సోషల్ మీడియాలో హల్‌చల్ చేస్తున్నాయి. ఎన్నికల నిబంధనలకు తూట్లు పొడుస్తూ ఓటు వేసిన వివరాలు బహిర్గతం కావడంతో అందరూ అవాక్కవుతున్నారు. అయితే.. అది మాక్ పోలింగ్ జరిగినప్పుడు తీసిన ఫొటో అని కూడా ప్రచారం జరుగుతోంది.
News May 14, 2024
వేసవీ రద్దీ దృష్ట్యా విశాఖ – సికింద్రాబాద్ – విశాఖ ప్రత్యేక రైలు
ఏపీలో ఓటేసేందుకు హైదరాబాద్ నుంచి సొంతూళ్లకు వచ్చి తిరిగి వెళ్లే వారి సౌకర్యార్ధం రైల్వే శాఖ ప్రత్యేక రైలును ఏర్పాటు చేసింది. విశాఖ-సికింద్రాబాద్-విశాఖ(08589/08590) మధ్య ఈ నెల 14, 15 తేదీలలో నడుస్తుందని తెలిపారు. 14వ తేదీ సాయంత్రం 4.15గంటలకు విశాఖలో బయలుదేరి 15వ తేదీ ఉదయం 6.15కి సికింద్రాబాద్ చేరుతుంది. మరల 15వ తేదీ ఉదయం 10.30గంటలకు సికింద్రాబాద్‌లో బయలుదేరి అదే రోజు రాత్రి 11.30కు విశాఖ చేరుతుంది.
News May 13, 2024
అల్లూరి: ఓటు వేసేందుకు వెళుతూ మృతి
కొయ్యూరు మండలం కినపర్తికి చెందిన నర్సి శ్రీనివాస్ (35)అనే వ్యక్తి సోమవారం ఓటు వేసేందుకు వెళుతూ మార్గమధ్యంలో గుండెపోటు రావడంతో హఠాత్తుగా మృతి చెందాడు. కినపర్తి నుంచి శరభన్నపాలెం పోలింగ్ కేంద్రం వద్దకు ఓటు వేసేందుకు శ్రీనివాస్ బయలుదేరాడని సర్పంచి శ్రీను, స్థానికులు తెలిపారు. మార్గమధ్యంలో కుప్పకూలిపోవడంతో కుటుంబ సభ్యులు కేడీపేట పీహెచ్‌సీకి తరలించారు. అప్పటికే మృతి చెందినట్లు వైద్యులు తెలిపారు.
News May 13, 2024
విశాఖ: మరో గంట మాత్రమే ఉంది.. వేకప్
ఉమ్మడి విశాఖ జిల్లాలో పోలింగ్ ప్రశాంతంగా సాగుతోంది. కాగా కొన్నిపోలింగ్ కేంద్రాల్లో ప్రధాన పార్టీలకు చెందిన నాయకుల మధ్య వాగ్వాదాలు, ఘర్షణలు జరగగా పోలీసులు వెంటనే చర్యలు చేపట్టారు. ఇప్పటికే అరకు, పాడేరులో పోలింగ్ ముగియగా.. మరో గంటలో మిగిలిన చోట్లు పోలింగ్ ముగియనున్న నేపథ్యంలో ఓటర్లు త్వరగా ఓటేసేందుకు వెళ్లాలని అధికారులు సూచిస్తున్నారు. ఇంకా ఎవరైనా ఓటు వేయనట్లయితే త్వరగా వెళ్లండి.
> SHARE IT
News May 13, 2024
ఓటు వేసిన అల్లూరి జిల్లా కలెక్టర్
అల్లూరి సీతారామరాజు జిల్లా ఎన్నికల అధికారి, జిల్లా కలెక్టర్ ఎం.విజయ సునీత సార్వత్రిక ఎన్నికల సందర్భంగా పాడేరులోని కృష్ణాపురం ఆశ్రమ పాఠశాలలోని 284 పోలింగ్ కేంద్రంలో సోమవారం ఉదయం తన ఓటు హక్కును వినియోగించుకున్నారు. పోలింగ్‌కు సంబంధించి అన్ని ఏర్పాట్లు పూర్తి చేశామని, జిల్లాలోని ఓటర్లందరూ నిర్భయంగా తమ ఓటు హక్కును వినియోగించుకోవాలని ఆమె సూచించారు.
News May 13, 2024
విశాఖలో నగదు పట్టుకున్న పోలీసులు
ఎన్నికల నేపథ్యంలో విశాఖలోని పలుచోట్ల నగదు పట్టుబడుతుంది. విశాఖ నగరంలోని పలు ప్రాంతాల్లో ఓటర్లను ప్రలోభ పెట్టేందుకు సిద్ధంగా ఉంచిన నగదును టాస్క్ ఫోర్స్ పోలీసులు ఆదివారం స్వాధీనం చేసుకున్నారు. సీతమ్మధారలో రూ.1.14 లక్షలు, ఎంవీపీ కాలనీలో రూ.1 లక్ష, మరోచోట రూ.2 లక్షలు, రూ.29 వేలు, రూ.30వేలు చొప్పున స్వాధీనం చేసుకున్నట్లు చెప్పారు. ఈ నగదును ఆయా ఎంసీసీ, ఎఫ్ఎస్‌‌టీ బృందాలకు అప్పగించామన్నారు.
News May 13, 2024
విశాఖలో పోలింగ్‌కు సర్వం సిద్ధం: కలెక్టర్
సార్వత్రిక ఎన్నికలకు ఏర్పాట్లు పూర్తి చేసినట్లు విశాఖ జిల్లా కలెక్టర్ మల్లికార్జున తెలిపారు. సోమవారం ఉదయం 7 గంటల నుంచి సాయంత్రం 6 గంటల వరకు పోలింగ్ జరుగుతుందని ఆయన పేర్కొన్నారు. విశాఖ జిల్లాలో ఒక లోకసభ స్థానంతో పాటు ఏడు అసెంబ్లీ స్థానాలకు ఉదయం 7 గంటల నుంచి సాయంత్రం 6 గంటల వరకు పోలింగ్ జరుగుతుందన్నారు. ప్రతి పోలింగ్ కేంద్రంలోనూ ఓటర్లు ఇబ్బంది పడకుండా 11 రకాల కనీస సౌకర్యాలు ఏర్పాటు చేశామన్నారు.
Featured News
Sorry, no posts matched your criteria.