India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News August 10, 2024
విశాఖ: ఉరేసుకుని వ్యక్తి ఆత్మహత్య
ద్వారకా పోలీస్స్టేషన్ పరిధిలో హరిప్రసాద్ అనే వ్యక్తి ఇంట్లో ఫ్యాన్కు ఉరేసుకొని ఆత్మహత్యకు పాల్పడ్డాడు. తన భార్య, ప్రాణ స్నేహితుడి అక్రమ సంబంధమే ఆత్మహత్యకు కారణమని హరిప్రసాద్ సెల్ఫీ వీడియో తీసుకున్నాడు. వారి చేతులో ఘోరంగా మోసపోయానని, తిరిగి తనపైనే కేసు పెట్టారని అందులో పేర్కొన్నాడు. నా చావుకు వారే కారణమని ఆ వీడియోలో పేర్కొన్నాడు.
News August 10, 2024
ఆరిలోవ: ఘనంగా ప్రపంచ సింహల దినోత్సవం
విశాఖ ఇందిరాగాంధీ జూలాజికల్ పార్క్లో శనివారం ప్రపంచ సింహల దినోత్సవాన్ని ఘనంగా జరుపుకున్నారు. సింహల సంరక్షణ వాటి జీవన విధానంపై జూ ఎడ్యుకేటర్ దివ్య విద్యార్థులకు అవగాహన కల్పించారు. అడవుల రక్షణలో సింహాలు కీలక పాత్ర పోషిస్తున్నట్లు తెలిపారు. వన్యప్రాణులను సంరక్షించాలని ఆమె విజ్ఞప్తి చేశారు. వన్యప్రాణులతో ఎన్నో ప్రయోజనాలు ఉన్నట్లు పేర్కొన్నారు. బయాలజిస్ట్ పురుషోత్తం పాల్గొన్నారు.
News August 10, 2024
బైకర్లకు విశాఖ కలెక్టర్ హెచ్చరిక
రహదారి ప్రమాదాల నియంత్రణలో భాగంగా హైకోర్టు ఆదేశాల మేరకు సెప్టెంబరు 1వ తేదీ నుంచి బైక్ నడిపే వ్యక్తితో పాటు వెనక కూర్చున్న వ్యక్తి కూడా తప్పనిసరిగా హెల్మెట్ ధరించాలని కలెక్టర్, జిల్లా రహదారి భద్రత కమిటీ ఛైర్మన్ హరీంద్ర ప్రసాద్ తెలిపారు. బిఐఎస్ మార్క్ గల హెల్మెట్ను మాత్రమే ధరించాలన్నారు. అతిక్రమించిన వారికి జరిమానా వేయడంతో పాటు మూడు నెలలు లైసెన్స్ సస్పెండ్ చేస్తామని హెచ్చరించారు.
News August 10, 2024
విశాఖ: గవర్నర్ ఆదేశాలపై స్పందించిన వీసీ
ఏయూ కంప్యూటర్ సైన్స్ విభాగంలో దశాబ్దానికి పైగా ఒకే స్థానంలో ఉంటూ విద్యార్థుల నుంచి పెద్ద మొత్తంలో వసూళ్లకు పాల్పడుతున్న బోధనేతర సిబ్బంది అవినీతిపై విద్యార్థుల తల్లిదండ్రులు గవర్నరుకు ఫిర్యాదు చేశారు. అక్కడినుంచి ఏయూకు ఆదేశాలు రావడంతో ఇన్ఛార్జ్ వైస్ ఛాన్సలర్ శశిభూషణరావు స్పందించారు. తక్షణమే ఆ విభాగంలో పనిచేస్తున్న 16 మంది సిబ్బందిని వేరే విభాగాలకు బదిలీ చేశారు.
News August 10, 2024
సమత ఎక్స్ప్రెస్ దారి మళ్లింపు
విశాఖ నుంచి వయా విజయనగరం మీదుగా వెళ్లే విశాఖ-నిజాముద్దీన్ ఎక్స్ప్రెస్ను దారి మళ్లించారు. రెగ్యులర్గా ఈ రైలు విజయనగరం, పార్వతీపురం, రాయగడ, రాయపూర్ మీదుగా నిజాముద్దీన్ వెళ్తుంది. అనివార్య కారణాల వల్ల 12807 నంబర్తో నడిచే ఈ రైలు శనివారం విజయవాడ మీదుగా నిజాముద్దీన్ వెళ్లనుంది. శనివారం ఉదయం 9.20 నిమిషాలకు ఈ రైలు విశాఖ నుంచి బయలుదేరింది. ప్రయాణికులు ఈ విషయాన్ని గుర్తించాలని అధికారులు కోరారు.
News August 10, 2024
సకాలంలో వైద్యం అందక తల్లీబిడ్డ మృతి
సకాలంలో వైద్యం అందక తల్లి, బిడ్డ మృతి చెందిన ఘటన అల్లూరి జిల్లాలో చోటుచేసుకుంది. గూడెం కొత్తవీధి మండలం ఊబ పొలం గ్రామానికి చెందిన వంతల పరిమళ పురిటి నొప్పులతో బాధపడుతుండగా స్థానికులు చింతపల్లి ఆసుపత్రికి తరలించారు. అక్కడ గైనకాలజిస్ట్ లేకపోవడంతో వైద్యం కోసం నర్సీపట్నం తరలించారు. నర్సీపట్నం వైద్యులు పరీక్షించి కడుపులో బిడ్డ చనిపోయిందని చెప్పారు. బిడ్డను బయటకు తీయగా తల్లి కూడా మృతి చెందింది.
News August 10, 2024
జగన్మోహన్ రెడ్డి అసెంబ్లీకి రావాలి: స్పీకర్ అయ్యన్న
మాజీ ముఖ్యమంత్రి జగన్మోహన్ రెడ్డి ఇప్పుడు ముఖ్యమంత్రి కాదని ఎమ్మెల్యే మాత్రమేనని అసెంబ్లీకి రావాలని ఏపీ అసెంబ్లీ స్పీకర్ చింతకాయల అయ్యన్నపాత్రుడు వ్యాఖ్యానించారు. ముఖ్యంగా రాజకీయాల్లో పదవులు వస్తుంటాయి పోతుంటాయని పేర్కొన్నారు. జగన్మోహన్ రెడ్డి అసెంబ్లీకి వస్తే మాట్లాడే అవకాశం ఇస్తానని తెలిపారు. సమావేశాలలో అసెంబ్లీకి హాజరవ్వటం శాసనసభ్యుడిగా ఆయన బాధ్యత అన్నారు.
News August 10, 2024
విశాఖ: ప్రోటోకాల్.. జెండా ఎగురవేసేది వీరే
అనకాపల్లిలో హోంమంత్రి వంగలపూడి అనిత, విశాఖలో మంత్రి అనగాని సత్యప్రసాద్, అల్లూరి జిల్లాలో కలెక్టర్ దినేశ్ కుమార్ స్వాతంత్ర్య దినోత్సవ వేడుకల్లో ముఖ్య అతిథులుగా పాల్గొని జాతీయ జెండాలు ఎగురవేస్తారు. స్వాతంత్ర్య దినోత్సవం వేడుకల నిర్వహణపై ఏపీ సాధారణ పరిపాలన శాఖ ప్రోటోకాల్ విభాగం ఉత్తర్వులు జారీ చేసింది.
News August 9, 2024
రామకృష్ణాపురం క్వారీ చెరువులో పడి వ్యక్తి మృతి
ఆరిలోవ శివారు ప్రాంతం రామకృష్ణాపురంలో క్వారీ చెరువులో పడి ఒక వ్యక్తి మృతి చెందాడు. ఆరిలోవ పోలీసులు తెలిపిన వివరాల ప్రకారం.. గురువారం సాయంత్రం కొందరు వ్యక్తులు గంజాయి తాగి అటుగా వెళుతున్న బ్లూ కోర్ట్ పోలీసులను చూసి పరుగులు తీసి చెల్లాచెదురయ్యారు. ఈ నేపథ్యంలో చెరువులో ఓ వ్యక్తి మృతదేహం లభ్యమయింది. మృతుడు హెచ్బీ కాలనీకి చెందిన సాయినాథ్ రెడ్డిగా పోలీసులు గుర్తించారు. పూర్తి వివరాలు తెలియాల్సి ఉంది.
News August 9, 2024
ఆదివారం కూడా వందే భారత్ ఎక్స్ప్రెస్ సర్వీసు
విశాఖ నుంచి సికింద్రాబాద్ వెళ్లే వందే భారత్ ఎక్స్ప్రెస్ సర్వీసు ఇక ఆదివారం కూడా అందుబాటులో ఉంటుందని రైల్వే సీనియర్ డివిజనల్ కమర్షియల్ మేనేజర్ సందీప్ తెలిపారు. డిసెంబర్ 10వ తేదీ నుంచి ఈ సర్వీసు అందుబాటులో ఉంటుందని ఆయన వెల్లడించారు. అయితే మంగళవారం ఈ సర్వీసు అందుబాటులో ఉండదని కూడా స్పష్టం చేశారు.
Featured News
Sorry, no posts matched your criteria.