India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News May 25, 2024
విశాఖ: వాల్తేర్ రైల్వే డివిజన్కు ప్రథమ స్థానం
రాజభాష అమలు చేసే ప్రధాన కార్యాలయాల జాబితాలో వాల్తేరు రైల్వే డివిజన్ ప్రథమ స్థానాన్ని సొంతం చేసుకుంది. డివిజన్కు చెందిన ఆరుగురు అధికారుల కృషి ఫలితంగా ఈ బహుమతిని సొంతం చేసుకున్నట్లు రైల్వే అధికారులు తెలిపారు. ఉద్యోగులకు వివిధ రకాల హిందీ పోటీలను నిర్వహించారు. ఈ పోటీలలో విజేతలైన వారికి డివిజనల్ రైల్వే మేనేజర్ అఫీషియల్ లాంగ్వేజ్ ఇంప్లిమెంటేషన్ కమిటీ ఛైర్మన్ సౌరబ్ ప్రసాద్ ప్రశంసా పత్రాలు అందజేశారు.
News May 25, 2024
కూర్మన్నపాలెం వద్ద బీభత్సం సృష్టించిన కారు
కూర్మన్నపాలెం వద్ద కారు బీభత్సం సృష్టించింది. ఓ మైనర్ కారు తీసి నడపడం వల్ల ఈ విధంగా జరిగిందని స్థానికులు తెలిపారు. పలు బైక్‌లను ఢీకొట్టిన కారు పల్టీలు కొట్టి చెట్టును ఢీకొట్టింది. ఏం జరుగుతుందోనని స్థానికులు తీవ్ర భయాందోళనలకు గురయ్యారు. మైనర్లకు వాహనాలు ఇవ్వకూడదని పోలీసులు ఓపక్క ప్రచారం చేస్తున్నా పట్టించుకోవట్లేదు. పూర్తి వివరాలు తెలియాల్సి ఉంది.
News May 25, 2024
విశాఖ: తొలి ఫలితం 3.15 గంటలకు వచ్చే అవకాశం!
జూన్ 4న జరిగే ఓట్ల లెక్కింపునకు యంత్రాంగం ఏర్పాట్లు పూర్తి చేస్తోంది. ఉదయం 8 గం. ఓట్ల లెక్కింపు మొదలౌతుంది. మొదట పోస్టల్ బ్యాలెట్ 3 రౌండ్లలో పూర్తి చేస్తారు. అనంతరం EVMల లెక్కింపు ప్రారంభం అవుతుంది. తొలి ఫలితం విశాఖ వెస్ట్ నుంచి వచ్చే అవకాశం ఉంది. ఇక్కడ 16 రౌండ్లలో కౌంటింగ్ చేయగా మ. 3:15కి తొలి ఫలితం వస్తుంది. తుది ఫలితం భీమిలిలో 26 రౌండ్లు పూర్తి కాగా రాత్రి 7.30కి వచ్చే అవకాశం ఉంది.
News May 25, 2024
విశాఖలో విద్యార్థిని ఆత్మహత్య
ఇంటర్ ఫెయిల్ అయ్యిందని తండ్రి మందలించడంతో కుమార్తె ఉరివేసుకొని ఆత్మహత్య చేసుకుంది. విజయనగరం జిల్లా తెర్లాం మండలం సింగిరెడ్డివలసకు చెందిన విద్యార్థిని (17) విశాఖలోని మహారాణిపేట బంధువుల ఇంట్లో ఉంటూ చదువుకుంటోంది. ఇంటర్ ఫెయిల్ అయిన విషయం తెలుసుకున్న తండ్రి కుమార్తెకు ఫోన్ చేసి మందలించాడు. మనస్తాపానికి గురైన బాలిక శుక్రవారం మహారాణిపేట ఇంట్లో ఎవరూ లేని సమయంలో ఉరి వేసుకుని ఆత్మహత్య చేసుకుంది.
News May 25, 2024
విశాఖలో నేడు డిప్యూటీ డీఈవో పరీక్ష
ఏపీపీఎస్సీ ఆధ్వర్యంలో డిప్యూటీ డీఈవో పరీక్ష నేడు విశాఖ జిల్లా వ్యాప్తంగా 14 కేంద్రాల్లో జరుగుతుందని, మొత్తం 4,498 మంది అభ్యర్థులు హాజరవుతున్నారని డీ.ఆర్.ఓ మోహన్ కుమార్ పేర్కొన్నారు. ఉదయం 9 నుంచి 11.30 గంటల వరకు పరీక్ష జరుగుతుందని, పటిష్ఠ ఏర్పాట్లు చేయాలని సంబంధిత అధికారులను ఆదేశించారు. ఈ మేరకు శుక్రవారం తన ఛాంబర్లో సమీక్ష నిర్వహించారు.
News May 24, 2024
కొమరవోలులో పిడుగు పడి మహిళా రైతు మృతి
రోలుగుంట మండలం కొమరవోలు గ్రామానికి చెందిన గణేశ్వరి(39) పిడుగుపాటుకు గురై మృతిచెందింది. కుటుంబ సభ్యులు తెలిపిన వివరాల ప్రకారం.. శుక్రవారం సాయంత్రం తనకు ఉన్న పశువులను మేతకు తీసుకువెళ్ళింది. వాటిని మేపుకుంటూ పొలం వద్ద ఉండగా ఉరుములు, మెరుపులతో వర్షం కురిసింది. ఆ సమయంలో గణేశ్వరిపై పిడుగు పడడంతో అక్కడికక్కడే మృతి చెందింది. మృతురాలికి భర్త తమ్మునాయుడుతో పాటు ఇద్దరు కుమార్తెలు, ఒక కుమారుడు ఉన్నారు.
News May 24, 2024
కౌంటింగ్ కేంద్రాలను తనిఖీ చేసిన కలెక్టర్, పోలీస్ కమిషనర్
విశాఖ ఆంధ్రా యూనివ‌ర్సిటీ ఇంజ‌నీరింగ్ క‌ళాశాల ప్రాంగ‌ణంలో ఏర్పాటు చేసిన ఈవీఎం స్ట్రాంగ్ రూమ్లను, కౌంటింగ్ కేంద్రాలను జిల్లా ఎన్నిక‌ల అధికారి కలెక్టర్ డా.ఎ. మ‌ల్లికార్జున శుక్రవారం మ‌ధ్యాహ్నం ప‌రిశీలించారు. పోలీసు కమిషనర్ డా. ఎ. ర‌విశంక‌ర్‌తో క‌లిసి పార్లమెంట్, అసెంబ్లీ ఈవీఎంల స్ట్రాంగ్ రూమ్లను తనిఖీ చేసిన ఆయ‌న అక్క‌డ ప‌రిస్థితుల‌ను గ‌మ‌నించారు. భ‌ద్ర‌తాప‌ర‌మైన ఏర్పాట్లను ప‌రిశీలించారు.
News May 24, 2024
సింహాచలం: నేత్రపర్వంగా సింహాద్రి అప్పన్న నిత్య కళ్యాణం
సింహాచలం ఆలయంలో వరాహలక్ష్మీనృసింహ స్వామి నిత్య కల్యాణం నేత్రపర్వంగా సాగింది. ఆర్జిత సేవల్లో భాగంగా ఉత్సవమూర్తి గోవిందరాజస్వామిని ఉభయ దేవేరులతో మండపంలో అధిష్టింపజేశారు. పాంచరాత్రాగమశాస్త్రం విధానంలో విశ్వక్సేనారాధన, పుణ్యాహవచనాలతో కార్యక్రమానికి శ్రీకారం చుట్టారు. కంకణధారణ, నూతన యజ్ఞోపవీత సమర్పణ, జీలకర్ర, బెల్లం, మాంగళ్య ధారణ, తలంబ్రాల ప్రక్రియలను కమనీయంగా జరిపించారు.
News May 24, 2024
విశాఖ: తహశీల్దార్ హత్య కేసులో నిందితుడికి బెయిల్
విశాఖ రూరల్ తహశీల్దార్ రమణయ్య హత్య కేసులో నిందితుడికి విశాఖ జిల్లా కోర్టు గురువారం బెయిల్ మంజూరు చేసింది. మూడు నెలల తర్వాత నిందితుడికి ఊరట లభించింది. కోర్టు షరతుల ప్రకారం బెయిల్ మంజూరు చేసింది. ఆర్థిక లావాదేవీల నేపథ్యంలోనే హత్య చేసినట్లు పోలీసుల విచారణలో తేలింది. నిందితుడు ప్రణాళిక ప్రకారం హత్య చేసినట్లు పోలీసులు నిర్ధారించారు.
News May 24, 2024
విశాఖ: సైబర్ నేరగాళ్ల నుంచి 60 మందికి విముక్తి
కంబోడియా సైబర్ నేరగాళ్ల నుంచి ఎట్టకేలకు 60 మందికి విముక్తి లభించింది. సైబర్ నేరగాళ్ల నుంచి తప్పించుకున్న విశాఖ వాసి ఒకరు ఇచ్చిన సమాచారంతో విశాఖ నగర కమిషనర్ స్పందించారు. విశాఖకు చెందిన 150 మంది, దేశవ్యాప్తంగా 5,000 మంది కంబోడియా మోసగాళ్ల చెరలో ఉన్నట్లు తెలుస్తోంది. విముక్తి లభించిన 60 మంది గురువారం భారత్‌కు బయలుదేరినట్లు విశాఖ పోలీసులకు సమాచారం అందింది. వారి కోసం కుటుంబ సభ్యులు ఎదురుచూస్తున్నారు.
Featured News
Sorry, no posts matched your criteria.