India's largestHyperlocal short
news App
Get daily news updates that are tailored for you based on your preferred language & location.
download Way2News app now
Visakhapatnam
News April 5, 2024
అల్లూరి జిల్లాలో జోరుగా పింఛన్ల పంపిణీ: కలెక్టర్
సామాజిక పింఛన్ల పంపిణీలో అల్లూరి జిల్లా రాష్ట్రంలో 4వ స్థానంలో ఉందని జిల్లా కలెక్టర్ ఎం.విజయ సునీత తెలిపారు. శుక్రవారం నాటికి జిల్లాలో ఉన్న 1లక్ష 27వేల 894 పింఛనుదారులకు గాను 1లక్ష 20వేల 825మందికి పింఛను పంపిణీ చేయడం జరిగిందన్నారు. 94.47 శాతం పింఛను పంపిణీ పూర్తయిందన్నారు. ఈమేరకు పింఛను పంపిణీ ఇన్చార్జి అధికారులు జాయింట్ కలెక్టర్ భావన వశిస్ట్, ఐటీడీఏ పీవో వీ.అభిషేక్ తదితర అధికారులను అభినందించారు.
News April 5, 2024
విశాఖ: ఏడు నియోజకవర్గాల్లో అభ్యర్థుల ప్రకటన
ఉమ్మడి విశాఖ జిల్లాలోని ఏడు అసెంబ్లీ నియోజకవర్గాల్లో జై భారత్ నేషనల్ పార్టీ ఎమ్మెల్యే అభ్యర్థులను ప్రకటించింది. విశాఖ ఉత్తర నియోజకవర్గం నుంచి వీవీ లక్ష్మీనారాయణ పోటీలో ఉన్నారు. భీమిలి-ఎల్లిపిల్లి అనిల్ కుమార్, విశాఖ పశ్చిమ- జగ్గుమంత్రి వెంకట గణేష్, అనకాపల్లి- కె.సురేష్ బాబు, పెందుర్తి- కేఎంకే శ్రీకాంత్, ఎలమంచిలి- డి.పూర్ణచంద్రరావు, అరకు-ఉపేంద్ర పోటీ చేస్తారు.
News April 5, 2024
విశాఖ ఎంపీగా గెలిస్తే అభివృద్ధి చేస్తా: కేఏ పాల్
విశాఖలో పోలీసులు చట్టవిరుద్ధంగా వ్యవహరిస్తున్నారని ప్రజాశాంతి పార్టీ అధ్యక్షుడు కేఏ పాల్ విమర్శించారు. వారిపై ఎన్నికల కమిషన్‌కు ఫిర్యాదు చేశానన్నారు. విశాఖ రైల్వే న్యూ కాలనీలో గల పార్టీ కార్యాలయంలో ఆయన మాట్లాడుతూ.. వైసీపీ-టీడీపీ ఉత్తరాంధ్రను నిర్లక్ష్యం చేశాయన్నారు. రుషికొండలో కొండను మాయం చేశారని పేర్కొన్నారు. విశాఖ ఎంపీగా గెలిస్తే అభివృద్ధి చేసి చూపిస్తానని అన్నారు.
News April 5, 2024
విశాఖ: 7న జూలో ఫ్యాన్సీ డ్రెస్ పోటీలు
ఇందిరాగాంధీ జంతు ప్రదర్శనశాలలో జాతీయ’జూ ప్రేమికుల దినోత్సవం’ ఈనెల 8వ తేదీన ఘనంగా నిర్వహించనున్నట్లు జూ క్యూరేటర్ నందనీ సలారియా తెలిపారు. ఈ సందర్భంగా ఈనెల 7వ తేదీన ఫ్యాన్సీ డ్రెస్ పోటీలు నిర్వహిస్తామని ఆమె పేర్కొన్నారు. 3 నుంచి 12 సంవత్సరాల లోపు వయస్సు గల చిన్నారులు ఈ పోటీల్లో పాల్గొనవచ్చు అన్నారు. జూలోని జంతువుల మాదిరి చిన్నారులు డ్రెస్ వేసుకుని పోటీల్లో పాల్గొనవచ్చు అన్నారు.
News April 5, 2024
విశాఖ: ఉరి వేసుకుని వ్యక్తి ఆత్మహత్య
గోపాలపట్నం పోలీస్ స్టేషన్ పరిధిలో కొత్తపాలెంలో గురువారం ఓ వ్యక్తి ఉరి వేసుకుని ఆత్మహత్య చేసుకున్నాడు. ఆ ప్రాంతంలో నివసిస్తున్న లక్కోజు హేమంత్ కుమార్ (38) గురువారం మధ్యాహ్నం ఇంటి లోపల గడియ పెట్టుకున్నాడు. రాత్రి అవుతున్నా బయటకు రాకపోవడంతో తల్లి స్థానికుల సాయంతో తలుపు తెరిచి చూసేసరికి ఉరివేసుకుని కనిపించాడు. తన మృతికి ఎవరు కారణం కాదని సూసైడ్ లెటర్ రాసి పెట్టాడు. పోలీసులు కేసు నమోదు చేశారు.
News April 5, 2024
గోపాలపట్నం: ఎండ వేడి తాళలేక వృద్ధుడి మృతి
జీవీఎంసీ 91వ వార్డు లక్ష్మీనగర్‌కి చెందిన తీడ బాబూరావు (65) కాకినాడలోని తన సోదరుడి వద్ద ఉంటున్నాడు. విశాఖలోని వార్డు సచివాలయం(482) పరిధిలో ప్రతి నెలా పింఛను పొందుతున్నాడు. ఈనెల పింఛను కోసం గురువారం కాకినాడ నుంచి విశాఖ వచ్చి, గోపాలపట్నంలోని సచివాలయం వద్దకు వెళ్తున్నాడు. ఇంతలో బీఆర్టీఎస్ రోడ్డులో ఎండ తీవ్రతకు తాళలేక సొమ్మసిల్లి పడిపోయి మృతి చెందాడు. పోలీసులు కేసు నమోదు చేసి దర్యాప్తు చేస్తున్నారు.
News April 5, 2024
మాధవధార: ఇంజినీరింగ్ విద్యార్థి ఆత్మహత్య
పాత ఐటీఐ హ్యాపీ హోమ్స్‌లో నివాసం ఉంటున్న వరాహ గిరి మురళీధర్ (19) ఓ ప్రయివేటు ఇంజినీరింగ్ కళాశాలలో రెండో ఏడాది చదువుతున్నాడు. కొద్దిరోజులుగా సక్రమంగా చదవలేక పోతున్నానని మనస్తాపం చెందాడు. గురువారం సాయంత్రం ఫోన్లో మాట్లాడతానని అపార్ట్మెంట్‌పై అంతస్తుకు వెళ్లి కిందకు దూకేశాడు. స్థానికుల సహాయంతో కొన ఊపిరితో ఉన్న అతడిని KGHకి తరలించగా అప్పటికే మృతి చెందినట్టు కంచరపాలెం పోలీసులు తెలిపారు.
News April 5, 2024
విశాఖ: నేడు, రేపు గరిష్ఠ ఉష్ణోగ్రతలు నమోదయ్యే అవకాశం
ఉమ్మడి విశాఖ జిల్లాలో శుక్ర, శనివారాల్లో గరిష్ఠ ఉష్ణోగ్రతలు 43 డిగ్రీలకు పైగా నమోదయ్యే అవకాశముందని వాతావరణ నిపుణులు తెలిపారు. శుక్రవారం ఉమ్మడి జిల్లాలోని 25 మండలాల్లో తీవ్రవడగాలులు, 8 మండలాల్లో వడగాలులు వీస్తాయని విపత్తుల నిర్వహణ సంస్థ ప్రకటించింది. శనివారం 23 మండలాల్లో తీవ్ర, మరో 18 మండలాల్లో వడగాలులు వీయొచ్చని తెలిపింది. ప్రజలు అప్రమత్తంగా ఉండాలని సూచించింది.
News April 5, 2024
విశాఖ: రెండు పశువుల వాహనాలు పట్టివేత
పాయకరావుపేట మండలం సీతారాంపురం జంక్షన్ వద్ద గురువారం రాత్రి 9 గంటలకు అక్రమంగా 45 పశువులను రవాణా చేస్తున్న బొలెరో వాహనాన్ని, కంటైనర్‌ను ఎస్సై జోగారావు నేతృత్వంలో సిబ్బంది పట్టుకున్నారు. కంటైనర్‌లో 37 పశువులు, బొలెరో వాహనంలో 8 పశువులను బంధించి రవాణా చేస్తుండగా తనిఖీ చేసి పట్టుకున్నామని చెప్పారు. గోవులను గోశాలకు తరలించి, రెండు వాహనాల డ్రైవర్లు, పశువులను విక్రయించిన యజమానులపై కేసు నమోదు చేశామన్నారు.
News April 4, 2024
విశాఖ డీసీపీకి బదిలీ
విశాఖ డిప్యూటీ కమిషనర్ ఆఫ్ పోలీస్-1 మణికంఠ చందోలును ఎన్నికల కమిషన్ బదిలీ చేసింది. ఇటీవలే ఆయన విశాఖ డీసీపీగా బదిలీపై వచ్చారు. సార్వత్రిక ఎన్నికల నేపథ్యంలో మణికంఠను చిత్తూరు జిల్లా సూపరింటెండెంట్ ఆఫ్ పోలీస్‌గా బదిలీ చేసింది. మణికంఠ చందోలు 2018 ఐపీఎస్ బ్యాచ్‌కు చెందిన అధికారి.
Featured News
Sorry, no posts matched your criteria.