India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News June 28, 2024
38,744 ఎకరాల ఆయకట్టుకు తోటపల్లి సాగునీరు
తోటపల్లి జలాశయం కుడి ప్రధాన కాలువ ద్వారా ప్రాజెక్టు క్రింద మొత్తం 38,744 ఎకరాల ఆయకట్టుకు నీరు విడుదల చేశారు. కుడి ప్రధాన కాలువ క్రింద పార్వతీపురం మన్యం జిల్లాలో సీతానగరం, బలిజిపేట మండలాలలో 27 గ్రామాలకు చెందిన 13,684 ఎకరాలకు, విజయనగరం జిల్లాలో బొబ్బిలి, చీపురుపల్లి, నెల్లిమర్ల, రాజాం నియోజకవర్గాలలోని 13 మండలాలలో 66 గ్రామాలకు చెందిన 25,060 ఎకరాలకు సాగునీరు విడుదల చేశారు.
News June 28, 2024
విజయనగరం జిల్లా తైక్వాండో జట్టు ఎంపిక
ఈ నెల 30 నుంచి విశాఖపట్నంలో నిర్వహించబోయే రాష్ట్ర స్థాయి క్వాడిట్ తైక్వాండో ఛాంపియన్‌షిప్ పోటీల్లో పాల్గొనే విజయనగరం జిల్లా జట్టు ఎంపిక నిర్వహించారు. గురువారం విజ్జీ స్టేడియంలో నిర్వహించిన ఎంపిక పోటీల్లో అండర్- 12, అండర్- 13, అండర్- 14 విభాగాల్లో బాల బాలికలను ఎంపిక చేశారు. జిల్లాలోని 8 మండలాల నుంచి 50 మంది క్రీడాకారులు పోటీల్లో పాల్గొన్నారు.
News June 28, 2024
VZM: పెన్షన్ పంపిణీకి ఏర్పాట్లు
పెన్షన్ దారులు ఇంటివద్దనే రూ.7వేలు నగదు తీసుకునేలా ప్రభుత్వం ఆదేశాలు జారీచేసింది. సచివాలయాల సిబ్బంది పెన్షన్ పంపిణీ చేయనున్నారు. ఉమ్మడి విజయనగరం జిల్లాలో 974 సచివాలయాలు ఉండగా.. వాటిలో 8,766 మంది విధులు నిర్వహిస్తున్నారు. జిల్లాలో సుమారు 4,27,286 మంది లబ్ధిదారులు ఉన్నారు. అందుబాటులో లేనివారికి బ్యాంక్ ఖాతాలలో జమచేయనున్నారు. దివ్యాంగులు రూ.15వేలు అందుకోనున్నారు. అధికారులు ఏర్పాట్లు పూర్తిచేశారు.
News June 28, 2024
VZM: జగన్ అక్కా చెల్లెమ్మలను మోసం చేశారు.. సీఐటీయూ
అక్క చెల్లెమ్మలను ఆదుకుంటామని మాజీ సీఎం జగన్ చేయూత లబ్ధి దారులను మోసం చేశారని ఆందోళన చేపట్టారు. విజయనగరం డీఆర్డీఏ కార్యాలయం వద్ద చేయూత లబ్ధిదారులు ఐద్వా, సీఐటీయూ ఆధ్వర్యంలో గురువారం ఆందోళన చేశారు. ఈ సందర్భంగా ఐద్వా పట్టణ కార్యదర్శి వి. లక్ష్మి, సీఐటీయూ నగర అధ్యక్షుడు జగన్మోహన్ మాట్లాడారు. చేయూత 4వ విడతకి ఒక్కొక్కరికి రూ.18,750 ఇవ్వాలని బటన్ నిక్కిన జమకాలేదని ఆందోళన చేపట్టామన్నారు.
News June 28, 2024
నేడు తోటపల్లి ప్రాజెక్టు నీరు విడుదల
గరుగుబిల్లి మండలంలో ఉన్న తోటపల్లి భారీ సాగునీటి ప్రాజెక్టు నుంచి సాగునీటిని గిరిజన సంక్షేమ మంత్రి గుమ్మిడి సంధ్యారాణి నేడు విడుదల చేయనున్నారు. ఈ మేరకు అధికారులు అన్ని ఏర్పాట్లను చేపడుతున్నారు. శుక్రవారం ఉదయం 10:30 గంటలకు మంత్రి సంధ్యారాణి సాగునీటిని విడుదల చేయనున్నారు. సుమారు 85 వేల ఎకరాలకు సాగునీరు అందనుంది. ఈ కార్యక్రమంలో జిల్లా ఎమ్మెల్యేలతో పాటు ఇతర అధికారులు పాల్గొనున్నారు.
News June 28, 2024
మద్యాహ్న భోజన పథకాన్ని అమలు చేయాలి: ఆర్జీడీ
మధ్యాహ్న భోజన పథకాన్ని సక్రమంగా అమలు చేయాలని విశాఖపట్నం రీజనల్ జాయింట్ డైరెక్టర్ ఆఫ్ స్కూల్ ఎడ్యుకేషన్ బి.విజయభాస్కర్ సూచించారు. విజయనగరం డీఈఓ ఆఫీసులో విద్యాశాఖ అధికారులతో గురువారం సమీక్ష నిర్వహించారు. ప్రతి విద్యార్థి పాఠశాలలోనే భోజనం చేసేటట్లు ప్రోత్సహించాలన్నారు. భోజన నాణ్యతను పరిశీలించాలన్నారు. అకాడమిక్ విషయాలపై శ్రద్ధ తీసుకోవాలన్నారు. డీఈవో ప్రేమకుమార్, విద్యా శాఖ అధికారులు పాల్గొన్నారు.
News June 27, 2024
VZM: షాపులో కాటేసిన పాము.. మహిళ మృతి
గుర్ల మండలం గుజ్జంగివలస గ్రామానికి చెందిన అట్టాడ లక్ష్మి గురువారం పాముకాటుకు గురై మృతి చెందింది. లక్ష్మి గ్రామంలో కిరాణా షాప్ నడుపుకుంటూ జీవన ఉపాధి పొందుతుంది. గురువారం ఎప్పటిలాగే షాపు తెరచి తన పనిలో నిమగ్నమవ్వగా.. అప్పటికే షాపులో ఉన్న పాము లక్ష్మిని కాటు వేసింది. సమాచారం తెలుసుకున్న కుటుంబీకులు విజయనగరం ప్రభుత్వ ఆసుపత్రికి తరలించగా మృతి చెందింది.
News June 27, 2024
పార్వతీపురం: ఏసీబీకి చిక్కిన పంచాయతీ కార్యదర్శి
పార్వతీపురం మన్యం జిల్లాలోని గరుగుబిల్లి మండలం రావివలస సచివాలయంలో పంచాయతీ కార్యదర్శిగా పనిచేస్తున్న అల్లు తిరుపతినాయుడు ఏసీబీకి చిక్కాడు. గ్రామానికి చెందిన తిరుపతి అనే వ్యక్తికి కాంట్రాక్టు బిల్లుల నిమిత్తం రూ.20వేలు లంచం డిమాండ్ చేయగా.. సదరు బాధితుడు ఏసీబీని ఆశ్రయించాడు. బాధితుని ఫిర్యాదు మేరకు కార్యదర్శిని రెడ్ హ్యాండెడ్‌గా పట్టుకున్నారు.
News June 27, 2024
గిరిజన గ్రామాలకు ఫీడర్ అంబులెన్సులు: మంత్రి
గిరిజన గ్రామాలకు ఫీడర్ అంబులెన్సులు ఏర్పాటు చేస్తామని మంత్రి గుమ్మిడి సంధ్యా రాణి తెలిపారు. జిల్లా కలెక్టర్ కార్యాలయంలో అధికారులతో సమీక్షించారు. గిరిజనుల ఆరోగ్యానికి అధిక ప్రాధాన్యమివ్వాలని అధికారులను ఆదేశించారు. ఆరోగ్య కేంద్రాలు, ఉప ఆరోగ్య కేంద్రాలలో మందులు అందుబాటులో ఉండేలా పూర్తి చర్యలు చేపట్టాలని సూచించారు. పీహెచ్సీ వైద్యులు అందుబాటులో ఉండేలా చర్యలు చేపట్టాలన్నారు.
News June 27, 2024
VZM: మేడమీద నుంచి కిందపడి వ్యక్తి మృతి
మెరకముడిదాం మండలం చిన్నమంజిరిపేట గ్రామానికి చెందిన రాగోలు మహేశ్(38) పెయింటింగ్ పనులు చేస్తుంటాడు. బాడంగి మండలంలోని గజరాయునివలస గ్రామంలో ఓ ఇంటికి పెయింటింగ్ వెయ్యడానికి బుధవారం వెళ్లాడు. అక్కడ రెండో అంతస్థులో పెయింటింగ్ వేస్తుండగా తాడు తెగిపోవడంతో ప్రమాదవశాత్తు కిందపడి అక్కడికక్కడే మృతిచెందాడు. మృతుడి కుటుంబీకుల ఫిర్యాదుతో ఎస్.ఐ జయంతి కేసు నమోదు చేసినట్లు తెలిపారు.
Featured News
Sorry, no posts matched your criteria.