India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News October 27, 2024
ఎస్.రాయవరం సముద్ర తీరంలో విజయనగరం విద్యార్థులు గల్లంతు
ఎస్.రాయవరం మండలం రేవు పోలవరం సముద్ర తీరంలో ఆదివారం మధ్యాహ్నం ఇద్దరు విద్యార్థులు గల్లంతయినట్లు మెరైన్ ఏఎస్ఐ కృష్ణ తెలిపారు. కోరుప్రోలు గ్రామానికి వివాహ వేడుకలో పాల్గొనేందుకు విజయనగరం నుంచి వచ్చిన 11 మంది విద్యార్థులు తీరంలో విహారయాత్రకు వెళ్లారు. వారిలో టి.అర్జున్, బి.బబ్లు సముద్రంలో స్నానం చేస్తుండగా గల్లంతయినట్లు పేర్కొన్నారు. వారికోసం గాలింపు చర్యలు చేపట్టారు.
News October 27, 2024
ఏయూ: బీబీఏ-ఎంబీఏ పరీక్ష ఫలితాలు విడుదల
ఆంధ్ర విశ్వవిద్యాలయంలోని బీబీఏ-ఎంబీఏ ఇంటిగ్రేటెడ్ కోర్సు నాలుగవ సెమిస్టర్ రెగ్యులర్, సప్లిమెంటరీ పరీక్ష ఫలితాలను విడుదల చేసినట్లు కంట్రోలర్ ఆఫ్ ఎగ్జామినేషన్ తెలిపారు. జూలై నెలలో జరిగిన ఈ పరీక్షా ఫలితాలను విడుదల చేసి ఏయూ వెబ్సైట్లో పొందుపరిచారు. రీవాల్యుయేషన్ కోసం విద్యార్థులు నవంబర్ 9వ తేదీలోగా దరఖాస్తు చేసుకోవాలని సూచించారు. విద్యార్థులు తమ ఫలితాలను ఏయూ వెబ్సైట్ నుంచి పొందవచ్చు.
News October 27, 2024
మంత్రుల కమిటీలో కొండపల్లికి చోటు
టీడీపీ సూపర్ సిక్స్ హామీల్లో భాగంగా రాష్ట్రంలో 20 లక్షల ఉద్యోగాల కల్పనపై మంత్రి నారా లోకేశ్ ఛైర్మన్‌గా కమిటీ ఏర్పాటయింది. ఈ కమిటీలో మంత్రి కొండపల్లి శ్రీనివాస్ కు చోటు దక్కింది. నిరుద్యోగ యువతీ యువకులకు ఉద్యోగాల కల్పనకు గల అవకాశాలు, ప్రభుత్వం తీసుకోవాల్సిన చర్యలపై ఈ కమిటీ అధ్యయనం చేసి ప్రభుత్వానికి నివేదిక ఇవ్వనుంది. పెట్టుబడులను ఆకర్షించి, తద్వారా ఉద్యోగాల కల్పనకు గల అవకాశాలపై సూచనలు చేయనుంది.
News October 27, 2024
భోగాపురంలో వెలుగుచూసిన మరో ఆన్‌లైన్ మోసం
భోగాపురం మండలంలోని లింగాలవలస మరో ఆన్‌లైన్ యాప్ మోసం వెలుగులోకి వచ్చింది. సీఐ ప్రభాకర్ వివరాలు మేరకు.. రూ.లక్షల్లో డిపాజిట్ చేస్తే ఎనిమిది రోజులకు 20 శాతం వడ్డీ ఇస్తామని ఆశ చూపడంతో ఓ యువకుడు బంధువులతో కలిసి రూ.9 లక్షల వరకు డిపాజిట్ చేశాడు. మరికొంతమంది యువత కూడా నగదు చెల్లించారు. ప్రస్తుతం యాప్ పనిచేయకపోవడంతో భోగాపురం పోలీసులకు ఫిర్యాదు చేశారు. కేసు నమోదు చేసి ధర్యాప్తు చేస్తున్నామని సీఐ తెలిపారు.
News October 27, 2024
విశాఖ డెయిరీకి నోటీసులు
భీమిలి మండలం చినగదిలి పరిధిలో ప్రభుత్వ భూమిని ఆక్రమించి అక్రమ నిర్మాణాలు చేసిన విశాఖ డెయిరీకి శనివారం జీవీఎంసీ సహాయ ప్రణాళిక అధికారి శాస్త్రి నోటీసులు జారీ చేశారు. జీవీఎంసీ కార్పొరేటర్ మూర్తి యాదవ్ ఇచ్చిన ఫిర్యాదు మేరకు తనిఖీలు నిర్వహించామన్నారు. ఆ ప్రాంతంలో వసతి గృహాలు, పశువుల షెడ్లు, ఇతర భవనాలు ఉన్నట్లు గుర్తించామని నోటీసులో పేర్కొన్నారు. వాటికి సంబంధించిన పత్రాలు వారంలోగా సమర్పించాలని కోరారు.
News October 27, 2024
సుందర పార్వతిపురం ఆర్ట్ గ్యాలరీ ప్రారంభించిన మంత్రి
సుందర పార్వతీపురం కార్యక్రమంలో భాగంగా పార్వతీపురం కలెక్టరేట్లో ఏర్పాటు చేసిన ఆర్ట్ గ్యాలరీని మంత్రి గుమ్మిడి సంధ్యారాణి శనివారం ప్రారంభించారు. సుందర పార్వతీపురం రూపొందాలని ఆమె ఆకాంక్షించారు. ప్రతి ఒక్కరు ఇందులో భాగస్వామ్యమై జిల్లా వ్యాప్తంగా పరిశుద్ధ్య వాతావరణం ఏర్పాటు చేయడంతో పాటు సుందరమైన ప్రకృతి సోయగల పరిసరాలను రూపకల్పనకు సహకరించాలని కోరారు.
News October 26, 2024
VZM: జిల్లా అంతటా ఇసుకకు ఒకే తవ్వకపు ధర
ఇసుక తవ్వకపు ధర జిల్లా అంతటా ఒకే విధంగా ఉండేలా కమిటీ నిర్ణయం తీసుకుంది. విజయనగరం కలెక్టర్ అంబేడ్కర్ అధ్యక్షతన ఇసుక సరఫరా జిల్లా స్థాయి సమావేశం శనివారం జరిగింది. స్టాక్ పాయింట్ వద్ద ఇసుక తవ్వకపు ధర టన్నుకు రూ.425గా, నేరుగా రీచ్ వద్ద తీసుకునే వారికి రూ.150గా ధరను నిర్ణయించారు. దీనికి ఎటువంటి సీనరేజి లేదని, రవాణా ఛార్జీలను మాత్రమే లబ్ధిదారులు చెల్లించాలని కలెక్టర్ తెలిపారు.
News October 26, 2024
సాలూరు: పశుగణన వాల్ పోస్టర్ విడుదల చేసిన మంత్రి
21వ అఖిల భారత పశుగణన వాల్ పోస్టర్‌ను గిరిజన శాఖ మంత్రి గుమ్మడి సంధ్యారాణి సాలూరులో మంత్రి క్యాంప్ కార్యాలయంలో శనివారం విడుదల చేశారు. ఈ సందర్భంగా ఆమె మాట్లాడుతూ.. పశువైద్య సిబ్బంది రైతులు ఇంటికి వచ్చినప్పుడు పశువులు ఎన్ని ఉన్నాయి అనేది కచ్చితంగా చెప్పాలన్నారు. ఇచ్చే సమాచారం మేరకు భవిష్యత్‌లో మరిన్ని పథకాల అమలకు ఉపయోగ పడుతుందని అన్నారు.
News October 26, 2024
విజయనగరం: స్నానాల గదిలో జారిపడి వైద్యుడి మృతి
ప్రమాదవశాత్తూ కాలు జారడంతో ఓ వైద్యుడు మరణించిన ఘటన విజయనగరంలో చోటు చేసుకుంది. ఎస్సై ఆశోక్ కుమార్ వివరాల ప్రకారం.. ఏలూరు జిల్లాకు చెందిన పవన్ కుమార్ (44) నెల్లిమర్ల సమీపంలోని మిమ్స్‌లో అసిస్టెంట్ ప్రొఫెసర్‌గా విధులు నిర్వర్తిస్తున్నాడు. ఈ నెల 24న స్నానం చేసేందుకు వెళ్లి కాలుజారి కిందపడ్డాడు. తలకు బలమైన దెబ్బ తగలడంతో విమ్స్‌కు తరలించారు. అదే రోజు మరణించాడు. పోలీసులు కేసు నమోదు చేశారు.
News October 26, 2024
SC, ST అభ్యర్థుల ఉచిత డీఎస్సీ శిక్షణకు దరఖాస్తు గడువు పెంపు
విజయనగరం జిల్లాలో ఎస్సీ, ఎస్టీ కేటగిరీలకు చెందిన అభ్యర్థులు DSC ఉచిత శిక్షణకు దరఖాస్తు చేసుకునే గడువును అక్టోబరు 27 వరకు పొడిగించినట్టు జిల్లా సాంఘిక సంక్షేమ అధికారి బి.రామానంద శుక్రవారం తెలిపారు. విద్యార్థులు తమ దరఖాస్తులను నేరుగా జ్ఞానభూమి పోర్టల్‌లో సమర్పించవచ్చని పేర్కొన్నారు. అభ్యర్థులకు ఉచిత రెసిడెన్షియల్ శిక్షణ ఇవ్వడం జరుగుతుందని తెలిపారు.
Featured News
Sorry, no posts matched your criteria.