India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News October 14, 2024
నేడు పైడితల్లి అమ్మవారి తోలేళ్ల ఉత్సవం
భక్తుల కోర్కెలు తీర్చే పైడితల్లి అమ్మవారి తోలేళ్ల ఉత్సవానికి సర్వం సిద్ధమైంది. నేటి నుంచి మొదలయ్యే పైడితల్లి అమ్మవారి సిరిమానోత్సవం జాతర అక్టోబర్ 29న ఉయ్యాల కంబాల ఉత్సవంతో ముగుస్తుంది. రేపు సిరిమానోత్సవం జరగనుండగా 2 వేల మందితో పోలీసు బందోబస్తు ఏర్పాటు చేశారు. మరోవైపు పైడితల్లి జాతర నేపథ్యంలో నేడు, రేపు విజయనగరంలో మద్యం దుకాణాలు, బార్లు మూసివేయనున్నట్లు సీఐ మన్మథరావు తెలిపారు.
News October 14, 2024
VZM: డ్రాలో ఎంపికయ్యే వారికి కీలక సూచనలు
మద్యం షాపులకు కలెక్టరేట్‌లో సోమవారం లాటరీ ప్రక్రియ జరగనున్న సంగతి తెలిసిందే. లాటరీలో ఎంపికయ్యే వారికి అబ్కారీ శాఖ సూపరిండెంటెండ్ శ్రీనాధుడు కీలక సూచనలు చేశారు. ఒక్కో షాపుకు ఒక్కో అభ్యర్థిని ఎంపిక చేస్తామని, వారితో పాటు మరో ఇద్దరు రిజర్వుడు అభ్యర్థులను కూడా ఎంపిక చేస్తామన్నారు. అసలు వ్యక్తి 24 గంటల్లోగా 6వ వంతు లైసెన్స్ ఫీ చెల్లించాల్సి ఉందని, లేకపోతే రిజర్వు అభ్యర్థులకు షాపులు కేటాయిస్తామన్నారు.
News October 13, 2024
VZM: మూడు స్లాట్లలో లాటరీ ప్రక్రియ
మూడు స్లాట్లలో మద్యం లాటరీ ప్రక్రియ నిర్వహించేందుకు అధికారులు ఏర్పాట్లు చేశారు. ఉదయం 8-10 గంటల వరకు మొదటి స్లాట్‌లో 50 షాపులు, ఉదయం 10 నుంచి 12 గంటల వరకు 51 నుంచి 100 షాపుల వరకు(2వ స్లాట్), మధ్యాహ్నం 12 గంటల నుంచి 101 నుంచి 153 షాపుల వరకు(3వ స్లాట్)లో లాటరీ ప్రక్రియ జరగనుంది. లాటరీ ప్రక్రియ నిర్వహణ కోసం 10 కౌంటర్లు ఏర్పాటు చేశారు. ఒక్కో కౌంటర్‌లో ఒక తహశీల్దార్, ఎస్.హెచ్.ఓ ఉంటారు.
News October 13, 2024
పైడితల్లిమ్మ పండగ 2000 మందితో పటిష్ఠ బందోబస్తు
ఈ నెల 14,15,16, తేదీల్లో జరిగే పైడితల్లమ్మ పండగ తొలేళ్ళు, సిరిమానోత్సవానికి పటిష్ఠమైన భద్రత ఏర్పాట్లు చేస్తున్నామని ఆదివారం పోలీస్ కార్యాలయంలో ఏర్పాటు చేసిన విలేకర్ల సమావేశంలో తెలిపారు. ఈ సందర్బంగా ఎస్పీ మాట్లాడుతూ.. సిరిమానోత్సవాన్ని శాంతియుతంగా నిర్వహించేందుకు 25 సెక్టర్లగా విభజించి 2000 మందితో రెండు షిఫ్టులో విధులకు కేటాయించినట్లు పేర్కొన్నారు. వనం గుడి వద్ద 3 షిఫ్టులుగా విధులలో ఉంటారన్నారు.
News October 13, 2024
పైడితల్లి అమ్మవారి జాతరకు పటిష్ఠ ఏర్పాట్లు: విద్యుత్ శాఖ
జిల్లా కేంద్రం విజయనగరం పైడితల్లి అమ్మవారి జాతర మహోత్సవం, సిరిమాను ఉత్సవాల సందర్భంగా ఎటువంటి విద్యుత్ అంతరాయం కలగకుండా పటిష్ఠ ఏర్పాట్లు చేశామని విద్యుత్ శాఖ సూపరింటెండెంట్ ఇంజినీర్ మువ్వల లక్ష్మణరావు తెలిపారు. ముఖ్యమైన ప్రదేశాల్లో సిబ్బందికి బాధ్యతలు అప్పగించామని, విద్యుత్ సమస్యలకు 94408 12449, 55, 65, 66 నంబర్లకు గానీ, 1912 టోల్ ఫ్రీ నంబర్‌కు గాని తెలియజేయాలని కోరారు.
News October 13, 2024
విజయనగరం చరిత్ర భవిష్య తరాలకు తెలియాలి : మంత్రి
మన సంస్కృతి, చరిత్ర, సాంస్కృతిక వైభవాన్ని నేటి తరానికి తెలియజేయాల్సిన అవసరం ఉందని మంత్రి కొండపల్లి శ్రీనివాస్ అన్నారు. విజయనగరం ఉత్సవాల్లో భాగంగా, శ్రీ పైడితల్లి అమ్మవారి చరిత్ర, విజయనగరం గొప్పదనాన్ని వివరిస్తూ రూపొందించిన లేజర్ షోను కోట వద్ద మంత్రి ప్రారంభించారు. ఆయన మాట్లాడుతూ.. విజయనగరం గొప్ప చారిత్రక సంపదకు ఘనమైన చరిత్రకు నిలయమని పేర్కొన్నారు. ఈ చరిత్రను నేటి తరానికి తెలియజేయాలన్నారు.
News October 13, 2024
విజయనగరం జిల్లాలో స్పీకర్ పర్యటన
ఏపీ అసెంబ్లీ స్పీకర్ చింతకాయల అయ్యన్న పాత్రుడు విజయనగరంలో ఆదివారం పర్యటించనున్నారు. స్థానిక అయోధ్య మైదానంలో ఉదయం 11 గంటలకు విజయనగరం ఉత్సవాలను స్పీకర్ ఘనంగా ప్రారంభించనున్నారని కమిటీ నిర్వాహుకులు తెలిపారు. ఈ సందర్భంగా శ్రీపైడితల్లి ఆలయం నుంచి అయోధ్య మైదానం వరకు ఉత్సవాల ప్రారంభోత్సవ ర్యాలీ జరుగుతుందని చెప్పారు.
News October 12, 2024
విజయనగరం: మద్యం షాపుల డ్రా స్థలం మార్పు
నూతన మద్యం పాలసీలో భాగంగా మద్యం షాపుల డ్రా స్థలం మార్పు చేసినట్లు ఎక్సైజ్ సూపరింటెండెంట్ శ్రీ నాథుడు తెలిపారు. సుజాత కన్వెన్షన్ హాల్‌లో నిర్వహించాల్సిన డ్రా విధానం కలెక్టరేట్ ఆడిటోరియంలో నిర్వహిస్తున్నట్లు ఆయన పేర్కొన్నారు. ఈనెల 14న కలెక్టర్ బి.ఆర్ అంబేడ్కర్ ఆధ్వర్యంలో డ్రా తీస్తున్నట్లు ఆయన తెలిపారు. స్థల మార్పును దరఖాస్తుదారులు గమనించాల్సిందిగా ఆయన సూచించారు.
News October 12, 2024
ఉమ్మడి జిల్లాలో 6,426 దరఖాస్తులు
ఉమ్మడి విజయనగరం జిల్లాలో కొత్త షాప్‌ల ఏర్పాటుకు దరఖాస్తుల స్వీకరణలో కిక్కు ఎక్కించే ఉమ్మడి జిల్లాలో ఊహించని రీతిలో దరఖాస్తులు వచ్చాయి. ఉమ్మడి జిల్లాలో 205 షాప్‌లకి 6,426 దరఖాస్తులు దాఖలు రాగా రూ.128.52 కోట్లు ఆదాయం వచ్చింది. ఇందులో పార్వతీపురంలో 52 షాప్‌లకు 1,376 దరఖాస్తులకు రూ.27.52 కోట్లు ఆదాయం వచ్చింది. విజయనగరం జిల్లాలో 153 షాప్‌లకి 5,050 దరఖాస్తులు రాగా రూ.101 కోట్లు ఆదాయం వచ్చింది.
News October 12, 2024
పార్వతీపురంలో రైలు ఢీకొని కానిస్టేబుల్ మృతి
రైలు ఢీకొని కానిస్టేబుల్ మృతి చెందిన సంఘటన పార్వతీపురం పట్టణ రైల్వే స్టేషన్ సమీపంలో చోటుచేసుకుంది. జీఆర్పీ ఎస్ఐ బాలాజీ తెలిపిన వివరాలు ప్రకారం.. పార్వతీపురం పట్టణ పోలీస్ స్టేషన్లో పనిచేస్తున్న జీ మల్లేశ్వరరావు (37) పట్టణ సమీపంలో ట్రాక్ దాటుతుండగా రైలు ఢీకొందన్నారు. ఈ ఘటనపై కేసు నమోదు చేసి దర్యాప్తు చేపడుతున్నట్లు ఆయన తెలిపారు.
Featured News
Sorry, no posts matched your criteria.