India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News September 14, 2024
కేదార్‌నాథ్‌లో విజయనగరం వాసులు సేఫ్
కేదార్‌నాథ్‌లో చిక్కుకున్న విజయనగరం వాసులకు గండం గట్టెక్కింది. వారిని ఒక్కొక్కరిగా అక్కడి నుంచి అధికారులు హెలికాఫ్టర్లో గుప్త కాశీకి తరలిస్తున్నారు. ఇప్పటికే రెవెన్యూ శాఖ ఉద్యోగి కె.శ్రీనివాసరావు శనివారం ఉదయం హెలికాప్టర్‌లో క్షేమంగా గుప్త కాశీకి చేరుకోగా, మరో గంటలో మిగిలిన వారిని తరలించనున్నట్లు సమాచారం. మూడు రోజులుగా నలుగురు జిల్లా వాసులు కేదార్‌నాథ్‌లో చిక్కుకుపోయిన విషయం తెలిసిందే.
News September 14, 2024
విజయనగరం: యువకుడి హత్య.. నిందితుడు అరెస్ట్
గంట్యాడ మండలం మధుపాడలో తీవ్ర కలకలం రేపిన యువకుడి హత్య కేసులో నిందితుడు పాటూరి సాయిరామ్‌ను అరెస్టు చేసి రిమాండ్‌కు తరలించినట్లు DSP గోవిందరావు తెలిపారు. నిందితుడి చెల్లికి మృతుడు చల్లమనాయుడు(35) మధ్య ఉన్న వివాహేతర సంబంధమే హత్యకు కారణమని నిందితుడు అంగీకరించినట్లు ఆయన తెలిపారు. సీఐ రామకృష్ణ, ఎస్సై సాయి కృష్ణ తదితరులు పాల్గొన్నారు.
News September 14, 2024
పైడితల్లి అమ్మవారి ఉత్సవాల ఏర్పాట్లపై సమీక్ష సమావేశం
విజయనగరం శ్రీ పైడితల్లి అమ్మవారి సిరిమాను ఉత్సవాల నిర్వహణపై శనివారం ఉదయం 11 గంగలకు కలెక్టరేట్‌లో సమీక్షా సమావేశం జరగనుంది. రాష్ట్ర మంత్రి కొండపల్లి శ్రీనివాసరావు ఈ సమావేశానికి హాజరుకానున్నారు. అక్టోబర్ 15న అమ్మవారి సిరిమాను సంబరం జరగనున్న నేపథ్యంలో పండగ ఏర్పాట్లపై అధికారులతో మంత్రి సమీక్షించనున్నారు. జిల్లా కలెక్టర్, ఆలయ అధికారులు, రెవెన్యూ, మున్సిపల్ శాఖ అధికారులు ఈ సమావేశానికి హాజరవుతారు.
News September 13, 2024
VZM: నర్సింగ్ చేసిన వారికి గుడ్ న్యూస్
ANM, GNM,BSC నర్సింగ్ చదివిన వారికి జపనీస్ భాష నేర్పించి ఉద్యోగ అవకాశాలు కల్పిస్తామని జిల్లా నైపుణ్యాభివృద్ధి అధికారి గోవిందరావు తెలిపారు. ఆరు నెలల శిక్షణ కోసం రూ.3.50 లక్షలు చెల్లించాలని, రిజిస్ట్రేషన్ ఫీజు రూ.50వేలు ప్రభుత్వం చెల్లిస్తుందన్నారు.శిక్షణ అనంతరం జపాన్ దేశంలో నెలకు రూ.లక్ష దాటి జీతం పొందవచ్చన్నారు. ఆసక్తి గల అభ్యర్థులు https://shorturl.at/FB7ok వెబ్ సైట్ నందు నమోదు చేసుకోవాలన్నారు.
News September 13, 2024
VZM: రాష్ట్రస్థాయి యోగాసనాలకు 30 మంది ఎంపిక
49వ రాష్ట్రస్థాయి యోగాసన పోటీలకు 30 మంది క్రీడాకారులు ఎంపికయ్యారు. ఈ సందర్భంగా జిల్లా యోగా అసోసియేషన్ అధ్యక్షుడు అవనాపు విక్రమ్ శుక్రవారం జరిగిన కార్యక్రమంలో క్రీడాకారులను అభినందించారు. క్రీడాకారులు తమ ప్రతిభను చాటి, జాతీయస్థాయి పోటీలకు ఎంపిక కావాలని ఆకాంక్షించారు. యోగా క్రీడా శరీరానికి, మానసిక ఎదుగుదలకు ఎంతో ఉపయోకరమని, అందుకే దేశ ప్రధాని మోదీ సైతం ఈ క్రీడను ప్రోత్సహిస్తున్నారని తెలిపారు.
News September 13, 2024
విజయనగరం: ఈ నెల 16న గ్రీవెన్స్ రద్దు
ఈ నెల 16న మిలాద్ ఉన్ నబీ సందర్భంగా ప్రభుత్వం సెలవు ప్రకటించిందని జిల్లా కలెక్టర్ డాక్టర్ బి.ఆర్.అంబేడ్కర్ తెలిపారు. ఈ నేపథ్యంలో సోమవారం జిల్లా కలెక్టర్ కార్యాలయంలో జరగనున్న ప్రజా ఫిర్యాదుల పరిష్కార వేదిక కార్యక్రమం రద్దు చేస్తున్నట్టు ప్రకటించారు. వివిధ సమస్యలపై అర్జీలు అందించడానికి వచ్చే ప్రజలు ఈ విషయం గమనించాలని సూచించారు.
News September 13, 2024
కలెక్టర్ ఔదార్యం.. వసతి గృహాలకు ఫ్యాన్ల పంపిణీ
పార్వతీపురం మన్యం జిల్లా కలెక్టర్ ఏ. శ్యాంప్రసాద్ ఔదార్యం చూపారు. జిల్లాలోని సాంఘిక సంక్షేమ, వెనుకబడిన సంక్షేమ శాఖల పరిధిలో గల మరిపివలస, సాలూరు, పార్వతీపురం, కురుపాం, జియ్యమ్మవలస, చినమేరంగి, రావివలస, గరుగుబిల్లి వసతిగృహాలకు 20 ఫ్యాన్లను సొంత ఖర్చులతో సమకూర్చారు. వాటిని కలెక్టరేట్లోని తన చాంబర్లో సంబంధిత వసతి గృహాల సంక్షేమ అధికారులకు అందజేశారు.
News September 13, 2024
ఈ నెల 17 నుంచి ‘స్వచ్ఛతా హై సేవా’ కార్యక్రమాలు: కలెక్టర్
విజయనగరం జిల్లాలో ఈ నెల 17 నుంచి అక్టోబర్ 1వ తేదీ వరకు ‘స్వచ్ఛతా హై సేవా’ కార్యక్రమాలు నిర్వహిస్తున్నట్లు కలెక్టర్ అంబేడ్కర్ తెలిపారు. గురువారం కలెక్టర్ ఛాంబర్‌లో జిల్లా స్థాయి కమిటీ సమావేశం నిర్వహించారు. దేశ వ్యాప్తంగా మహాత్మా గాంధీ జయంతిని పురష్కరించుకొని ఈ నెల 17 నుంచి అక్టోబర్ 1వ తేదీ వరకు ‘స్వచ్ఛతా హై సేవా’ కార్యక్రమాలు జరుగుతాయని, అక్టోబర్ 2న స్వచ్చ భారత్ దివాస్‌గా జరుపుకుంటామని తెలిపారు.
News September 12, 2024
తిరుపతి, శ్రీకాకుళం రోడ్డు మధ్య ప్రత్యేక రైళ్లు
తిరుపతి-శ్రీకాకుళం రోడ్డు-తిరుపతి మధ్య ప్రత్యేక రైళ్లు నడపనున్నట్లు వాల్తేరు డీసీఎం సందీప్ తెలిపారు. వచ్చేనెల 6 నుంచి నవంబర్ 10 వరకు ప్రతి ఆదివారం తిరుపతి-శ్రీకాకుళం రోడ్డు ప్రత్యేక రైలు తిరుపతిలో సాయంత్రం 5గంటలకు బయలుదేరి మరుసటి రోజు 10.47కు శ్రీకాకుళం చేరుకుంటుందన్నారు. శ్రీకాకుళం రోడ్డు నుంచి తిరుపతికి అక్టోబర్ 7 నుంచి నవంబర్ 11 వరకు ప్రతి సోమవారం ప్రత్యేక రైలు నడపనున్నట్లు తెలిపారు.
News September 12, 2024
మంత్రి సంధ్యారాణి ఎస్కార్ట్ వాహనానికి యాక్సిడెంట్
మంత్రి గుమ్మిడి సంధ్యారాణి ఎస్కార్ట్ వాహనానికి యాక్సిడెంట్ అయ్యింది. మెంటాడ పర్యటనకు వెళుతుండగా రామభద్రపురం మండలం బూసాయవలస వద్ద ఎస్కార్ట్ వాహనాన్ని మరో వ్యాన్ ఢీకొట్టింది. ఈ ఘటనలో నలుగురు కానిస్టేబుళ్లకు గాయాలయ్యాయి. వారిని ఆసుపత్రికి తరలించి చికిత్స అందిస్తున్నారు.
Featured News
Sorry, no posts matched your criteria.