India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News July 13, 2024
VZM: జడ్పీ సమావేశంలో ఆసక్తికరమైన చర్చ
జిల్లా పరిషత్ సమావేశ మందిరంలో శుక్రవారం ఆసక్తికర సంఘటన చోటుచేసుకుంది. ఓ జడ్పీటీసీ సభ్యురాలు, మంత్రి కొండపల్లి శ్రీనివాస్ మధ్య ఆసక్తికర చర్చ జరిగింది. ‘మీ పాలన మీ తాతగారిని గుర్తుచేస్తోంది’ అని మంత్రిని ఉద్దేశించి ఆమె అన్నారు. రాజకీయాలకు అతీతంగా ప్రతి ప్రజా ప్రతినిధిని ఆయన గౌరవించే వారని గుర్తు చేశారు. మంత్రి స్పందిస్తూ ‘తాతగారి బాటలో మీ అందరి సహకారంతో పనిచేస్తాం’ అని మాట ఇస్తున్నానన్నారు.
News July 12, 2024
ఇది ప్రజా స్వామ్య‌మా.. రౌడీ రాజ్య‌మా?: పుష్ప శ్రీవాణి
కూటమి ప్రభుత్వం వైసీపీ నాయ‌కుల దాడుల‌పై పెట్టినంత దృష్టి రాష్ట్ర ప్ర‌జ‌ల మాన, ప్రాణాల‌పై పెట్ట‌క‌పోవ‌డం సిగ్గుచేటు అని మాజీ మంత్రి పాముల పుష్పశ్రీవాణి ఎక్స్‌లో పోస్ట్ చేశారు. నంద్యాల‌లో బాలిక‌పై ముగ్గురు మైన‌ర్ అబ్బాయిలు అత్యాచారం చేసి హ‌త్య చేస్తే కూటమి సర్కార్ స్పందించకపోవడం దారుణమని పేర్కొన్నారు. ఇది ప్రజా స్వామ్య‌మా? రౌడీ రాజ్య‌మా? అంటూ వ్యాఖ్యానించారు.
News July 12, 2024
VZM: జడ్పీ సమావేశానికి ఆ ఎమ్మెల్యేలు గైర్హాజరు
NDA కూటమి ప్రభుత్వం అధికారంలోకి వచ్చిన తరువాత జరిగిన తొలి జిల్లా పరిషత్ సమావేశానికి ప్రజా ప్రతినిధులు గైర్హాజరయ్యారు. చీపురుపల్లి ఎమ్మెల్యే కిమిడి కళా వెంకటరావు, ఎస్.కోట ఎమ్మెల్యే కోళ్ల లలిత కుమారి, బొబ్బిలి ఎమ్మెల్యే బేబినాయన, రాజాం ఎమ్మెల్యే కొండ్రు మురళీ మోహన్ ఈ సమావేశాలకు హాజరు కాలేదు.
News July 12, 2024
బాడంగి: సైనిక లాంఛనాలతో రేపు అంత్యక్రియలు
బాడంగి మండలంలోని బొత్సవానివలస గ్రామానికి చెందిన ఆర్మీ జవాన్ గొట్టాపు శంకర్రావు(41) కశ్మీర్‌లోని లద్దాక్‌లో ఆక్సిజన్ సిలిండర్ పేలి గురువారం మృతి చెందిన సంగతి తెలిసిందే. సైనిక లాంఛనాలతో బొత్సవానివలసలో శంకర్రావు అంత్యక్రియలను శనివారం నిర్వహిస్తామని జిల్లా సైనిక సంక్షేమ అధికారి కెప్టెన్ సత్య ప్రసాద్ తెలిపారు. దీనికోసం అన్ని ఏర్పాట్లు పూర్తి చేశారు.
News July 12, 2024
VZM: వరుణుడి కోసం అన్నదాతల ఎదురు చూపులు
విజయనగరం జిల్లా వ్యాప్తంగా వరుణుడి కరుణ కోసం అన్నదాతలు ఎదురు చూపులు చూస్తున్నారు. ఖరీఫ్ సీజన్ ప్రారంభమై రోజులు గడుస్తున్నప్పటికీ నియోజకవర్గంలో ఇప్పటి వరకు అశించిన స్థాయిలో వర్షాలు కురవలేదు. దీంతో సాగుకు సిద్దమైన అన్నదాతలు తీవ్ర ఆందోళన వ్యక్తం చేస్తున్నారు. వర్షం కోసం వెయ్యి కళ్లతో ఎదురు చూస్తున్నారు. తోటపల్లి కాలువల్లో నీరు లేకపోవడంతో అలంకారప్రాయంగా దర్శనమిస్తున్నాయి.
News July 12, 2024
VZM: అక్కడలా..? ఇక్కడిలా..? ఎందుకలా?
జొన్నాడ టోల్‌గేట్ ఎత్తివేయాలని గత కొద్ది రోజులుగా జిల్లాలో నిరసనలు చేస్తున్న సంగతి తెలిసందే. ఈ తరుణంలో అగనంపూడి టోల్‌గేట్ ఎత్తేసిన విషయాన్ని ప్రజలు గుర్తుచేసుకుంటున్నారు. కూటమి ప్రభుత్వం అధికారంలోకి వచ్చిన వెంటనే అక్కడ టోల్‌గేట్ ఎత్తేశారు. జొన్నాడ టోల్‌గేట్ వలన ఇటీవల ఆర్టీసీ కూడా టికెట్ రేట్లు పెంచడంతో ప్రజలు పెదవి విరుస్తున్నారు. జిల్లా ప్రజాప్రతినిధులు చొరవ తీసుకోవాలని కోరుతున్నారు.
News July 12, 2024
VZM: ఒకే పాఠశాలకు 11 ట్రిపుల్ ఐటీ సీట్లు
IIITలో కొత్తవలస మండలం అర్ధాన్నపాలెం ఏపీ మోడల్ స్కూల్‌కు చెందిన 11 విద్యార్థులు సీట్లు సాధించినట్లు ఇన్‌ఛార్జ్ ప్రిన్సిపల్ శ్రీనివాసరావు తెలిపారు. ఎం.హేమ వర్షిణి, డి.శ్రావ్య, టి.జగదీశ్, పి.మేఘన, కే.సాహిత, ఎస్.శిరీష, జె.గీతాశ్రీ, షేక్ సమీర నూజివీడులో..డి.అశ్విని, ఎం.లిఖిత, జి.హర్షవర్ధన్‌కు శ్రీకాకుళం ట్రిపుల్ ఐటీలో సీట్లు వచ్చాయన్నారు. విద్యార్థులను పాఠశాల సిబ్బందితో పాటు గ్రామస్థులు అభినందించారు.
News July 12, 2024
విజయనగరం: ఉచిత ఇసుక సరఫరాపై టోల్ ఫ్రీ నంబరు
ఉచిత ఇసుక సరఫరాకు సంబంధించి సమాచారం కోసం ప్రభుత్వ ఆదేశాల మేరకు జిల్లా యంత్రాంగం టోల్ ఫ్రీ నంబరు ఏర్పాటు చేసింది. సమాచారం, ఫిర్యాదుల కోసం 18004 256014 టోల్ ఫ్రీ నంబరుకు, ఆ నంబర్ అందుబాటులోకి రాకుంటే 90323 38135 ఫోన్ నంబరును సంప్రదించవచ్చునని జిల్లా సమాచార పౌర సంబంధాల శాఖ ఒక ప్రకటనలో తెలిపింది. ఈ విషయాన్ని ఇసుక వినియోగదారులు గమనించాలని కోరింది.
News July 12, 2024
విశాఖపట్నం రేంజ్ డీఐజీగా గోపీనాథ్ జెట్టి
విశాఖపట్నం రేంజ్ డిప్యూటీ ఇన్స్పెక్టర్ ఆఫ్ జనరల్‌గా గోపీనాథ్ జెట్టి నియమితులయ్యారు. ప్రస్తుతం విశాఖ రేంజ్ డీఐజీగా ఉన్న విశాల్ గున్నీ డీజీపీ కార్యాలయంలో రిపోర్ట్ చేయాలని గురువారం రాత్రి ప్రభుత్వం ఉత్తర్వులు జారీచేసింది. 2008 ఐపీఎస్ బ్యాచ్‌కు చెందిన గోపీనాథ్ జెట్టి రెండు మూడు రోజులలో డీఐజీగా పదవి బాధ్యతలు చేపట్టనున్నారు.
News July 12, 2024
విజయనగరం-రాయగడ సెక్షన్‌లో DRM తనిఖీలు
డివిజనల్‌ రైల్వే మేనేజర్ సౌరభ్ ప్రసాద్ వాల్తేర్ డివిజన్‌లోని విజయనగరం-రాయగడ రైల్వే సెక్షన్‌లో గురువారం తనిఖీలు నిర్వహించారు. ఆ సెక్షన్‌లో ప్రస్తుతం జరుగుతున్న మూడో లైన్‌ పనుల పురోగతి, స్టేషన్ల పునరాభివృద్ధి కార్యక్రమాలు, ప్రయాణికుల సౌకర్యాల మెరుగుదలలపై సమీక్ష జరిపారు. అనంతరం విజయనగరం నుంచి రాయగడ వరకు విండో-ట్రైలింగ్‌ తనిఖీని నిర్వహించారు.
Featured News
Sorry, no posts matched your criteria.