India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News April 4, 2024
VZM: ఫ్యాన్‌కి ఉరివేసుకొని యువకుడి సూసైడ్
పూసపాటి రేగ మండలంలోని కొల్లాయి వలస గ్రామానికి చెందిన సాడి రాజు (25), తండ్రి పైడితల్లి ఆటో నడుపుకునేవాడు. బుధవారం మధ్యాహ్నం ఇంట్లో ఎవరూ లేని సమయంలో తలుపులు గడియ పెట్టుకుని ఫ్యాన్‌కి చీరతో ఉరి వేసుకున్నాడు. స్థానికులు సుందరి పేట హాస్పిటల్‌కి తీసుకెళ్లగా అప్పటికే చనిపోయినట్టు వైద్యులు నిర్ధారించారు. మృతుని తండ్రి ఫిర్యాదు మేరకు స్థానిక ఎస్సై సన్యాసినాయుడు కేసు నమోదు చేసి దర్యాప్తు చేపట్టారు.
News April 4, 2024
సాలూరులో వ్యక్తి సూసైడ్
ఉరి వేసుకొని వ్యక్తి ఆత్మహత్య చేసుకున్న ఘటన సాలూరులో చోటు చేసుకుంది. పోలీసులు తెలిపిన వివరాల ప్రకారం.. పట్టణంలోని చిన్నబజారుకి చెందిన ఉల్లి వినయ్(35) గత కొన్నాళ్లుగా అనారోగ్యంతో బాధపడుతున్నాడు. బుధవారం గదిలో నుంచి ఎంత సేపటికి రాకపోవడంతో తలుపులు తెరిచి చూడగా ఇంట్లోని పైకప్పునకు ఉరి వేసుకొని ఉన్నాడు. అతని తల్లి ఫిర్యాదు మేరకు అనుమానాస్పద మృతిగా కేసు నమోదు చేశామని సీఐ వాసునాయుడు తెలిపారు.
News April 4, 2024
పెందుర్తిలో రోడ్డు ప్రమాదం ముగ్గురు మృతి
పెందుర్తి అక్కిరెడ్డిపాలెంలో ఈరోజు ఉదయం ఘోర రోడ్డు ప్రమాదం చోటు చేసుకుంది. టాటా ఏసీ వ్యాన్‌ని లారీ ఢీకొట్టిన ఘటనలో అక్కడికక్కడే ముగ్గురు మృతి చెందారు. మరో 10 మందికి తీవ్రగాయాలయ్యాయి. మృతులంతా పశ్చిమగోదావరి జిల్లా కొవ్వూరుకు చెందిన వారిగా పోలీసులు గుర్తించారు. క్షతగాత్రులను కేజీహెచ్‌కి పోలీసులు తరలించారు. కేసు నమోదు చేసి దర్యాప్తు చేస్తున్నట్లు పేర్కొన్నారు.
News April 4, 2024
VZM: రోడ్డు ప్రమాదంలో వ్యక్తి మృతి
కురుపాం మండలం కాకిలి గ్రామానికి చెందిన కడ్రక సతీశ్ (30), శ్రీకాకుళం జిల్లాలో జరిగిన రోడ్డు ప్రమాదంలో మృతిచెందాడు. పోలీసుల వివరాల ప్రకారం.. సతీశ్ శ్రీకాకుళం జిల్లా కీసరజోడులో పెళ్లికి బైక్‌పై వెళ్లాడు. చిన్నబగ్గ- కె గుమ్మడ రోడ్డులో తిరిగి వస్తుండగా, పాలకొండ నుంచి కొత్తూరు వైపు వెళ్తున్న వ్యాన్ ఢీకొనడంతో అక్కడికక్కడే మృతిచెందాడు. ఘటనపై కేసు నమోదుచేసినట్లు ఎస్సై జగదీశ్ తెలిపారు.
News April 4, 2024
టీడీపీ కుటిల రాజకీయం చేస్తోంది: బొత్స
గరివిడి మండలం నీలాద్రిపురం, రేగటి గ్రామాల్లో మంత్రి బొత్స సత్యనారాయణ పర్యటించారు. అనంతరం జరిగిన ప్రచార సభల్లో ఆయన మాట్లాడుతూ.. పేదలకు అందే లబ్ధితోనూ టీడీపీ కుటిల రాజకీయం చేస్తోందని ఆయన ఆగ్రహం వ్యక్తం చేశారు. అవినీతి రహితంగా, దళారులు లేకుండా సంక్షేమ అభివృద్ధి ఫలాలను ప్రజలకు అందిస్తున్నామ అన్నారు. వచ్చే ఎన్నికల్లో మరలా వైసీపీకి పట్టం కట్టాలని ప్రజలను కోరారు. ఎంపి బెల్లాన చంద్రశేఖర్ పాల్గొన్నారు.
News April 3, 2024
పార్వతీపురం మన్యం జిల్లాలో మొదలైన పెన్షన్ల పంపిణీ
పార్వతీపురం మన్యం జిల్లాలో పెన్షన్ల పంపిణీ మొదలైందని ఇంచార్జ్ పీడీ Y.సత్యంనాయుడు తెలిపారు. జిల్లాలో ఉన్న 15 మండలాలు 3 మున్సిపాలిటీల్లో మొత్తం 14,5409 మంది పెన్షన్ దారులకు ఇప్పటికే 621 మందికి వివిధ సచివాలయాల ద్వారా పంపిణీ చేయడం జరిగింది. పాలకొండ మండలం లో అత్యధికంగా 270 మందికి అత్యల్పంగా సాలూరు మండలంలో ఒక్కరికీ అందివ్వడం జరిగింది. ఇంకా సాలూరు అర్బన్, సీతంపేట, కురుపాంలో ప్రారంభించాల్సి ఉంది.
News April 3, 2024
హౌరా – యశ్వంత్ పూర్ మధ్య స్పెషల్ ట్రైన్
హౌరా – యశ్వంత్ పూర్ మధ్య వీక్లీ AC స్పెషల్ ట్రైన్ నడుపుతున్నట్లు వాల్తేర్ డివిజన్ అధికారి ఏకే త్రిపాఠి తెలిపారు. హౌరా – యశ్వంత్ పూర్ (02863) ట్రైన్ ఈ నెల 4,11 తేదీల్లో హౌరాలో మధ్యాహ్నం 12.40 గంటలకు ప్రారంభమయ్యి, మరుసటి రోజు 2.43 గంటలకు దువ్వాడ చేరుకుంటుంది. అక్కడ నుంచి బయల్దేరి అదేరోజు రాత్రికి 12.15 గంటలకు యశ్వంత్ పూర్ చేరుకుంటుంది. యశ్వంత్‌పూర్ 6,13 తేదీల్లో అందుబాటులో ఉంటుందన్నారు.
News April 3, 2024
VZM: ఆదర్శ పాఠశాలల్లో ప్రవేశాలకు ఆహ్వానం
ఆదర్శ పాఠశాలల్లో 2024-25 విద్యా సంవత్సరానికి సంబంధించి ఇంటర్మీడియట్ ప్రథమ సంవత్సరంలో ప్రవేశాలకు ఆన్‌లైన్ ద్వారా దరఖాస్తుల స్వీకరణ ప్రారంభమైంది. పదో తరగతి ఉత్తీర్ణులైనవారు అర్హులు. ఎంపీసీ, బైపీసీ, ఎంఈసీ, సీఈసీ గ్రూపుల్లో ప్రవేశాలు కల్పిస్తున్నారు. ఒక్కో గ్రూపునకు 40 చొప్పున 160 సీట్లు ఉంటాయి. ఈమేరకు ఉమ్మడి జిల్లాలో 17 పాఠశాలల్లో 2,720 సీట్లను భర్తీ చేయనున్నారు.
News April 3, 2024
విశాఖలో వ్యక్తి దారుణ హత్య
విశాఖలోని అల్లిపురం నెరెళ్ల కోనేరు వద్ద ఓ వ్యక్తి దారుణ హత్యకు గురయ్యాడు. పార్కింగ్ స్థలం విషయంలో వేపకాయల శ్రీరాములు, దాము మధ్య జరిగిన స్వల్ప తగాదా హత్యకు దారి తీసింది. వేపకాయ శ్రీరాములు(55)ని దాము అనే వ్యక్తి హత్య చేశాడు. నిందితుడు అక్కడ నుంచి పరారయ్యాడు. రెండవ పట్టణ సీఐ తిరుమలరావు సంఘటన స్థలానికి చేరుకొని విచారణ చేపట్టారు.
News April 3, 2024
ఎస్.కోట: చింతచెట్టు నుంచి జారిపడి వ్యక్తి మృతి
చింతచెట్టు పైనుంచి జారి పడిన ఓ వ్యక్తి మృతి చెందిన ఘటన ఎస్.కోట మండలంలో చోటుచేసుకుంది. సీఐ మురళీరావు వివరాల ప్రకారం.. పెదఖండేపల్లి గ్రామానికి చెందిన టి. దేముడు (74)కూలి పనులకు వెళ్తుండేవాడు. మంగళవారం చింతబొట్టలు తీసేందుకు వెళ్లారు. చెట్టు ఎక్కగా ప్రమాదవశాత్తూ జారిపడడంతో తీవ్ర గాయాలయ్యాయి. స్థానికులు స్పందించి అంబులెన్సులో సర్వజన ఆసుపత్రికి తీసుకువెళ్లారు. అక్కడ చికిత్స పొందుతూ మృతి చెందారు.
Featured News
Sorry, no posts matched your criteria.