India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News April 15, 2024
రామతీర్థం రాములోరికి గోటితో ఒలిచిన తలంబ్రాలు
పవిత్ర పుణ్యక్షేత్రం రామతీర్థంలో రాములోరికి శ్రీరామతీర్థం సంఘం గోటితో ఒలిచిన తలంబ్రాలను సోమవారం మధ్యాహ్నం సమర్పించారు. 2017 నుంచి రామతీర్థంలో శ్రీరామనవమి సందర్భంగా నిర్వహిస్తున్న రాములోరి కళ్యాణానికి గోటితో ఒలిచిన తలంబ్రాలను అందిస్తున్నట్లు సంఘం ప్రధాన కార్యదర్శి సుదర్శనం విజయకుమార్ వెల్లడించారు. కోలాట బృందాలతో ఊరేగింపుగా గోటితో ఒలిచిన తలంబ్రాలను ఆలయ ఈఓ వై.శ్రీనివాసరావుకి అందజేశారు.
News April 15, 2024
VZM: 8ఏళ్ల బాలికను రేప్ చేసిన యువకుడు.. పోక్సో కేసు నమోదు
ఎల్.కోట మండలంలో పోక్సో కేసు నమోదు చేసినట్లు పోలీసులు తెలిపారు. రాజు అనే యువకుడు శనివారం రాత్రి 8 గంటల సమయంలో, చెల్లితో ఆడుకుంటున్న 8ఏళ్ల బాలికను బలవంతంగా తన ఇంటి మేడ మీదకి తీసుకువెళ్లాడు. దీంతో బాలిక చెల్లి తన తల్లీదండ్రులకి చెప్పింది. వారు చుట్టుప్రక్కల వారి సహాయంతో మేడ మీదకు వెళ్లారు. బలవంతంగా తలుపులు తెరవడంతో రాజు అర్ధనగ్నంగా, బాలిక ఏడుస్తూ కనిపించారు. దీంతో వారు పోలీసులను ఆశ్రయించారు.
News April 15, 2024
TDP రాష్ట్ర అధికార ప్రతినిధిగా గొంప
విజయనగరం జిల్లాలో టీడీపీ MLA సీటు దక్కని నేతకు పార్టీలో కీలక పదవి లభించింది. S.కోట నియోజకవర్గానికి చెందిన గొంప కృష్ణ ఎమ్మెల్యే సీటు ఆశించారు. మాజీ ఎమ్మెల్యే కోళ్ల లలిత కుమారికి టికెట్ ఇచ్చారు. దీంతో కృష్ణ రెబల్‌గా పోటీ చేయడానికి సన్నద్ధమవుతున్నారు. ఈక్రమంలో ఆయన్ను టీడీపీ రాష్ట్ర పార్టీ అధికార ప్రతినిధిగా నియమించారు. ఇప్పటి వరకు ఆయన రాష్ట్ర కార్యదర్శిగా పని చేశారు.
News April 15, 2024
పార్వతీపురం: ఘనంగా అంబేడ్కర్ జయంతి
భారతరత్న డా. బీ. ఆర్. అంబేడ్కర్ జయంతి కలెక్టర్ కార్యాలయం సమావేశ మందిరంలో జిల్లా షెడ్యూల్ కులాల సంక్షేమ, సాధికారిత శాఖ ఆధ్వర్యంలో జరిగింది. జాయింట్ కలెక్టర్ ఎస్ ఎస్ శోబిక జ్యోతి భారతరత్న అంబేడ్కర్ చిత్రపటం వద్ద జ్యోతి ప్రజ్వలన చేసి పూలమాలవేసి నివాళులర్పించారు. అంబేడ్కర్ ఆశయాలు ఆదర్శంగా తీసుకోవాలని జాయింట్ కలెక్టర్ శోబిక అన్నారు.
News April 14, 2024
VZM: టీడీపీ రెబల్‌గా మీసాల గీత పోటీ..!
2024 సార్వత్రిక ఎన్నికల్లో విజయనగరం అసెంబ్లీ నుంచి స్వతంత్ర అభ్యర్థిగా పోటీ చేయనున్నట్లు టీడీపీ మాజీ ఎమ్మెల్యే మీసాల గీత తెలిపారు. ఆదివారం విజయనగరంలో ఆమె మాట్లాడుతూ.. అందరి ఆత్మ గౌరవం అనే నినాదంతో వెళ్తున్నట్లు చెప్పారు. పదవుల కోసం చూడకుండా పార్టీ మనుగడ కోసం పని చేస్తే 2O24లో కూడా తనకు అన్యాయం చేశారన్నారు. పార్టీ ప్రయోజనాల కోసం అన్ని అవమానాలు భరించానన్నారు.
News April 14, 2024
VZM: సీఎం జగన్‌పై దాడిని ఖండించిన కోలగట్ల
ముఖ్యమంత్రి వైఎస్ జగన్మోహన్ రెడ్డిపై నిన్న జరిగిన దాడిని డిప్యూటీ స్పీకర్ కోలగట్ల వీరభద్రస్వామి ఖండించారు. ప్రతిపక్షాలు చేసిన పిరికిపంద చర్యగా అభివర్ణించారు. భారత రాజ్యాంగ నిర్మాత డాక్టర్ బీఆర్ అంబేడ్కర్ జయంతి కార్యక్రమంలో పాల్గొన్న ఆయన నిన్న సీఎం జగన్మోహన్ రెడ్డిపై దాడి జరగడం హేయమైన చర్య అన్నారు. చేతకానితనంతో చేసే దాష్టీక చర్యగా పేర్కొన్నారు.
News April 14, 2024
ప్రజాదరణ చూసి ఓర్వలేక దాడి: జడ్పీ ఛైర్మన్
విజయవాడలో మేమంతా సిద్ధం బస్సు యాత్రలో సీఎం జగన్‌పై రాయితో దాడి చేసిన ఘటనపై జడ్పీ ఛైర్మన్ మజ్జి శ్రీనివాసరావు స్పందించారు. మళ్లీ జగన్ సీఎం కాబోతున్నారని, సిద్ధం సభకు వచ్చిన ప్రజాదరణ చూసి ఓర్వలేకనే ఈ దాడికి పాల్పడినట్లు ఆరోపించారు. రాజ్యాంగ బద్ధంగా అధికారంలోకి రావాలే కానీ.. జగన్‌ను భౌతికంగా దూరం చేసి అధికారంలోకి రావాలన్న ఆలోచన మంచి విధానం కాదన్నారు. మరో 30 ఏళ్లు జగన్ ప్రజల గుండెల్లో ఉంటారన్నారు.
News April 14, 2024
విజయనగరం: నాగార్జున అడుగులు ఎటువైపు..?
ఉన్నత చదువులు చదివి రాజకీయాల మీద ఆసక్తితో గత ఎన్నికల సమయంలో చీపురుపల్లి నియోజకవర్గం నుంచి ప్రత్యక్ష ఎన్నికల బరిలో దిగారు కిమిడి నాగార్జున. కష్ట కాలంలో టీడీపీకి సేవ చేసిన ఆయనకు చివరికి మిగిలింది ఏమీ లేదని.. కనీసం ఈసారి పార్టీ తరఫున టికెట్ కూడా దక్కలేదని ఉమ్మడి జిల్లాలో ఆయన అభిమానులు చర్చించుకుంటున్నారు. నాగార్జున రాజకీయ భవితవ్యం ఏమిటని.. ఆయన అడుగులు ఎటువైపు అన్న చర్చ అంతటా నడుస్తోంది.
News April 14, 2024
విజయనగరంలో భారీగా బంగారం పట్టివేత
ఎన్నికల సందర్భంగా పోలీసులు తనిఖీలు ముమ్మరం చేశారు. ఈ నేపథ్యంలో విజయనగరం కన్యాకాపరమేశ్వరి ఆలయం దగ్గరలో నిన్న రాత్రి అన్నవరం ప్రాంతానికి చెందిన వ్యక్తి నుంచి భారీగా బంగారాన్ని 1టౌన్ పోలీసులు స్వాధీనం చేసుకున్నారు. సరైన పత్రాలు లేకపోవడంతో అతని వద్ద నుంచి 2.68 కేజీల బంగారు ఆభరణాలు, రూ.17,50,000 నగదును పోలీసులు స్వాధీనం చేసుకున్నారు. పసిడి వ్యాపారస్థులకు సంభందించినదిగా పోలీసులు భావిస్తున్నారు.
News April 14, 2024
విజయనగరం: పాసింజర్ రైళ్లు పునరుద్ధరణ
ప్రయాణికుల సౌకర్యార్థం విశాఖ-భవానిపట్నం-విశాఖ ప్యాసింజర్ రైళ్ల సేవలను పునరుద్ధరిస్తున్నట్లు వాల్తేరు డీసీఎం ఏకే త్రిపాఠి తెలిపారు. సంబల్పూర్ డివిజన్‌లో భద్రతాపరమైన ఆధునీకరణ పనులు కారణంగా రద్దయిన ఈ రైళ్లను విశాఖ-రాయగడ-విశాఖ మధ్య నడపనున్నట్లు తెలిపారు. ఈనెల 15 నుంచి 24 వరకు విశాఖ-రాయగడ మధ్య ఈనెల 16 నుంచి 25 వరకు రాయగడ- విశాఖ మధ్య ఈ రైళ్లు నడుస్తాయని తెలిపారు.
Featured News
Sorry, no posts matched your criteria.