India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News March 23, 2024
VZM: ‘సార్వత్రిక ఎన్నికల నేపథ్యంలో మద్యం సేల్స్ తగ్గింపు’
సార్వత్రిక ఎన్నికల నేపథ్యంలో మద్యం సేల్స్ తగ్గిస్తామని జిల్లా ఐఎంఎల్ డిపో మేనేజర్ ఎన్ వి రమణ వెల్లడించారు. నెల్లిమర్ల ఐఎంఎల్ డిపోలో శుక్రవారం మధ్యాహ్నం ఆయన విలేకరులతో మాట్లాడారు. డిపో పరిధిలో ఉన్న 279 మద్యం షాపులకు సంబంధించి గత ఏడాది కన్నా ఎన్నికల షెడ్యూల్ ప్రకటించినప్పటి నుంచి సేల్స్ తగ్గిస్తామని చెప్పారు. డిపో పరిధిలో ఎన్నికల ప్రవర్తనా నియమావళిని విధిగా పాటించనున్నట్లు చెప్పారు.
News March 22, 2024
బొబ్బిలి: మూడురోజుల వ్యవధిలో అన్నదమ్ముల మృతి
గుండెపోటుతో బొబ్బిలిలో హోం గార్డు కెంగువ మహేష్ శుక్రవారం సాయంత్రం మృతి చెందారు. స్థానికులు తెలిపిన వివరాలు ప్రకారం.. మూడురోజులు క్రితం తమ్ముడు రామారావు మృతి చెందడంతో ఒత్తిడికి గురై తీవ్ర అస్వస్థత గురయ్యారు. కుటుంబ సభ్యులు స్థానిక హాస్పిటల్‌కు తీసుకువెళ్లగా అప్పటికే మృతి చెందినట్లు వైద్యులు నిర్ధారించారు. కాగా.. మూడు రోజులు వ్యవధిలో అన్నదమ్ములు మృతి చెందడంతో విషాదఛాయలు అలుముకున్నాయి.
News March 22, 2024
విజయనగరం: ఐదుగురు వాలంటీర్లు తొల‌గింపు
ఎన్నికల కోడ్‌ను ఉల్లంఘించి, రాజ‌కీయ పార్టీల కార్య‌క్ర‌మాల్లో పాల్గొన్న ఐదుగురు వాలంటీర్ల‌పై వేటు ప‌డింది. రాజ‌కీయ పార్టీ స‌మావేశంలో పాల్గొన్న గ‌రివిడి మండలం చుక్క‌వ‌ల‌స‌కు చెందిన
వాలంటీరు ద‌బ్బాక వెంక‌ట‌ల‌క్ష్మిని తొలగించారు. పార్టీ ప్ర‌చార కార్య‌క్ర‌మాల్లో పాల్గొన్న విజయనగరంలో అద్దేప‌ల్లివారి వీధికి చెందిన గుర‌జాపు చంద్ర‌శేఖ‌ర్‌, గంగి ముర‌ళి, కుప్ప గురుమూర్తి, బ‌స‌వ రాజుపై కూడా వేటుపడింది.
News March 22, 2024
VZM: మహిళ MLA అవ్వని నియోజకవర్గాలు ఇవే
ఉమ్మడి విజయనగరంలోని మొత్తం 9 నియోజకవర్గాల్లోని సాలూరు, బొబ్బిలి, నెల్లిమర్లలో ఇప్పటి వరకూ మహిళలు ఎమ్మెల్యేగా గెలవలేదు. బొబ్బిలిలో ఇప్పటి వరకూ మహిళా అభ్యర్థి పోటీచేయలేదు. నెల్లిమర్లలో కూడా ఇదే పరిస్థితి. ఈసారి ఎన్నికల్లో టీడీపీ, జనసేన, బీజేపీ ఉమ్మడి అభ్యర్థిగా నెల్లిమర్లలో లోకం మాధవి పోటీచేస్తుంటే, సాలూరు నుంచి సంధ్యారాణి మూడోసారి పోటీచేస్తున్నారు. మరి వీరి గెలుపుపై మీ కామెంట్
News March 22, 2024
పౌరులకు అందుబాటులో ‘సి విజిల్‌’ యాప్‌
రాష్ట్ర ప్రజల భవిష్యత్తును దిశా నిర్దేశం చేసే..సార్వత్రిక ఎన్నికల(2024)కు ఇప్పటికే నోటిఫికేషన్‌ విడుదలైంది. ఎన్నికల ప్రవర్తనా నియమావళి అమల్లోకి వచ్చేసింది. ఈ నేపథ్యంలో అక్రమాలకు, నిబంధనల ఉల్లంఘనలకు అడ్డుకట్ట వేయడానికి కేంద్ర ఎన్నికల సంఘం ప్రత్యేక వ్యవస్థలను ఏర్పాటు చేసింది. ‘సి విజిల్‌’ యాప్‌ ద్వారా ఎన్నికల వేళ ఎవరు నిబంధనలు ఉల్లంగించిన ఈ యాప్‌లో ఫిర్యాదు చేయవచ్చని జిల్లా ఎన్నికల అధికారి తెలిపారు.
News March 22, 2024
పార్వతీపురం: తండ్రి మృతి.. బరువెక్కిన గుండెతో పరీక్ష
గుండెపోటుకు గురై మృతి చెందిన తండ్రి మృతదేహం ఇంట్లో ఉండగానే కన్నీళ్లు దిగమింగుకుంటూ బరువెక్కిన గుండెతో ఒక విద్యార్థి పదవ తరగతి పరీక్షకు హాజరైన విషాద సంఘటన శుక్రవారం పార్వతీపురం మండలంలో జరిగింది. నర్సిపురం గ్రామానికి చెందిన వినయ్ అనే విద్యార్థి తండ్రి ఎన్. సీతారాం(45) శుక్రవారం ఉదయం గుండెపోటుతో ఇంటి వద్దే మృతి చెందాడు. కుమారుడు వినయ్ పదవ తరగతి పరీక్ష రాసిన తర్వాత అంత్యక్రియలకు హాజరయ్యాడు.
News March 22, 2024
విజయనగరం: ‘ఎన్నికల కోడ్ ఉల్లంఘనలపై 12 కేసులు’
ఎన్నికల కమిషన్ సూచనల మేరకు ఎన్నికల నియమావళి ఉల్లంఘించిన వారిపై కేసులను నమోదు చేస్తున్నట్లు విజయనగరం జిల్లా ఎన్నికల అధికారి, కలెక్టర్ నాగలక్ష్మి తెలిపారు. జిల్లాలో శుక్రవారం వరకు 12 ఉల్లంఘన కేసులను నమోదు చేసినట్లు ఆమె వెల్లడించారు. ఇందులో విజయనగరం-3, ఎస్.కోట-3, రాజాం-2, నెల్లిమర్ల-2, చీపురుపల్లి-1, బొబ్బిలి-1 నమోదు చేసినట్లు తెలిపారు. ఎన్నికల నియమాలు ఉల్లంఘిస్తే చర్యలు తప్పవని స్పష్టం చేశారు.
News March 22, 2024
VZM: భార్యపై కత్తితో దాడిచేసిన భర్త
భర్త భార్యను హతమార్చిన ఘటన జిల్లాలో తీవ్ర కలకలం రేపింది. వివరాల్లోకి వెళితే..
జియ్యమ్మవలస మండలం సింగనాపురం గ్రామానికి చెందిన గంటా ముసలి నాయుడు భార్య అప్పలనరసమ్మపై కత్తితో దాడిచేయగా, ఆమె కడుపులో కత్తి దిగింది. దీంతో ఆమె అక్కడిక్కడే మృతి చెందింది. సమాచారం అందుకున్న పోలీసులు ఘటనా స్థలానికి చేరకున్నారు. ముసలి నాయుడు పరారిలో ఉండడంతో కేసు నమోదుచేసి, గాలింపు చర్యలు చేపట్టారు.
News March 22, 2024
టీడీపీ మూడో జాబితా.. ఎస్.కోట అభ్యర్థిగా లలిత!
టీడీపీ-జనసేన-బీజేపీ కూటమి మూడో జాబితాలో ఎస్.కోట నుంచి కోళ్ల లలిత కుమారికి స్థానం దక్కింది. ఆమె 2009,14లో ఎమ్మెల్యేగా గెలిచారు. 2019 ఎన్నికల్లో కడుబండి శ్రీనివాసరావుపై ఓడిపోయారు. వైసీపీ నుంచి ఈసారి కూడా శ్రీనివాసరావు బరిలో ఉన్నారు. ఇప్పటికే 2014, 2019లో తలపడిన వీరి మధ్య మరోసారి పోటీ నెలకొంది. ఈసారి ఎవరు పైచేయి సాధిస్తారని మీరు భావిస్తున్నారు. కామెంట్ చేయండి.
News March 22, 2024
పార్వతీపురం: ఇంటర్ విద్యార్థి సూసైడ్
ఇంటర్ పరీక్షలు బాగా రాయలేదని విద్యార్థి ఆత్మహత్య చేసుకున్న ఘటన పార్వతీపురంలో చోటు చేసుకుంది. పోలీసుల వివరాల ప్రకారం.. పార్వతీపురానికి చెందిన ఓ విద్యార్థి ఇంటర్ పరీక్షలు బాగా రాయలేదని దిగాలుగా ఉండడంతో, గమనించిన తల్లిదండ్రులు ఆరా తీయగా విషయం తెలిపాడు. బెటర్ మెంట్‌లో మార్కులు తెచ్చుకోవచ్చని వారు సర్ది చెప్పినా, మనస్తాపం చెందిన విద్యార్థి ఇంట్లో ఎవరూ లేని సమయంలో ఉరి వేసుకొని ఆత్మహత్య చేసుకున్నాడు.
Featured News
Sorry, no posts matched your criteria.