India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News April 1, 2024
VZM: ‘టీడీపీ ఇన్‌ఛార్జ్‌కు లోకేశ్ హామీ’
జిల్లాకు చెందిన పలువురు టీడీపీ నాయకులు ఉండవల్లిలోని నారా లోకేశ్‌ను మర్యాదపూర్వకంగా కలిశారు. ప్రధానంగా ఇటీవల అలకబూనిన నెల్లిమర్ల నియోజకవర్గ టీడీపీ ఇన్ ఛార్జ్ కర్రోతు బంగార్రాజు తన బృందంతో భేటీ అయ్యారు. అధికారంలోకి వచ్చిన 100 రోజుల్లోపు ఏదైనా కార్పొరేషన్ పదవితో పాటు ఎమ్మెల్సీ కూడా ఇస్తామని లోకేష్ హామీ ఇచ్చినట్లు ఆయన తెలిపారు. ఆయన వెంట ఆకిరి ప్రసాద్, కడగల ఆనంద్ తదితరులు ఉన్నారు.
News April 1, 2024
విశాఖ: పీజీ సెట్ నోటిఫికేషన్ విడుదల
ఏపీ పీజీ సెట్-2024 నోటిఫికేషన్ విడుదల చేసినట్లు కన్వీనర్ ఆచార్య జి.శశిభూషణరావు తెలిపారు.
✒ మే 4 వరకు దరఖాస్తుల స్వీకరణ, మే5 నుంచి 15 వరకు రూ.500, మే15 నుంచి మే25 వరకు రూ.1000 ఫైన్‌తో ఆన్‌లైన్‌లో దరఖాస్తు చేసుకోవచ్చు
✒ ఫీజు:రూ.850(OC), రూ.750(BC),రూ.650(దివ్యాంగులు, SC, ST)
✒ ఎడిట్ ఆప్షన్: మే 27 నుంచి 29 వరకు
✒ హాల్ టికెట్ల డౌన్‌లోడ్: మే 31 నుంచి
✒ పరీక్ష తేదీలు: జూన్ 10 – 14 వరకు
> Share it
News April 1, 2024
విజయనగరం: డబుల్ హ్యాట్రిక్ కొట్టిన ఆపార్టీ ఈసారి గెలుస్తుందా?
విజయనగరం నియోజకవర్గంలో ఇప్పటి వరకు జరిగిన అసెంబ్లీ ఎన్నికలలో 1978 నుంచి 2004 మినహా 2009 వరకు పి.అశోక్ గజపతిరాజు TDP నుంచి గెలుపొందారు. ఇక్కడ తొలిసారి 2019లో టీడీపీ అభ్యర్థి అదితి గజపతిరాజుపై కోలగట్ల వీరభద్ర స్వామి 6417 ఓట్ల మెజారిటీతో పోటీ చేసి YCP జెండా ఎగురవేశారు. ఈసారి కూడా YCP,TDP నుంచి వీరే బరిలో ఉన్నారు. మరి రానున్న 2024 ఎన్నికలలో 2019 ఫలితాలు రిపీట్ అవుతాయా.. లేదా? ..కామెంట్ చేయండి.
News April 1, 2024
విజయనగరం: ఏప్రిల్ 4 నుంచి పింఛను పంపిణీ
జిల్లాలో ఈనెల 4 వతేదీ నుంచి పింఛను సొమ్ము పంపిణీ చేయనున్నట్లు అధికారులు తెలిపారు. ప్రతి నెలా ఒకటో తేదీనే పంపిణీ చేసే పింఛను ఆర్థిక సంవత్సరం చివరి రోజుకావడంతో అంతరాయం ఏర్పడింది. ఏప్రిల్ 1 బ్యాంకుకు సెలవు, 2వ తేదీ పింఛను బడ్జెట్‌ను బ్యాంకు విడుదల చేస్తుంది. 3న వార్డు, సచివాలయ సిబ్బంది డబ్బును బ్యాంకు నుంచి డ్రా చేసుకుని 4 వ తేదీన పంపిణీ చేయనున్నారు.
News April 1, 2024
అంతా సీఎం అనుకున్నట్లే జరిగింది: గంటా
డీఎస్సీ విషయంలో అంతా సీఎం జగన్ అనుకున్నట్లే జరిగిందని భీమిలి టీడీపీ MLA అభ్యర్థి గంటా శ్రీనివాస్ రావు విమర్శించారు. ఐదేళ్లపాటు నిద్రపోయి ఎన్నికల ముందు కోడ్ వస్తుందని తెలిసి అడ్డగోలు నిబంధనలతో డీఎస్సీ ప్రకటన ఇచ్చారని ట్విటర్ లో పేర్కొన్నారు. టెట్, డీఎస్సీ శిక్షణ కోసం నిరుద్యోగులు వేలాది రూపాయలు ఖర్చు చేసినట్లు తెలిపారు. జగన్ కుట్ర అందరికీ అర్థమైందని అన్నారు.
News April 1, 2024
MLAగా గెలిచాక TDPలో చేరుతా: కృష్ణ
అందరూ ఆదేశిస్తే S.కోట నుంచి స్వతంత్ర అభ్యర్థిగా పోటీ చేస్తానని టీడీపీ నాయకుడు గొంప కృష్ణ చెప్పారు. ‘ఎస్.కోటకు వచ్చి రెండేళ్లలో అందరి అభిమానం సంపాదించా. సేవ చేయడానికే ఇక్కడికి వచ్చా. నేను టీడీపీకి వ్యతిరేకం కాదు. ఇండిపెండెంట్‌గా గెలిచిన వెంటనే టీడీపీలో చేరుతా’ అని ఎస్.కోటలో నిన్న జరిగిన కార్యకర్తల సమావేశంలో కృష్ణ అన్నారు.
News April 1, 2024
VZM: ‘ఏప్రిల్ 14లోగా ఓటుకోసం దరఖాస్తు చేసుకోవాలి’
18 సంవత్సరాలు నిండినవారంతా ఏప్రిల్ 14వ తేదీలోగా ఓటుకోసం దరఖాస్తు చేసుకోవాలని కలెక్టర్ నాగలక్ష్మి తెలిపారు. వాటిని ప‌రిశీలించి 10 రోజుల్లో నిర్ణ‌యం తీసుకోవ‌డం జ‌రుగుతుందన్నారు. వీరికి మాత్ర‌మే వ‌చ్చే ఎన్నికల్లో కొత్త‌గా ఓటేసే అవ‌కాశం ల‌భిస్తుందని, అర్హ‌త ఉన్న‌వారంతా ఓటు హ‌క్కు పొంద‌డ‌మే కాకుండా, ఎన్నికల్లో ఖ‌చ్చితంగా త‌మ ఓటుహ‌క్కును వినియోగించుకోవాలని సూచించారు.
News March 31, 2024
VZM: ‘ఏప్రిల్ 14లోగా ఓటుకోసం ధ‌ర‌ఖాస్తు చేసుకోవాలి’
18 సంవత్సరాలు నిండినవారంతా ఏప్రిల్ 14వ తేదీలోగా ఓటుకోసం ధ‌ర‌ఖాస్తు చేసుకోవాలని కలెక్టర్ నాగలక్ష్మి తెలిపారు. వాటిని ప‌రిశీలించి 10 రోజుల్లో నిర్ణ‌యం తీసుకోవ‌డం జ‌రుగుతుందన్నారు. వీరికి మాత్ర‌మే వ‌చ్చే ఎన్నికల్లో కొత్త‌గా ఓటేసే అవ‌కాశం ల‌భిస్తుందని, అర్హ‌త ఉన్న‌వారంతా ఓటు హ‌క్కు పొంద‌డ‌మే కాకుండా, ఎన్నికల్లో ఖ‌చ్చితంగా త‌మ ఓటుహ‌క్కును వినియోగించుకోవాలని సూచించారు.
News March 31, 2024
VZM: కేంద్ర మాజీ మంత్రిని కలిసిన కూటమి అభ్యర్థులు
కేంద్ర మాజీ మంత్రి పూసపాటి అశోక్ గజపతిరాజును కూటమి అభ్యర్థులు ఆదివారం మర్యాదపూర్వకంగా కలిశారు. విజయనగరం ఎంపీ అభ్యర్థి కలిశెట్టి అప్పలనాయుడు, నెల్లిమర్ల ఎమ్మెల్యే అభ్యర్థి లోకం నాగ మాధవి.. ఆయన బంగ్లాలో అశోక్ గజపతిరాజును కలిసి మద్దతు పలకాలని కోరారు. త్వరలో జరగనున్న ఎన్నికల్లో గెలుస్తామని అభ్యర్థులు ధీమా వ్యక్తం చేశారు. ఈ నేపథ్యంలో తాజా రాజకీయ పరిణామాలపై చర్చించారు.
News March 31, 2024
విజయనగరం: ఈసారి ప్రత్యక్ష ఎన్నికలకు పలువురు దూరం..!
కుటుంబంలో ఒకరికే సీటు కేటాయించడంలో పలువురు టీడీపీ సీనియర్లు పోటీకి దూరమయ్యారు. విజయనగరంలో కుమార్తెకు టికెట్ ఇవ్వడంతో అశోక్ గజపతిరాజు, బొబ్బిలిలో తమ్ముడు పోటీలో ఉండడంతో సుజయ్ కృష్ణ రంగారావు, గజపతినగరంలో అన్న కొడుకు అభ్యర్థి కావడంతో కొండపల్లి అప్పలనాయుడు, చీపురుపల్లి సీటు పెదనాన్నకు ఇవ్వడంతో కిమిడి నాగార్జున ఈసారి ప్రత్యక్ష ఎన్నికలకు దాదాపు దూరం అయ్యినట్లే కనిపిస్తుంది.
Featured News
Sorry, no posts matched your criteria.