India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News February 1, 2025
గుర్ల: విద్యుత్ వైర్లు పట్టుకుని యువకుడి సూసైడ్
గుర్ల మండలంలో ఓ యువకుడు విద్యుత్ వైర్లు పట్టుకుని ఆత్మహత్య చేసుకున్నాడు. బిహార్‌ రాష్ట్రానికి చెందిన పులేషణ కుమార్ గుర్ల మండలం కోటగండ్రేడు రైస్‌మిల్లులో 2 నెలలుగా పనిచేస్తున్నాడు. శుక్రవారం రైస్‌మిల్ దగ్గర ఉన్న ట్రాన్స్‌ఫార్మర్ వైర్లను పట్టుకున్నాడు. గమనించిన స్థానికులు విద్యుత్ సరఫరా నిలిపివేసి యువకుడిని ఆస్పత్రికి తరలించారు. అక్కడ చికిత్స పొందుతూ మృతిచెందగా SI నారాయణ కేసునమోదు చేశారు.
News February 1, 2025
జామి: సర్వర్ డౌన్.. పెన్షన్ పంపిణీ ఆలస్యం
ఫిబ్రవరి నెలకు పెన్షన్ పంపిణీ వేకువజాము నుంచే సర్వర్ డౌన్ కావడంతో పెన్షన్ పంపిణీ ఆలస్యం అవుతుంది. ఇప్పటికే జామి, ఎస్.కోట, తదితర మండలాల్లో సచివాలయం సిబ్బంది పెన్షన్ పంపిణీ కోసం వేకువజామునే లబ్ధిదారుల ఇంటికి చేరుకున్నారు. సర్వర్ డౌన్ కావడంతో లబ్ధిదారులు ఇంటి వద్దే పడిగాపులు కాస్తున్నారు. ఈ విషయంపై జామి మండల అధికారులు మాట్లాడుతూ.. సాంకేతిక సమస్యను టెక్నికల్ టీమ్‌కు తెలిపామన్నారు.
News February 1, 2025
VZM: రాజకీయ పార్టీల ప్రతినిధులతో కలెక్టర్ సమావేశం
ఉత్తరాంధ్ర ఉపాధ్యాయ MLC ఎన్నిక కోసం ఈ నెల 29న షెడ్యూల్ వెలువడినందున ఆ రోజు నుంచే ఎన్నికల కోడ్ అమలులోకి వచ్చిందని జిల్లా కలెక్టర్ అంబేడ్కర్ తెలిపారు. కలెక్టరేట్లో శుక్రవారం రాజకీయ పార్టీ ప్రతినిధులతో సమావేశాన్ని ఏర్పాటు చేశారు. ఈ సమావేశంలో ఎన్నికల కోడ్ గురించి రాజకీయ ప్రతినిధులకు వివరించారు. పలు శాఖల అధికారులు, రాజకీయ పార్టీల ప్రతినిధులు పాల్గొన్నారు.
News January 31, 2025
విజయనగరం: ఓపెన్ ఇంట‌ర్ ప‌రీక్ష‌ల‌కు ప‌క‌్కడ్భంధీ ఏర్పాట్లు
ఓపెన్ స్కూల్ ఇంట‌ర్ ప‌రీక్ష‌ల‌కు సంబంధించి కలెక్టర్ కార్యాలయంలో శుక్రవారం జిల్లా కలెక్టర్ సమీక్ష సమావేశాన్ని నిర్వహించారు. పరీక్షలు పక్కడ్భంధీగా ఏర్పాట్లు చేయాల‌ని జిల్లా కలెక్టర్ అంబేడ్కర్ ఆదేశించారు. శనివారం నుంచి పరీక్షలు ప్రారంభమవుతాయని ఫిబ్రవరి 10 నుంచి ప్రాక్టికల్స్ ప్రారంభమవుతాయి అని ఆర్‌ఐ ఓ ఆదినారాయణ తెలిపారు. ఈ సమావేశంలో పలు శాఖలు అధికారులు పాల్గొన్నారు.
News January 31, 2025
VZM: పోలీసు లాంఛనాలతో ‘వీనా’కు అంత్యక్రియలు
విజయనగరం జిల్లా పోలీసుశాఖలో స్నిఫర్ డాగ్‌గా విశేషమైన సేవలందించి, మృతి చెందిన పోలీసు డాగ్ ‘వీనా’కు అధికార లాంఛనాలతో అంత్యక్రియలు నిర్వహించినట్లుగా జిల్లా ఎస్పీ వకుల్ జిందల్ తెలిపారు. 2014 సం.లో ఫిమేల్ స్నిఫర్ డాగ్‌గా ‘వీనా’ ఇంటిలిజెన్సు విభాగంలో శిక్షణ పూర్తి చేసుకొని జిల్లాకు వచ్చినట్లుగా జిల్లా ఎస్పీ తెలిపారు. తన చివరి శ్వాస వరకు జిల్లా పోలీసుశాఖకు సేవలందించిందన్నారు.
News January 31, 2025
VZM: అమల్లోకి ఎమ్మెల్సీ ఎన్నికల కోడ్: కలెక్టర్
ఉత్తరాంధ్ర ఉపాధ్యాయ MLC ఎన్నిక కోసం ఈ నెల 29న షెడ్యూల్ వెలువడినందున ఆ రోజు నుంచే ఎన్నికల కోడ్ అమలులోకి వచ్చిందని జిల్లా కలెక్టర్ అంబేడ్కర్ గురువారం తెలిపారు. ఈ ఎన్నిక కోసం విశాఖపట్నం జిల్లా కలెక్టర్ రిటర్నింగ్ అధికారిగా వ్యవహరిస్తారని, విశాఖపట్నం, శ్రీకాకుళం, విజయనగరం, మన్యం, అనకాపల్లి, ఏ.ఎస్.ఆర్ జిల్లాల డి.ఆర్.ఓ లు సహాయ రిటర్నింగ్ అధికారులుగా ఉంటారని తెలిపారు.
News January 30, 2025
VZM: ప్రతి రోజూ ఉపాధి పనులు జరగాలి: కలెక్టర్
ప్రతి గ్రామ పంచాయతీలో ప్రతి రోజు ఉపాధి పనులు తప్పక జరగాలని కలెక్టర్ అంబేడ్కర్ ఆదేశించారు. ఉపాధిహామీ మెటీరియ‌ల్ కాంపోనెంట్ పనులు, ప‌నిదినాల క‌ల్ప‌న‌పై ఎం.పి.డి.ఓ లు, ఫీల్డ్ అసిస్టెంట్లతో తన ఛాంబర్ నుంచి వీడియో కాన్ఫరెన్స్ ద్వారా గురువారం కలెక్టర్ సమీక్షించారు. ఉన్నది రెండు నెలల గడువేనని, ఈ ఏడాది లక్ష్యాలను పూర్తి చేయకపోతే వచ్చే ఏడాదికి నిధులు రాకపోవచ్చునన్నారు.
News January 30, 2025
విజయనగరం నుంచి కుంభమేళాకు ఆర్టీసీ బస్సు
మహా కుంభమేళాకు విజయనగరం ఆర్టీసీ ప్రత్యేక సర్వీసులు నడపనున్నట్లు డీఎం శ్రీనివాసరావు గురువారం ఓ ప్రకటనలో తెలిపారు. ఫిబ్రవరి 2వ తేదీన సాయంత్రం 6.00 గంటలకు సూపర్ లగ్జరీ బస్సు బయలుదేరి వయా భువనేశ్వర్, కోణార్క్, పూరీ, ప్రయాగ రాజ్, వారణాసి మీదుగా అయోధ్యకు వెళ్ళి తిరిగి మళ్లీ 13న విజయనగరం చేరుకుంటుందని వెల్లడించారు. మరిన్ని వివరాలకు ఆన్‌లైన్, బస్టాండ్ కౌంటర్ వద్ద టికెట్ సౌకర్యం పొందవచ్చన్నారు.
News January 30, 2025
విజయనగరం: మహిళ దారుణ హత్య
విజయనగరం జిల్లా మహిళను కట్టుకున్న భర్తే కడతేర్చాడు. కొత్తవలస మండలానికి చెందిన వరలక్ష్మి (38)కి అనకాపల్లి జిల్లా దేవరాపల్లి మండలం ముసిడిపల్లి చెందిన నారాయణమూర్తి (43)తో 20 ఏళ్ల క్రితం పెళ్లి అయ్యింది. మద్యం మత్తులో ఉన్న భర్త మంగళవారం రాత్రి మంచంపై నిద్రిస్తున్న భార్య మెడకు నైలాన్ తాడును బిగించి చంపేశాడు. మృతురాలి అన్నయ్య ఫిర్యాదు మేరకు CI పైడపునాయుడు బుధవారం కేసు నమోదుచేశారు.
News January 30, 2025
VZM: జిల్లాలో అమల్లోకి వచ్చిన ఉపాధ్యాయ MLC ఎన్నికల కోడ్
జిల్లా వ్యాప్తంగా బుధవారం నుంచి ఎమ్మెల్సీ ఎన్నికల కోడ్ అమల్లోకి వచ్చిందని జిల్లా ఎన్నికల అధికారి అంబేడ్కర్ తెలిపారు. ఫిబ్రవరి 3న పబ్లిక్ నోటీస్ జారీ చేస్తామని, 10న నామినేషన్ వేసేందుకు ఆఖరి తేదీగా తెలిపారు. 11న నామినేషన్ల పరిశీలన చేస్తామని, నామినేషన్ల ఉప సంహారణకు 13 చివరి తేదీ అని చెప్పారు. 27న ఉదయం 8 గంటల నుంచి సాయంత్రం 4 వరుకు పోలింగ్ జరుగుతుందన్నారు. మార్చి 3న ఓట్ల లెక్కింపు ఉంటుందన్నారు.
Featured News
Sorry, no posts matched your criteria.