India's largestHyperlocal short
news App
Get daily news updates that are tailored for you based on your preferred language & location.
download Way2News app now
Vizianagaram
News August 29, 2024
విజయనగరం కలెక్టర్ వార్నింగ్
ఉపాధి హామీ పథకం పనులపై విజయనగరం కలెక్టర్ డా.బి.ఆర్.అంబేడ్కర్ బుధవారం సమీక్ష చేశారు. ఈ నేపథ్యంలో మండల స్థాయి అధికారులపై ఆగ్రహం వ్యక్తం చేశారు. ఉపాధిహామీ పథకం నిధుల కింద మంజూరు చేసిన ప‌నులు చేప‌ట్ట‌డంలోఅల‌స‌త్వం వ‌హించే అధికారులపై త‌ప్ప‌క చ‌ర్య‌లు తీసుకుంటామని కలెక్టర్ హెచ్చరించారు. జిల్లాలో ప్ర‌స్తుతం మొక్కలు నాట‌డం, డ్రెయిన్లు, సీసీ రోడ్లు, ఫారం పాండ్‌ల నిర్మాణంలో పురోగతి లేదన్నారు.
News August 29, 2024
విజయనగరం కుర్రాళ్ల ప్రతిభ
అంగవైకల్యం ఉన్నప్పటికీ నిరుత్సాహపడకుండా విజయనగరం కుర్రాళ్లు క్రికెట్లో రాణిస్తున్నారు. డిఫరెంట్లీ ఎబుల్డ్ క్రికెట్ అసోసియేషన్ ఆధ్వర్యంలో నిర్వహిస్తున్న డిస్ట్రిక్ట్ ఇంటర్ జోనల్ టోర్నమెంట్‌కు ఎస్.పైడిరాము, ఎం.గణేశ్, వై.సత్తిబాబు, పి.వెంకటేశ్ సెలెక్ట్ అయ్యారు. వీరు ఒక్కోరకమైన అంగవైకల్యం ఉన్నప్పటికీ క్రికెట్లో రాణిస్తున్నారు. వచ్చే నెల 4, 5వ తేదీల్లో ఒంగోలులో జరిగే పోటీల్లో పాల్గొంటారు.
News August 28, 2024
నెల్లిమర్లలో బైక్ దొంగ ఇతనే..!
నెల్లిమర్ల మిమ్స్ వైద్య కళాశాలలో బైక్ చోరీకి గురైంది. కళాశాలకు చెందిన వైద్య విద్యార్థి తన బైకును పార్కింగ్ చేసి క్లాస్ రూముకు వెళ్లాడు. తిరిగి వచ్చేసరికి బైక్ మాయమైంది. దీంతో సీసీ కెమెరా పరిశీలించగా.. పార్కింగ్ చేసిన కొద్ది సమయానికే గుర్తు తెలియని వ్యక్తి వాహనాన్ని దొంగిలించినట్లు రికార్డైంది. ఈ మేరకు బాధితుడు పోలీసులకు ఫిర్యాదు చేశాడు.
News August 28, 2024
VZM: ఈవీఎం రీవెరిఫికేషన్‌కు ఎంత కట్టారంటే?
ఈవీఎంల చెకింగ్, రీవెరిఫికేషన్‌కు నిబంధనల ప్రకారం నగదు చెల్లించారని విజయనగరం కలెక్టర్ డా.బి.ఆర్ అంబేడ్కర్ వెల్లడించారు. గజపతినగరం నియోజకవర్గంలోని పోలింగ్ కేంద్రం నెం.20లో రీవెరిఫికేషన్‌కు బొత్స అప్పల నరసయ్య, నెల్లిమర్ల అసెంబ్లీ సెగ్మెంట్లో నెం.9పోలింగ్ కేంద్రంలో EVM చెకింగ్, రీవెరిఫికేషన్‌కు బెల్లాన చంద్రశేఖర్ దరఖాస్తు చేశారు. ఈకమ్రంలో ఇద్దరూ కలిపి రూ.47,200 చెల్లించారని కలెక్టర్ చెప్పారు.
News August 28, 2024
ఒకేరోజు లక్ష మొక్కలు నాటుదాం: కలెక్టర్
రాష్ట్ర ప్ర‌భుత్వ ఆదేశాల మేరకు విజయనగరం జిల్లాలో ఆగ‌ష్టు 30న వ‌న‌మ‌హోత్స‌వం కార్య‌క్రమాన్ని నిర్వ‌హిస్తున్న‌ట్టు కలెక్టర్ డా.బి.ఆర్.అంబేడ్కర్ వెల్లడించారు. ఆ ఒక్క రోజే జిల్లా వ్యాప్తంగా లక్ష మొక్కలు నాటేందుకు కార్యాచ‌ర‌ణ ప్ర‌ణాళిక‌లు రూపొందించామ‌న్నారు. వ‌న‌మ‌హోత్స‌వ ఏర్పాట్ల‌పై కలెక్టర్ కార్యాలయంలో వివిధ ప్ర‌భుత్వ శాఖ‌ల అధికారుల‌తో ఆయన స‌మీక్షించారు. అధికారులకు పలు సూచనలు చేశారు.
News August 28, 2024
ఈవీఎంల రీవెరిఫికేషన్ పూర్తి: విజయనగరం కలెక్టర్
ఎన్నిక‌ల సంఘం నిబంధనల మేరకు విజయనగరంలో EVMల రీవెరిఫికేషన్ నిర్వ‌హించాంమని జిల్లా ఎన్నిక‌ల అధికారి, కలెక్టర్ డా.బి.ఆర్.అంబేడ్కర్ వెల్లడించారు. విజయనగరం పార్ల‌మెంటు ప‌రిధిలోని మూడు అసెంబ్లీ నియోజ‌క‌వ‌ర్గాలకు సంబంధించి ఎలక్ట్రానిక్ ఓటింగ్ యంత్రాల చెకింగ్, రీవెరిఫికేషన్ ఆగ‌ష్టు 26 నుంచి 28వ తేదీ వ‌ర‌కు EVM గౌడౌన్‌లో నిర్వహించామని కలెక్టర్ తెలిపారు.
News August 28, 2024
30న విజయనగరంలో జాబ్ మేళా
పలు కంపెనీల్లో ఉద్యోగాల భర్తీ కోసం దరఖాస్తులు ఆహ్వానిస్తున్నట్లు విజయనగరం జిల్లా ఉపాధి శాఖాధికారి డి.అరుణ తెలిపారు. ఈనెల 30న వివిధ కంపెనీల్లో 540 ఉద్యోగాల భర్తీకి జిల్లా ఉపాధి కార్యాలయంలో ఆన్‌లైన్ ద్వారా జాబ్ మేళా నిర్వహిస్తామని చెప్పారు. అభ్యర్థులు http://rb.gy/9r3mcb లింక్ ద్వారా ముందస్తుగా రిజిస్టర్ చేసుకోవాలని సూచించారు.
News August 28, 2024
VZM: ఈవీఎంల తనిఖీ.. అసలు డౌట్ ఎందుకంటే?
జిల్లాలో <<13957186>>EVM<<>> రీవెరిఫికేషన్ జరుగుతున్న సంగతి తెలిసిందే. పోలింగ్ రోజు సాయంత్రం బ్యాటరీ స్టేటస్ 50% ఉండగా, 21 రోజుల తరువాత కౌంటింగ్ నాటికి ఛార్జింగ్ 99 శాతానికి చేరుకున్నట్లు గజపతినగరం నియోజకవర్గంలో YCP ఏజెంట్లు గుర్తించారు. మాజీ ఎమ్మెల్యే అప్పలనరసయ్య, మాజీ ఎంపీ బెల్లాన ఈసీకి ఫిర్యాదు చేయడంతో ఈ తనిఖీలు ప్రారంభమయ్యాయి. తనిఖీపై స్పష్టత రాకపోవడంతో సుప్రీంకోర్టును ఆశ్రయిస్తామని బెల్లాన ప్రకటించారు.
News August 28, 2024
విజయనగరం జడ్పీలో బదిలీల సందడి
ఉమ్మడి విజయనగరం జిల్లా పరిషత్‌లో బదిలీల ప్రక్రియ ప్రారంభమైంది. బదిలీలు కోరుతూ ఇప్పటికే పలువురు ఉద్యోగులు దరఖాస్తులు చేస్తున్నారు. ఈ నెలాఖరికి ఈ ప్రక్రియ పూర్తికానుంది. జడ్పీలో 846 మంది ఉద్యోగులున్నారు. వీరిలో 235 మందికి ఐదేళ్ల సర్వీసు పూర్తయింది. వీరికి బదిలీ తప్పనిసరి. నిబంధనలు ప్రకారమే బదిలీలు చేపడతామని ఇన్ ఛార్జ్ సీఈవో శ్రీధర్ రాజా తెలిపారు.
News August 28, 2024
VZM: హాట్ టాపిక్‌గా ఈవీఎంల వ్యవహారం
జిల్లాలో EVMల వ్యవహారం హాట్ టాపిక్‌గా మారింది. బ్యాటరీ స్టేటస్, వీవీ ప్యాట్లను ఓట్లతో సరిపోల్చాలని, సీసీ ఫుటేజీ ఇవ్వాలని మాజీ MP బెల్లాన చంద్రశేఖర్, మాజీ MLA అప్పలనరసయ్య ఈసీకి ఫిర్యాదు చేయగా.. నెల్లిమర్ల గోదాములో తనిఖీలు ప్రారంభించారు. కొత్త ఈవీఎంతో మాక్ పోలింగ్ నిర్వహిస్తామని అధికారులు చెప్పగా అందుకు బెల్లాన నిరాకరించారు. ఫిర్యాదుకు, అధికారుల తనిఖీకు అసలు సంబంధం లేదని ఆయన పేర్కొన్నారు.
Featured News
Sorry, no posts matched your criteria.