India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News November 21, 2024
చంద్రబాబును జైలులో సీసీ కెమెరాలు పెట్టి చూశారు: MLA బొలిశెట్టి
అసెంబ్లీలో తాడేపల్లిగూడెం MLA బొలిశెట్టి శ్రీనివాస్ తీవ్ర వ్యాఖ్యలు చేశారు. వైసీపీ ప్రభుత్వంలో నేతలపై అక్రమ కేసుల పెట్టిన వ్యవహారంపై ప్రత్యేక కమిటీ వేసి విచారణ జరిపించాలన్నారు. చంద్రబాబు నాయుడుని జైలులో పెట్టిన సమయంలో జైలులో సీసీ కెమెరాలు అమర్చి, వైసీపీకి చెందిన కీలక నేత ఆ వీడియోలు తన ఫోనులో చూసుకొనే విధంగా ఏర్పాట్లు చేశారని ఆరోపించారు. కారకులను శిక్షించాలని అసెంబ్లీ వేదికగా డిమాండ్ చేశారు.
News November 21, 2024
ప.గో జిల్లాలో దొంగతనాలు..అరెస్ట్ చేస్తారని సూసైడ్
అరెస్ట్ భయంతో తిరుపతిలో సూర్యప్రభాశ్(20) ఆత్మహత్య చేసుకున్న ఘటన బుధవారం జరిగింది. ఇతను ప.గో, ఏలూరులో దొంగతనాలు చేసి కేసులు నమోదవ్వగా తిరుపతికి పారిపోయాడు. లక్కవరం ఎస్సై రామకృష్ణ, జంగారెడ్డిగూడెం క్రైం ఏఎస్సై సంపత్ కుమార్ సిబ్బందితో తిరుపతికి వెళ్లారు. పోలీసులను గమనించి అతను గడియ పెట్టుకొని..అరెస్ట్ చేస్తారనే భయంతో ఒంటిపై పెట్రోల్ పోసుకుని నిప్పు అంటించుకున్నాడు. రుయాకు తరలిస్తుండగా మృతి చెందాడు.
News November 21, 2024
ఉండి: గవర్నర్‌తో సమావేశమైన డిప్యూటీ స్పీకర్ RRR
ఏపీ అసెంబ్లీ డిప్యూటీ స్పీకర్, ఉండి ఎమ్మెల్యే రఘురామ కృష్ణంరాజు గవర్నర్ అబ్దుల్ నజీర్‌తో బుధవారం మర్యాదపూర్వకంగా సమావేశమయ్యారు. ఈ నేపథ్యంలో పలు అభివృద్ధి కార్యక్రమాలపై చర్చించడం జరిగిందని రఘురామ కృష్ణంరాజు తెలిపారు. తన అభ్యర్థనకు సానుకూలంగా స్పందించిన గవర్నర్ చర్యలు చేపట్టే దిశగా అడుగులు వేస్తామని హామీ ఇచ్చారని RRR తెలిపారు.
News November 20, 2024
ఏలూరు: విద్యతోనే బాల కార్మికుల వ్యవస్థ నిర్మూలన
బాల్యవివాహాల నిర్మూలనకు అన్ని శాఖల అధికారులు సమన్వయంతో పనిచేయాలని ఏలూరు జిల్లా కలెక్టర్ వెట్రిసెల్వి సూచించారు. కలెక్టర్ ఛాంబర్‌లో బాల కార్మికుల వ్యవస్థ నిర్మూలనకు రూపొందించిన గోడ పత్రికను కలెక్టర్, టాస్క్ ఫోర్స్ కమిటీతో కలిసి ఆవిష్కరించారు. కలెక్టర్ మాట్లాడుతూ.. విద్యతోనే బాల కార్మికుల వ్యవస్థ నిర్మూలన అవుతుందన్నారు. బాలల హక్కుల పరిరక్షణ అందరి బాధ్యతని గుర్తు చేశారు.
News November 20, 2024
అధికారులు సాంకేతికను ఉపయోగించుకోవాలి: JC
తణుకు మండలం దువ్వ రైతు సేవా కేంద్రాన్ని జిల్లా జాయింట్ కలెక్టర్ రాహుల్ కుమార్ మంగళవారం పరిశీలించారు. ఈ సందర్భంగా రైతు సేవ కేంద్రంలో రైతులతో ఆయన మాట్లాడారు. ధాన్యం కొనుగోలు చేసే సమయంలో నిర్వహణ డేటా ఎంట్రీలను నిశితంగా ఆయన పరిశీలించారు. రైతులు ఎదుర్కొంటున్న సమస్యలను అడిగి తెలుసుకున్నారు. సాంకేతిక పరిజ్ఞానాన్ని ఉపయోగించుకొని రైతులకు సేవలు అందించాలని అధికారులను ఆదేశించారు.
News November 19, 2024
హెచర్చరికలు జారీ చేసిన ఏలూరు జిల్లా కలెక్టర్
ధాన్యం సేకరణలో రైతులను ఇబ్బందులు పెట్టే మిల్లర్లపై చర్యలు తీసుకుంటామని జిల్లా కలెక్టర్ కె. వెట్రిసెల్వి హెచ్చరించారు. ఉంగుటూరు నియోజకవర్గంలో మంగళవారం విస్తృతంగా పర్యటించారు. ఈ మేరకు వ్యవసాయం, ఉద్యానవనాలు, పశుసంవర్థకం, అక్వా రంగాల క్షేత్రాలను పరిశీలించి, రైతులతో మాట్లాడి వారి సమస్యలను అడిగి తెలుసుకున్నారు. ఈ కార్యక్రమంలో పలువురు పాల్గొన్నారు.
News November 19, 2024
ప.గో: స్పీకర్ స్థానంలో ఉంటూ మంత్రికి RRR విజ్ఞప్తి
ఆక్వారంగం అభివృద్ధిపై దృష్టి సారించామని మంత్రి గొట్టిపాటి రవికుమార్ అసెంబ్లీలో తెలిపారు. ఆక్వా, నాన్ ఆక్వా జోన్‌లకు కరెంట్ ఛార్జీలపై రూ.1.50 సబ్సిడీ ఇవ్వడంపై ప్రభుత్వం ఆలోచిస్తోందన్నారు. కాగా ఇదే సమస్యపై స్పీకర్‌గా ఉన్న రఘరామ మంత్రికి విజ్ఞప్తి చేశారు. ‘ఇది సెన్సిటివ్ ఇష్యూ. ఉభయ గోదావరి జిల్లాలు APకి ఆర్థికంగా కీలకం. ఈ సమస్యపై దృష్టి సారించాలని జిల్లా MLAగా కోరుతున్నా’ అని ఆయన అన్నారు.
News November 19, 2024
సిటింగ్ MLC మృతిపై హోంమంత్రి కీలక వ్యాఖ్యలు
ఉండి మండలం చెరుకువాడలో 2023లో జరిగిన రోడ్డు ప్రమాదంలో పీడీఎఫ్ సిటింగ్ MLC షేక్ సాబ్జీ మృతి చెందిన విషయం తెలిసిందే. దీనిపై హోం మంత్రి అనిత మీడియా సమావేశంలో మాట్లాడుతూ.. ‘సిటింగ్ MLC చనిపోతే ఇంతవరకు పరిహారం రాకపోవడం బాధ కలిగించింది. మైనర్ డ్రైవింగ్ చేయడంతో నోటీసులు ఇచ్చి వదిలేయాల్సి వచ్చింది. చట్టాల్లోని లోపాలు దీనికి కారణమని అధికారులు చెబుతున్నారు. దీనిపై ఆలోచన చేస్తున్నాం’ అని ఆమె అన్నారు.
News November 19, 2024
ఏలూరు: ‘సైబర్ నేరాలపై అవగాహన అవసరం’
ప్రస్తుతం సైబర్ నేరాల పట్ల ప్రతి ఒక్కరూ పూర్తి అవగాహన కలిగి ఉండి తగు జాగ్రత్తలు తీసుకోవాలని ఏలూరు జిల్లా కలెక్టర్ కె వెట్రిసెల్వి అన్నారు. సోమవారం స్థానిక కలెక్టరేట్ గోదావరి సమావేశ మందిరంలో జిల్లా అధికారులకు సైబర్ నేరాలపై అవగాహన కార్యక్రమం నిర్వహించారు. సైబర్ నేరాలకు గురైనప్పుడు 1930 టోల్ ఫ్రీ నెంబరు డయల్ చేసి సమాచారం అందించాలన్నారు. వెబ్ సైట్ www.cybercrime.gov.in సందర్శించవచ్చన్నారు.
News November 18, 2024
చాగల్లు: మేనకోడలిపై అత్యాచారం.. నిందితుడు అరెస్ట్
బాలికపై అత్యాచారానికి పాల్పడిన వ్యక్తిని అరెస్ట్ చేసినట్లు ఆదివారం కొవ్వూరు DSP దేవకుమార్ తెలిపారు. అతడిని రాజమండ్రి జైలుకి తరలించామన్నారు. చాగల్లు మండలం దారవరంలో మేనకోడలిపై మామ అత్యాచారం చేసిన ఘటన ఆలస్యంగా వెలుగులోకి వచ్చింది. ఈ ఘటనపై DSP మాట్లాడారు. సమిశ్రాగూడెంలో చదువుతున్న బాలికను దారవరంలోని బంధువుల ఇంటికి తీసుకెళ్లి అత్యాచారం చేశారని బాలిక తల్లిదండ్రుల ఫిర్యాదుతో అతడిని అరెస్టు చేశామన్నారు.
Featured News
Sorry, no posts matched your criteria.