• Download our app

WestGodavari

News April 30, 2024

ప.గో.: ‘అన్నయ్యా అప్పులు తీర్చండి.. నేను కాలువలోకి దూకేస్తున్నా’

image

నల్లజర్ల మండలం నభీపేటకు చెందిన ప్రవీణ్ కుమార్(26) ఆత్మహత్య చేసుకున్నాడు. పోలీసుల వివరాలు.. వరికోత మిషన్ డ్రైవర్‌గా పనిచేస్తున్న అతనికి రెండేళ్ల క్రితం పెళ్లైంది. కాగా సోమవారం అన్న రవితేజకు ఫోన్ చేశాడు. పనికి వస్తానని కొందరి వద్ద డబ్బులు తీసుకున్నా.. వాటిని బైక్ అమ్మి కట్టేయండి.. అనంతపల్లి కాలువలోకి దూకేస్తున్నానని చెప్పాడు. రవితేజ పోలీసులకు సమాచారం ఇవ్వగా మృతదేహం బయటకు తీయించారు. కేసు నమోదైంది.

News April 30, 2024

ప.గో.: కోడలిని చంపిన మామ.. కారణమిదే

image

తాడేపల్లిగూడెం మండలంలో మామ కోడలిని <<13143207>>చంపిన<<>> విషయం తెలిసిందే. SI సురేశ్ తెలిపిన వివరాలు.. విశాఖకు చెందిన నాగశ్రావణికి జగన్నాథపురానికి చెందిన శ్రీనివాసరావుకు వివాహమైంది. ఇద్దరు పిల్లలు. ఉపాధినిమిత్తం శ్రీనివాసరావు దుబాయ్ వెళ్లాడు. కాగా వెండి మొలతాడు పోగొట్టుకున్నాడని తన కుమారుడిని ఆదివారం కొట్టింది. దీంతో మామ కేశవరావు గొడవకు దిగాడు. రాత్రి నిద్రిస్తుండగా తలపై బండతో మోది చంపేశాడు. కేసు నమోదైంది.

News April 30, 2024

నరసాపురం పార్లమెంట్ బరిలో 21 మంది అభ్యర్థులు

image

నరసాపురం పార్లమెంట్ స్థానానికి నామినేషన్ల ఉపసంహరణ సమయం ముగిసే నాటికి 21 మంది అభ్యర్థులు బరిలో ఉన్నారని కలెక్టర్ సుమిత్ కుమార్ గాంధీ తెలిపారు.‌ సోమవారం భీమవరం కలెక్టరేట్లో ఆయన ఒక ప్రకటన విడుదల చేశారు. సోమవారం ఎవరు తమ నామినేషన్లను ఉపసంహరించుకోలేదని కలెక్టర్ సుమిత్ కుమార్ తెలిపారు. దీంతో మొత్తం 21 మంది అభ్యర్థులు ఎన్నికల్లో పోటీలో నిలిచారన్నారు.‌

News April 30, 2024

ఏలూరు పార్లమెంట్ బరిలో 13మంది అభ్యర్థులు

image

ఏలూరు పార్లమెంట్ నియోజకవర్గంలో 13 మంది అభ్యర్థులు పోటీలో ఉన్నారు. కారుమూరి సునీల్(YCP), కావూరి లావణ్య(INC), అఖిల ధరణి పాల్ (BSP), పుట్టా మహేష్(TDP), బోడా అజయ్ బాబు(NCP), గొడుగుపాటి వీరరాఘవులు(PPOI), భైరబోయిన మల్యాద్రి(BCYP), రుద్రపాక రత్నారావు(ARPS), మెండెం సంతోష్ (LCP), కొండ్రు రాజేశ్వరరావు (BJKP), కొమ్మిన అగస్టీన్, కండవల్లి దయాకర్, బోకినాల కోటేశ్వరరావులు ఇండిపెండెంట్లుగా పోటీలో ఉన్నారు.

News April 29, 2024

సంక్షేమ నిధిని మళ్లించకుండా చూస్తాం: పవన్

image

రాష్ట్రంలో కూటమి ప్రభుత్వం రాగానే ఎవరూ భవన నిర్మాణ కార్మికుల సంక్షేమ నిధిని డైవర్ట్ చేయకుండా చూస్తామని జనసేన అధినేత పవన్ కళ్యాణ్ భరోసా ఇచ్చారు. సోమవారం రాత్రి పశ్చిమగోదావరి జిల్లా తాడేపల్లిగూడెంలో ఏర్పాటు చేసిన బహిరంగ సభలో ఆయన మాట్లాడారు. భవన నిర్మాణ కార్మికుల సంక్షేమ నిధికి రూ.కోటి విరాళాన్ని ప్రకటించారు. బొలిశెట్టి శ్రీనివాస్, వలవల బాబ్జి, తాతాజీ పాల్గొన్నారు.

News April 29, 2024

ఏలూరు జిల్లాలో నేతల బహిరంగ సభలు

image

ఏలూరు జిల్లాలో రానున్న సార్వత్రిక ఎన్నికల నేపథ్యంలో రాజకీయం హీటెక్కుతోంది. ఈ మేరకు ప్రధాన పార్టీల నాయకులు జిల్లాలో బహిరంగ సభలో నిర్వహించేందుకు ఏర్పాటు చేస్తున్నారు. ఈ క్రమంలో ఈనెల 30న దెందులూరుకు చంద్రబాబు నాయుడు, నేడు కొయ్యలగూడెంలో షర్మిల రెడ్డి బహిరంగ సభ, మే 1న ఏలూరులో జగన్ మోహన్ రెడ్డి బహిరంగ సభ, జనసేన అధినేత పవన్ కళ్యాణ్ రేపు కొయ్యలగూడెంలో పర్యటించనున్నారు.

News April 29, 2024

దెందులూరు: చింతమనేని సెంటిమెంట్ ఏంటో తెలుసా..?

image

దెందులూరు నియోజకవర్గ కూటమి అభ్యర్థి చింతమనేని ప్రభాకర్‌ ఎన్నికల ప్రచారంలో ఖాకీ దుస్తులు ధరించడం సెంటిమెంట్. నందమూరి తారక రామారావు తన తొలి రాజకీయ ప్రచారంలో ఖాకీ దుస్తులు ధరించి సక్సెస్ అయ్యారని అందుకే ఇలా ప్రచారం చేస్తున్నట్లు ఆయన చెబుతున్నారు. అంతేకాకుండా 2009లో చింతమనేని తొలిసారి MLAగా పోటీచేసినప్పుడు ప్రచారం చేసేందుకు వచ్చిన జూనియర్ NTR సైతం ఖాకీ దుస్తుల్లోనే ప్రచారం చేశారు.

News April 29, 2024

ఉమ్మడి ప.గో. జిల్లాలో 24,599 మంది కొత్త ఓటర్లు

image

ఉమ్మడి పశ్చిమగోదావరి జిల్లాలో కొత్తగా 24,599 మంది కొత్తగా ఓటుహక్కు కోసం నమోదు చేసుకున్నట్లు అధికారులు తెలిపారు. కాగా వారిలో మహిళలే అధికంగా ఉండడం విశేషం. మహిళలు 14,578 మంది ఉండగా.. పురుషులు 10,021 మంది. ఇక కొత్త జిల్లాల ప్రకారం చూస్తే ఏలూరు జిల్లాలో 13,014 మంది కొత్త ఓటర్లుగా నమోదు కాగా, పశ్చిమగోదావరి జిల్లాలో 11,585 మంది చేరారు.

News April 29, 2024

ప.గో.: భార్యాభర్తలు MLAలుగా.. ఇద్దరూ INDEPENDENT

image

ప.గో. జిల్లా ఉండి నియోజకవర్గంలో వేర్వేరు ఎన్నికల్లో స్వతంత్ర అభ్యర్థులుగా బరిలో నిలిచిన భార్యాభర్తలు విజయం సాధించి అసెంబ్లీలో అడుగుపెట్టడం విశేషం. 1967లో కట్రెడ్డి కుసుమేశ్వరరావు స్వతంత్ర అభ్యర్థిగా బరిలో నిలిచి ప్రత్యర్థి కాంగ్రెస్ అభ్యర్థి గోకరాజు రంగరాజుపై 3997 ఓట్లతో గెలుపొందారు. ఆ తర్వాత 1970లో జరిగిన ఉప ఎన్నికలో కట్రెడ్డి భార్య ఆండాళ్ళమ్మ స్వతంత్ర అభ్యర్థిగా బరిలో దిగి గెలుపొందారు.

News April 29, 2024

ప.గో.లో 2 రోజులు పవన్ పర్యటన

image

ఎన్నికల ప్రచారంలో భాగంగా ఉమ్మడి ప.గో. జిల్లాలో జనసేన అధినేత పవన్ కళ్యాణ్ సోమ, మంగళవారాల్లో పర్యటించనున్నారు. సోమవారం పిఠాపురం నుంచి హెలికాప్టర్‌లో బయలుదేరి సాయంత్రం 4 గంటలకు గణపవరం చేరుకొని పోలీస్ ఐల్యాండ్ సెంటర్ వద్ద ఏర్పాటుచేసిన బహిరంగ సభలో ప్రసంగిస్తారు. అక్కడి నుంచి రోడ్డు మార్గంలో పిప్పర, చిటకంపాడు లాకులు మీదుగా రాత్రి 7 గంటలకు తాడేపల్లిగూడెం చేరుకొని అక్కడ సభలో పాల్గొంటారు.

Featured News

Sorry, no posts matched your criteria.

↑