• Download our app

WestGodavari

News May 18, 2024

నేడు ఉమ్మడి ప.గో. జిల్లాలో ప్రవీణ్ ప్రకాష్ పర్యటన

image

రాష్ట్ర విద్యాశాఖ ప్రిన్సిపల్ సెక్రటరీ ప్రవీణ్ ప్రకాశ్ శనివారం ఉమ్మడి ప.గో. జిల్లాలో పర్యటించనున్నారు. ఏలూరు జిల్లాలోని భీమడోలు, ఉంగుటూరు మండలాల్లో, ప.గో.జిల్లాలోని తాడేపల్లిగూడెం, తణుకులో వివిధ పాఠశాలలను సందర్శించనున్నారు. పాఠ్యపుస్తకాల వివరాలను స్టాక్ పాయింట్లను పరిశీలిస్తారు. గత విద్యా సంవత్సరంలో విద్యార్థులకు పంపిణీ చేయగా మిగిలిన పాఠ్యపుస్తకాల వివరాలను పరిశీలిస్తారని అధికారులు తెలిపారు.

News May 18, 2024

ఏలూరు: కాపాడబోయి.. యువకుడు స్పాట్ డెడ్

image

రొయ్యల చెరువులో పనిచేస్తుండగా విద్యుదాఘాతానికి గురై ఓ యువకుడు మృతి చెందగా, మరొకరికి తీవ్ర గాయాలైన ఘటన ఏలూరు జిల్లాలో జరిగింది. కైకలూరు నియోజకవర్గ పరిధి ముదినేపల్లిలోని రొయ్యల చెరువులో కోల్‌కతాకు చెందిన షైపుల్లా, ముదినేపల్లి మండలానికి చెందిన బొర్రా బాలసాయి పనిచేస్తున్నారు. శుక్రవారం షైపుల్లా స్విచ్ వేస్తుండగా విద్యుదాఘాతానికి గురయ్యాడు. అతడిని కాపాడే క్రమంలో బాలసాయి మృతి చెందాడు.

News May 18, 2024

ప.గో: క్రాస్ ఓటింగ్.. ఇరు పార్టీ నేతల్లో గుబులు

image

ఉమ్మడి ప.గో. జిల్లాలోని 15 అసెంబ్లీ నియోజకవర్గాల్లో ఎక్కువగా క్రాస్ ఓటింగ్ జరిగిందని వైసీపీ, కూటమి పార్టీల నేతల్లో టెన్షన్ నెలకొంది. ఎంపీ, ఎమ్మెల్యే ఎన్నికలు ఒకేసారి జరగడంతో ఓటర్లు ఇరు పార్టీల్లో సమానంగా ఓటువేశారని ప్రచారం జరుగుతోంది. రెండు ఓట్లు ఒకే పార్టీకి వేశారా..? లేక వేర్వేరు పార్టీలకు వేశారా..? అన్నది అంతు చిక్కని ప్రశ్నగా మారింది. ఏదేమైనా జూన్ 4వ తేదీ వరకు ఆగాల్సిందే.

News May 18, 2024

ఏలూరు: ఇదికదా అమ్మతనం అంటే

image

ఏలూరు జిల్లా కుక్కునూరు మండలం కురుములతోగు గ్రామానికి చెందిన జ్యోతి నిండు బాలింత. కలుషిత నీరుతాగి అతిసారం బారిన పడగా భధ్రాచలం ప్రభుత్వాసుపత్రిలో ఆసుపత్రిలో చికిత్సపొందుతోంది. జ్యోతి కోలుకోవడమే కష్టంగా ఉన్నతరుణంలో ఆమె బిడ్డను మరో తల్లి దగ్గరకు తీసుకుంది. అదే గ్రామానికి చెందిన సోమమ్మ సైతం బాలింత కావడంతో తన బిడ్డతో పాటు జ్యోతి బిడ్డకు సైతం చనుబాలు ఇస్తోంది. ఇంట్లో 2 చీరలతో ఊయలలు ఏర్పాటుచేసింది.

News May 18, 2024

ఐరన్ రాడ్ దొంగలించిన వ్యక్తికి 6 నెలల జైలు శిక్ష

image

ఏలూరు మండలం వెంకటాపురం పంచాయతీ పరిధి ఇందిరమ్మ కాలనీలో ఈ ఏడాది అక్టోబర్ 29న ఓ గదిలో భద్రపరిచిన ఐరన్ రాడ్స్ చోరీకి గురయ్యాయి. బాధితుడి ఫిర్యాదు మేరకు ఎస్ఐ లక్ష్మణ్ బాబు కేసు నమోదు చేశారు. దర్యాప్తులో భాగంగా నేరం రుజువు కావడంతో అదే కాలనీకి చెందిన చోటే ఖాన్(25)కు 6 నెలల జైలు శిక్ష, రూ.5 వేల జరిమానా విధిస్తూ ఏలూరు ఎక్సైజ్ కోర్ట్ జడ్జి స్పందన శుక్రవారం తీర్పునిచ్చారని పోలీసులు తెలిపారు.

News May 17, 2024

టీడీపీ ఆత్మీయ సమావేశాన్ని అడ్డుకున్న పోలీసులు

image

నల్లజర్ల మండలం అనంతపల్లిలో శుక్రవారం ఏర్పాటు చేసిన తెలుగుదేశం పార్టీ ఆత్మీయ సమావేశాన్ని పోలీసులు అడ్డుకున్నారు. అనుమతులు లేకుండా ఆత్మీయ సమావేశం పెట్టకూడదని హెచ్చరించారు. ఎన్నికల నేపథ్యంలో 144 సెక్షన్ అమలులో ఉందని, ఇలాంటి సమయంలో ముందస్తు అనుమతులు లేకుండా ఎటువంటి సమావేశాలకు అనుమతి లేదని కొవ్వూరు డీఎస్పీ రామారావు తెలిపారు.

News May 17, 2024

ఉపాధి పని ముగించుకొని వస్తూ కూలీ మృతి

image

ప.గో జిల్లా తాడేపల్లిగూడెం మండలం మాధవరంలోని మేజర్ కెనాల్‌లో ఉపాధి హామీ పనులు ముగించుకొని వస్తూ ఓ కూలి మృత్యువాత పడ్డాడు. గ్రామానికి చెందిన రొట్టె వీర్రాజు(63) శుక్రవారం ఉదయం పని ముగించుకుని వస్తూ ఇంటికి కూతవేటు దూరంలో గుండెపోటుకు గురయ్యాడు. స్థానికులు స్పందించి ఏఎన్ఎం వద్దకు తీసుకువెళ్లారు. అప్పటికే వీర్రాజు మృతి చెందినట్లు వారు తెలిపారు. దీంతో ఆ గ్రామంలో విషాదం నెలకొంది.

News May 17, 2024

చంద్రబాబు నాయుడిని కలిసిన రఘురామ

image

ఉండి నియోజకవర్గ MLA అభ్యర్థి కనుమూరి రఘురామకృష్ణరాజు తెలుగుదేశం పార్టీ జాతీయ అధ్యక్షుడు నారా చంద్రబాబునాయుడిని శుక్రవారం ఆయన నివాసంలో మర్యాదపూర్వంగా కలిశారు. ఈ సందర్భంగా ఆయనకు పుష్పగుచ్చాన్ని అందజేసి, ముందస్తు శుభాకాంక్షలు తెలిపినట్లు RRR పేర్కొన్నారు.

News May 17, 2024

చింతమనేని ప్రభాకర్ రావుపై కేసు నమోదు

image

దెందులూరు అసెంబ్లీ కూటమి అభ్యర్థి చింతమనేని ప్రభాకర్ రావుపై పెదవేగి పోలీస్ స్టేషన్లో గురువారం కేసు నమోదైందని SI దుర్గాప్రసాద్ శుక్రవారం తెలిపారు. పెదవేగి మండలం కొప్పులవారిగూడెంలో టీడీపీ- వైసీపీ గొడవల నేపథ్యంలో రాజేష్ అనే వ్యక్తిని గురువారం పోలీసులు అదుపులోకి తీసుకున్నారు. ఈ విషయం తెలిసిన చింతమనేని ప్రభాకర్ రావు అక్కడికి వెళ్లి రాజేష్‌ను తీసుకువెళ్లాడు. దీంతో పోలీసులు చింతమనేనిపై కేసు నమోదుచేశారు.

News May 17, 2024

ఏలూరు: SO SAD: నాలుగేళ్ల బాలుడు గోతిలో పడి మృతి

image

నాలుగేళ్ల బాలుడు గోతిలో పడి మృతిచెందిన ఘటన ఏలూరు జిల్లా చింతలపూడి మండలం నామవరం గ్రామంలో జరిగింది. వివరాలు.. గ్రామానికి చెందిన చంటి అమలాపురంలో SIగా విధులు నిర్వహిస్తున్నారు. వేసవి సెలవులు కావడంతో భార్య, తన ఇద్దరు పిల్లలతో కలిసి గ్రామానికి వచ్చారు. కాగా గురువారం ఎస్ఐ కుమారుడు (4) ఆడుకుంటూ ఇంటి వెనకాల ఉన్న గోతిలో పడి మృతి చెందారు. దీంతో స్థానికంగా విషాదఛాయలు అలుముకున్నాయి.

Featured News

Sorry, no posts matched your criteria.

↑