India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News May 17, 2024
ప.గో.: ఓ వైపు IPL.. మరోవైపు ఎన్నికలు.. జోరుగా బెట్టింగులు
ఎన్నికల ఫలితాలపై జోరుగా బెట్టింగులు జరుగుతున్నాయి. ఉమ్మడి ప.గో. జిల్లాలో ఎవరికి వారు గెలుపుపై ధీమా వ్యక్తం చేస్తూ పందేలు కాస్తున్నారు. ఓవైపు IPL బెట్టింగులు కొనసాగుతుండగా.. మరోవైపు ఎన్నికల్లో ఎవరు గెలుస్తారు, మెజారిటీ ఎంతవస్తుందని బెట్టింగ్ జరుగుతున్నట్లు తెలుస్తోంది. తణుకులో రూ.లక్షల్లో పందేలు కాస్తున్నారు. దీనికోసం ప్రత్యేకంగా డెన్లు ఏర్పాటుచేసుకుంటున్నట్లు సమాచారం.
– మీ వద్ద ఉందా..?
News May 17, 2024
ఏలూరు: బాలికతో బలవంతంగా పెళ్లి.. అత్యాచారం
ఓ బాలికపై యువకుడు అత్యాచారం చేసిన ఘటన ఏలూరు జిల్లాలో జరిగింది. పెదవేగి SI రాజేంద్రప్రసాద్ తెలిపిన వివరాల ప్రకారం.. పెదవేగి మండలంలోని ఓ గ్రామానికి చెందిన 9వ తరగతి చదివిన బాలికను పెళ్లిచేసుకుంటానని ఈ నెల 10న కవ్వకుంటకు చెందిన బెజవాడ పవన్ బయటకు తీసుకెళ్లాడు. బలవంతంగా పెళ్లి చేసుకొని అత్యాచారానికి పాల్పడ్డాడు. బాలిక తల్లి ఫిర్యాదుతో.. యువకుడిపై కేసు నమోదుచేసి దర్యాప్తు చేస్తున్నట్లు SI తెలిపారు.
News May 17, 2024
ఇంటర్ సప్లమెంటరీ పరీక్షలకు 12,797 మంది: DRO
ఏలూరు జిల్లాలో ఇంటర్ సప్లమెంటరీ పబ్లిక్ పరీక్షలు పకడ్బందీగా నిర్వహించాలని DRO పుష్పరాణి అధికారులను ఆదేశించారు. గురువారం ఆమె మాట్లాడుతూ.. ఈ పరీక్షలు మే 24 నుంచి జూన్ 1 వరకు జరుగుతాయన్నారు. పరీక్షల కోసం జిల్లాలో 27 కేంద్రాలు ఏర్పాటు చేసామన్నారు. ఫస్ట్ ఇంటర్ 7,744 మంది, ఒకేషనల్ 920 మంది, సెకండ్ ఇంటర్ 3,209 మంది, ఒకేషనల్ 924 మంది కలిపి మొత్తం 12,797 మంది పరీక్షకు హాజరుకానున్నట్లు తెలిపారు.
News May 16, 2024
ప.గో: పిల్లలు, భర్త కోసం భార్య నిరసన దీక్ష
ప.గో జిల్లా తాడేపల్లిగూడెంలోని ఎఫ్‌సీఐ కాలనీలో భర్త ఇంటి ముందు భార్య నిరసన దీక్ష చేపట్టింది. ఆమె తెలిపిన వివరాల ప్రకారం.. పెళ్లై 13 సంవత్సరాలైనా తన భర్త తనను దూరం చేస్తూ వచ్చాడని, ఇప్పుడు పిల్లల్ని చూసుకుందామని వస్తే వారిని తీసుకొని ఎక్కడికో వెళ్లిపోయాడని ఆవేదన వ్యక్తం చేసింది. భర్త, పిల్లలు వచ్చేవరకు ఇంటిముందే నిరాహార దీక్ష చేస్తూ ఉంటానని ఆమె తెలిపింది.
News May 16, 2024
ఏలూరు: రోడ్డు ప్రమాదంలో ట్రాక్‌మెన్ మృతి
ఏలూరు జిల్లా భీమడోలు మండలం సోరప్పగూడెం రైల్వే వంతెనపై యాక్సిడెంట్ జరిగింది. రైల్వే ట్రాక్‌మెన్ బద్రి లోకేష్(35) బైక్‌పై వెళ్తుండగా.. మరో బైక్ ఢీకొట్టింది. ఈ ప్రమాదంలో లోకేష్ అక్కడికక్కడే మృతి చెందాడు. మరో బైక్‌పై ఉన్న ముగ్గురికి తీవ్ర గాయాలు కాగా.. వారిలో మహిళ పరిస్థితి విషమంగా ఉన్నట్లు సమాచారం. క్షతగాత్రులను 108లో ఏలూరు ప్రభుత్వాసుపత్రికి తరలించారు. పోలీసులు కేసు దర్యాప్తు చేస్తున్నారు.
News May 16, 2024
ఏలూరు: పొలంలో వింత జంతువు అడుగులు
ఏలూరు జిల్లా జంగారెడ్డిగూడెం మండలం దేవులపల్లి శివారు ఎర్ర కాలువ జలాశయం కుడి కాలవ సమీపంలో రైతు పి.కొండబాబు పొలంలో వింత జంతువు అడుగుజాడలను గుర్తించారు. ఉప తహశీల్దార్ రమేష్ సంఘటనా స్థలానికి చేరుకొని వివరాలను అటవీ శాఖ అధికారులకు పంపించారు. దీనిపై జంగారెడ్డిగూడెం ఇన్‌ఛార్జి డీఆర్‌ఓ నాగేశ్వరరావు మాట్లాడుతూ.. అడుగు గుర్తులను పరిశీలిస్తామన్నారు. ప్రజలు ఎలాంటి ఆందోళన చెందాల్సిన అవసరం లేదని సూచించారు.
News May 16, 2024
పెనుగొండలో రోడ్డు ప్రమాదం.. మహిళ మృతి
పెనుగొండ మండలం సిద్ధాంతం రోడ్డులో గురువారం రోడ్డు ప్రమాదం జరిగింది. వర్షం పడుతున్న సమయంలో ఓ స్కూటీ పై ఇద్దరు మహిళలు, బాలుడు వెళ్తూ అదుపు తప్పి కిందపడ్డారు. ఈ ఘటనలో ఓ మహిళ మృతి చెందగా.. మరో మహిళకు తీవ్రగాయాలయ్యాయి. అటు బాలుడు స్వల్ప గాయాలతో బయటపడ్డాడు. దీనిపై పూర్తి సమాచారం తెలియాల్సి ఉంది.
News May 16, 2024
నిడదవోలు: బైకుల వేలం
సెబ్ నిడదవోలు స్టేషన్ పరిధిలో వివిధ కేసుల్లో పట్టుబడిన నాలుగు ద్విచక్ర వాహనాలకు ఈనెల 18వ తేదీ ఉదయం 11 గంటలకు బహిరంగ వేలం నిర్వహిస్తున్నట్టు సీఐ కె.వీరబ్రహ్మం తెలిపారు. వేలంలో పాల్గొనే వారు తమ ఆధార్ కార్డు తీసుకుని వచ్చి ధరావత్తుగా రూ.5000 చెల్లించాలన్నారు. వేలంలో ద్విచక్ర వాహనాలు దక్కించుకున్న వారు వేలం ముగిసిన వెంటనే వేలం సొమ్ముతో పాటు జీఎస్టీ అదనంగా చెల్లించాలన్నారు.
News May 16, 2024
ఉండి: ఐటీఐ ప్రవేశాలకు దరఖాస్తులు
జిల్లాలో ఉండి, ఆచంట ప్రభుత్వ, 10 ప్రైవేటు ఐటీఐ ప్రవేశాలకు దరఖాస్తులు స్వీకరిస్తున్నట్లు ఐటీఐ జిల్లా ప్రధానాధికారి వేగేశ్న శ్రీనివాసరాజు తెలిపారు. మే 9న ప్రారంభమైన దరఖాస్తుల స్వీకరణ ప్రక్రియ జూన్ 10 వరకు కొనసాగుతోందని వివరించారు. విద్యార్థులు ఉండి, ఆచంట ప్రభుత్వ ఐటీఐలో తమ ధ్రువపత్రాల పరిశీలనకు జూన్ పదో తేదీ సాయంత్రం 5 గంటల్లోపు తప్పనిసరిగా హాజరు కావాలన్నారు.
News May 16, 2024
ప.గో: తాత్కాలికంగా పలు రైళ్లు రద్దు
గుంటూరు నుంచి వివిధ ప్రాంతాలకు వెళ్లే పలు రైళ్లను ఈ నెల 15 నుంచి 26 వరకూ రద్దు చేస్తున్నట్లు రైల్వే శాఖాధికారులు తెలిపారు. విజయవాడ రైల్వే డివిజన్లో ట్రాక్ మరమ్మతులు చేపట్టనున్నందున నరసాపురం- నిడదవోలు, నరసాపురం- విజయవాడ, నరసాపురం- రాజమహేంద్రవరం పట్టణాల మధ్య నడిచే రైళ్లు నిర్ణీత కాలంలో రద్దుచేసిన జాబితాలో ఉన్నాయని తెలిపారు. రామవరప్పాడు- నరసాపురం రైలు భీమవరం జంక్షన్ వరకే నడవనుందని వెల్లడించారు.
Featured News
Sorry, no posts matched your criteria.