India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News April 6, 2024
ఏలూరు: ఇంటిచుట్టూ తిరుగుతూ మహిళకు వేధింపులు
ఏలూరు జిల్లా టి.నరసాపురం మండలంలోని ఓ మహిళతో అదే గ్రామానికి చెందిన ఆకుల సాయి కొద్దిరోజులుగా అసభ్యకరంగా ప్రవర్తిస్తూ.. ఇంటిచుట్టూ తిరుగుతూ వేధించాడు. దీంతో బాధితురాలు పోలీసులకు ఫిర్యాదుచేయగా.. లైంగిక వేధింపులతో పాటు కుల దూషణ కేసు నమోదుచేసినట్లు ఎస్సై దుర్గా మహేశ్వరరావు తెలిపారు.
News April 5, 2024
RRR చేరికపై ఉత్కంఠకు తెర.. పోటీ ఎక్కడి నుంచి..?
నరసాపురం ఎంపీ రఘురామకృష్ణరాజు ఏ పార్టీలో చేరుతారనే ఉత్కంఠకు నేటితో తెరపడింది. పాలకొల్లు సభలో టీడీపీ అధినేత చంద్రబాబు సమక్షంలో ఆయన పసుపు కండువా కప్పుకున్నారు. అయితే.. రఘురామ ఎక్కడి నుంచి పోటీ చేస్తారు..? ఒకవేళ బరిలో ఉంటే లోక్‌సభకా..? అసెంబ్లీకా ..? అనేది మాత్రం సస్పెన్స్‌గానే ఉంది. ‘కూటమి నుంచి పక్కా బరిలో ఉంటా. రెండు రోజుల్లో క్లారిటీ వస్తుంది’ అని అన్న రఘురామకు ఏ టికెట్ ఇస్తారో వేచి చూడాలి.
News April 5, 2024
ఏలూరు జిల్లాలో స్కూల్ బస్సు బోల్తా
ఏలూరు జిల్లా జీలుగుమిల్లి మండలం ములగలంపల్లి గ్రామ శివారులో శుక్రవారం ఒక ప్రైవేట్ స్కూల్ బస్సు బోల్తా పడింది. జంగారెడ్డిగూడెం పట్టణానికి చెందిన స్కూల్ బస్సుగా స్థానికులు గుర్తించారు. ప్రమాద సమయంలో ఆ బస్సులో పిల్లలు ఉన్నారా..? లేరా..? అనే వివరాలేవి తెలియరాలేదు. ఈ ఘటనకు సంబంధించి పూర్తి వివరాలు ఇంకా తెలియాల్సి ఉంది.
News April 5, 2024
రూరల్‌లో ఎక్కువ.. అర్బన్‌లో తక్కువ: కలెక్టర్
ప.గో జిల్లాలోని 7 నియోజకవర్గాలలో ఏడాదిగా ఓటర్ నమోదు కార్యక్రమాలను నిర్వహించగా.. 14,63,014 మంది కొత్తగా నమోదయ్యారని కలెక్టర్ సుమిత్ కుమార్ శుక్రవారం తెలిపారు. గత ఎన్నికల్లోని పోలింగ్ శాతాన్ని పరిశీలిస్తే రూరల్‌లో ఎక్కువ శాతం, అర్బన్‌లో తక్కువ శాతం నమోదవుతూ వచ్చిందని అన్నారు. మే 13న ప్రతి ఒక్కరూ తమ అమూల్యమైన ఓటును సద్వినియోగం చేసుకోవాలని ఆయన కోరారు.
News April 5, 2024
మిసెస్ ఇండియా పోటీల్లో ‘గోదారి’ మహిళ సత్తా
మిసెస్ ఇండియా పోటీల్లో ఏలూరు జిల్లా భీమడోలు మండలం గుండుగొలను గ్రామానికి చెందిన రుద్రరాజు ఛాయాదేవి సత్తా చాటారు. గత నెల 30న ఢిల్లీ సమీపంలోని గురుగ్రామ్‌లో జరిగిన ఈ పోటీల్లో మిసెస్ ఇండియా(క్లాసిక్)గా ఎంపికయ్యారు. ఈమె ప్రాథమిక విద్యాభ్యాసం అంతా గుండుగొలనులోనే సాగగా.. వివాహానంతరం హైదరాబాద్‌లో స్థిరపడ్డారు. MBA చదివిన ఛాయాదేవి ప్రస్తుతం శ్రీవిహారి సర్వీసెస్ లిమిటెడ్‌కు డైరెక్టర్‌గా వ్యవహరిస్తున్నారు.
News April 5, 2024
ఏలూరు: YCP జిల్లా నేత మృతి
ఏలూరు జిల్లా బుట్టాయగూడేనికి చెందిన వైసీపీ ST సెల్ జిల్లాధ్యక్షుడు కొవ్వాసు నారాయణరావు అనారోగ్యంతో శుక్రవారం (నేటి) ఉదయం మరణించారు. ప్రస్తుతం అచ్చియ్యపాలెం సొసైటీ అధ్యక్షుడిగాను ఉన్నారు. గతంలో డీసీసీబీ డైరెక్టర్‌గా పనిచేశారు. పోలవరం వైసీపీ అసెంబ్లీ టికెట్ కోసం ప్రయత్నించిన ఆశావహుల్లో ఈయన కూడా ఉన్నారు. ఆయన మృతి పట్ల పలువురు నేతలు సంతాపం తెలిపారు.
News April 5, 2024
ఉమ్మడి పశ్చిమ గోదావరిలో ఇద్దరు జడ్జిల బదిలీ
రాష్ట్ర వ్యాప్తంగా 30 మంది జడ్జీలను బదిలీ చేస్తూ హైకోర్టు రిజిస్ట్రార్‌ గురువారం ఉత్తర్వులు జారీ చేసింది. కాగా ఉమ్మడి పశ్చిమగోదావరి జిల్లా పరిధిలోని ఏలూరు ఒకటో అదనపు జిల్లా జడ్జి జి.రామగోపాల్‌ తిరుపతి ఐదవ, ఫ్యామిలీ కోర్టు జడ్జిగా బదిలీ అయ్యారు. భీమవరం మూడో అడిషనల్‌ జిల్లా జడ్జిగా పనిచేస్తున్న పి.శ్రీసత్యదేవి స్పెషల్‌ సెషన్స్‌ జడ్జి ఎస్సీ, ఎస్టీ కోర్టు విశాఖపట్టణానికి బదిలీ అయ్యారు.
News April 5, 2024
ప.గో: చంద్రబాబు పర్యటన షెడ్యూల్ ఇదే
మాజీ CM చంద్రబాబు నాయుడు రేపు 10:30 గంటల నుంచి 1గంట వరకు నల్లజర్ల ప్రియాంక కన్వెన్షన్‌లో పార్టీ నేతలతో సమావేశం నిర్వహిస్తారని నాయకులు తెలిపారు. అనంతరం 2:15 గంటలకు నల్లజర్ల ఏకెఆర్జి హెలిప్యాడ్ వద్దకు చేరుకొని అక్కడి నుంచి నరసాపురం స్వర్ణాంధ్ర కాలేజ్ హెలిప్యాడ్‌కు చేరుకుంటారు. 3 గంటల నుంచి సాయంత్రం 4:30 వరకు బహిరంగ సభలో మాట్లాడుతారు. 6:00 నుంచి 7:30 వరకు పాలకొల్లులో జరిగే బహిరంగ సభలో పాల్గొంటారు.
News April 5, 2024
ఏలూరు జిల్లాలో 90% పెన్షన్ల పంపిణీ: డీఆర్డీఏ పీడీ
ఏలూరు జిల్లాలో 2,70,804 లబ్ధిదారులు ఉండగా గురువారం రాత్రి 8 గంటల వరకు 2,43,795 మందికి సామాజిక పెన్షన్ల పంపిణీ జరిగిందని డీఆర్డీఏ పీడీ ఆర్.విజయరాజు వెల్లడించారు. పెన్షన్ పంపిణీ నిమిత్తం జిల్లాకు రూ.80.92 కోట్లు విడుదలయ్యాయని అన్నారు. ఇంతవరకు రూ.73.89 కోట్లు పంపిణీ చేయడం జరిగిందన్నారు. జిల్లాలో గురువారం వరకు 90 శాతం పెన్షన్ల పంపిణీ జరిగిందన్నారు.
News April 4, 2024
గొడ్డలితో మహిళపై దాడి.. 6నెలల జైలు శిక్ష
టి.నర్సాపురం మండలం కే.జగ్గవరం గ్రామానికి చెందిన వ్యక్తి 2019 జూన్ 13న రాత్రి జరిగిన గొడవలో అడ్డు వచ్చిన ఓ మహిళపై గొడ్డలితో దాడి చేశాడు. పోలీసుల దర్యాప్తులో నేరం రుజువు కావడంతో సదరు నిందితుడికి 6 నెలల జైలు శిక్ష, రూ.1000 జరిమానా విధిస్తూ న్యాయస్థానం తీర్పునిచ్చిందని ఎస్పీ మేరీప్రశాంతి గురువారం తెలిపారు. రూ.300 నగదు కోసం గొడవ మొదలు కాగా.. గొడ్డలి దాడి వరకు వెళ్లిందని అధికారులు పేర్కొన్నారు.
Featured News
Sorry, no posts matched your criteria.