India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News April 30, 2024
ప.గో.: చింతలపూడిలో అతితక్కువ మంది బరిలో
ఎన్నికల్లో ఉమ్మడి ప.గో. జిల్లాలోని 15 నియోజకవర్గాల్లో ఎంతమంది పోటీలో ఉంటారన్నది లెక్క తేలింది. నామినేషన్ల తిరస్కరణ, ఉపసంహరణ అనంతరం మొత్తంగా 183 మంది బరిలో ఉన్నారు. అయితే అత్యల్పంగా చింతలపూడి నియోజకవర్గంలో 8 మంది పోటీచేస్తుండగా.. అత్యధికంగా దెందులూరు, పాలకొల్లు, భీమవరం నుంచి 15 మంది చొప్పున బరిలో ఉన్నారు.
News April 30, 2024
ఏలూరు: ఘోరం.. ACCIDENTలో తండ్రి, కూతురు మృతి
ఏలూరు జిల్లా పెదపాడు మండలం కలపర్రు నేషనల్ హైవేపై మంగళవారం రోడ్డు ప్రమాదం జరిగింది. ద్విచక్ర వాహనం డివైడర్‌ను ఢీకొనగా ఘటన స్థలంలో తండ్రి, కూతురు దుర్మరణం చెందారు. కొడుకు, తల్లి పరిస్థితి విషమంగా ఉండడంతో ఏలూరు ప్రభుత్వ ఆసుపత్రికి తరలించారు. విజయవాడ దుర్గ గుడిని దర్శించుకుని తిరిగి ఏలూరు వస్తుండగా ఈ ప్రమాదం జరిగిందని తెలుపుతున్నారు. పూర్తి వివరాలు తెలియాల్సి ఉంది.
News April 30, 2024
టీడీపీ నుంచి ముడియం సూర్యచంద్రరావు సస్పెండ్
ఏలూరు జిల్లా పోలవరం నియోజకవర్గ ఎస్టీ సెల్ ఉపాధ్యక్షుడు, ముడియం సూర్యచంద్రరావును టీడీపీ నుంచి సస్పెండ్ చేస్తున్నట్లు ఆ పార్టీ రాష్ట్ర అధ్యక్షులు కింజారపు అచ్చెన్నాయుడు సోమవారం ఉత్తర్వులు జారీ చేశారు. పార్టీ నియమ నిబంధనలకు వ్యతిరేకంగా వ్యవహరించినందుకు ఈ నిర్ణయం తీసుకున్నట్లు తెలిపారు. అలాగే ముడియం సూర్యచంద్రరావు టీడీపీలో టికెట్ రాకపోవడంతో స్వతంత్ర అభ్యర్థిగా పోటీలో ఉన్న విషయం తెలిసిందే.
News April 30, 2024
ప.గో.: టీడీపీ నుంచి శివరామరాజు సస్పెండ్
ఉండి మాజీ ఎమ్మెల్యే వేటుకూరి శివరామరాజును టీడీపీ రాష్ట్ర అధ్యక్షుడు కింజారపు అచ్చెన్నాయుడు పార్టీ నుంచి సస్పెండ్ చేస్తున్నట్లు ఉత్తర్వులు జారీ చేశారు. పార్టీ నిబంధనలకు వ్యతిరేకంగా వ్యవహరిస్తున్నందున ఈ నిర్ణయం తీసుకున్నట్లు ఉత్తర్వుల్లో పేర్కొన్నారు. కాగా ఉండి అసెంబ్లీ నియోజకవర్గ టీడీపీ టికెట్ ఆశించి భంగపడిన శివరామరాజు స్వతంత్ర అభ్యర్థిగా బరిలో ఉన్న విషయం తెలిసిందే.
News April 30, 2024
ప.గో.: ‘అన్నయ్యా అప్పులు తీర్చండి.. నేను కాలువలోకి దూకేస్తున్నా’
నల్లజర్ల మండలం నభీపేటకు చెందిన ప్రవీణ్ కుమార్(26) ఆత్మహత్య చేసుకున్నాడు. పోలీసుల వివరాలు.. వరికోత మిషన్ డ్రైవర్‌గా పనిచేస్తున్న అతనికి రెండేళ్ల క్రితం పెళ్లైంది. కాగా సోమవారం అన్న రవితేజకు ఫోన్ చేశాడు. పనికి వస్తానని కొందరి వద్ద డబ్బులు తీసుకున్నా.. వాటిని బైక్ అమ్మి కట్టేయండి.. అనంతపల్లి కాలువలోకి దూకేస్తున్నానని చెప్పాడు. రవితేజ పోలీసులకు సమాచారం ఇవ్వగా మృతదేహం బయటకు తీయించారు. కేసు నమోదైంది.
News April 30, 2024
ప.గో.: కోడలిని చంపిన మామ.. కారణమిదే
తాడేపల్లిగూడెం మండలంలో మామ కోడలిని <<13143207>>చంపిన<<>> విషయం తెలిసిందే. SI సురేశ్ తెలిపిన వివరాలు.. విశాఖకు చెందిన నాగశ్రావణికి జగన్నాథపురానికి చెందిన శ్రీనివాసరావుకు వివాహమైంది. ఇద్దరు పిల్లలు. ఉపాధినిమిత్తం శ్రీనివాసరావు దుబాయ్ వెళ్లాడు. కాగా వెండి మొలతాడు పోగొట్టుకున్నాడని తన కుమారుడిని ఆదివారం కొట్టింది. దీంతో మామ కేశవరావు గొడవకు దిగాడు. రాత్రి నిద్రిస్తుండగా తలపై బండతో మోది చంపేశాడు. కేసు నమోదైంది.
News April 30, 2024
నరసాపురం పార్లమెంట్ బరిలో 21 మంది అభ్యర్థులు
నరసాపురం పార్లమెంట్ స్థానానికి నామినేషన్ల ఉపసంహరణ సమయం ముగిసే నాటికి 21 మంది అభ్యర్థులు బరిలో ఉన్నారని కలెక్టర్ సుమిత్ కుమార్ గాంధీ తెలిపారు. సోమవారం భీమవరం కలెక్టరేట్లో ఆయన ఒక ప్రకటన విడుదల చేశారు. సోమవారం ఎవరు తమ నామినేషన్లను ఉపసంహరించుకోలేదని కలెక్టర్ సుమిత్ కుమార్ తెలిపారు. దీంతో మొత్తం 21 మంది అభ్యర్థులు ఎన్నికల్లో పోటీలో నిలిచారన్నారు.
News April 30, 2024
ఏలూరు పార్లమెంట్ బరిలో 13మంది అభ్యర్థులు
ఏలూరు పార్లమెంట్ నియోజకవర్గంలో 13 మంది అభ్యర్థులు పోటీలో ఉన్నారు. కారుమూరి సునీల్(YCP), కావూరి లావణ్య(INC), అఖిల ధరణి పాల్ (BSP), పుట్టా మహేష్(TDP), బోడా అజయ్ బాబు(NCP), గొడుగుపాటి వీరరాఘవులు(PPOI), భైరబోయిన మల్యాద్రి(BCYP), రుద్రపాక రత్నారావు(ARPS), మెండెం సంతోష్ (LCP), కొండ్రు రాజేశ్వరరావు (BJKP), కొమ్మిన అగస్టీన్, కండవల్లి దయాకర్, బోకినాల కోటేశ్వరరావులు ఇండిపెండెంట్లుగా పోటీలో ఉన్నారు.
News April 29, 2024
సంక్షేమ నిధిని మళ్లించకుండా చూస్తాం: పవన్
రాష్ట్రంలో కూటమి ప్రభుత్వం రాగానే ఎవరూ భవన నిర్మాణ కార్మికుల సంక్షేమ నిధిని డైవర్ట్ చేయకుండా చూస్తామని జనసేన అధినేత పవన్ కళ్యాణ్ భరోసా ఇచ్చారు. సోమవారం రాత్రి పశ్చిమగోదావరి జిల్లా తాడేపల్లిగూడెంలో ఏర్పాటు చేసిన బహిరంగ సభలో ఆయన మాట్లాడారు. భవన నిర్మాణ కార్మికుల సంక్షేమ నిధికి రూ.కోటి విరాళాన్ని ప్రకటించారు. బొలిశెట్టి శ్రీనివాస్, వలవల బాబ్జి, తాతాజీ పాల్గొన్నారు.
News April 29, 2024
ఏలూరు జిల్లాలో నేతల బహిరంగ సభలు
ఏలూరు జిల్లాలో రానున్న సార్వత్రిక ఎన్నికల నేపథ్యంలో రాజకీయం హీటెక్కుతోంది. ఈ మేరకు ప్రధాన పార్టీల నాయకులు జిల్లాలో బహిరంగ సభలో నిర్వహించేందుకు ఏర్పాటు చేస్తున్నారు. ఈ క్రమంలో ఈనెల 30న దెందులూరుకు చంద్రబాబు నాయుడు, నేడు కొయ్యలగూడెంలో షర్మిల రెడ్డి బహిరంగ సభ, మే 1న ఏలూరులో జగన్ మోహన్ రెడ్డి బహిరంగ సభ, జనసేన అధినేత పవన్ కళ్యాణ్ రేపు కొయ్యలగూడెంలో పర్యటించనున్నారు.
Featured News
Sorry, no posts matched your criteria.