India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News April 5, 2024
ఏలూరు: YCP జిల్లా నేత మృతి
ఏలూరు జిల్లా బుట్టాయగూడేనికి చెందిన వైసీపీ ST సెల్ జిల్లాధ్యక్షుడు కొవ్వాసు నారాయణరావు అనారోగ్యంతో శుక్రవారం (నేటి) ఉదయం మరణించారు. ప్రస్తుతం అచ్చియ్యపాలెం సొసైటీ అధ్యక్షుడిగాను ఉన్నారు. గతంలో డీసీసీబీ డైరెక్టర్‌గా పనిచేశారు. పోలవరం వైసీపీ అసెంబ్లీ టికెట్ కోసం ప్రయత్నించిన ఆశావహుల్లో ఈయన కూడా ఉన్నారు. ఆయన మృతి పట్ల పలువురు నేతలు సంతాపం తెలిపారు.
News April 5, 2024
ఉమ్మడి పశ్చిమ గోదావరిలో ఇద్దరు జడ్జిల బదిలీ
రాష్ట్ర వ్యాప్తంగా 30 మంది జడ్జీలను బదిలీ చేస్తూ హైకోర్టు రిజిస్ట్రార్‌ గురువారం ఉత్తర్వులు జారీ చేసింది. కాగా ఉమ్మడి పశ్చిమగోదావరి జిల్లా పరిధిలోని ఏలూరు ఒకటో అదనపు జిల్లా జడ్జి జి.రామగోపాల్‌ తిరుపతి ఐదవ, ఫ్యామిలీ కోర్టు జడ్జిగా బదిలీ అయ్యారు. భీమవరం మూడో అడిషనల్‌ జిల్లా జడ్జిగా పనిచేస్తున్న పి.శ్రీసత్యదేవి స్పెషల్‌ సెషన్స్‌ జడ్జి ఎస్సీ, ఎస్టీ కోర్టు విశాఖపట్టణానికి బదిలీ అయ్యారు.
News April 5, 2024
ప.గో: చంద్రబాబు పర్యటన షెడ్యూల్ ఇదే
మాజీ CM చంద్రబాబు నాయుడు రేపు 10:30 గంటల నుంచి 1గంట వరకు నల్లజర్ల ప్రియాంక కన్వెన్షన్‌లో పార్టీ నేతలతో సమావేశం నిర్వహిస్తారని నాయకులు తెలిపారు. అనంతరం 2:15 గంటలకు నల్లజర్ల ఏకెఆర్జి హెలిప్యాడ్ వద్దకు చేరుకొని అక్కడి నుంచి నరసాపురం స్వర్ణాంధ్ర కాలేజ్ హెలిప్యాడ్‌కు చేరుకుంటారు. 3 గంటల నుంచి సాయంత్రం 4:30 వరకు బహిరంగ సభలో మాట్లాడుతారు. 6:00 నుంచి 7:30 వరకు పాలకొల్లులో జరిగే బహిరంగ సభలో పాల్గొంటారు.
News April 5, 2024
ఏలూరు జిల్లాలో 90% పెన్షన్ల పంపిణీ: డీఆర్డీఏ పీడీ
ఏలూరు జిల్లాలో 2,70,804 లబ్ధిదారులు ఉండగా గురువారం రాత్రి 8 గంటల వరకు 2,43,795 మందికి సామాజిక పెన్షన్ల పంపిణీ జరిగిందని డీఆర్డీఏ పీడీ ఆర్.విజయరాజు వెల్లడించారు. పెన్షన్ పంపిణీ నిమిత్తం జిల్లాకు రూ.80.92 కోట్లు విడుదలయ్యాయని అన్నారు. ఇంతవరకు రూ.73.89 కోట్లు పంపిణీ చేయడం జరిగిందన్నారు. జిల్లాలో గురువారం వరకు 90 శాతం పెన్షన్ల పంపిణీ జరిగిందన్నారు.
News April 4, 2024
గొడ్డలితో మహిళపై దాడి.. 6నెలల జైలు శిక్ష
టి.నర్సాపురం మండలం కే.జగ్గవరం గ్రామానికి చెందిన వ్యక్తి 2019 జూన్ 13న రాత్రి జరిగిన గొడవలో అడ్డు వచ్చిన ఓ మహిళపై గొడ్డలితో దాడి చేశాడు. పోలీసుల దర్యాప్తులో నేరం రుజువు కావడంతో సదరు నిందితుడికి 6 నెలల జైలు శిక్ష, రూ.1000 జరిమానా విధిస్తూ న్యాయస్థానం తీర్పునిచ్చిందని ఎస్పీ మేరీప్రశాంతి గురువారం తెలిపారు. రూ.300 నగదు కోసం గొడవ మొదలు కాగా.. గొడ్డలి దాడి వరకు వెళ్లిందని అధికారులు పేర్కొన్నారు.
News April 4, 2024
పెనుమంట్రలో 110 మంది వాలంటీర్ల రాజీనామా
పెనుమంట్ర మండలంలో భారీగా వాలంటీర్లు రాజీనామా చేశారు. పెనుమంట్ర, మార్టేరు, సోమరాజు ఇల్లింద్రపర్రు, మల్లిపూడి, నెగ్గిపూడి, వెలగలేరు, ఆలమూరు తదితర గ్రామాలలో దాదాపు 110 మంది వాలంటీర్లు మూకుమ్మడిగా రాజీనామాలు చేసి సంబంధిత అధికారులకు రాజీనామా పత్రాలు అందచేశారు. సార్వత్రిక ఎన్నికల నేపథ్యంలో ప్రతీ విషయలో వాలంటీర్లను బూచీగా చూపిస్తున్నారని, ఈ పరిణామాలతో విసుగు చెంది రాజీనామా చేసినట్లు వారు వెల్లడించారు.
News April 4, 2024
పెనుమంట్ర మండలంలో బారీగా వాలంటీర్ల రాజీనామా
పెనుమంట్ర మండలంలో భారీగా వాలంటీర్లు రాజీనామా చేశారు. పెనుమంట్ర, మార్టేరు, సోమరాజు ఇల్లింద్రపర్రు, మల్లిపూడి, నెగ్గిపూడి, వెలగలేరు, ఆలమూరు తదితర గ్రామాలలో దాదాపు 110 మంది వాలంటీర్లు మూకుమ్మడిగా రాజీనామాలు చేసి సంబందిత అధికారులకు రాజీనామా పత్రాలు అందచేశారు. సార్వత్రిక ఎన్నికల నేపథ్యంలో ప్రతీ విషయలో వాలంటీర్లను బూచీగా చూపిస్తున్నారని, ఈ పరిణామాలతో విసుగు చెంది రాజీనామా చేసినట్లు వారు వెల్లడించారు.
News April 4, 2024
పెదపాడు జాతీయ రహదారిపై మరో ప్రమాదం
పెదపాడు మండల పరిధిలోని తాళ్లమూడి జాతీయ రహదారిపై గురువారం ఉదయం రెండు కార్లు ఢీ కొన్నాయి. ఈ ఘటనలో టీడీపీ నాయకులు సుగ్గసాని గంగయ్యతో పాటు ఏడుగురికి తీవ్ర గాయాలయ్యాయి. అదే సమయంలో గన్నవరం విమానాశ్రయం నుంచి దుగ్గిరాల వస్తున్న చింతమనేని ప్రమాద పరిస్థితిని చూసి హైవే అంబులెన్స్‌లో ఆసుపత్రికి తరలించారు. పూర్తి సమాచారం తెలియాల్సి ఉంది.
News April 4, 2024
నరసాపురంలో చంద్రబాబు బహిరంగ సభ
మాజీ సీఎం చంద్రబాబునాయుడు శుక్రవారం నరసాపురంలో నిర్వహించే బహిరంగ సభకు కూటమి నేతలు సన్నాహాలు చేస్తున్నారు. శుక్రవారం మధ్యాహ్నం 2 గంటలకు సీతారాంపురంలోని స్వర్ణాంధ్ర ఇంజినీరింగ్‌ కళాశాలలో చంద్రబాబు హెలికాప్టర్‌లో దిగనున్నారు. అక్కడి నుంచి నరసాపురం వరకు రోడ్‌ షో నిర్వహించి, సభలో ప్రసంగిస్తారు.
News April 4, 2024
కొవ్వూరు: ఇద్దరి యువకులపై పోక్సో కేసు నమోదు
బాలిక పట్ల అసభ్యకరంగా ప్రవర్తించిన ఇద్దరి యువకులపై పోక్సో కేసు నమోదు చేశారు. కొవ్వూరు మండలం వాడపల్లికి చెందిన ఓ బాలికను అదే గ్రామానికి చెందిన ప్రేమ్ కుమార్, అతని సోదరుడు అఖిల్ సహకారంతో ప్రేమిస్తున్నానని వెంటపడి బుధవారం అసభ్యంగా ప్రవర్తించి, దౌర్జన్యం చేశారు. దీనిపై బాలిక కొవ్వూరు టౌన్ పోలీసులకు ఫిర్యాదు చేయడంతో ఇద్దరు యువకులపై ఎస్సై జుబేర్ పోక్సో కేసు నమోదు చేసినట్లు తెలిపారు.
Featured News
Sorry, no posts matched your criteria.