India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News July 24, 2024
అసెంబ్లీలో సీఎం నోట జంగారెడ్డిగూడెం
అసెంబ్లీ సమావేశాల్లో రాష్ట్ర ప్రభుత్వం ఎక్సైజ్ శాఖపై శ్వేతపత్రం విడుదల చేసిన విషయం తెలిసిందే. ఈ సందర్భంగా మద్యం విషయంలో గత ప్రభుత్వం హయాంలో చాలా అవకతవకలు జరిగాయని సీఎం అన్నారు. జంగారెడ్డిగూడెంలోనూ గతంలో నాటుసారా తాగి 21 మంది చనిపోయారని గుర్తుచేశారు. పార్టీపరంగా బాధిత కుటుంబాలకు నగదు అందించామని చెప్పారు.
News July 24, 2024
ప.గో.: ఫిషింగ్ హార్బర్ నిర్మాణంపై ఆశలు
ఉమ్మడి ప.గో. జిల్లాలో పెండింగ్‌లో ఉన్న ప్రాజెక్టులను దశలవారీగా పూర్తి చేస్తామని కేంద్రం హామీ ఇవ్వడంపై ప్రజలు వర్షం వ్యక్తం చేస్తున్నారు. ముఖ్యంగా జిల్లాలో పోలవరం ప్రాజెక్ట్ పెండింగ్‌లో ఉండగా.. నరసాపురం బియ్యపుతిప్ప ఫిషింగ్ హార్బర్ పనులు సైతం జరగాల్సి ఉంది. ఈ ఫిషింగ్ హార్బర్ పూర్తయితే నిరుద్యోగులకు ఉపాధి దొరకనుంది. కొత్త కేంద్ర బడ్జెట్‌తోనైనా హార్బర్ పూర్తి చేయాలని ప్రజలు కోరుతున్నారు.
News July 24, 2024
ప.గో: ముద్రా రుణాల పెంపు.. కలలు సాకారమయ్యేనా?
ఉమ్మడి ప.గో జిల్లాలో 425 పరిశ్రమలు ఉన్నాయి. వాటిలో దాదాపు 100 పరిశ్రమల వరకు మూతపడ్డాయి. ఇలాంటి క్రమంలో కేంద్రం చిన్న పరిశ్రమలను ఆదుకునేలా బడ్జెట్ ప్రవేశపెట్టడం పట్ల జిల్లా వాసులు హర్షం వ్యక్తం చేస్తున్నారు. గతంలో ముద్రా రుణాల పరిమితి రూ.10 లక్షలు ఉండగా ఈ బడ్జెట్‌లో రూ.20 లక్షలకు పెంచారు. ఈ ముద్రా లోన్ ద్వారా యువత కలలు సాకారం కానున్నాయి. అర్హులు రుణం పొందేలా బ్యాంకుల్లో ఆంక్షలను సడలించారు.
News July 24, 2024
కేంద్ర బడ్జెట్.. పాలకొల్లు మెడికల్ కాలేజీ పనుల్లో కదలిక!
కేంద్ర బడ్జెట్‌తో పాలకొల్లులో ప్రభుత్వ మెడికల్ కాలేజ్ నిర్మాణంపై ఆశలు చిగురిస్తున్నాయి. ఇప్పటికే ఈ కాలేజీ నిర్మాణం పనులు చేపట్టాలని మంత్రి నిమ్మల రామానాయుడికి వినతులు అందాయి. ఈ నిర్మాణం పూర్తయితే యువతకు, జిల్లా ప్రజలకు అన్ని విధాలా మేలు జరుగుతుందని నాయకులు ఎప్పటినుంచో చెబుతున్నారు. తాజా బడ్జెట్‌లో కేంద్రం విద్యా రంగానికి ఊతం ఇవ్వడంతో పునాదుల దశలో ఉన్న పనుల్లో కదలిక రానున్నట్లు తెలుస్తోంది.
News July 24, 2024
పోలవరానికి నిధులు.. చిగురించిన ఆశలు
పోలవరం ప్రాజెక్టుకు అవసరమైన నిధులు మంజూరు చేస్తామని కేంద్ర మంత్రి నిర్మలా సీతారామన్ చేసిన ప్రకటన ఉభయ గోదావరి జిల్లా వాసులకు ఊరట కలిగించింది. పోలవరం ఎడమ ప్రధాన కాలువ నిర్మాణం కాకినాడ, తూ.గో, కోనసీమ, అనకాపల్లి, విశాఖ జిల్లాల వరకు పూర్తి చేయాల్సి ఉంది. దీనివల్ల సాగు, తాగునీరు, పారిశ్రామిక అవసరాలు తీరుతాయి. ఎడమ కాలువను రూ 4,202.69 కోట్లతో నిర్మించవలసి ఉంది. ఇంతవరకు 72.99 శాతం పనులయ్యాయి.
News July 24, 2024
ప.గో: విద్యార్థులకు జిల్లాస్థాయి వ్యాసరచన పోటీలు
ఉమ్మడి ప.గో జిల్లా సర్వోదయ మండలి ఆధ్వర్యంలో పాఠశాల విద్యార్థులకు జిల్లా స్థాయి వ్యాసరచన పోటీ నిర్వహిస్తున్నట్లు మండలి కార్యదర్శి ఇందుకూరి ప్రసాదరాజు ఓ ప్రకటనలో తెలిపారు. పర్యావరణ పరిరక్షణ అనే అంశంపై రెండు పేజీలకు మించకుండా వ్యాసం రాసి స్కూలు హెచ్ఎం ధ్రువీకరణతో ఆగస్టు 10వ తేదీలోగా కార్యదర్శి, జిల్లా సర్వోదయ మండలి, గాంధీ కస్తూర్బా భవనం, శ్రీరాంపురం, భీమవరం-2 చిరునామాకు పోస్టులో పంపాలన్నారు.
News July 24, 2024
ప.గో: వ్యవసాయాభివృద్ధికి రూ.50 కోట్లు
కేంద్రం బడ్జెట్‌లో వ్యవసాయ రంగానికి ఊతం ఇవ్వడంతో అన్నదాతలు ఆశలు చిగురిస్తున్నాయి. ఉమ్మడి ప.గో జిల్లాలో సుమారు 4.5 లక్షల ఎకరాల్లో వరి పంట సాగు చేస్తున్నారు. కేంద్రం బడ్జెట్‌లో కేటాయించిన నిధుల్లో ఉమ్మడి జిల్లాలో రూ.50 కోట్లతో కాలువల ఆధునికీకరణ, ఏటిగట్ల ప్రతిష్ట, రెగ్యులేటర్ల మరమ్మతు పనులను ఏపీ ప్రభుత్వం చేపట్టనుంది. అటు ప్రకృతి వ్యవసాయ రంగంలో యువతను భాగస్వామ్యం చేసేలా అడుగులు వేయనుంది.
News July 24, 2024
విధుల్లో అలసత్వం.. డ్రెయిన్ల శాఖ ఈఈ సస్పెండ్
భారీ వర్షాలు.. వరదల వేళ విధుల్లో అలసత్వం వహించి గోస్తని డ్రెయిన్కు గండి పడటానికి కారణమైన డ్రెయిన్ల శాఖ ఈఈ MVV కిషోర్‌ను ప.గో కలెక్టర్ సి.నాగరాణి మంగళవారం సస్పెండ్ చేశారు. పాలకోడెరు మండలం మోగల్లు వద్ద గోస్తని డ్రెయిన్కు గండి పడటానికి ఈఈ పర్యవేక్షణ లోపం, సరైన ముందస్తు చర్యలు లేకుండా బాధ్యతా రాహిత్యంతో ఉండటమే కారణమన్నారు. ఈ నేపథ్యంలో ఆయనను సస్పెండ్ చేస్తూ కలెక్టర్ నాగరాణి ఉత్తర్వులు జారీ చేశారు.
News July 24, 2024
నిడదవోలు: వ్యభిచారం.. ముగ్గురి అరెస్ట్
నిడదవోలులోని తీరుగూడెంలో వ్యభిచార ముఠాను పోలీసులు మంగళవారం అరెస్ట్ చేశారు. వ్యభిచారం నిర్వహిస్తున్నట్లు అందిన సమాచారం మేరకు ఇంటిపై దాడి చేసినట్లు ఎస్ఐ పులపా అప్పారావు తెలిపారు. నిర్వాహకుడు నాగేశ్వరరావుతో పాటు ఆంజనేయపురానికి చెందిన ఓ విటుడు, రాజమహేంద్రవరానికి చెందిన మహిళను అదుపులోకి తీసుకున్నట్లు తెలిపారు. ఈ మేరకు వారిపై కేసు నమోదు చేసినట్లు పేర్కొన్నారు.
News July 24, 2024
తాడేపల్లిగూడెంలో YS షర్మిల పర్యటన నేడు
కాంగ్రెస్ రాష్ట్ర అధ్యక్షురాలు YS షర్మిల బుధవారం (నేడు) తాడేపల్లిగూడెం మండలంలో పర్యటించనున్నారు. ఈ మేరకు భీమవరం నియోజకవర్గ పార్టీ ఇన్‌ఛార్జి అంకెం సీతారాం మంగళవారం ఓ ప్రకటనలో తెలిపారు. ఉదయం 10 గంటలకు నందమూరు గ్రామంలో ఎర్రకాలువ ముంపు ప్రాంతాలలో పర్యటిస్తారని చెప్పారు.
Featured News
Sorry, no posts matched your criteria.