India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News July 17, 2024
చిన్నారులతో ఏలూరు కలెక్టర్ ఆత్మీయ సమ్మేళనం
కొవిడ్ సమయంలో తల్లిదండ్రులను కోల్పోయిన పిల్లలతో కలెక్టర్ వెట్రిసెల్వి ఏలూరు కలెక్టరేట్‌లో మంగళవారం ఆత్మీయ సమ్మేళనం నిర్వహించారు. వారి యోగక్షేమాలు తెలుసుకున్నారు. సమస్యలు ఉంటే నేరుగా తనకు ఫోన్ చేసి చెప్పాలని పిల్లలకు నంబర్ ఇచ్చారు. 18 సంవత్సరాలు నిండిన 19 మంది చిన్నారులకు రూ.10 లక్షల ఫిక్స్‌డ్ డిపాజిట్ పోస్టల్ పాస్ పుస్తకాలు అందజేశారు.
News July 17, 2024
గల్ఫ్‌కు వెళ్లేవారికి ప.గో కలెక్టర్ సూచనలు
ప.గో జిల్లా కలెక్టర్ చదలవాడ నాగరాణి ఓవర్సీస్ మ్యాన్ పవర్ కంపెనీ ఏపీ లిమిటెడ్ ప్రతినిధులు, ఇతర అధికారులతో మంగళవారం సమావేశం నిర్వహించారు. ఈ సందర్భంగా గల్ఫ్ వలసలపై సమీక్షించారు. జిల్లాలో ఉపాధి మార్గాలు మెండుగా ఉన్నాయని, మహిళలు వాటిని సద్విని చేసుకోవాలని కోరారు. కుటుంబ సభ్యులకు దూరమై దూర ప్రాంతాలకు వెళ్లేవారు గుర్తింపు పొందిన ఏజెన్సీల ద్వారా మాత్రమే వెళ్లాలన్నారు. లేదంటే అక్కడ ఇబ్బందులు తప్పవన్నారు.
News July 16, 2024
నరసాపురం MPDO మిస్సింగ్
ప.గో జిల్లా నరసాపురం ఎంపీడీవోగా పనిచేస్తున్న ఎం.వెంకట రమణారావు కనిపించడం లేదంటూ ఆయన భార్య కృష్ణా జిల్లా పెనమలూరు పోలీస్ స్టేషన్‌లో మంగళవారం ఫిర్యాదు చేశారు. జనవరి 24న వెంకట రమణారావు నరసాపురంలో విధుల్లో చేరారు. ఈ నెల 3న మెడికల్ లీవ్ మీద స్వస్థలానికి వెళ్లిన ఎంపీడీవో.. సోమవారం నుంచి కనిపించడం లేదని ఫిర్యాదులో పేర్కొన్నారు. ఆయన మిస్సింగ్‌పై మరిన్ని వివరాలు తెలియాల్సి ఉంది.
News July 16, 2024
పోలవరం ప్రాజెక్ట్ అధికారులతో మంత్రి నిమ్మల సమీక్ష
వెలగపూడి సచివాలయంలో మంగళవారం మంత్రి నిమ్మల రామానాయుడు పోలవరం లెఫ్ట్ మెయిన్ కెనాల్‌పై సంబంధిత ఇంజినీరింగ్ అధికారులతో సమీక్ష చేశారు. పలు అంశాలను అధికారులు మంత్రికి వివరించారు. కార్యక్రమంలో జల వనరుల శాఖ ముఖ్య సలహాదారులు వెంకటేశ్వరరావు, పోలవరం ప్రాజెక్ట్ సీఈ నరసింహామూర్తి, ప్రాజెక్ట్ ఎల్.ఎం.సి ఎస్ఈ ఏసుబాబు పాల్గొన్నారు.
News July 16, 2024
‘పాలకొల్లు మంత్రిగారి తాలూకా’ పేరుతో భారీ కటౌట్
పాలకొల్లు పట్టణం లాకు సెంటర్లో ఏర్పాటుచేసిన మంత్రి నిమ్మల రామానాయుడు భారీ కటౌట్ అందరినీ విశేషంగా ఆకర్షిస్తోంది. కటౌట్‌పైన ‘పాలకొల్లు మంత్రి గారి తాలూకా’ అని ప్రత్యేకంగా రాయించారు. నిరంతరం ప్రజల్లో ఉంటూ, ప్రజల మన్ననలు పొంది 3వ సారి ఎమ్మెల్యేగా గెలిచి హ్యాట్రిక్ సాధించిన నేపథ్యంలో అభిమానులు ఈ కటౌట్ ను ఏర్పాటుచేశారు.
News July 16, 2024
ప.గో.: గురుకులాల్లో పోస్టులకు దరఖాస్తుల ఆహ్వానం
గురుకులాల్లో ఖాళీగా ఉన్న పోస్టుల భర్తీకి దరఖాస్తులు ఆహ్వానిస్తున్నట్లు ఉమ్మడి ప.గో. జిల్లా సమన్వయ అధికారి భారతి తెలిపారు. పురుష అభ్యర్థులు గణితం-5, సోషల్-1, బోటనీ-1, ఇంగ్లిష్-1, హిందీ-1, హెల్త్ సూపర్వైజర్-1, పీఈటీ-2, మహిళా అభ్యర్థులు హిందీ-1,బోటనీ-1, జువాలజీ-1,ఇంగ్లీషు-2 పోస్టులు భర్తీ చేయనున్నారు. ఈ నెల 18 లోగా సర్టిఫికెట్ల జిరాక్స్‌లను జిల్లా సమన్వయ అధికారి, AP సాంఘిక సంక్షేమ శాఖ ఏలూరుకు పంపాలి.
News July 16, 2024
ప.గో.: విద్యుత్ శాఖలో నలుగురికి పదోన్నతులు
ఉమ్మడి ప.గో. జిల్లాకు సంబంధించి విద్యుత్ శాఖలో పని చేస్తున్న సీనియర్ అసిస్టెంట్లు నలుగురికి జూనియర్ అకౌంట్స్ ఆఫీసర్లుగా పదోన్నతులు కల్పించారు. ఈ మేరకు SE సాల్మన్ రాజు సోమవారం ఉత్తర్వులు జారీ చేశారు. ఎస్.వేణుగోపాల్‌ను తాడేపల్లిగూడెం నుంచి తణుకు, ఎం.శ్రీనివాసరాజును భీమవరం, చంద్రకళను నిడదవోలు నుంచి ఏలూరు టౌన్, యూవీవీ భాస్కరరావును తాడేపల్లిగూడెం నుంచి నిడదవోలు జేఏవోగా నియమించారు.
News July 16, 2024
ప.గో.: ఇన్‌స్టాగ్రాంలో అమ్మాయిల రీల్స్.. నగ్నంగా మార్ఫింగ్
ఓ వ్యక్తి తమ ఫొటోలను మార్ఫింగ్ చేశాడని తాడేపల్లిగూడేనికి చెందిన అక్కాచెల్లెళ్లు విజయవాడ సైబర్ క్రైం పోలీసులకు ఫిర్యాదుచేశారు. ఇన్‌స్టాలో తమ వీడియోలు డౌన్‌లోడ్ చేసి నగ్నచిత్రాలుగా మార్చి కృష్ణా జిల్లాకు చెందిన గంగాధర్ వేధిస్తున్నాడని తెలిపారు. నిందితుడి జిల్లా కృష్ణా కావడంతో ఆన్లైన్లో సైబర్ విభాగంలో ఫిర్యాదుచేయాలని పోలీసులు సూచించారు. వారు ఆన్లైన్లో ఫిర్యాదుచేయగా ఫిర్యాదు అవనిగడ్డ PSకు వెళ్లింది.
News July 16, 2024
రాష్ట్రంలోనే నిమ్మల 2nd
ఇటీవల అసెంబ్లీ ఎన్నికల్లో ఎమ్మెల్యేలు సాధించిన ఓట్ల శాతాన్ని అసోసియేషన్ ఫర్ డెమొక్రటిక్ రిఫామ్స్ (ADR) సంస్థ వెల్లడించింది. పాలకొల్లు MLAగా విజయం సాధించిన నిమ్మల అరుదైన ఘనత సొంతం చేసుకున్నారు. రాష్ట్రంలో అత్యధిక ఓట్లశాతం పొందిన వారిలో 2వ స్థానంలో నిలిచారు. నియోజకవర్గంలోని మొత్తం ఓట్లలో 69.30 శాతం ఓట్లు సాధించి ఘనవిజయం సాధించారు. మొదటి స్థానంలో 70.24 శాతం ఓట్లతో విశాఖ దక్షిణ MLA వంశీకృష్ణ ఉన్నారు.
News July 16, 2024
ఏలూరు: 16 ఏళ్ల మైనర్‌పై అత్యాచారం
ఏలూరు జిల్లాలో ఓ మైనర్‌పై అత్యాచారం జరిగింది. పోలీసుల వివరాలు..టి.నరసాపురం మండలానికి చెందిన ఓ బాలిక జంగారెడ్డిగూడెంలో ఇంటర్ చదువుతూ హాస్టల్‌లో ఉంటుంది. ఓసారి ఆమె ఇంటికి వచ్చినపుడు గ్రామానికి చెందిన తాడి నాగకుమార్ అత్యాచారం చేశాడు. మళ్లీ ఈ నెల 6న బెదిరించి గ్రామశివారుకు పిలిపించి బలవంతంగా మరోముగ్గురితో కలిసి విశాఖపట్నం తీసుకెళ్లి హోటల్‌లో అత్యాచారం చేశాడు. బాధితురాలి ఫిర్యాదుతో వారిపై కేసునమోదైంది.
Featured News
Sorry, no posts matched your criteria.