India's largestHyperlocal short
news App
Get daily news updates that are tailored for you based on your preferred language & location.
download Way2News app now
WestGodavari
News December 12, 2024
ప.గో జిల్లాలో మాజీ సీఎం జగన్ పర్యటన
సంక్రాంతి తర్వాత రాష్ట్ర వ్యాప్తంగా పర్యటనలు చేస్తానని మాజీ సీఎం జగన్ ప్రకటించిన విషయం తెలిసిందే. ముందుగా ఆయన పర్యటన ఉభయ గోదావరి జిల్లాలో ఉంటుందని తెలుస్తోంది. ఈ మేరకు స్థానిక నాయకులు ఏర్పాట్లు చేసుకుంటున్నారు. జగన్ గోదావరి జిల్లా పర్యటన చేస్తారని వైసీపీ చింతలపూడి ఇన్‌ఛార్జ్ కంభం విజయరాజు తెలిపారు. సంక్రాంతి తర్వాత జగన్ గోదావరి జిల్లా ప్రజలను కలుస్తారని చెప్పారు.
News December 12, 2024
ఏలూరు జిల్లాలో 354 నీటి సంఘాలు: కలెక్టర్
జిల్లా సాగునీటి సంఘాల ఎన్నికల నిర్వహణకు గెజిట్ నెం.62 బుధవారం జిల్లా కలెక్టర్ వెట్రిసెల్వి విడుదల చేశారు. జిల్లాలో 354 నీటి వినియోగదారుల సంఘాలు ఉన్నాయని, వీటిలో 23 గోదావరి పడమర, కృష్ణా- తూర్పు నీటి కాలువ 54 సంఘాలు, నాగార్జున సాగర్ ప్రాజెక్ట్ ఎడమ 15, తమ్మిలేరు ఇరిగేషన్ ప్రాజెక్ట్ 6 నీటి సంఘాలు, శ్రీ కరాటం కృష్ణమూర్తి ఎర్రకాలువకు 5, మైనర్ ఇరిగేషన్ చెరువులకు 251 సంఘాలు ఉన్నాయన్నారు.
News December 11, 2024
కొవ్వూరు: ఉరి వేసుకొని వివాహిత ఆత్మహత్య
కొవ్వూరు శ్రీరామ కాలనీకి చెందిన నేతల వీరబాబు భార్య నేతల దేవి (21) ఉదయం ఇంట్లో ఎవరు లేని సమయంలో ఫ్యాన్‌కు ఉరి వేసుకుని ఆత్మహత్య చేసుకుంది. పోలీసుల వివరాల మేరకు భర్తకు ఫోన్ చేసి చికెన్ తెమ్మని చెప్పగా చికెన్ పట్టుకొని ఇంటికి వచ్చిన భర్తకు దేవి ఫ్యాన్‌కు వేలాడుతూ కనబడుతుంది. స్థానికులు పోలీసులకు సమాచారంతో ఘటనా స్థలికి చేరుకుని కేసు నమోదు చేసి దర్యాప్తు చేస్తున్నట్లు తెలిపారు. వివరాలు తెలియాల్సి ఉంది.
News December 11, 2024
పనులు త్వరగా పూర్తి చేయాలి: ప.గో కలెక్టర్
డిసెంబర్ 13న విజయవాడ ఇందిరా గాంధీ స్టేడియంలో స్వర్ణాంధ్ర @ 2047 విజన్ డాక్యుమెంట్‌ను సీఎం చంద్రబాబు ఆవిష్కరించనున్నట్లు జిల్లా కలెక్టర్ నాగరాణి బుధవారం తెలిపారు. కలెక్టర్ మాట్లాడుతూ.. ఈ కార్యక్రమంలో భాగంగా జిల్లా శాఖల వారీగా అప్పగించిన పనులను సకాలంలో పూర్తి చేయాలన్నారు. యాక్షన్ ప్లాన్ మొత్తం జేసీ రాహుల్ కుమార్ రెడ్డి పర్యవేక్షణలో జరుగుతుందన్నారు.
News December 11, 2024
తినుబండారాల్లో కల్తీ జరుగుతుంది: జేసీరాహుల్ కుమార్ రెడ్డి
భీమవరం కలెక్టరేట్లో పాన్ ఇండియా పోస్టాక్ అనే అంశంపై బుధవారం శిక్షణ కార్యక్రమం జరిగింది. ఈ కార్యక్రమంలో జిల్లా జాయింట్ కలెక్టర్ రాహుల్ కుమార్ రెడ్డి ముఖ్య అతిథిగా పాల్గొన్నారు. ఈ సందర్భంగా జేసీ మాట్లాడుతూ.. ప్రస్తుత సమాజంలో ప్రతి ఒక్క తినుబండారాల్లో కల్తీ జరుగుతుందని అన్నారు. పట్టణంలో హోటల్స్, బేకరీలు, ఫాస్ట్ ఫుడ్ సెంటర్లు, చికెన్ సెంటర్లు, టీ స్టాల్స్, తదితర వ్యాపారులకు అవగాహన కల్పించారు.
News December 11, 2024
అత్తిలి: ‘మా అమ్మను బాగా చూసుకుంటాం’
అత్తిలి మండలం తిరుపతిపురం పంచాయతీ పరిధి శివపురానికి చెందిన సర్రమ్మ అనే వృద్ధురాలికి ఇద్దరు కుమారులు ఉన్నారు. అయితే వృద్ధాప్యంలో తోడుగా ఉండవలసిన కుమారులు పట్టించుకోవడం లేదని పోలీసులకు ఫిర్యాదు చేసింది. ఈ నేపథ్యంలోనే మండల మెజిస్ట్రేట్ వంశీ ముందు మంగళవారం హాజరు పరచగా.. తనదైన శైలిలో కొడుకులు ఇద్దరికీ తహశీల్దార్ కౌన్సెలింగ్ నిర్వహించారు. అనంతరం అమ్మను బాగా చూసుకుంటామని కొడుకులు ఇద్దరు షూరిటీ ఇచ్చారు.
News December 11, 2024
నెరవేర్చలేని హామీలు ఇచ్చారు: బొత్స సత్యనారాయణ
నెరవేర్చని హామీలు ఇచ్చి అధికారంలోకి వచ్చిన కూటమి ప్రభుత్వం ఓట్లేసి గెలిపించిన ప్రజలకు సమాధానం చెప్పాల్సిన సమయం వచ్చిందని రాష్ట్ర వైసీపీ అధికార ప్రతినిధి, ఎమ్మెల్సీ బొత్స సత్యనారాయణ పేర్కొన్నారు. మంగళవారం తణుకులోని పద్మశ్రీ ఫంక్షన్ హాలులో మాజీ మంత్రి కారుమూరి వెంకట నాగేశ్వరరావు అధ్యక్షతన నిర్వహించిన ఉభయగోదావరి జిల్లాల వైసీపీ ఇన్చార్జీలు, నాయకుల సమావేశంలో పాల్గొని ప్రసంగించారు.
News December 10, 2024
వైసీపీ నేతలపై కేసులు పెడుతున్నారు: కారుమూరి
తణుకు పద్మశ్రీ ఫంక్షన్ హాల్ లో మంగళవారం ఉమ్మడి ప.గో.జిల్లా నియోజకవర్గ ఇన్చార్జీలు, ప్రతినిధుల సమావేశం జరిగింది. ఈ సమావేశానికి ముఖ్యఅతిథిగా ఎమ్మెల్సీ, ఉభయగోదావరి జిల్లాల కోఆర్డినేటర్ బొత్స సత్యనారాయణ పాల్గొన్నారు. ఈ సందర్భంగా మాజీ మంత్రి కారుమూరు నాగేశ్వరరావు మాట్లాడుతూ.. కూటమి ప్రభుత్వం చేసే తప్పులను కప్పిపుచ్చుకునేందుకు వైసీపీ నేతలపై కేసులు పెడుతున్నారని అన్నారు.
News December 10, 2024
భీమవరం: జాయింట్ కలెక్టర్ ఆగ్రహం
ప్లాస్టిక్ రహిత సమాజ నిర్మాణానికి ప్రతి ఒక్కరూ సహకరించాలని జిల్లా జాయింట్ కలెక్టర్ రాహుల్ కుమార్ రెడ్డి అన్నారు. మంగళవారం భీమవరం మండలం జువ్వలపాలెం రోడ్డులోని ఓ పూల దుకాణం వద్దకు ఆయన వచ్చారు. పూలను ప్లాస్టిక్ కవర్స్‌లో ఇస్తుండటంతో దుకాణ యజమానిపై ఆగ్రహం వ్యక్తం చేశారు. ప్లాస్టిక్ వాడకం నిషేధంలో ఉండగా ప్లాస్టిక్ కవర్లు ఎందుకు వాడుతున్నారని గట్టిగా నిలదీశారు.
News December 10, 2024
ప.గో: నిధుల దుర్వినియోగం.. క్రిమినల్ చర్యలకు కలెక్టర్ ఆదేశం
యలమంచిలి మండలం చించినాడ పంచాయతీలో పనిచేస్తున్న సెక్రటరీ జయరాజు రూ.14,94,224, ముత్యాలపల్లి సెక్రటరీ కృష్ణంరాజు రూ.1,99,50,956, చినఅమిరం పంచాయతీ జూనియర్ అసిస్టెంట్ సుమనాగ్ రూ.15,98,455 ప్రభుత్వ నిధులు దుర్వినియోగం చేశారని కలెక్టర్ నాగరాణి సోమవారం తెలిపారు. వీరిపై క్రిమినల్ చర్యల నిమిత్తం భీమవరం తాహశీల్దార్‌కు ఆదేశాలు ఇచ్చామన్నారు. నిధులు మళ్లింపుకు సహకరించిన వారిపై కూడా చర్యలు ఉంటాయన్నారు.
Featured News
Sorry, no posts matched your criteria.