• Download our app

Y.S.R. Cuddapah

News June 4, 2024

కౌంటింగ్‌కు భారీ బందోబస్తు ఏర్పాటు: ఎస్పీ

image

నేడు కడపలో జరగబోయే ఎన్నికల కౌంటింగ్‌కు ఎక్కడా ఎటువంటి అవాంఛనీయ ఘటనలు జరగకుండా భారీ బందోబస్తు ఏర్పాటు చేశామని ఎస్పీ సిద్ధార్థ్ కౌశల్ పేర్కొన్నారు. కడప ఎన్నికల కౌంటింగ్ కేంద్ర వద్ద అధికారులకు దిశానిర్దేశం చేశారు. గొడవలకు ఎవరు ప్రయత్నించినా కట్టడి చేసేందుకు కఠిన చర్యలు తీసుకోవాలని సిబ్బందికి ఆదేశాలు ఇచ్చారు. కౌంటింగ్ పాసులు లేని వారిని ఎట్టి పరిస్థితుల్లోనూ లోపలికి అనుమతించేది లేదన్నారు.

News June 3, 2024

పెద్దముడియం హెడ్ కానిస్టేబుల్‌పై సస్పెన్షన్ వేటు

image

విధుల్లో నిర్లక్ష్యం వహించిన పెద్దముడియం పోలీస్ సిబ్బందిపై కడప ఎస్పీ సిద్ధార్థ్ కౌశల్ సీరియస్ అయ్యారు. హౌస్ అరెస్టులో ఉన్న వ్యక్తిని ఇంటి బయటకు వెళ్లేందుకు అవకాశం ఇచ్చిన పెద్ద ముడియం హెడ్ కానిస్టేబుల్ పై సస్పెన్షన్ వేటు వేశారు. కాగా సీఐ, ఎస్ఐలకు ఛార్జ్‌మెమో జారీ చేశారు. జమ్మలమడుగు డీఎస్పీకి షోకాజ్ నోటీసు ఇచ్చారు.

News June 3, 2024

ఎన్నికల కౌంటింగ్ వేళ.. కడపలో పార్కింగ్ ప్లేస్ లు ఇవే

image

సార్వత్రిక ఎన్నికల కౌంటింగ్ ఈనెల 4వ తేదీ నిర్వహించనున్న నేపథ్యంలో కౌంటింగ్ హాజరయ్యే అభ్యర్థులు, ఏజెంట్లకు పార్కింగ్ ప్లేసులను జిల్లా అధికారులు ఖరారు చేశారు. వైఎస్ఆర్ కాంగ్రెస్ పార్టీ అభ్యర్థులు, ఏజెంట్లకు ఇందిరానగర్ ఎదురుగా, తెలుగుదేశం పార్టీ అలయన్స్ అభ్యర్థులు, ఏజెంట్లకు శిల్పారామం పక్కన ఏర్పాటు చేశారు. జిల్లా అధికారులు, కౌంటింగ్ స్టాఫ్ కు మాంట్ ఫోర్ట్ స్కూల్లో పార్కింగ్ కేటాయించినట్లు తెలిపారు.

News June 3, 2024

రైల్వేకోడూరు: రోడ్డు ప్రమాదంలో వ్యక్తి మృతి

image

పుల్లంపేట మండలం పుత్తనవారిపల్లి వద్ద రోడ్డు ప్రమాదం జరిగింది. రైల్వే కోడూరు మండలం అనంతరాజుపేటకు చెందిన అన్నమయ్య(32) బైక్‌ అదుపుతప్పి కింద పడ్డాడు. దీంతో తలకు బలమైన గాయాలు తగలడంతో అక్కడికక్కడే మరణించారు. పుల్లంపేట పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు. పోస్టుమార్టం నిమిత్తం మృతదేహాన్ని రాజంపేట ప్రభుత్వ ఆసుపత్రికి తరలించారు.

News June 3, 2024

కడప: రేపు మద్యం దుకాణాలు బంద్

image

సార్వత్రిక ఎన్నికల కౌంటింగ్ సందర్భంగా మంగళవారం కడప జిల్లాలోని మద్యం దుకాణాలు, బార్లను మూసివేస్తున్నట్లు జిల్లా ప్రొహిబిషన్ అండ్ ఎక్సైజ్ సూపరింటెండెంట్ గోపాల్ ఆదివారం ఒక ప్రకటనలో తెలిపారు. గ్రామాల్లో ఎక్కడైనా బెల్ట్ షాపులు నిర్వహిస్తే తగిన చర్యలు తీసుకుంటామని హెచ్చరించారు. తమ సిబ్బంది గ్రామాలపై నిరంతరం నిఘా ఉంచారని తెలిపారు.

News June 3, 2024

రాయచోటి: ఇంటి గోడ కూలి వాలంటీర్ మృతి

image

రాయచోటి పట్టణం మాసాపేటలో మూడవ అంతస్తులో ఇంటి నిర్మాణం చేపడుతున్నారు. ఈ ఇంటి గోడ కూలి మార్జాల లక్ష్మీప్రసన్న(40) అనే వాలంటీర్ మృతి చెందినట్లు పోలీసులు తెలిపారు. విషయం తెలుసుకున్న టీడీపీ రాష్ట్ర కార్యవర్గ సభ్యుడు సుగవాసి ప్రసాద్ బాబు మృతదేహాన్ని సందర్శించి, వారి కుటుంబ సభ్యులకు సానుభూతి తెలిపారు.

News June 3, 2024

ఉమ్మడి కడప జిల్లాలో YCP-6, TDP-2

image

ఉమ్మడి కడప జిల్లాకు సంబంధించి RTV ఎగ్జిట్ పోల్స్‌ను విడుదల చేసింది. వీరి ప్రకారం TDP-2, YCP-6, BJP, జనసేన ఒక స్థానాల్లో గెలుస్తుందని తెలిపారు. బద్వేలు, కడప, పులివెందుల, కమలాపురం, ప్రొద్దుటూరు, రాయచోటిలో YCP పాగా వేస్తుందని, రాజంపేట, మైదుకూరులో TDP గెలిచే అవకాశం ఉందన్నారు. కాగా జమ్మలమడుగు BJP, కోడూరులో జనసేన అభ్యర్థులు గెలుస్తారన్నారు. దీంతో YCP శ్రేణులు సంబరాలు చేసుకుంటున్నాయి.

News June 3, 2024

రాయచోటి: వేదవతికి ఏ కష్టం వచ్చిందో..?

image

నిన్న రాయచోటిలో మహిళా కానిస్టేబుల్ ఆత్మహత్య చేసుకున్న విషయం తెలిసిందే. పుంగనూరు(M) భీమగానిపల్లెకు చెందిన వేదవతి మదనపల్లెకు చెందిన దస్తగిరిని ఏడేళ్ల క్రితం ప్రేమ వివాహం చేసుకుంది. అప్పటికే దస్తగిరికి పెళ్లి అయ్యి ఇద్దరు కుమారులు ఉన్నారు. ప్రేమ పెళ్లి చేసుకున్న ఆమెకు ఏ కష్టం వచ్చిందో తెలియదు. డ్యూటీలో ఉండగా నిన్న సెల్‌ఫోన్‌లో మాట్లాడారు. ఆ తర్వాత డ్యూటీ గదిలోనే గన్‌తో కాల్చుకుని చనిపోయారు.

News June 3, 2024

మైదుకూరుకు ఛాన్స్: ఆరా

image

కడప జిల్లాలో టీడీపీకి మైదుకూరు స్థానం ఒక్కటి గెలిచే ఛాన్స్ ఉందని ఓ ఇంటర్వ్యూలో ఆరా సర్వే సంస్థ ప్రతినిధి మస్తాన్ చెప్పుకొచ్చారు. అలాగే అంజాద్ బాషా స్వల్ప మెజార్టీతో గెలిచే అవకాశం ఉందని తెలిపారు. అలాగే కడప ఎంపీగా పోటీ చేస్తున్న వైఎస్ షర్మిల 12% ఓట్లు పడే అవకాశం ఉందని స్పష్టం చేశారు. మరికొన్ని గంటల్లో ఇవి వాస్తవమా.. అవాస్తవమా అనేది తేలనుంది. దీనిపై మీ కామెంట్.

News June 3, 2024

కలసపాడు: కరెంట్ షాక్‌తో బాలుడు మృతి

image

కలసపాడులో ఆదివారం టైలర్స్ కాలనీలో మిద్దెపైన కరెంటు వైర్ తగిలి మస్తాన్ (9) మృతి చెందాడు. వివరాల్లోకి వెళ్తే.. బద్వేలు మండలం తొట్టిగారిపల్లెకు చెందిన సిద్దయ్య పెద్ద కుమారుడు మస్తాన్. వేసవి సెలవులకు తన తాత దగ్గరికి వెళ్లాడు. ప్రమాదవశాత్తు ఇంటిపైన ఉన్న కరెంట్ తీగలను తగిలాయి. కరెంట్ షాక్‌తో అక్కడికక్కడే చనిపోయాడు. మరణ వార్త విని తల్లిదండ్రులు, గ్రామస్థులు శోకసంద్రంలో మునిగిపోయారు.

Featured News

Sorry, no posts matched your criteria.

↑