India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News November 13, 2024
పులివెందులకు చేరుకున్న వైఎస్ సునిత
వైఎస్ వివేకానందరెడ్డి కుమార్తె సునీత పులివెందుల చేరుకున్నారు. వైసీపీ సోషల్ మీడియాలో తనతో పాటు ఆమె చెల్లెలు వైఎస్ షర్మిల, తల్లి వైఎస్ విజయమ్మపై పెట్టిన పోస్టులపై ఫిర్యాదు చేయడానికి డీఎస్పీని కలిసేందుకు ఎదురు చూస్తున్నారు. గతంలో సోషల్ మీడియా పోస్టులపై హైదరాబాద్‌లో ఫిర్యాదు చేసిన సునీత, తాజాగా ఇక్కడ ఫిర్యాదు చేస్తే విచారణ చేస్తామన్న కర్నూలు రేంజ్ డీఐజీ ప్రవీణ్ ప్రకటనతో పులివెందుల వచ్చారు.
News November 13, 2024
MP అవినాశ్ రెడ్డి PA కోసం గాలింపు
వర్రా రవీందర్ రెడ్డి కేసులో పోలీసుల విచారణ కొనసాగుతోంది. కడప MP అవినాశ్ రెడ్డి PA రాఘవ రెడ్డి సూచనలతోనే తాను అసభ్యకర పోస్టులు పెట్టినట్లు వర్రా వాంగ్మూలం ఇచ్చినట్లు సమాచారం. దీంతో రాఘవ రెడ్డిని విచారించేందుకు పోలీసులు ప్రయత్నిస్తున్నారు. గత 4 రోజుల నుంచి రాఘవ రెడ్డి అజ్ఞాతంలో ఉండటంతో ఆయన స్వగ్రామం అంబకపల్లెపై పోలీసులు నిఘా ఉంచారు. పులివెందుల, లింగాల మండలాల్లో ఆయన కోసం గాలిస్తున్నారు.
News November 13, 2024
కడప జిల్లా ఎమ్మెల్యేకు అరుదైన అవకాశం
రాష్ట్ర అసెంబ్లీలో చీఫ్ విప్‌తోపాటు శాసనసభ, మండలి విప్‌లుగా 15 మందిని ప్రకటించిన విషయం తెలిసిందే. ఇందులో జమ్మలమడుగు MLA ఆదినారాయణరెడ్డిని శాసనసభ విప్‌గా నియమించారు. అయితే TDP నుంచి 15 మందికి, జనసేనలో నలుగురికి చోటు దక్కింది. కాగా BJP నుంచి ఒకే ఒక్క ఎమ్మెల్యేగా ఆదినారాయణరెడ్డి మాత్రమే నిలిచారు. దీంతో ఆయన అభిమానులు, కార్యకర్తలు సంబరాలు చేసుకున్నారు.
News November 13, 2024
బుకింగ్ కేంద్రాల్లో ఇసుక పంపిణీ పారదర్శకంగా జరగాలి
నిర్దేశించిన ఇసుక పంపిణీ సజావుగా జరగాలని కలెక్టర్ శ్రీధర్ ఆదేశించారు. మంగళవారం కడప కలెక్టరేట్లో జిల్లా స్థాయి ఇసుక కమిటీ సమావేశం జరిగింది. ఈ సందర్భంగా కలెక్టర్ మాట్లాడుతూ.. ఇసుక సరఫరా సంబంధిత అంశాల సమాచారం కోసం 08562246344 అనే కంట్రోల్ రూమ్ ఏర్పాటు చేసినట్లు స్పష్టం చేశారు. ఆర్డీవో తమ పరిధిలో నిరంతరం పర్యవేక్షిస్తూ ఉండాలన్నారు. ప్రతి స్టార్ట్ పాయింట్లో CC కెమెరాలు ఏర్పాటు చేయాలని కూడా ఆదేశించారు.
News November 13, 2024
సోషల్ మీడియాలో అప్రమత్తంగా ఉండండి: కడప ఎస్పీ
సోషల్ మీడియాలో పోస్టులు పెట్టేటప్పుడు విజ్ఞతతో వ్యవహరించాలని జిల్లా ఎస్పీ విద్యా సాగర్ నాయుడు తెలిపారు. కులాలు, మతాల మధ్య విద్వేషాలు సృష్టించే పోస్టులు ఎట్టిపరిస్థితుల్లో పెట్టకూడదని హెచ్చరించారు. వ్యక్తిగత ప్రతిష్ఠ దెబ్బతీసే విధంగానూ.. పార్టీల మధ్య చిచ్చులు పెట్టేలాంటి పోస్టులకు దూరంగా ఉండాలని కోరారు. మహిళలు, చిన్నారుల పట్ల అసభ్యకర, అభ్యంతరకర పోస్టులు పెడితే కేసులు నమోదు చేస్తామని హెచ్చరించారు.
News November 12, 2024
శాసనసభ విప్‌లుగా ముగ్గురు కడప జిల్లా ఎమ్మెల్యేలు
కాసేపటి క్రితం రాష్ట్ర ప్రభుత్వం చీఫ్ విప్‌తో పాటు 15 మంది విప్‌‌లను ప్రకటించింది. ఇందులో కడప జిల్లా నుంచి ముగ్గురు ఎమ్మెల్యేలకు చోటు దక్కింది. వీరిలో కడప ఎమ్మెల్యే మాధవి రెడ్డి(TDP), జమ్మలమడుగు ఎమ్మెల్యే ఆదినారాయణ రెడ్డి(BJP), కోడూరు ఎమ్మెల్యే అరవ శ్రీధర్(జనసేన)ను విప్‌లుగా రాష్ట్ర ప్రభుత్వం పేర్కొంది. NDA ప్రభుత్వం కడప జిల్లాలో మూడు పార్టీలకు సమన్యాయం చేశారని కూటమి నాయకులు భావిస్తున్నారు.
News November 12, 2024
ప్రొద్దుటూరు: సినీ పక్కీలో భారీ దొంగతనం
కడప జిల్లా ప్రొద్దుటూరు పరిధిలోని నంగనూర్‌పల్లిలో మంళవారం తెల్లవారుజామున భారీ చోరీ జరిగింది. RTC ఏఎస్ఐ భైరగాని మునయ్య ఇంట్లో దొంగలు సుమారు 25 తులాల బంగారం, రూ.2 లక్షల నగదు దోచుకెళ్లారు. ఇంట్లో ఎవరూ లేని సమయంలో ఈ చోరీ జరిగింది. దొంగతనాన్ని గుర్తించకుండా సనీ పక్కీలో వారు ఇల్లంతా కారంపొడి చల్లి, తమ ముద్రలను కనపడకుండా జాగ్రత్త పడ్డారు.
News November 12, 2024
జగన్.. పులివెందుల పౌరుషం ఉంటే రా: మంత్రి బీసీ
YS జగన్ మాట్లాడేందుకు మైక్ ఇస్తాం.. పులివెందుల పౌరుషం ఉంటే అసెంబ్లీకి రావాలంటూ మంత్రి బీసీ జనార్దన్ రెడ్డి సవాల్ విసిరారు. ‘అసెంబ్లీలో ఏ అంశంపైన అయినా చర్చకు సిద్ధం. తప్పులు చేసినందుకే జగన్ అసెంబ్లీకి రావడం లేదు. తీరు మార్చుకోకపోతే వచ్చే ఎన్నికల్లో ఒక్క సీటు కూడా రాదు అన్నారు. సోషల్ మీడియాలో తప్పుడు ప్రచారం, అనుచిత పోస్టులు పెడితే ఊరుకోమని చట్ట ప్రకారం కచ్చితంగా శిక్షిస్తాం’ అని స్పష్టం చేశారు.
News November 12, 2024
రాయచోటి: ‘రాష్ట్రంలో సంపద సృష్టి లక్ష్యంగా బడ్జెట్ ప్రవేశపెట్టారు’
2024-2025వ సంవత్సరం సంపద సృష్టి లక్ష్యంగా అభివృద్ధి చక్రాన్ని పున: ప్రారంభించే ఉద్దేశ్యంతో రూ.2,94,427.25 కోట్లతో కూటమి ప్రభుత్వం బడ్జెట్ విడుదల చేసిందని టీడీపీ నాయకులు హర్షం వ్యక్తం చేశారు. సోమవారం రాయచోటిలో రాష్ట్ర బడ్జెట్‌పై కూటమి నేతలు సమావేశం నిర్వహించారు. ఈ కార్యక్రమంలో జనసేన నాయకులు రామ శ్రీనివాస్, టీడీపీ నాయకులు శివప్రసాద్ నాయుడు, బీజేపీ నాయకులు వెంకటరమణ గౌడ్ పాల్గొన్నారు.
News November 12, 2024
అదనపు ఛార్జీలు వసూలు చేస్తే చర్యలు తప్పవు: కడప కలెక్టర్
ఆధార్ నమోదు కేంద్రాల్లో ప్రభుత్వం నిర్ణయించిన మేరకే సర్వీసు ఛార్జీలను చెల్లించాలని, అదనపు ఛార్జీలు వసూలు చేస్తే ఫిర్యాదు చేయాలని కలెక్టర్ డా. శ్రీధర్ చెరుకూరి సోమవారం ఒక ప్రకటన ద్వారా ప్రజలకు సూచించారు. జిల్లాలో ఆధార్ సేవల నిర్వహణపై సోమవారం జేసీ అదితి సింగ్, ఆర్డీవోలు జిల్లాలోని పలు ఆధార్ సేవ కేంద్రాలను తనిఖీ చేయడం జరిగిందన్నారు. ప్రభుత్వ నిబంధనల మేరకే ఆధార్ సేవాకేంద్రాల్లో సేవలు అందించాలన్నారు.
Featured News
Sorry, no posts matched your criteria.