• Download our app

Y.S.R. Cuddapah

News June 7, 2024

అన్నమాచార్య ఈఈఈ అధ్యాపకునికి డాక్టరేట్ ప్రధానం

image

రాజంపేట అన్నమాచార్య ఇంజనీరింగ్ కళాశాలలో ఈఈఈ విభాగంలో అధ్యాపకునిగా పనిచేస్తున్న షేక్ ముక్తియార్ అలీకి అనంతపురం JNTU పీహెచ్‌డీ ప్రధానం చేశారని కళాశాల ప్రిన్సిపల్ డాక్టర్ నారాయణ తెలిపారు. ‘కాస్ట్ అలకేషన్ ఇన్ ఏడీ రెగ్యులేటరీ పవర్ సిస్టమ్ విత్ రిలైబులిటీ ఇండెక్స్’ అనే అంశంపై పరిశోధన చేసినందుకు డాక్టరేట్ ప్రధానం జరిగిందని తెలిపారు.

News June 6, 2024

ప్రొద్దుటూరు: అగస్త్యేశ్వరునికి భస్మ హారతి

image

ప్రొద్దుటూరు ఆగస్త్యేశ్వర స్వామి ఆలయంలో గురువారం అమావాస్య సందర్భంగా స్వామివారికి ప్రత్యేక పూజా కార్యక్రమాలు నిర్వహించారు. ఆగస్త్యేశ్వర స్వామికి రుద్రాభిషేకం, రాజరాజేశ్వరికి పంచామృతాభిషేకం చేసి ప్రత్యేకంగా అలంకరించారు. సాయంత్రం ఆగస్త్యేశ్వర స్వామి మూలవిరాట్‌కు వేద పండితులు మంత్రోచ్ఛారణలతో భస్మాభిషేకం నిర్వహించి భస్మ హారతి ఇచ్చారు. ఆలయ కమిటీ ఛైర్మన్ కొత్తమిద్దె రఘురామిరెడ్డి, భక్తులు పాల్గొన్నారు.

News June 6, 2024

వ్యవసాయ సలహాదారుడు పదవికి తిరుపాల్‌ రెడ్డి రాజీనామా

image

రాష్ట్ర ప్రభుత్వ వ్యవసాయ శాఖ సలహాదారుడిగా ఉన్నటువంటి ఇరగం రెడ్డి తిరుపాల్ రెడ్డి గురువారం తన పదవికి రాజీనామా చేశారు. రాష్ట్రంలో కొత్త ప్రభుత్వం అధికారంలోకి రావడంతో నైతిక బాధ్యత వహిస్తూ తన పదవికి రాజీనామా చేస్తున్నట్లు ఆయన అన్నారు. తన రాజీనామా పత్రాన్ని చీఫ్ సెక్రటరీకి ఈ మెయిల్ ద్వారా పంపినట్లు తిరుపాల్ రెడ్డి తెలిపారు. తన రాజీనామాను వెంటనే ఆమోదించాలని తిరుపాల్ రెడ్డి ఈ సందర్భంగా పేర్కొన్నారు.

News June 6, 2024

కడప: వైవీయు LLB పరీక్షా ఫలితాలు విడుదల

image

వైవీయు LLB 3, 5 సెమిస్టర్ల పరీక్షా ఫలితాలు వీసీ ఆచార్య చింత సుధాకర్, కుల సచివులు ఆచార్య వై.పి. వెంకటసుబ్బయ్య, కంట్రోలర్ ఆఫ్ ఎగ్జామినేషన్స్ ప్రొఫెసర్ ఈశ్వర్ రెడ్డితో కలిసి గురువారం ఫలితాలను విడుదల చేశారు. LLB ఐదేళ్ల కోర్సులో భాగంగా 3 సెమిస్టర్ పరీక్షలో 50 శాతం, 5 సెమిస్టర్‌లో 74.68 శాతం మంది విద్యార్థులు ఉత్తీర్ణత సాధించారన్నారు. వైవీయు వెబ్‌సైట్లో ఫలితాలు అందుబాటులో ఉంచారని తెలిపారు.

News June 6, 2024

కడప: ఐటీఐలో ప్రవేశాలకు జూన్ 10 తుది గడువు

image

కడప జిల్లాలోని ప్రభుత్వ, ప్రైవేటు ఐటీఐ కాలేజ్‌ల్లో ప్రవేశానికి జూన్ 10వ తేదీ తుది గడువని కడప ప్రభుత్వ మైనార్టీ ఐటీఐ ప్రిన్సిపల్, కన్వీనర్ ఎం.జ్ఞాన కుమార్ తెలిపారు. ఆసక్తిగల అభ్యర్థులు తమ వివరాలను iti.ap.gov.in వెబ్ సైట్ ద్వారా నమోదు చేసుకోవాలని సూచించారు. 10వ తరగతి పాస్/ ఫెయిల్ అయిన అభ్యర్థులు ప్రవేశాలకు అర్హులన్నారు. అభ్యర్థులు తమకు సమీపంలో ఉన్న ఐటీఐల వద్ద రిజిస్ట్రేషన్ చేయించుకోవచ్చన్నారు.

News June 6, 2024

కడప: వైసీపీ ఓటమికి నైతిక బాధ్యత వహిస్తూ రాజీనామా

image

ఆంధ్రప్రదేశ్ రాష్ట్ర మినరల్ డెవలప్మెంట్ కార్పొరేషన్ ఏపీఎండీసీ డైరెక్టర్ పదవికి కడప జిల్లాలోని వేంపల్లెకు చెందిన ఈఎస్ సల్మా బుధవారం రాజీనామా చేశారు. తన రాజీనామా పత్రాన్ని విజయవాడలోని ఏపీఎండీసీ ఛైర్మన్‌కు సమర్పించారు. 2024 సార్వత్రిక ఎన్నికల ఫలితాల్లో వైసీపీ పరాజయానికి చింతిస్తూ, నైతిక బాధ్యత వహిస్తూ రాజీనామా చేశారు.

News June 6, 2024

కడప కంచుకోటలు బద్దలు కొట్టిన TDP

image

ఎన్నికల ఫలితాల్లో ఉమ్మడి కడప జిల్లాపై TDP పూర్తి ఆధిపత్యాన్ని ప్రదర్శించింది. కూటమిగా ఏర్పడి 7 స్థానాలు గెలిచింది. YCP ఆవిర్భవం నుంచి ఉమ్మడి జిల్లాపై జగన్ పూర్తి పట్టు సాధించారు. అందుకు తగ్గట్టుగానే 2014, 19 ఎన్నికల్లో అదే విధంగా సీట్లను గెలిచింది. ప్రస్తుత ఎన్నికల్లో YCP కంచుకోటలైన RCT, KMP, PDTR, మైదుకూరు, కోడూరు, కడప, జమ్మలమడుగు స్థానాల్లో కూటమి జయకేతనం వేసింది. దీంతో YCP ఆత్మ సంరక్షణలో పడింది.

News June 6, 2024

కడప: ప్రజలు కసితో ఓటు వేశారు: మాజీ మంత్రి

image

ఐదేళ్ల అరాచకపాలనతో విసుగు చెందిన రాష్ర్ట ప్రజలంతా కసితో టీడీపీకి ఓటేశారని మాజీ మంత్రి, సి. రామచంద్రయ్య అన్నారు. కడపలో ఆయన మాట్లాడుతూ.. జగన్ ఓడిపోయి ప్రజలపై నిందలు వేయడం సరికాదన్నారు. జగన్ తీరుతో కడప జిల్లా ప్రజలు తలదించుకోవాల్సి వచ్చిందన్నారు. ఎమ్మెల్యేలు, మంత్రులు విచ్చలవిడిగా దోచుకున్నారని వారికి ప్రజలు సరైన గుణపాఠం చెప్పారన్నారు. వైసీపీ నేతలు ఇప్పటికైనా ప్రజలకు క్షమాపణలు చెప్పాలన్నారు.

News June 5, 2024

కమలాపురం:  చికిత్స పొందుతూ ఫీల్డ్ అసిస్టెంట్ మృతి 

image

కమలాపురం మండలం పెద్దచెప్పలిలో విధులు నిర్వహిస్తున్న ఫీల్డ్ అసిస్టెంట్ ఆది భాస్కర్ (52) మృతి చెందినట్లు ఏపీవో సారధి తెలిపారు. ఏపీవో వివరాల మేరకు..  అనారోగ్యంతో కడప హాస్పిటల్‌లో చికిత్స పొందుతూ భాస్కర్ బుధవారం సాయంత్రం మృతి చెందినట్లు తెలిపారు. మృతునికి భార్య, ఇద్దరు అబ్బాయిలు, ఇద్దరు అమ్మాయిలు ఉన్నారు.

News June 5, 2024

NEETలో మెరిసిన కడప బిడ్డ

image

నీట్ యూజీ (ఎంబీబీఎస్) 2024 ఫలితాలలో రామాపురం మండలంలోని నల్లగుట్టపల్లి గ్రామం కస్పాకు చెందిన బండపల్లి మేఘన, బండపల్లి మధుసూదన్ రెడ్డిల కుమార్తె బండపల్లి నేహా రెడ్డి మెరిశారు. నేహా రెడ్డి 670 మార్కులు సాధించి ఆలిండియా ఈడబ్ల్యూఎస్ కోటాలో 1651వ ర్యాంక్ సాధించారు. కృషి, పట్టుదలతో విజయవాడలో లాంగ్ టర్మ్ కోచింగ్ తీసుకుని 670 మార్కులు సాధించినట్లు తల్లిదండ్రులు చెప్పారు.

Featured News

Sorry, no posts matched your criteria.

↑