News September 5, 2024

కడప: నేడు విద్యార్థులకు మట్టి విగ్రహాల తయారీ పోటీ

వినాయక చవితిని పురస్కరించుకొని మట్టి విగ్రహాల వాడకాన్ని ప్రభుత్వం ప్రోత్సహిస్తోంది. అందులో భాగంగా మట్టి విగ్రహాల తయారీ పోటీని నిర్వహిస్తున్నట్లు ఆంధ్రప్రదేశ్ కాలుష్య నియంత్రణ మండలి కడప ప్రాంతీయ కార్యాలయం ఇంజినీరు శ్రీనివాసరావు తెలిపారు. గురువారం మధ్యాహ్నం 2 గంటలకు కడపలోని పవన్ కాన్సెప్ట్ స్కూల్లో ఈ పోటీలు జరుగుతాయని తెలిపారు. ఉత్తమ విగ్రహాలకు బహుమతులు అందజేస్తామని పేర్కొన్నారు.

News September 5, 2024

కడప: మీ జీవితాన్ని మార్చిన గురువు ఎవరు..?

విద్యార్థులను జ్ఞానవంతులుగా తీర్చిదిద్దడంలో ఒక గురువు (Teacher) కృషి వెలకట్టలేనిది. అటువంటి వారిలో కడప జిల్లాకు చెందిన 79 మందికి ఉత్తమ ఉపాధ్యాయులుగా అవార్డులు వరించాయి. అటువంటి గొప్ప వ్యక్తులను స్మరించుకుంటూ.. సర్వేపల్లి రాధాకృష్ణన్ పుట్టిన రోజు సందర్భంగా నేడు టీచర్స్ డే జరుపుకుంటున్నాము. మరి మీ జీవితాన్ని మార్చిన టీచర్ ఎవరు..? కామెంట్ చేయండి.

Happy Teachers’ Day

News September 5, 2024

కడప: నేడు 79 మంది ఉపాధ్యాయులకు సన్మానం

జిల్లా వ్యాప్తంగా వివిధ పాఠశాలలకు చెందిన 79 మంది ఉపాధ్యాయులను ఉత్తమ ఉపాధ్యాయ పురస్కారాలకు ఎంపిక చేసినట్లు జిల్లా విద్యాశాఖ అధికారి అనురాధ తెలిపారు. డాక్టర్ సర్వేపల్లి రాధాకృష్ణ జయంతి రోజును పురస్కరించుకొని ఉపాధ్యాయ దినోత్సవ సందర్భంగా గురువారం సాయంత్రం వారికి అవార్డులను ప్రదానం చేసి సన్మానించనున్నట్లు డీఈవో తెలిపారు.

News September 5, 2024

రాష్ట్రంలో ఆదర్శంగా కడప బీసీ భవన్: కలెక్టర్

కడప నగరంలోని బీసీ భవన్ రాష్ట్రంలోనే ఆదర్శంగా నిలిచేందుకు అన్ని ఏర్పాట్లు చేయాలని కడప జిల్లా కలెక్టర్ శివ శంకర్ అన్నారు. పాత రిమ్స్ ఆవరణంలోని బీసీ భవన్‌ను కలెక్టర్ బుధవారం సందర్శించారు. కడప బీసీ భవన్‌కు జిల్లా నలుమూలల నుంచి, ఇతర ప్రాంతాల నుంచి బీసీలు ఈ బీసీ భవన్‌కు వస్తారని అన్ని సదుపాయాలు ఉండేలా చూడాలన్నారు. ఈ భవనంలో లైబ్రరీ, స్టడీ సెంటర్‌ను కూడా ఏర్పాటు చేయాలని సూచించారు.

News September 4, 2024

వరద బాధితులను ఆదుకునేందుకు కడప పోలీసులు

రాష్ట్రంలో నెలకొన్న భారీ వర్షాల కారణంగా విజయవాడ నగరం అతలాకుతలమైన విషయం తెలిసిందే. వేలాదిమంది ప్రజలు వరదల్లో చిక్కుకొని ఇబ్బందులు పడుతున్న సంఘటనలూ చూస్తున్నాం. అందుకే ఉన్నతాధికారుల ఆదేశాల మేరకు కడప జిల్లాకు చెందిన సీఐలు ఎస్సైలు, ఇతర సిబ్బంది వరద బాధితులను ఆదుకునేందుకు తమ వంతుగా బందోబస్తుకు తరలి వెళ్లారు. బాధితులను ఆదుకునేందుకు NDRF సిబ్బందితో కలిసి సురక్షిత ప్రాంతాలకు తరలిస్తున్నారు.

News September 4, 2024

అటవీ ప్రాంతాన్ని, వన్య ప్రాణులను కాపాడాలి: కలెక్టర్

కడప జిల్లాలోని అటవీ ప్రాంతాలను, వన్య ప్రాణులను సంరక్షించాలని సంబంధిత అధికారులను కలెక్టర్ ఆదేశించారు. కలెక్టర్ కార్యాలయంలో అటవీ శాఖ, డిస్టిక్ ఫారెస్ట్ వైల్డ్ లైఫ్ ప్రొటెక్షన్ కమిటీ మీటింగ్ జిల్లా కలెక్టర్ అధ్యక్షతన నిర్వహించారు. జిల్లాలోని అటవీ ప్రాంతాలలో టూరిజం స్పాట్లను గుర్తించి అభివృద్ధి చేయాలని తెలిపారు. ఆయా టూరిజం స్పాట్లలో పర్యాటకులు సందర్శించే విధంగా అన్ని ఏర్పాట్లు చేయాలని చెప్పారు.

News September 4, 2024

రాయచోటి: కిడ్నాప్ కేసులో నలుగురు ముద్దాయిలు అరెస్ట్

రాయచోటి పట్టణం కొత్తపేట- రామాపురానికి చెందిన కరాటే రామచంద్ర రైస్ పుల్లింగ్ మిషన్ నిర్వహిస్తున్నాడు. అయితే అధిక డబ్బు సంపాదించాలనే ఉద్దేశంతో రామచంద్ర కుటుంబ సభ్యులను బెంగళూరుకు చెందిన నవీన్ మనుషులు కిడ్నాప్ చేసిన కేసులో 9 మందిపై కేసు నమోదు చేసినట్లు రాయచోటి రూరల్ సీఐ వరప్రసాద్ తెలిపారు. వారిలో నలుగురిని అరెస్టు చేసి రిమాండ్‌కు పంపినట్లు తెలిపారు. ఆగస్టు 31న సంబేపల్లిలో కిడ్నాప్ జరిగినట్లు సమాచారం.

News September 4, 2024

రాయచోటి: కిడ్నాప్ కేసులో నలుగురు ముద్దాయిలు అరెస్ట్

రాయచోటి పట్టణం కొత్తపేట- రామాపురానికి చెందిన కరాటే రామచంద్ర రైస్ పుల్లింగ్ మిషన్ నిర్వహిస్తున్నాడు. అయితే అధిక డబ్బు సంపాదించాలనే ఉద్దేశంతో రామచంద్ర కుటుంబ సభ్యులను బెంగళూరుకు చెందిన నవీన్ మనుషులు కిడ్నాప్ చేసిన కేసులో 9 మందిపై కేసు నమోదు చేసినట్లు రాయచోటి రూరల్ సీఐ వరప్రసాద్ తెలిపారు. వారిలో నలుగురిని అరెస్టు చేసి రిమాండ్‌కు పంపినట్లు తెలిపారు. ఆగస్టు 31న సంబేపల్లిలో కిడ్నాప్ జరిగినట్లు సమాచారం.

News September 4, 2024

GOOD NEWS చెప్పిన కడప కలెక్టర్

ప్రభుత్వ సబ్సిడీతో గృహాలకి ఇంటి పైకప్పు మీద సోలార్ రూఫ్ టాప్ నెలకొల్పుటకు, పీఎం సూర్య ఘర్ ముఫ్ట్ బీజలి యోజన కేంద్ర ప్రభుత్వం ప్రారంభించిందని జిల్లా కలెక్టర్ శివ శంకర్ లోతేటి తెలిపారు. కడప కలెక్టర్ కార్యాలయంలో అధికారులతో బుధవారం సమీక్ష నిర్వహించారు. ఈ పథకం గృహ వినియోగదారులకి మాత్రమే వర్తిస్తుందని తెలిపారు.

News September 4, 2024

చక్రాయపేట: గండి ఆలయ హుండీల లెక్కింపు

పుణ్యక్షేత్రమైన గండిలోని శ్రీ వీరాంజనేయ స్వామి ఆలయంలో బుధవారం హుండీల లెక్కింపు కార్యక్రమాన్ని చేపట్టినట్లు ఆలయ సహాయ కమిషనర్ వెంకటసుబ్బయ్య తెలిపారు. కడప దేవాదాయశాఖ సూపరింటెండెంట్ రమణమ్మ పర్యవేక్షణలో 55 రోజులుగా భక్తులు స్వామివారికి హుండీల ద్వారా సమర్పించిన కానుకలను లెక్కించినట్లు తెలిపారు. 7 శాశ్వత హుండీల ద్వారా రూ. 36,48,364, అన్నప్రసాద వితరణ హుండీ ద్వారా రూ. 62,317ల ఆదాయం వచ్చినట్లు తెలిపారు.