India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News May 20, 2024
భారీ వర్షాలతో చెన్నూరు వద్ద పెన్నా నదికి జలకళ
పెన్నా నది, కుందూ నది, ఎగువ ప్రాంతంలోని నంద్యాల జిల్లా, కడప జిల్లాలో పలు ప్రాంతాల్లో మోస్తరు వర్షాలు కురవడంతో కుందూ నది నుంచి పెన్నా నదిలోకి వర్షపు నీరు చేరుతున్నది. పెన్నా నది ఎగువ ప్రాంతంలో ప్రొద్దుటూరు, ఎర్రగుంట్ల, కమలాపురం ప్రాంతాల్లో వర్షాలు కురవడంతో పెన్నా నదిలోకి వర్షం నీరు పరుగులు పెడుతున్నది. సోమవారం వల్లూరు మండలం ఆది నిమ్మయపల్లి వద్ద నిర్మించిన ఆనకట్ట వద్ద నీటి కల సంచరించుకుంది.
News May 20, 2024
కడప: YVU దూరవిద్య పీజీ ఫలితాలు విడుదల
వైవీయూ సెంటర్ ఫర్ డిస్టెన్స్ అండ్ ఆన్‌లైన్ ఎడ్యుకేషన్ పీజీ మొదటి సెమిస్టర్ ఫలితాలను వీసీ ప్రొ. చింతా సుధాకర్ తన ఛాంబర్‌లో సీడీవోఈ డైరెక్టర్ ప్రొ. కె.కృష్ణారెడ్డి, రిజిస్ట్రార్ ఫ్రొ. వై.పి.వెంకట సుబ్బయ్యతో కలసి విడుదల చేశారు. ఈ సందర్భంగా వీసీ మాట్లాడుతూ.. నేషనల్ ఎడ్యుకేషన్ పాలసీ -2020, ఛాయిస్ బేస్డ్ క్రెడిట్ సిస్టం ఆధారంగా పరీక్షలు ఏప్రిల్‌లో నిర్వహించామని అన్నారు. 8 సబ్జెక్టుల ఫలితాలు ప్రకటించారు.
News May 20, 2024
పెండ్లిమర్రి టాప్.. పెద్దముడియం లాస్ట్
శనివారం నుంచి ఆదివారం తెల్లవారు జాము వరకు జిల్లాలో వర్షం కురిసింది. 32 మండలాల్లో చిరుజల్లుల నుంచి అతి భారీ వర్షాలు కురిశాయి. జిల్లాలోని అత్యధికంగా పెండ్లిమర్రిలో 39.4 మి.మి., అత్యల్పంగా పెద్దముడియం మండలంలో 0.8 మి.మి. నమోదయింది. 10 మి.మి. తోపు వర్షపాతం 22 మండలాల్లో నమోదు కాగా.. 10 నుంచి 20 మి.మి. 6 మండలాలు, మరో 3 మండలాల్లో 20 మి.మి. పైగా వర్షపాతం నమోదయినట్లు అధికారులు తెలిపారు.
News May 20, 2024
అన్నమయ్య: బంగారాన్ని మెరుగు పట్టిస్తానని మోసం చేశారు
గాలివీడు మండల పరిధిలోని ఎర్రయ్యగారిపల్లిలో బిహార్‌కు చెందిన సంకట్ కుమార్, సుభాష్ కుమార్లపై చీటింగ్ కేసునమోదు చేసినట్లు ఎస్సై వెంకటప్రసాద్ పేర్కొన్నారు. పట్టణంలోని నీల నాగమునెమ్మ అనే మహిళ బంగారాన్ని మెరుగు పట్టించి ఇస్తామని చెప్పి 33 గ్రాముల బంగారు తీసుకొని 20 గ్రాములకు తగ్గించి మోసం చేశారని ఫిర్యాదు చేసినట్లు తెలిపారు. ఆమె ఫిర్యాదు మేరకు కేసు నమోదు చేసి నిందితులను అరెస్టు చేసినట్లు చెప్పారు.
News May 20, 2024
కడప: సచివాలయం సమీపంలో మృతదేహం కలకలం
గోపవరం మండలం రాచాయపేట సచివాలయం సమీపంలో బల్లపై గుర్తు తెలియని వ్యక్తి మృతి చెంది ఉండటాన్ని గమనించిన స్థానికులు బద్వేలు రూరల్ పోలీసులకు సమాచారమిచ్చారు. పోలీసులు ఘటనా స్థలానికి చేరుకుని గుర్తు తెలియని వ్యక్తి మృతదేహానికి పంచనామా నిర్వహించి, పోస్ట్ మార్టం నిమిత్తం బద్వేలు ప్రభుత్వ ఆసుపత్రికి తరలించారు.
News May 20, 2024
కడప: 20 సంవత్సరాల తర్వాత అపూర్వ కలయిక
ముద్దనూరు మండలం రాజుల గురువాయుపల్లె ఉన్నత పాఠశాలలో 2004వ సంవత్సరంలో పదవ తరగతి చదువుకున్న పూర్వ విద్యార్థుల సమావేశం జరిగింది. ఈ సమావేశంలో 20 సంవత్సరాల క్రితం పాఠాలు నేర్పిన గురువులను విద్యార్థులు సన్మానించారు. ఈ కార్యక్రమంలో పూర్వ విద్యార్థులు విద్యార్థి దశలో చేసినటువంటి పాత మధుర జ్ఞాపకాలను గుర్తు చేసుకొని ఆనందం వ్యక్తం చేశారు.
News May 20, 2024
రాయచోటి: కౌటింగ్ ప్రక్రియ కోసం కట్టుదిట్టమైన ఏర్పాట్లు
సాధారణ ఎన్నికలు – 2024లో భాగంగా కౌంటింగ్ ప్రక్రియ కోసం కట్టుదిట్టమైన ఏర్పాట్లు చేపట్టాలని కలెక్టర్, జిల్లా ఎన్నికల అధికారి అభిషిక్త్ కిషోర్ అధికారులకు సూచించారు. ఆదివారం కలెక్టర్ అభిషిక్త్ కిషోర్ ఎస్పీ కృష్ణారావుతో కలిసి ఇంజినీరింగ్ కళాశాలలో కౌంటింగ్ ఏర్పాట్ల గురించి అధికారులకు సూచనలు, సలహాలు ఇచ్చారు. ఈ సందర్భంగా వారు మాట్లాడుతూ.. ఎన్నికల కౌంటింగ్ కోసం అన్ని విధాల సన్నద్ధంగా ఉండాలన్నారు.
News May 19, 2024
కడప: శతాధిక వృద్ధురాలు శంఖుపల్లి చెన్నమ్మ (102) మృతి
కమలాపురానికి చెందిన శతాధిక వృద్ధురాలు శంఖుపల్లి చెన్నమ్మ (102) ఆదివారం మృతి చెందారు. కమలాపురంలో కుమార్తె చిట్టెం లక్షుమ్మ వద్ద చెన్నమ్మ ఉంటున్నారు. శతాధిక వృద్ధురాలు అయినప్పటికీ సాధారణంగా స్వయంగా రోజువారీ దినచర్యను తానే స్వతహాగా చేసుకొనేది అని కుటుంబీకులు తెలిపారు. ఈ క్రమంలో శనివారం అర్ధరాత్రి సమయంలో అనారోగ్యానికి గురై కడప రిమ్స్ల్‌లో చికిత్స పొందుతూ మృతి చెందినట్టు చెప్పారు.
News May 19, 2024
కడప: ఓవర్ టేక్ చేయబోయి వ్యక్తి మృతి
రైల్వే కోడూరు మండలం ఉప్పరపల్లి దగ్గర ముందు పోతున్న వాహనాన్ని ఓవర్ టేక్ చెయబోయి ఎదురుగా వస్తున్న వాహనాన్ని ఢీకొని ఓ వ్యక్తి మృతి చెందాడు. మైసూరు వారి పల్లి హరిజనవాడకు చెందిన చలమల నరసింహులు ఆదెమ్మల కుమారుడు పెంచలయ్య (30)గా పోలీసులు గుర్తించారు. ఉప్పరపల్లి హరిజనవాడలో ఉన్న అక్క దగ్గరకు వెళ్లి వస్తుండగా ఈ ప్రమాదం జరిగినట్లు కుటుంబీకులు తెలిపారు.
News May 19, 2024
రాజుపాలెం: ట్రాక్టర్ పైనుంచి పడి ఉపాధి కూలి మృతి
రాజుపాలెం మండలం టంగుటూరు గ్రామానికి చెందిన ఉపాధి కూలి వేంపల్లి సుబ్బరాయుడు (60) ప్రమాదవశాత్తు కిందపడి మృతి చెందాడు. శనివారం ఉపాధి హామీ పథకం పనుల కోసం ట్రాక్టర్ ట్రాలీలో వెళ్తుండగా ట్రాలీ డోర్ కున్న సపోర్టు కడ్డీ విరగడంతో సుబ్బరాయుడు ఒక్కసారిగా కింద పడిపోయాడు. ఈ ప్రమాదంలో ఆయనకు బలమైన గాయాలు కావడంతో అక్కడికక్కడే మృతి చెందాడు. ఏపీడీ ఆనందం, ఏపీఓ లక్ష్మీనారాయణ సుబ్బరాయుడు మృతదేహానికి నివాళి అర్పించారు.
Featured News
Sorry, no posts matched your criteria.