India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News May 11, 2024
పులివెందులలో పోలింగ్ ఏర్పాట్లపై SP సమీక్ష
పులివెందుల నియోజక వర్గ పరిధిలో 13న జరిగే పోలింగ్‌కు సంబంధించిన భద్రత ఏర్పాట్లపై ఎస్పీ సిద్దార్థ్ కౌశల్ సమీక్ష నిర్వహించారు. ఎన్నికల సమయంలో పోలింగ్ కేంద్రాల వద్ద అనుసరించాల్సిన విధానాలపై ఆయన అధికారులుకు సలహాలు, సూచనలు ఇచ్చారు. ఎటువంటి అల్లర్లు, గొడవలు జరగకుండా అధికారులు అప్రమత్తంగా ఉండాలన్నారు.
News May 11, 2024
కడప జిల్లాలో భారీగా డబ్బు, బంగారం స్వాధీనం
సార్వత్రిక ఎన్నికల్లో భాగంగా తనిఖీల్లో ఇప్పటివరకు రూ.11.78 కోట్లు విలువచేసే డబ్బు, మద్యం బంగారు, గంజాయి వంటివి స్వాధీనం చేసుకున్నట్లు కలెక్టర్ విజయరామరాజు తెలిపారు. ఈరోజు ఎన్నికల పరిశీలకుల సమక్షంలో సిబ్బంది ర్యాండమైజేషన్ నిర్వహిస్తున్నామన్నారు. పోలింగ్ కేంద్రం వంద మీటర్ల పరిధిలోకి మొబైల్ ఫోన్లు, వాహనాలకు అనుమతి లేదన్నారు. ప్రశాంతంగా ఎన్నికలు జరిగేలా ప్రజలు సహకరించాలని కోరారు.
News May 11, 2024
కడప: ‘సమయం లేదు మిత్రమా’ అంటున్న నాయకులు
2024 ఎన్నికల ప్రచారం తుది అంకానికి చేరింది. మరికొన్ని గంటలే ఉండటంతో నాయకులు సమయం లేదు మిత్రమా అంటూ ప్రచారాలు చేస్తున్నారు. ఫోన్లు, ప్రకటనలు, ప్రత్యక్షంగా ఎన్నికల ప్రచారంలో బిజీ బిజీగా గడుపుతున్నారు. నాయకులు ఓటింగ్ శాతాన్ని పెంచేందుకు దూర ప్రాంతాల్లో ఉన్న ఓటర్లను రప్పించేందుకు ఇప్పటికే ప్రయత్నిస్తున్నారు. ఓటర్లను ప్రసన్నం చేసుకునేందుకు ట్రావెల్ ఛార్జులు కూడా నాయకులే ఇస్తుండటం గమనార్హం.
News May 11, 2024
పెనగలూరు: ప్రమాదవశాత్తూ బాలుడి మృతి
ఈట మాపురంలో ప్రమాదవశాత్తు కింద పడి ఓ బాలుడు మృతిచెందాడు. కుటుంబ సభ్యుల వివరాలు మేరకు.. మహేశ్వర్ రాజు, అశ్వనిల మొదటి కుమారుడు కుశాల్ కుమార్ రాజు (7) తాత వద్ద ఉన్న సెల్ ఫోన్ చూస్తూ వెనుకకు జరుగుతూ అరుగుపై నుంచి కిందపడ్డాడు. తల వెనుక భాగం ముందుగా నేలను తాకడంతో అక్కడికక్కడే మృతి చెందాడు. గల్ఫ్ లో ఉన్న మహేశ్వర్ రాజు విషయం తెలియగానే ఇంటికి వచ్చి కన్నీరు మున్నీరుగా విలపించాడు.
News May 11, 2024
కడప: ఓటుకు రూ.4 వేలు.?
కడప జిల్లాలో ఓట్ల పండగ జరగనుంది. నేటితో ప్రచారం ముగియనుండగా, ఓటర్లను నాయకులు ప్రభావితం చేస్తున్నట్లు టాక్ నడుస్తోంది. కమలాపురం, మైదుకూరు, ప్రొద్దుటూరు, జమ్మలమడుగు నియోజకవర్గాల్లో ఓటుకు రూ.2వేలు ఇస్తున్నట్లు సమాచారం. కడప, బద్వేలు, కోడూరులో 1000 నుంచి 1500 ఇస్తుండగా, రాజంపేటలో గరిష్ఠంగా రూ.4 వేలు ఇస్తున్నట్లు సమాచారం. దీంతో అభ్యర్థులు పోటాపోటీగా డబ్బులు పంచడానికి సిద్ధమవుతున్నారని టాక్ నడుస్తోంది.
News May 11, 2024
అన్నమయ్య జిల్లాకు వచ్చిన 8 మంది ట్రైనీ ఐపీఎస్‌లు
ట్రైనింగ్‌లో భాగంగా ఎన్నికల ప్రక్రియకు సంబంధించి, భద్రతా పరమైన చర్యలను గురించి తెలుసుకొనేందుకు అన్నమయ్య జిల్లాకు ఎనిమిది మంది ట్రైనీ ఐపీఎస్ అధికారులు విచ్చేసారు. ఐపీఎస్ అధికారులు జిల్లా ఎస్పీని జిల్లా పోలీసు కార్యాలయంలో మర్యాదపూర్వకంగా కలిశారు. ఎన్నికల నియమావళి సమర్థవంతంగా అమలు గురించి ట్రైనీ ఐపీఎస్‌లకు ఎస్పీ బి. క్రిష్ణా రావు వివరించారు.
News May 11, 2024
కడప: ఆంధ్ర ప్రీమియర్ లీగ్ సెలక్షన్స్‌కు చక్కటి స్పందన
కడప నగరంలోని వైఎస్ రాజారెడ్డి-ఏసీఏ క్రికెట్ మైదానంలో శుక్రవారం నిర్వహించిన ఆంధ్ర ప్రీమియర్ లీగ్ సీజన్- 3 పోటీల్లో పాల్గొనే ఫ్రాంచైజీ జట్లకు సంబంధించిన ఎంపికలకు క్రీడాకారుల నుంచి చక్కటి స్పందన లభించింది. ఈ ఎంపికలకు కడప, కర్నూల్, చిత్తూరు, అనంతపురం, నెల్లూరు జిల్లాలకు చెందిన 140 మంది క్రీడాకారులు హాజరైనట్లు ఏసీఏ సౌత్ జోన్ కార్యదర్శి రెడ్డిప్రసాద్ తెలిపారు.
News May 10, 2024
కొండాపురం: రోడ్డు ప్రమాదంలో వ్యక్తి మృతి
కొండాపురం మండలం పి.అనంతపురం దగ్గరలో చిత్రావతి బ్రిడ్జి వద్ద రోడ్డు ప్రమాదంలో యువకుడు అక్కడికక్కడే మృతి చెందాడు. కొండాపురం మండలం తాళ్లప్రొద్దుటూరుకు చెందిన సి.శివకుమార్(18) శుక్రవారం మధ్యాహ్నం బైక్‌పై తన గ్రామానికి వెళ్తుండగా గుర్తు తెలియని వాహనం ఢీ కొట్టడంతో తీవ్రంగా గాయపడి అక్కడికక్కడే మృతి చెందినట్లు స్థానికులు తెలిపారు. కొండాపురం పోలీసులు కేసు నమోదు చేసినట్లు పేర్కొన్నారు.
News May 10, 2024
రాయచోటి: ‘రాబోయే ౩ రోజులు చాలా కీలకం’
‘రాబోయే మూడు రోజులు చాలా కీలకం. పక్కా ప్రణాళిక, పటిష్ఠమైన సూక్ష్మ కార్యాచరణతో ఎన్నికలను విజయవంతం చేయాలి. పండుగ వాతావరణంలో పోలింగ్ నిర్వహణ ఉండాలి’ అని కలెక్టర్, జిల్లా ఎన్నికల అధికారి యం. అభిషిక్త్ కిషోర్ ఎన్నికలలో పాల్గొంటున్న అధికారులు సిబ్బందికి ఉద్బోధించారు. శుక్రవారం రాయచోటి కలెక్టరేట్ నుంచి పలువురు అధికారులతో ఆయన వర్చువల్ సమావేశం నిర్వహించారు.
News May 10, 2024
కడప జిల్లాలో ముగిసిన పోస్టల్ బ్యాలెట్ ఓటింగ్
ఈనెల 4 నుంచి 8వ తేదీ వరకు కడప జిల్లాలోని అసెంబ్లీ నియోజకవర్గాల్లో పోస్టల్ బ్యాలెట్ ప్రక్రియ నిన్నటితో ముగిసింది. జిల్లా మొత్తంలో ఉద్యోగులు 98.16 శాతం మంది ఓటు హక్కు వినియోగించుకున్నారు. ఉద్యోగులు అత్యధికంగా కడప, జమ్మలమడుగులో 100 శాతం మంది ఓటేశారు. నియోజకవర్గాల వారీగా చూస్తే బద్వేలు 99.59, పులివెందుల 94.67, కమలాపురం 94.54, ప్రొద్దుటూరులో 96.89, మైదుకూరులో 99.00 శాతం మంది ఉద్యోగులు ఓటు వేశారు.
Featured News
Sorry, no posts matched your criteria.