India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News August 10, 2024
కడప జిల్లాలో పెట్రోల్, డీజిల్ ధరలు ఇలా..!
కడప జిల్లాలో పెట్రోల్ ధరలు శుక్రవారం, శనివారం కాస్త వ్యత్యాసంలో ఉన్నాయి. నిన్న లీటరు పెట్రోలు రూ. 108.52 ఉండగా నేడు రూ. 108.96 ఉంది. అదే విధంగా డీజిల్ నిన్న రూ. 96.42 ఉండగా.. నేడు రూ . 96.82 ఉన్నట్లు తెలుస్తోంది.
News August 10, 2024
ప్రొద్దుటూరు: ధర్మవరం ఎక్స్‌ప్రెస్‌లో పొగలు.. అరగంట ఆగిన రైలు
ధర్మవరం నుంచి మచిలీపట్నం వెళ్తున్న రైలులో పొగలు రావడంతో ప్రయాణికులు భయాందోళనలకు గురయ్యారు. శుక్రవారం రాత్రి 9.30కు ప్రొద్దుటూరు రైల్వే స్టేషన్‌కు రైలు వచ్చి ఆగింది. బండిని ఆపే సమయంలో వర్షం పడగా, పదే పదే బ్రేకులు వేయడంతో ఏసీ బోగి చక్రాల కింద ఉన్న బ్రేకర్ నుంచి పొగ వచ్చిందని రైల్వే అధికారులు తెలిపారు. సాంకేతిక సమస్య ఉందని గుర్తించి, దాన్ని అధికారులు సరిచేయగా 30నిమిషాల తర్వాత రైలు బయలుదేరింది.
News August 10, 2024
కడప: మొక్కల పెంపకం – మన సామాజిక బాధ్యత
మొక్కలు నాటి పచ్చదనాన్ని పెంచే కార్యక్రమాన్ని ప్రతి ఒక్కరూ సామాజిక బాధ్యతతో పాటు వ్యక్తిగత బాధ్యతగా తీసుకోవాలని కడప జిల్లా కలెక్టర్ శివశంకర్ పిలుపునిచ్చారు. కడప కలెక్టర్ కార్యాలయంలో వనమహోత్సవం నిర్మాణ కార్యక్రమంపై అధికారులతో సమావేశం నిర్వహించారు. ప్రతి ఒక్కరూ స్వచ్ఛందంగా తమ వంతు బాధ్యతగా వనమహోత్సవ కార్యక్రమాన్ని విజయవంతం చేయాలని, ప్రతి ఒక్కరూ మొక్కలు నాటాలని పిలుపునిచ్చారు.
News August 9, 2024
కడప: 12 నుంచి వైవీయూ డిగ్రీ ఇన్‌స్టంట్ పరీక్షలు
వైవీయూ డిగ్రీ ఇన్‌స్టంట్ పరీక్షలు ఈ నెల 12 నుంచి ప్రారంభమవుతాయని వైవీయూ కంట్రోలర్ ఆఫ్ ఎగ్జామినేషన్ ప్రొ. ఎన్ ఈశ్వర్ రెడ్డి తెలిపారు. పరీక్షలన్నీ వైవీయూ క్యాంపస్‌లో మాత్రమే నిర్వహిస్తున్నామన్నారు. విద్యార్థులు చదువుతున్న కళాశాలల నుంచి హాల్‌టికెట్లు తీసుకోవాలన్నారు. పరీక్ష ప్రారంభమయ్యే అరగంట ముందే క్యాంపస్‌లోని ఏపీజే అబ్దుల్ కలాం సెంట్రల్‌ లైబ్రరీ పరీక్షా కేంద్రానికి చేరుకోవాలని సూచించారు.
News August 9, 2024
ప్రొద్దుటూరు నుంచి బెంగళూరుకు ట్రైన్ ఏర్పాటు చేయండి: ఎంపీ
కడప జిల్లా ప్రొద్దుటూరు నుంచి బెంగళూరుకు కొత్త ట్రైన్ ఏర్పాటు చేయాలని కడప ఎంపీ వైఎస్ అవినాష్ రెడ్డి కోరారు. ఈమేరకు ఢిల్లీలో రాష్ట్ర కేంద్ర రైల్వే శాఖ మంత్రి అశ్విని వైష్ణవ్‌ను కలిసి వినతిపత్రం అందించారు. దురదృష్టవశాత్తు కడప జిల్లా నుంచి బెంగళూరుకు ఎటువంటి రైల్వే సర్వీసులు లేవని దీనివల్ల ఐటీ ఉద్యోగులు, ప్రజలు ఇబ్బందులు పడుతున్నారన్నారు.
News August 9, 2024
కడప: వైవీయూ డిగ్రీ సెమిస్టర్ ఫలితాలు విడుదల
వైవీయూ పరిధిలోని అనుబంధ డిగ్రీ కళాశాలల రెండో సెమిస్టర్ పరీక్ష ఫలితాలను వైవీయూ వీసీ ప్రొ. కె. కృష్ణారెడ్డి, రిజిస్ట్రార్ ప్రొ. ఎస్ రఘునాథరెడ్డి, కంట్రోలర్ ఆఫ్ ఎగ్జామినేషన్స్ ప్రొ. ఎన్ ఈశ్వరరెడ్డితో కలిసి విడుదల చేశారు. బిఏ, బీకాం, బీఎస్సీ, బీబీఏ, బీసీఏ పరీక్షలకు 6,420 మంది హాజరు కాగా 2,330 మంది ఉత్తీర్ణత సాధించారు. 36.34 శాతం మంది ఉత్తీర్ణులయ్యారని వివరించారు.
News August 9, 2024
కేంద్రం నుంచి ఏపీకి 1000 బస్సులు: మంత్రి
కేంద్రం నుంచి ఏపీకి 1000 బస్సులు రానున్నట్లు ఏపీ రవాణా శాఖ మంత్రి రాంప్రసాద్‌ రెడ్డి కీలక వ్యాఖ్యలు చేశారు. రాబోయే కాలంలో ఏపీఎస్‌ఆర్టీసీలో ఎలాంటి చర్యలు తీసుకోవాలనే దానిపై సీఎం చంద్రబాబు సమీక్షించారు. సీఎం రివ్యూలో పలు సూచనలు, ఫ్రీ బస్సుల అంశంపై చర్చించినట్లు మంత్రి తెలిపారు. యాక్సిడెంట్ ఫ్రీ ఏపీని తయారుచేసేలా ప్రణాళికలు చేస్తున్నామన్నారు.
News August 9, 2024
ప్రొద్దుటూరు: రేషన్ డీలర్ ఆత్మహత్య
ప్రొద్దుటూరులో రేషన్ డీలర్ రామకృష్ణ బలవన్మరనానికి పాల్పడ్డాడు. పది సంవత్సరాలుగా ప్రొద్దుటూరులో తనకు జీవనాధారంగా ఉన్న రేషన్ షాపును టీడీపీ నేతలు తొలగించడంతో మానసిక వేదనకు గురై ఆత్మహత్యకు పాల్పడినట్లు వైసీపీ నేతలు ఆరోపిస్తున్నారు. విషయం తెలుసుకున్న పోలీసులు ఘటనా స్థలానికి చేరుకుని కేసు నమోదు చేసి దర్యాప్తు చేస్తున్నారు. ఘటనపై పూర్తి వివరాలు తెలియాల్సి ఉంది.
News August 9, 2024
రాజంపేట ఎంపీ మిథున్ రెడ్డికి సీఆర్పీఎఫ్ భద్రత
రాజంపేట ఎంపీ పెద్దిరెడ్డి మిథున్ రెడ్డిపై ఇటీవల పుంగనూరులో జరిగిన టీడీపీ శ్రేణుల దాడిని దృష్టిలో ఉంచుకొని కేంద్ర హోం శాఖ ఆయనకు సీఆర్పీఎఫ్ భద్రత కల్పించింది. ఈ మేరకు శుక్రవారం కేంద్ర హోం శాఖ నుంచి ఆదేశాలు వెలువడ్డాయి. ఎంపీ మిథున్ రెడ్డికి ప్రత్యర్థుల నుంచి హాని ఉందనే కేంద్ర ఇంటెలిజెన్స్ నివేదికతో ఈ నిర్ణయం తీసుకున్నారు. ఇక నిరంతరం ఎంపీ మిథున్ రెడ్డికి సీఆర్పీఎఫ్ బలగాలతో భద్రత ఉండబోతుంది.
News August 9, 2024
ఉమ్మడి కడప జిల్లా వ్యాప్తంగా వాయిదా పడ్డ పాఠశాల వివరాలు
బి.కోడూరు మండలంలో ఒక పాఠశాల, బి.మఠంలో 2, బద్వేల్లో 2, సీకేదిన్నె 4, చక్రాయపేట 1, చాపాడు 1, గోపవరం 4, కడప 13, కలసపాడు 2, కొండాపురం 3, మైలవరం 1, సిద్దవటం 6, తొండూరు 1, వీఎన్ పల్లి 2 పాఠశాలలో ఎన్నికలు జరగలేదు. అలాగే వల్లూరు 1, ఒంటిమిట్ట 2, వేముల 1, పోరుమామిళ్ల 2, ప్రొద్దుటూరు 2, పులివెందుల ఒక పాఠశాలలో వివిధ కారణాలతో జిల్లా వ్యాప్తంగా ఎస్ఎంసి ఎన్నికలు వాయిదా పడ్డాయి.
Featured News
Sorry, no posts matched your criteria.