India's largestHyperlocal short
news App
Get daily news updates that are tailored for you based on your preferred language & location.
download Way2News app now
Y.S.R. Cuddapah
News June 2, 2024
అవినాశ్ రెడ్డి హ్యాట్రిక్ విజయం ఖాయమేనా?
కడప పార్లమెంట్ ఫలితంపై అందరి దృష్టి నెలకొని ఉంది. ఇప్పటికే అవినాశ్‌రెడ్డి రెండు సార్లు MPగా విజయం సాధించారు. తొలుత 1.90 లక్షల పైగా ఓట్లతో విజయం సాధించగా, 2019లో ఏకంగా 3.80 లక్షల ఓట్ల మెజార్టీతో గెలిచారు. మరోసారి విజయం సాధిస్తారని విశ్లేషకులు అంటుండగా, అందుకు తగ్గట్టుగానే ఎగ్జిట్ పోల్స్ అనుకూలంగా ఉన్నాయి. మరి అవినాశ్ హ్యాట్రిక్ సాధిస్తారా లేక ఎగ్జిట్ పోల్స్‌ని కాదని వేరే వ్యక్తి గెలుస్తారో చూడాలి.
News June 2, 2024
C-PAC EXIT POLLS: కడప ఎంపీగా గెలుపెవరిదంటే.?
కడప ఎంపీగా వైసీపీ అభ్యర్థి వైఎస్ అవినాష్ రెడ్డి గెలవనున్నట్లు సీప్యాక్ సర్వే ఎగ్జిట్ పోల్ విడుదల చేసింది. అలాగే రాజంపేట ఎంపీ అభ్యర్థిగా పెద్దిరెడ్డి మిథున్ రెడ్డి విజయం సాధిస్తారని పేర్కొంది. ఉమ్మడి జిల్లాలోని 2 ఎంపీ స్థానాల్లో వైసీపీ సొంతం చేసుకుంటాయన్న ఈ సర్వేపై మీ COMMENT.
News June 2, 2024
EXIT POLLS: కడపలో వైసీపీకే పట్టం.!
ఉమ్మడి కడప జిల్లాలో ప్రజలు వైసీపీకే పట్టం కట్టారని చాణక్య X సర్వే ఎగ్జిట్ పోల్ అంచనా వేసింది. మొత్తం 10 స్థానాల్లో వైసీపీ 6 సీట్లు గెలుస్తుందని పేర్కొంది. ఇదే క్రమంలో కూటమికి రెండు సీట్లు వస్తాయని, మరో రెండు చోట్ల రెండు పార్టీలకు టఫ్ ఫైట్ ఉంటుందని చెప్పింది. ఈ సర్వేపై మీ COMMENT.
News June 2, 2024
కడప: పోలింగ్ సిబ్బందికి రెండు ఇంక్రిమెంట్లు కట్
ఎన్నికల పోలింగ్ విధుల్లో అలసత్వం వహించిన 185 మంది పోలింగ్ సిబ్బందికి రెండు ఇంక్రిమెంట్లు కట్ చేస్తున్నట్లు కడప జిల్లా ఎన్నికల అధికారి, జిల్లా కలెక్టర్ వి.విజయ్ రామరాజు శనివారం ఒక ప్రకటనలో తెలిపారు. ఎన్నికల విధులకు కేటాయించిన సిబ్బంది.. మే 12, 13 తేదీల్లో పోలింగ్ విధుల్లో నిర్లక్ష్యం, అలసత్వం వహించి ఎన్నికల ప్రక్రియ ఆలస్యానికి కారకులైన 185 మంది పోలింగ్ సిబ్బందికి ఇంక్రిమెంట్లు కట్ చేశామని తెలిపారు.
News June 2, 2024
కడప: కౌంటింగ్ ప్రశాంతంగా జరిగేందుకు సహకరించాలి
కౌంటింగ్ ప్రక్రియ సజావుగా ప్రశాంతంగా జరిగి త్వరితగతిన ఫలితాలు వెల్లడి అయ్యేలా ప్రతి ఒక్కరూ సహకరించాలని కడప జిల్లా ఎన్నికల అధికారి వి.విజయ్ రామరాజు అభ్యర్థులు, ఎన్నికల ఏజెంట్లకు సూచించారు. కలెక్టర్ కార్యాలయంలో సార్వత్రిక ఎన్నికల ఓట్ల లెక్కింపు, పాటించవలసిన నిబంధనలపై రాజకీయ పార్టీల నేతలతో సమావేశం నిర్వహించారు. సీసీ కెమెరాల నిఘాలో ఓట్ల లెక్కింపు కార్యక్రమాన్ని చేపట్టడం జరుగుతుందన్నారు.
News June 2, 2024
కడప: ఎన్నికల ఫలితాలు క్లారిటీ వచ్చినట్లేనా..? మీ కామెంట్..?
ఓట్ల పండగ ముగిసినప్పటి నుంచి ఊరు..వాడా ఎక్కడ చూసినా ఎన్నికల ఫలితాలపైనే అందరి దృష్టి నెలకొంది. కాగా ఉమ్మడి కడపలోని 10 స్థానాలకు సంబంధించి పలు సర్వే సంస్థలు ఫలితాలను అంచనావేశాయి. చాణక్య స్ట్రాటజీస్ సంస్థ కూటమికి 2, వైసీపీకి 4, నాలుగు టఫ్ ఫైట్ ఉంటాయని, కేకే సంస్థ కూటమి-5, వైసీపీ-3 గెలుస్తాయని సర్వేలో పేర్కొన్నాయి. ఇదే తుది ఫలితం కాకపోయినప్పటికీ ఓ అంచనా వచ్చేందుకు దోహదపడుతోంది. ఇంతకీ మీ అంచనా ఏంటి..?
News June 1, 2024
బిగ్‌టీవీ సర్వే.. కడపలో ఎవరికి ఎన్ని సీట్లు అంటే..?
ఉమ్మడి కడప జిల్లాలో 10 సీట్లకు గాను NDA కూటమి 4- 5 గెలుస్తుందని బిగ్‌టీవీ సర్వే తెలిపింది. 5-6 సీట్లు వైసీపీ సాధిస్తుందని అంచనా వేసింది. మొత్తంమీద 175 అసెంబ్లీ సీట్లకు గాను 106- 119 కూటమి, 56- 69 సీట్లు వైసీపీ విజయం సాధిస్తుందని వెల్లడించింది.
News June 1, 2024
పోస్ట్ పోల్ సర్వే.. ఉమ్మడి కడప జిల్లాలో టీడీపీకి ఎన్ని స్థానాలంటే
ఉమ్మడి కడప జిల్లాలోని 10 అసెంబ్లీ స్థానాల్లో వైసీపీకి 4-5 స్థానాల్లో, కూటమికి 5-6 స్థానాల్లో విజయం సాధిస్తుందని పోస్ట్‌పోల్ సర్వే తెలిపింది. మరోవైపు జిల్లాలోని కడప, రాజంపేట పార్లమెంట్ స్థానంలో వైసీపీ గెలవనున్నట్లు చాణక్య ఎక్స్ PR సర్వే పేర్కొంది.
News June 1, 2024
చాణక్య, కేకే.. కడప జిల్లాలో ఏ పార్టీకి ఎన్ని సీట్లంటే!
ఉమ్మడి కడప జిల్లాలో 10 స్థానాలకుగాను కూటమి 2, వైసీపీ 4 చోట్ల విజయం సాధించనుండగా.. 4 చోట్ల టఫ్ ఫైట్ ఉండనుందని చాణక్య స్ట్రాటజీస్ సర్వే పేర్కొంది. అలాగే కూటమి 6, వైసీపీ 3, మరోచోట టఫ్ ఫైట్ ఉంటుందని కే.కే సర్వే తెలిపింది. కాగా జూన్ 4వ తేదీన ఎన్నికల ఫలితాలు వెల్లడికానున్నాయి. దీనిపై మీ కామెంట్.
News June 1, 2024
కడపలో షర్మిలకు డిపాజిట్ రాదు: ఆరా
కడప ఎంపీ స్థానం నుంచి పోటీ చేస్తున్న కాంగ్రెస్ అభ్యర్థి వైఎస్ షర్మిలకు డిపాజిట్ కూడా రాదని ఆరా సర్వే అంచనా వేసింది. పరోక్షంగా వైఎస్ అవినాష్ రెడ్డి గెలుస్తారని చెప్పింది. అలాగే కడప నుంచి అంజాద్ బాషా స్వల్ప మెజార్టీతో విజయం సాధిస్తారని చెప్పారు. ఈ నేపథ్యంలో వైసీపీ అభిమానులు సంబరాలు చేసుకుంటున్నారు. తుది ఫలితం ఎలా ఉంటుందో చూడాలి మరి..?
Featured News
Sorry, no posts matched your criteria.