India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 28, 2024
రైల్వే ప్రయాణికులకు గుడ్ న్యూస్
రైల్వే ప్రయాణికులకు ఐఆర్‌సీటీసీ భాగస్వామి RAILOFY రైళ్లలో ఫుడ్ ఆర్డర్ చేసుకునే కొత్త ఫీచర్‌ను తీసుకొచ్చింది. దూర ప్రయాణాలలో దీని ద్వారా పలు రెస్టారెంట్ల నుంచి ఫుడ్ ఆర్డర్ చేసుకోవచ్చు. ముందుగా +917441111266 నంబర్‌కు వాట్సాప్‌లో Hi అని మెసేజ్ చేయాలి. నచ్చిన భాషను ఎంచుకొని వివరాలతో పాటు డెలివరీ స్టేషన్ ఎంచుకోవాలి. సమీపంలో రెస్టారెంట్‌ను సెలక్ట్ చేసి ఆర్డర్ చేస్తే సీటు వద్దకే ఫుడ్ డెలివరీ చేస్తారు.
News October 28, 2024
మా అమ్మ ఏఎన్నార్‌కు వీరాభిమాని: చిరంజీవి
నటుడు అక్కినేని నాగేశ్వరరావుకు తన తల్లి అంజనా దేవి వీరాభిమాని అని మెగాస్టార్ చిరంజీవి తెలిపారు. ‘ఏఎన్నార్ ఫ్యాన్స్‌లో సీనియర్ ఫ్యాన్ మా అమ్మ. నేను కడుపులో ఉన్నప్పుడు ఆయన సినిమా విడుదలైంది. అమ్మ నిండు గర్భిణిగా ఉన్నా తన బలవంతం మీద నాన్న జట్కా బండిలో సినిమాకు తీసుకెళ్లారు. దారిలో బండి తిరగబడినా సినిమా చూశాకే తిరిగి ఇంటికి వచ్చారు. ఏఎన్నార్ అంటే అమ్మకు అంత పిచ్చి ఉండేది’ అని వెల్లడించారు.
News October 28, 2024
కుటుంబంలో చీలిక తెచ్చారు.. శరద్ పవార్‌పై అజిత్ ఫైర్
బారామ‌తిలో త‌న‌కు వ్య‌తిరేకంగా మ‌రొక‌రిని పోటీకి దింపి శరద్ పవార్ కుటుంబంలో చీలిక తెచ్చార‌ని Dy.CM అజిత్ పవార్ విమర్శించారు. లోక్‌సభ ఎన్నిక‌ల్లో బారామ‌తి నుంచి తన భార్య‌ను పోటీకి దింపి త‌ప్పు చేసినట్టు అంగీక‌రించాన‌ని, అయితే ఇప్పుడు ఇత‌రులు కూడా త‌ప్పు చేస్తున్న‌ట్టు క‌న‌బ‌డుతోంద‌న్నారు. అజిత్ సోమవారం నామినేషన్ వేశారు. అజిత్‌కు వ్య‌తిరేకంగా మ‌న‌వ‌డు యుగేంద్రను శరద్ పవార్ రంగంలోకి దింపారు.
News October 28, 2024
వారిని గద్దె దింపేందుకు ఐక్యంగా పనిచేద్దాం: అఖిలేశ్ యాదవ్
మహారాష్ట్రలో మహాయుతి ప్ర‌భుత్వాన్ని గద్దె దింపేందుకు స‌మ‌ష్టి వ్యూహాన్ని ర‌చించ‌డానికి ఐక్యంగా ప‌నిచేయాల‌ని MVA మిత్ర‌ప‌క్షాల‌కు SP చీఫ్ అఖిలేశ్ యాదవ్ సూచించారు. బీజేపీ, అజిత్ పవార్, షిండేల‌ను రాష్ట్ర శ‌త్రువులుగా అభివర్ణించారు. వీరిని ఓడించి సానుకూల మార్పు తీసుకొస్తామ‌ని ధీమా వ్య‌క్తం చేశారు. ఈ ఎన్నిక‌లు మ‌త‌త‌త్వ, వెన్నుపోటు రాజ‌కీయాల నుంచి MHకు విముక్తి క‌ల్పిస్తాయ‌ని పోస్ట్ చేశారు.
News October 28, 2024
వెండి ధరలు మ‌రింత పెరిగే అవకాశం!
రాబోయే 12-15 నెల‌ల్లో మ‌ల్టీ క‌మోడిటీ ఎక్స్‌ఛేంజ్‌ (MCX)లో KG వెండి ధరలు ₹1.25 లక్షలకు చేరుకొనే అవకాశం ఉంద‌ని మోతీలాల్ ఓస్వాల్ సంస్థ అంచ‌నా వేసింది. మ‌ధ్య, దీర్ఘ‌కాలంలో స్వ‌ర్ణాన్ని మించి వెండి రాబ‌డులు ఇచ్చే అవకాశం ఉంద‌ని తెలిపింది. ఈ ఏడాది MCXలో వెండి 40% పైగా పెరిగి ₹ల‌క్ష మార్క్‌ను అధిగ‌మించింది. ఇక బంగారానికి మీడియం టర్మ్లో ₹81 వేలు, లాంగ్ టర్మ్లో ₹86 వేల టార్గెట్ ప్రైస్ సెట్ చేసింది.
News October 28, 2024
అమితాబ్‌కి జీవితాంతం రుణపడి ఉంటాను: చిరంజీవి
ANR నేషనల్ అవార్డ్ ఈవెంట్‌లో అమితాబ్ బచ్చన్‌ను తన గురువు, స్ఫూర్తిగా మెగాస్టార్ చిరంజీవి అభివర్ణించారు. ‘మా కుటుంబంలో ఏ మంచి జరిగినా మెసేజ్ చేసే మొదటి వ్యక్తి ఆయన. నాకు పద్మభూషణ్ వచ్చినప్పుడు చీఫ్ గెస్టుగా వచ్చిన ఆయన నన్ను కింగ్ ఆఫ్ ఇండియన్ సినిమా అన్నారు. ఆయన భారతీయ సినిమాకే బాద్‌షా. ‘సైరా’లో రోల్‌కు ఏమీ తీసుకోలేదు. అందరి ముందూ చెబుతున్నా సార్. నేను మీకు జీవితాంతం రుణపడిపోయాను’ అని పేర్కొన్నారు.
News October 28, 2024
DANGER ALERT: పొద్దున, సాయంత్రం బయటకెళ్తున్నారా..
ఎయిర్ పొల్యూషన్‌తో పెద్దలకే కాదు యువతకూ ఆరోగ్య సమస్యలు వస్తాయంటున్నారు పరిశోధకులు. గాల్లో పెరిగిన నైట్రోజన్ డైయాక్సైడ్, సల్ఫర్ డయాక్సైడ్, కార్బన్ మోనాక్సైడ్ వంటి అణువులతో లంగ్స్, హార్ట్ ఇష్యూస్ వస్తాయని చెప్తున్నారు. హృదయ స్పందన, లయ దెబ్బతిని హార్ట్ ఫెయిల్యూర్‌కు దారితీస్తుందన్నారు. AP, TGలో AQI లెవల్స్ పెరుగుతుండటంతో పొద్దున, సాయంత్రం ఆఫీస్ పనిపై బయటకెళ్తున్నవారు జాగ్రత్తగా ఉండటం మంచిది.
News October 28, 2024
విద్యుత్ ఛార్జీల పెంపు లేదు: ఈఆర్సీ
TG: డిస్కంల విద్యుత్ ఛార్జీల పెంపు ప్రతిపాదనను ఈఆర్సీ తిరస్కరించింది. 800 యూనిట్లు దాటితే ఫిక్స్‌డ్ ఛార్జీలు రూ.10 నుంచి రూ.50కి పెంచేందుకు ప్రతిపాదనలు చేయగా నిరాకరించింది. ఎనర్జీ ఛార్జీలు ఏ కేటగిరిలోనూ పెంచట్లేదని పేర్కొంది. సుధీర్ఘ చర్చల అనంతరం ఈ నిర్ణయం తీసుకుంది.
News October 28, 2024
ధరల భారంతో నష్టాల్లో FMCG మార్కెట్!
Nifty FMCG స్టాక్స్ నేల‌చూపులు చూస్తున్నాయి. గ‌త ఆరేళ్ల‌లో లేని విధంగా Octలో ఇండెక్స్ 9.6% న‌ష్ట‌పోయింది. Sep Q2 ఫ‌లితాలు కూడా ఆశించిన స్థాయిలో లేక‌పోవ‌డంతో ఇన్వెస్ట‌ర్ల‌లో ఆందోళన నెల‌కొంది. క‌మోడిటీల అధిక ధ‌ర‌ల‌తో అర్బ‌న్ ప్రాంతాల్లో అమ్మ‌కాలు తగ్గ‌డం ఈ ప‌రిశ్ర‌మ మీద భారం మోపిన‌ట్టు తెలుస్తోంది. భ‌విష్య‌త్తు ఫ‌లితాల‌పై కంపెనీలు ఆచితూచి మాట్లాడుతుండ‌డం కూడా సెంటిమెంట్‌ను బ‌ల‌హీన‌ప‌ర‌చిన‌ట్టైంది.
News October 28, 2024
రాష్ట్రంలో 13 మంది ఐఏఎస్‌ల బదిలీ
TG: * నల్గొండ- ఐలా త్రిపాఠి, * రంగారెడ్డి-నారాయణ రెడ్డి, * యాదాద్రి-హనుమంతరావు, * పురపాలక శాఖ డైరెక్టర్‌-TK శ్రీదేవి, * CCLA ప్రాజెక్టు డైరెక్టర్‌- మంద మకరందు, * పర్యాటక శాఖ-హనుమంతు, * I&PR ప్రత్యేక కమిషనర్-హరీశ్, * R&R భూసేకరణ కమిషనర్-వినయ్ కృష్ణారెడ్డి, * వాణిజ్య పన్నుల అదనపు శాఖ- నిఖిల్ చక్రవర్తి, * డెయిరీ కార్పోరేషన్ ఎండీ-చంద్రశేఖర్ రెడ్డి, * నిజామాబాద్ మున్సిపల్ కమిషనర్-దిలీప్ కుమార్
Featured News
Sorry, no posts matched your criteria.