India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 28, 2024
విశాఖలో ఇండిగో విమానానికి బాంబు బెదిరింపు
AP: విశాఖ నుంచి ముంబై బయల్దేరాల్సిన ఇండిగో విమానానికి బాంబు బెదిరింపు కాల్ వచ్చింది. మధ్యాహ్నం 3.10 గంటలకు విమానం టేకాఫ్ కావాల్సి ఉండగా బాంబు బెదిరింపుతో అధికారులు అప్రమత్తమయ్యారు. వెంటనే ముమ్మర తనిఖీలు చేపట్టారు. దీంతో ఇప్పటివరకు ఫ్లైట్ విశాఖలోనే ఉండిపోయింది. కాగా ఇటీవల దేశంలో వందల సంఖ్యలో విమానాలకు వస్తున్న బాంబు బెదిరింపు కాల్స్, మెయిల్స్ ఆందోళన కలిగిస్తున్నాయి.
News October 28, 2024
ఈ విషయాలు మీకు తెలుసా?
ఏదోచోట తరచూ వినే పదాల అర్థాలు తెలుసుకుందాం. పంచేంద్రియాలు అంటే కళ్లు, ముక్కు, చెవులు, నాలుక, చర్మం. పంచభూతాలు అంటే భూమి, నీరు, వాయువు, అగ్ని, ఆకాశం. పంచప్రాణాలు అంటే ప్రాణము, అపానము, ఉదానము, వ్యానము, సమానము. పంచారామాలు అంటే ద్రాక్షారామం, కుమారరామం, క్షీరారామం, సోమారామం, అమరారామం. పంచలోహాలు అంటే బంగారం, వెండి, రాగి, సీసం, ఇనుము. లలితకళలు అంటే కవిత్వం, చిత్రలేఖనం, నాట్యం, సంగీతం, శిల్పం. SHARE IT
News October 28, 2024
మరో ఐదుగురు జర్నలిస్టులు మృతి
గాజాపై ఇజ్రాయెల్ వైమానిక దాడుల్లో పలు సంస్థలకు చెందిన మరో ఐదుగురు జర్నలిస్టులు ప్రాణాలు కోల్పోయారు. ఈ దాడులు తమను భ‌య‌పెట్ట‌లేవ‌ని, ఇజ్రాయెల్ నిరంకుశ‌త్వాన్ని వెలికితీయ‌కుండా జ‌ర్న‌లిస్టుల‌ను నిలువ‌రించ‌లేవ‌ని గాజాలోని ప్ర‌భుత్వ మీడియా ఆఫీస్ పేర్కొంది. ఇజ్రాయెల్ దాడుల‌పై అంత‌ర్జాతీయ స‌మాజం చ‌ర్య‌లు తీసుకోవాల‌ని కోరింది. ఇప్ప‌టిదాకా 176 మంది జర్నలిస్టులు ప్రాణాలు కోల్పోయారు.
News October 28, 2024
యంగ్ ప్లేయర్లకు IPLపైనే ఎక్కువ ఇంట్రస్ట్: MSK
భారత క్రికెట్ భవిష్యత్తుపై BCCI మాజీ సెలక్టర్ MSK ప్రసాద్ ఆందోళన వ్యక్తం చేశారు. యువ ఆటగాళ్లలో చాలా మంది దేశానికి ఆడేకంటే IPL ఆడేందుకే ఎక్కువ ఆసక్తి చూపిస్తున్నారని ఓ ఇంటర్వ్యూలో చెప్పారు. ‘IPLతో ప్లేయర్ల మైండ్‌సెట్ మారింది. అన్ని ఫార్మాట్లలో దూకుడుగా ఆడేస్తున్నారు. స్పిన్, స్వింగ్‌ను ఆడే నైపుణ్యాన్ని కోల్పోతున్నారు. ఒకప్పుడు సచిన్, గంగూలీ వంటి వారు ఫార్మాట్‌కు తగ్గట్లు ఆడేవారు’ అని పేర్కొన్నారు.
News October 28, 2024
సూపర్ న్యూస్.. కృష్ణుడి పాత్రలో మహేశ్ బాబు?
సూపర్ స్టార్ మహేశ్ బాబు ఫ్యాన్స్‌కు గుడ్ న్యూస్. రాజమౌళితో మూవీ షూటింగ్ ఇంకా మొదలు కాకపోగా ‘దేవకీ నందన వాసుదేవ’ సినిమాలో ఆయన అతిథి పాత్రలో కనిపిస్తారని తెలుస్తోంది. ఆయన మేనల్లుడు గల్లా అశోక్ హీరోగా నటించిన చిత్రంలో క్లైమాక్స్‌లో కృష్ణుడిగా కనిపిస్తారని నెట్టింట చర్చ జరుగుతోంది. ఈ సినిమాకు ‘హనుమాన్’ దర్శకుడు ప్రశాంత్ వర్మ కథను అందించడం గమనార్హం. కాగా మహేశ్ పాత్రపై త్వరలోనే అధికారిక ప్రకటన రానుంది.
News October 28, 2024
నాలుగు నెలల్లో రూ.47 వేల కోట్ల అప్పు: పేర్ని నాని
AP: సంపద సృష్టిస్తానని అధికారంలోకి వచ్చిన చంద్రబాబు నాలుగు నెలల్లోనే రూ.47 వేల కోట్ల అప్పులు చేశారని మాజీ మంత్రి పేర్ని నాని ఆరోపించారు. జగన్ సృష్టించిన సంపదను కూడా తన వారికి ఇచ్చేస్తున్నారని విమర్శించారు. ప్రజలపై రూ.6.072 కోట్ల కరెంటు ఛార్జీల భారం మోపారని దుయ్యబట్టారు. చంద్రబాబు పాలనలో ఇసుక బంగారంతో సమానంగా మారిందని అన్నారు.
News October 28, 2024
HAIR HEALTH: ఇవి పాటిస్తే సొగసైన జుట్టు మీ సొంతం
* జుట్టుకు ప్రొటీనే బలం. అందుకు మాంసం, ఫిష్, బీన్స్, లో ఫ్యాట్ డైరీ ప్రొడక్ట్స్, గుడ్లు తీసుకోవాలి * జుట్టు రాలొద్దంటే జింక్ ఉండే వెజిటెబుల్స్, ఫ్రూట్స్, ఆకు కూరలు, స్వచ్ఛమైన నీరు తీసుకోవాలి * మాడుపై ఫొలిసిల్స్, సెబాస్టియన్ గ్రంథులకు ఒమేగా 3 ఫ్యాటీ యాసిడ్స్ అవసరం. అప్పుడే జుట్టు రాలడం తగ్గుతుంది * మీ హెయిర్‌టైప్ డ్రై, ఆయిలీనా తెలుసుకోవాలి * తగిన షాంపూ, కండిషనర్ సరైన మోతాదుల్లోనే వాడాలి.
News October 28, 2024
ఫామ్ హౌస్ పార్టీ.. హైకోర్టు కీలక ఆదేశాలు
TG: ఫామ్ హౌస్ పార్టీ కేసులో రాజ్ పాకాలను పోలీసుల ముందు విచారణకు హాజరయ్యేందుకు హైకోర్టు 2 రోజులు సమయం ఇచ్చింది. కాగా KTR బావమరిది అనే కారణంతోనే రాజ్‌ను టార్గెట్ చేశారని ఆయన తరుఫున న్యాయవాది మయూర్ రెడ్డి అన్నారు. పోలీసులు అరెస్ట్ చేయకుండా ఆదేశాలు ఇవ్వాలని కోరారు. మరోవైపు ఈ కేసులో ఎవ్వరిని అరెస్టు చేయలేదని AAG ఇమ్రాన్ కోర్టుకు తెలిపారు. నిబంధనల ప్రకారమే నోటీసులు ఇచ్చామన్నారు.
News October 28, 2024
ఉక్రెయిన్ యుద్ధాన్ని మోదీ అంతం చేయగలరు: జెలెన్‌స్కీ
రష్యా తమపై చేస్తున్న యుద్ధాన్ని ఆపడంలో PM మోదీ కీలక పాత్ర పోషించగలరని ఉక్రెయిన్ అధ్యక్షుడు జెలెన్‌స్కీ అభిప్రాయపడ్డారు. ‘అనేక అంశాల్లో భారత్‌ది ప్రపంచంలో తిరుగులేని స్థానం. అలాంటి దేశానికి మోదీ ప్రధానిగా ఉన్నారు. ఆయన కేవలం యుద్ధం వద్దని చెప్తే సరిపోదు. రష్యా ఆక్రమిత ఉక్రెయిన్ నుంచి వేలాదిమంది పిల్లల్ని మాస్కో తమ దేశానికి తీసుకెళ్లింది. వారిని మాకు వెనక్కి ఇప్పించడంలో మోదీ సహాయం చేయాలి’ అని కోరారు.
News October 28, 2024
నాలుగో పెళ్లి చేసుకున్న మలయాళ నటుడు.. కామెంట్స్ వైరల్
ఇటీవల నాలుగో పెళ్లి చేసుకున్న మలయాళ నటుడు బాలా చేసిన కామెంట్స్ వైరల్‌గా మారాయి. తన పెళ్లి గురించే ఎవరైనా అసూయ పడితే అది వారి తప్పని అన్నారు. అమ్మాయిలు దొరక్క ఇబ్బందిపడే వారు తమను చూసి అసూయ పడుతున్నారని చెప్పారు. అయితే వాళ్ల దగ్గర డబ్బు లేకనే అమ్మాయిలు దొరకడం లేదన్నారు. ప్రతి దానిలో తప్పులు వెతకడమే అలాంటి వారి పని అని చెప్పారు. లూసిఫర్, హిట్ లిస్ట్ వంటి చిత్రాల్లో బాలా నటించారు.
Featured News
Sorry, no posts matched your criteria.