India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 28, 2024
సల్మాన్‌కు దూరంగా ఉండు.. లేదంటే లేపేస్తాం: బిష్ణోయ్ గ్యాంగ్
లారెన్స్ బిష్ణోయ్ గ్యాంగ్ బిహార్ MP పప్పూ యాదవ్‌కు వార్నింగ్ ఇచ్చింది. ‘నిన్ను ట్రాక్ చేస్తున్నాం. సల్మాన్‌ ఖాన్‌తో దూరంగా ఉండు. లేదంటే చంపేస్తాం’ అని ఓ ఆడియో క్లిప్ పంపించారు. ‘జైల్లో ఉన్న లారెన్స్ గంటకు రూ.లక్ష చెల్లించి సిగ్నల్ జామర్స్‌ను నిలిపివేసి, మీతో మాట్లాడటానికి చూస్తున్నారు. కానీ మీరు తిరస్కరిస్తున్నారు. త్వరగా సెటిల్ చేసుకోండి’ అని అందులో సూచించారు. దీంతో పప్పూ పోలీసులను ఆశ్రయించారు.
News October 28, 2024
Stock Market: వరుస నష్టాలకు బ్రేక్
దీపావ‌ళికి ముందు దేశీయ స్టాక్ మార్కెట్లు పుంజుకున్నాయి. వరుస నష్టాలకు బ్రేక్ వేస్తూ బెంచ్ మార్క్ సూచీలు సోమ‌వారం లాభాలు గ‌డించాయి. నిఫ్టీ 158 పాయింట్లు ఎగ‌సి 24,339 వ‌ద్ద, సెన్సెక్స్ 602 పాయింట్ల లాభంతో 80,005 వ‌ద్ద స్థిర‌ప‌డ్డాయి. బీఎస్ఈలో Maruti, Hdfc Bank, TechM, Kotak Bank, Axis Bank మిన‌హా మిగిలిన 25 స్టాక్స్ లాభ‌ప‌డ్డాయి. NSEలో Shriram Fin 5% లాభపడగా, Coal India 3.76% నష్టపోయింది.
News October 28, 2024
ఆర్థిక అనిశ్చితి కారణంగానే చైనా మెత్తబడింది: పరిశీలకులు
ఇతర దేశాలతో నిత్యం కయ్యానికి కాలు దువ్వే చైనా ఇప్పుడు బాగా వెనక్కి తగ్గింది. ఆర్థిక పరిస్థితి అస్థిరంగా ఉండటమే దీనికి కారణమని అంతర్జాతీయ వ్యవహారాల పరిశీలకుడు ఇయాన్ బ్రెమ్మర్ అభిప్రాయపడ్డారు. ‘చైనా ఆర్థిక పరిస్థితి దశాబ్దాల కాలంలో ఎన్నడూ లేనంత ఘోరంగా ఉంది. ప్రొవిన్షియల్ ప్రభుత్వాలు దివాలా తీశాయి. రియల్ ఎస్టేట్ కుప్పకూలింది. ఈ ఒత్తిడే ఆ దేశ విదేశీ విధానాల్లో మార్పును తీసుకొచ్చింది’ అని పేర్కొన్నారు.
News October 28, 2024
BJPకి విజయ్ C-Team అంటూ DMK ఫైర్
ద‌ళ‌ప‌తి విజయ్ స్థాపించిన త‌మిళ‌గ వెట్రి క‌ళ‌గంపై అధికార DMK అప్పుడే విమ‌ర్శ‌లు ఎక్కుపెట్టింది. BJPకి TVK సీ-టీం అంటూ విమ‌ర్శించింది. డీఎంకే విధానాల‌ను కాపీకొట్టి ద్ర‌విడీయ‌న్ మోడ‌ల్ ప్ర‌భుత్వాన్ని త‌మిళ‌నాడు నుంచి ఎవ‌రు వేరు చేయ‌లేర‌ని విజయ్ నిరూపించార‌ని మంత్రి రేగుప‌తి పేర్కొన్నారు. అన్నాడీఎంకే క్యాడ‌ర్‌ను త‌న‌వైపు తిప్పుకోవ‌డానికే ఆ పార్టీని విజయ్ ప‌ల్లెత్తుమాట అన‌లేద‌ని విమ‌ర్శించారు.
News October 28, 2024
40 ఏళ్లకు ఒకసారి దర్శనమిస్తాడు!
కాంచీపురం(TN)లోని అత్తివరదరాజ పెరుమాళ్ ఆలయం గురించి కేంద్ర సాంస్కృతిక మంత్రిత్వ శాఖ ట్వీట్ చేసింది. ఈ ఆలయంలో స్వామి విగ్రహాలు రెండు ఉండగా అందులో ఒకటి మాత్రమే నిత్యం పూజలందుకుంటుంది. కర్రతో చేసిన 9 అడుగుల చెక్క విగ్రహం 40 ఏళ్లకు ఒకసారి 48 రోజులు మాత్రమే భక్తులకు దర్శనమిస్తుంది. అప్పటివరకు ఆ విగ్రహాన్ని ఆలయ పుష్కరిణి అడుగు భాగాన పెట్టెలో భద్రపరుస్తారు. చివరగా 2019లో విగ్రహాన్ని బయటకు తీశారు.
News October 28, 2024
ఆస్ట్రేలియాతో సిరీస్‌కు ఎంపిక.. తెలుగు ప్లేయర్ కీలక వ్యాఖ్యలు
ఆస్ట్రేలియాపై ఆడాలన్నది తన చిన్నప్పటి కల అని తెలుగు ప్లేయర్ నితీశ్ కుమార్ రెడ్డి అన్నారు. దేశం తరఫున టెస్టులు ఆడే అవకాశం రావడం ఆనందంగా ఉందని చెప్పారు. ఆల్‌రౌండర్‌గా రాణిస్తాననే నమ్మకం ఉందన్నారు. AUSలోని పరిస్థితులపై తనకు అవగాహన ఉందని తెలిపారు. SRHకు కమిన్స్ సారథ్యంలో ఆడానని ఇప్పుడు ప్రత్యర్థిగా ఆడనున్నట్లు పేర్కొన్నారు. ఆస్ట్రేలియాతో జరిగే BGTకి నితీశ్ ఎంపికైన సంగతి తెలిసిందే.
News October 28, 2024
పార్టీలపై కీలక ప్రకటన చేసిన మంత్రి పొన్నం
TG: వందల మంది వచ్చి మద్యం తాగాల్సిన పరిస్థితుల్లో ఎక్సైజ్‌శాఖ నుంచి అనుమతులు తీసుకోవాల్సి ఉంటుందని మంత్రి పొన్నం ప్రభాకర్ చెప్పారు. ఒకరిద్దరి విషయంలో ఎలాంటి నిబంధనలు ఉండవని తెలిపారు. రాష్ట్రంలో ఎలాంటి మద్యపాన నిషేధం లేదని, దావత్‌లు చేసుకోవచ్చని స్పష్టం చేశారు. జన్వాడ ఫామ్‌హౌస్‌లో ఎలాంటి నిబంధనలు పాటించకపోవడంతో కేసు నమోదు చేసినట్లు తెలిపారు.
News October 28, 2024
ఓబీసీలను మోదీ వంచించారు: కాంగ్రెస్
కుల‌గ‌ణ‌న‌కు అంగీక‌రించ‌కుండా OBCల‌ను ప్ర‌ధాని మోదీ వంచించార‌ని కాంగ్రెస్ విమ‌ర్శించింది. వ‌చ్చే ఏడాది జ‌న‌గ‌ణ‌న‌కు సిద్ధ‌మైన కేంద్రం కుల‌గ‌ణ‌నను విస్మ‌రించ‌డాన్ని ప్ర‌ధాన విప‌క్షం త‌ప్పుబ‌ట్టింది. ఈ విషయంలో NDA ప్ర‌భుత్వాన్ని ఆపుతున్న‌దేంట‌ని ప్ర‌శ్నించింది. మోదీ తన రాజ‌కీయ అహంకారంతో కుల‌గ‌ణ‌నను ప‌క్క‌న‌పెట్టార‌ంది. దీనిపై NDA మిత్ర‌ప‌క్షాలైన JDU, TDPల వైఖ‌రేంటో చెప్పాల‌ని డిమాండ్ చేసింది.
News October 28, 2024
చైతూ-శోభితపై కామెంట్స్ చేసిన వేణుస్వామికి షాక్
నాగచైతన్య – శోభిత విడాకులు తీసుకుంటారని జోస్యం చెప్పిన వేణుస్వామికి TG హైకోర్టు షాక్ ఇచ్చింది. వారంలోగా ఈ కేసులో చర్యలు తీసుకోవచ్చని మహిళా కమిషన్‌ను న్యాయస్థానం ఆదేశించింది. వేణు స్వామిపై ఫిల్మ్ జర్నలిస్ట్ అసోసియేషన్ చేసిన ఫిర్యాదు మేరకు విచారణకు హాజరుకావాలని గతంలో మహిళా కమిషన్ ఆదేశించింది. ఈక్రమంలో ఆయన కోర్టుకు వెళ్లి స్టే తెచ్చుకున్నారు. తాజాగా ఆ స్టేను హైకోర్టు ఎత్తివేసింది.
News October 28, 2024
TGSP కానిస్టేబుల్స్ వంటమనుషులా?.. వాట్సాప్ మెసేజ్ VIRAL
TGSP కానిస్టేబుల్స్‌ను పైఅధికారులు వ్యక్తిగతంగా ఎలా వాడుకుంటున్నారో తెలిపేలా ఓ వాట్సాప్ మెసేజ్ నెట్టింట వైరల్ అవుతోంది. ఒక IPS ఇంట్లో వంట పని చేసేందుకు కానిస్టేబుల్ లేదా హెడ్ కానిస్టేబుల్ కావాలని, కేవలం వెజ్ ఫుడ్ మాత్రమే వండాలని ఆ మెసేజ్‌లో ఉంది. కాగా TGSP కానిస్టేబుల్స్ పరిస్థితులు మరీ ఇంత దారుణమా? అనే అభిప్రాయం వ్యక్తమవుతోంది. ఇదేంటని అడిగితే డిస్మిస్ చేస్తారా? అని నెటిజన్లు ప్రశ్నిస్తున్నారు.
Featured News
Sorry, no posts matched your criteria.